56 մլրդ դրամ ԱԱՀ դեբետային պարտքը կվերադարձվի շուրջ 2835 հարկ վճարողների

ՀՀ Ազգային ժողովը քիչ առաջ երկրորդ ընթերցմամբ եւ ամբողջությամբ ընդունեց «ՀՀ հարկային օրենսգրքում փոփոխություններ եւ լրացումներ կատարելու մասին» օրենքի նախագիծը, որով առաջարկվում է ավելի քան 56 մլրդ դրամ ավելացված արժեքի հարկի դեբետային մնացորդները վերադարձնել տնտեսավարողներին։ Նախագծին կողմ քվեարկեց 92 պատգամավոր։

ԱԺ «Բարգավաճ Հայաստան» խմբակցության պատգամավոր Միքայել Մելքումյանը քվեարկությունից հետո նշեց, որ իրենց խմբակցությունը երկու ընթերցումներին էլ կողմ է քվեարկում, բայց տեղին են համարում Մանե Թանդիլյանի մտահոգությունը, որ պետությունը գումար է վերադարձնում 183 խոշոր ընկերությունների, որոնց անունները պատգամավորներին հայտնի չեն։ Մելքումյանն ասաց, որ իր խորհրդարանական վերահսկողության շրջանակներում ԲՀԿ-ն հետեւողականերոն պահանջելու է, որ ՊԵԿ-ի ստուգումների արդյունքում բոլոր տվյալները ստանան, եւ հետեւելու են, որ գումարները ճիշտ ձեւով հասնեն տնտեսվարողներին։

ԼՀԿ խմբակցության ղեկավար Էդմոն Մարուքյանը վարման կարգով ասաց, որ համաձայնության են եկել առ այն, որ խորհրդարանից չի կարող լինել որեւէ գաղտնի ցանկ, թե որ ընկերություններին է տրվում գումար․

«Խորհրդարանը չի կարող կուրորեն տալ գումար, բայց մեզ ասել են, թե սա հարկային գաղտնիք է։ Մենք հետեւողականորեն ենք լինելու ցանկը ստանալու հարցում։ ՊԵԿ նախագահ Դավիթ Անանյանին էլ հրավիրելու ենք խմբակցություն՝ հարցը քննարկելու»։

Նույն խմբակցության պատգամավոր Մանե Թանդիլյանը, որը քվեարկությունից առաջ հայտարարել էր, որ, իր, ունեցած տվյալներով, հարկ վճարողներին վերադարձվելիք ԱԱՀ դեբետային գումարների զգալի մասը՝ մոտ 1,5 մլրդ, վերադարձվելու է Սերժ Սարգսյանի եղբոր ընտանիքին պատկանող կազմակերպություններից մեկին, չմասնակցեց օրինագծի քվեարկությանը։ Նա պարզաբանեց, որ չի քվեարկել այն պատճառով, որ կան փոքր ընկերություններ, որոնք շահելու են, բայց սա անընդունելի պրակտիկա է, երբ գումար են վերադարձնում չգիտեն՝ ում․

«Այսօր թալանի միջոցով գումարներ կուտակածներին չենք կարող գումարներ տրամադրել, այն դեպքում, երբ հաշմանդամություն ունեցող անձանց անվճար կրթության նախագծին դեմ ենք քվերակում՝ գումար չլինելու պատճառով»,- նկատեց պատգամավորը։

«Իմ քայլը» խմբակցության պատգամավոր Արտակ Մանուկյանն էլ իր հերթին ասաց, որ ամենավատ բանը որեւէ տնտեսվարողի նկատմամբ խտրական վեարբերմունքն է։ Այլ հարց է, որ մտահոգություններ կան, բայց խորհրդարանն ունի վերահկսող գործիքակազմ։

Հիշեցնենք, որ այս օրինագծով առաջարկվում է ԱԱՀ-ի վերադարձման նորմը կիրառել ԱԱՀ-ի բոլոր դեբետային գումարների վրա՝ ըստ էության «հնի» եւ «նորի» որեւէ տարանջատում չդնելով: Հին դեբետային գումարները, որոնք հետ չեն վերադարձվում, կազմում են ավելի քան 56 մլրդ դրամ: Պետությունն այդ պարտավորությունն ունի շուրջ 2835 հարկ վճարողների նկատմամբ: Նրանցից 2571-ը գործող են, որոնց նկատմամբ պետության ունեցած պարտքը կազմում է 50 մլրդ 748 մլն դրամ: Պետությունը նախատեսում է մինչեւ տարեվերջ վերադարձնել այդ 2571 տնտեսվարողների՝ ԱԱՀ-ի դեբետային մնացորդները:

Տպել
1760 դիտում

Հայաստանում եղանակը կցրտի մինչև 8 աստիճանով, սպասվում է անձրև և ամպրոպ

Հրդեհ Վարդենիս քաղաքում. այրվել է տան փայտյա տանիքը

«Ավրորա» ֆորումի մասնակիցներն այցելել են Ծիծեռնակաբերդ. Իրականացվել է «Հիշատակի ծառատունկ»

Փոխվարչապետ Մհեր Գրիգորյանը հանդիպել է ԱՄՀ հոլանդաբելգիական ենթախմբի գործադիր տնօրենի հետ

Հայկ Մարությանն ընդունել է Ստեփանակերտի նորընտիր քաղաքապետին

Այսօր կանցկացվի Խնձորի առաջին փառատոնը

Մեր սիրած կիրակին. Նիկոլ Փաշինյանն ընտանիքի հետ պիկնիկ է անում (տեսանյութ)

Արտաշատում հարազատների գերեզմանի մոտից հրազենային վնասվածքով հիվանդանոց է տեղափոխվել 35-ամյա տղամարդ

Մեր սիրած կիրակին. Աննա Հակոբյանը լուսանկար է հրապարակել

«Ավրորա»-ն դարձել է մեր՝ «Խաղաղության համար շնորհվող Նոբելյան Մրցանակը». Նիկոլ Փաշինյան

Հայկ Մարությանն ու Էրմիտաժի գլխավոր տնօրենն այցելել են Կարմիր բլուր հնավայր

Երևանի բոլոր վարչական շրջաններում գիշերը տոնական միաժամանակյա հրավառություն է եղել

Հրդեհ է բռնկվել Արագածոտնի մարզի Աղձք գյուղի մշակույթի նախկին տանը

Տեղեկությունները, թե «Գյումրու տուն-ինտերնատ»ի տարեց խնամյալները դուրս են հանվելու, կեղտոտ մանիպուլյացիա են. նախարար

Սյունիքի մարզում ՈւԱԶ-ը դուրս է եկել երթևեկելի գոտուց և հայտնվել ձորում. վարորդը հոսպիտալացվել է

Լիբանանում ՀՀ դեսպանությունը հորդորում է Բեյրութ այցելած ՀՀ քաղաքացիներին հեռու մնալ մարդաշատ վայրերից

Բանջարաբոստանային կրքեր. նախընտրական կմախքներ ՀՀԿ-ից

Երևանի տոնին նվիրված հրավառությունից հետո հրդեհ է բռնկվել Մատենադարանի հետնամասում. այրվել է մոտ 4000 քմ խոտածածկույթ

Ձայներ առնեմ ցորենով. իրավախախտ «բարեգործները»

Բենդերը, բայց ոչ՝ օստապ. ո՞ւր են կորել դպրոցի փողերը