Լոռու ավանդական դարձած «Բերքի տոն»-ը այս տարի կնշվի Այգեհատում՝ հոկտեմբերի 6-ին

«Բերքի տոն» ավանդական տոնակատարությունը Լոռու մարզում այս տարի կնշվի հոկտեմբերի 6-ին Այգեհատ բնակավայրում:

Լոռու մարզպետարանից ՀԺ-ին փոխանցեցին, որ միջոցառման համար այս տարի ընտրվել է բոլորովին նոր ձևաչափ: Տոնակատարությունը կտեղափոխվի Լոռու մարզի ամենագողտրիկ անկյուններից մեկը՝ Օձուն խոշորացված համայնքի Այգեհատ բնակավայր:

Տոնակատարությունը պատշաճ մակարդակով կազմակերպելու նպատակով Լոռու մարզպետարանում ձևավորվել է աշխատանքային խումբ, այն ղեկավարում է փոխմարզպետ Գայանե Մարկոսյանը: Նա ՀԺ-ի հետ զրույցում ասաց, որ միջոցառման վայրը պատահական չի ընտրվել. «Որպեսզի այնպես չստացվեր, որ մենք ամեն տարի անընդհատ նույն համայնքներն ենք ուժեղացնում ու ակտիվացնում, որոշեցինք ընտրել այլ համայնքներ: Այս մոտեցումը լինելու է շարունակական, հաջորդ տարի էլ ուրիշ համայնքում է իրականացվելու: Սրանով ցանկանում ենք, որ միջոցառմանը եկող հյուրերը նաեւ մյուս համայնքների պոտենցիալը տեսնեն»:

Փոխմարզպետի խոսքով՝ այս տարվա միջոցառումը տարբերվելու է նախորդներից նախ իր բովանդակային մասով. «Հատուկ սցենարիստ ու ձեւավորող ենք ունենալու, փորձելու ենք ավելի շատ համայնքներ ու մասնակիցներ ունենալ, որպեսզի մարզը ամբողջական ներկայացված լինի: Ավելի շատ մարդկանց ու կազմակերպությունների ենք հրավիրելու: Անելու ենք ամենը, որ այդ օրը լինի տոնախմբություն հյուրերի համար»:

Գայանե Մարկոսյանն ասաց նաեւ, որ առիթն օգտագործելու են՝ գործարար միջավայր ստեղծելու համար. «Մենք հրավիրում ենք նաեւ գործարար ոլորտի մարդկանց, որպեսզի այդտեղ նաեւ համագործակցության հնարավորությունները քննարկելի լինեն»:

Փոխմարզպետը վստահեցրեց՝ «Բերքի տոն» միջոցառումից հետո մարզ այցելած հյուրերը չեն ձանձրանա՝ կարող են վայելել Լոռվա գեղեցիկ բնաշխարհն ու այցելել պատմամշակութային վայրեր:

Տարիներ շարունակ «Բերքի տոն» միջոցառումն իրականացվում էր Գյուլագարակ համայնքում, վերջին 2 տարին տեղափոխվել էր մարզկենտրոն Վանաձորի Հայքի հրապարակ: Տոնակատարության ժամանակ գյուղացիները ներկայացնում էին տարվա ստացած բերքն ու բարիքը, գյուղական կոլորիտ տալիս Վանաձորի հրապարակին: Այս ամենը, սակայն, միանշանակ դրական գնահատականի չէին արժանացնում հյուրերը: Շատերը նշում էին, որ «Բերքի տոն»-ը պետք է հենց գյուղական համայնքում կազմակերպվի, ինչը ոչ միայն ավելի բնական տեսք կհաղորդի, այլ նաեւ որոշ իմաստով տվյալ գյուղը ճանաչելի կդարձնի:

Տպել
2651 դիտում

Նախկին պատգամավոր Ալիկ Պետրոսյանը կալանավորվեց. դատարանը հրապարակեց որոշումը

Տղաները մաքսիմում նվիրվեցին, բայց որակական առումով զիջեցինք. ՀՀ ֆուտբոլի հավաքականի մարզիչը՝ Հունաստանին պարտվելու մասին

Քիմ Քարդաշյանն ու Քանյե Ուեսթը վաճառում են իրենց առանձնատունը․ այն գնահատել են 3,5 միլիոն դոլար

Վերջ. ՀՀ ֆուտբոլի հավաքականը պարտվեց դժգույն խաղով ու պաշտոնապես հրաժեշտ տվեց Եվրո 2020-ին

Երեւանում 37-ամյա կինը լույս աշխարհ է բերել 11-րդ երեխային

Քեզ հետ ենք, Վենետիկ․ Իտալիայում ՀՀ դեսպանությունը զորակցություն է հայտնում հեղեղվող քաղաքի բնակչությանը

Նախագահ Արմեն Սարգսյանի հրամանով հետմահու Արիության մեդալով է պարգեւատրվել հրշեջ-փրկարար Սամվել Վարդանի Դևելյանը. ԱԻՆ

Վյաչեսլավ Հարությունովի պաշտպանը դատարանին միջնորդեց դատակոչել Գագիկ Ծառուկյանին, Էդուարդ Բաբայանին, Իվետա Տոնոյանին

Նախագահ Արմեն Սարգսյանն ընդունել է Վրաստանի Համագործակցության հիմնադրամի նախագահին

Բազմամարդ բողոքի ակցիա Թբիլիսիում՝ արտահերթ ընտրությունների պահանջով. 2 օր է՝ երթեւեկելի պողոտան փակ է

Նախագահ Արմեն Սարգսյանը հյուրընկալել է Ղազախստանի խորհրդարանի Սենատի նախագահ Դարիգա Նազարբաևային

Գործկո՛մ, դո՛ւրս. ՀՀ ֆուտբոլի հավաքականի երկրպագուները պահանջում են ՀՖՖ գործկոմի հրաժարականը

Բացառվում է, որ ցանկապատի մեջ ապրենք. Մխիթար Սեբաստացի կրթահամալիրի աշակերտները կենդանի պատ են կազմել

Իսրայելը և Միացյալ Նահանգները ոչ մի բարեկամ չունեն. Հասան Ռոհանի

Վարչապետն ընդունել է Ղազախստանի խորհրդարանի Սենատի նախագահին

Բացահայտվել է Հայոց ցեղասպանության բանաձևն արգելափակած ամերիկացի սենատորի կապը թուրք լոբբիստների հետ

«Իմ Սարյանը» ցուցահանդեսը կշարունակվի մինչև նոյեմբերի 19-ը

ՃՈ-ն ուժեղացված ծառայություն է իրականացնում Ֆրանսիայի հրապարակում

ՀՀ ֆուտբոլի հավաքականի կազմը Հունաստանի դեմ խաղում

ԱՄԷ-ի ներդրողից 515 մլն դրամ է հափշտակվել. հարուցվել է քրեական գործ (տեսանյութ)