Երեւան-Գյումրի գնացքի տոմսերի համար 3-4 ժամ հերթ են կանգնում, տոմսեր վաճառում են միայն բողոքներից հետո. ահազանգ

Ինչպես արդեն հայտնի է, ՀՀ անկախության տոնի 28-ամյակի միջոցառումները այս տարի տեղի են ունենում Գյումրիում: Միջոցառումների օրակարգը բավական խիստ է, հյուրատներում եւ հյուրանոցներում դեռ մեկ շաբաթ առաջ հնարավոր չէր գտնել ազատ տեղեր:

Վաղ առավոտից Երեւանից Գյումրի գնացքով հասնելը չափազանց բարդ խնդիր է դարձել: Քաղաքացիներն ահազանգում են, որ տոմսեր ձեռք բերել գրեթե անհնար է, դրամարկղերի մոտ մի քանի մետրանոց հերթեր են, մարդիկ սպասում են 3-4 ժամ՝ գնացքի տոմս գնելու համար:

Բժիշկ-համաճարակաբան, հանրային առողջապահության մասնագետ Տիգրան Ուգուջյանը ֆեյսբուքի իր էջի միջոցով առավոտյան ներկայացրել էր կայարանում տիրող իրավիճակը, որը վերածվել էր աղմուկի ու քաշքշոցի: Թե ինչն էր քաշքշուկի եւ վեճի պատճառը ու ինչ վիճակ է տիրում կայարանում, պարզեցինք հենց Տիգրան Ուգուջյանից:

Մեզ հետ զրույցում բժիշկը, որն ընկերների հետ ցանկանում էր հանգստյան օրերը կազմակերպել Գյումրիում, նշեց, որ իրենց ավելի վաղ ասել են, թե Երեւան-Գյումրի գնացքի տոմս ձեռք բերելու համար պետք է առավոտ վաղ արդեն հերթ կանգնել, ինչն էլ իրենք արել են, ժամը 08-ից դրամարկղի մոտ սպասում են.

«Տոմսեր չկան, ոչ ոք հստակ չի ասում, թե քանի գնացք է լինելու, որտեղից է մեկնելու, ռուսական ընկերությունը կայք չունի, կայքում նշված օֆիցիալ ժամեր չունեն: Ասեցին առավոտ շուտ եկեք հասեք, որ տոմս վերցնեք: 8-ից էստեղ ենք, արդեն մեծ հերթ կա: 9:15-ին մեկնող գնացքի համար տոմս արդեն չկար, ասում են 9:15-ը գնա, 9:55-ին մեկնող գնացքի տոմսերը կվաճառենք: 9:15 գնացքը շարժվում է,  9:16 կասսան փակում են:

Բարկացած, տաքացած երիտասարդները վազեցին մտան գնացք ու ասեցին, որ դուրս չեն գալու, մինչեւ իրենց եւս տոմսեր վաճառեն: Տեղում հերթապահող ոստիկաններ են մոտեցել, բանակցել են, երիտասարդները դուրս են եկել:

Մեզ ասեցին, որ մարդ է եկել միանգամից 100 հատ տոմս է գնել, նման օրով միանգամից 100 տոմս են վաճառու՞մ,  ասում ենք բա մե՞նք, որ 8-ից սպասում ենք:

Էլ չեմ ասում անբարեկիրթ արտահայտություններ մեր հասցեին...  Մեզ ասում են ներսում գտնվող մարդիկ տոմսը ճարել են, ճարելը ո՞րն ա, տոմսը կամ առնում են կամ չեն առնում, ի՞նչ է նշանակում ճարել»:

Տիգրան Ուգուջյանի փոխանցմամբ, վերջապես իրենց հայտնել են, որ ժամը 11-ին արտահերթ գնացք է լինելու: Մինչ այդ լուրը հայտնելն արդեն բարկացած ու հիասթափված բավական թվով մարդիկ են հեռացել՝ մտածելով, որ այլեւս տոմս չեն կարողանա ձեռք բերել:

Տեղում հավաքվածները նաեւ դժգոհում էին, որ եթե կար տարբերակ արտահերթ մեկնում կազմակերպելու, ինչու՞ այդ մասին չէր հայտարարվում բարձրախոսների միջոցով: 

Արտահերթ գնացքը մեկնել է ժամը 11:00-ին, սա նշանակում է, որ գնացքում գտնվող մարդիկ հասնելու եւ մասնակցելու են միջոցառումներին կեսից: Քաղաքացիները նշում էին, որ անհնար էր չիմանալ, որ այսօր մեծ թվով մարդիկ են Երեւանից հասնելու Գյումրի, արտահերթ չվացուցակներ կազմակերպելու հարցը կարելի էր ավելի վաղ կազմակերպել:

Մեծ թվով մարդկանց բողոքներից ու գոռգոռոցներից հետո ի վերջո որոշվել է դարձյալ արտահերթ մեկնում կազմակերպել, ժամանել է այլ գնացք եւս: Բժիշկ Ուգուջյանի խոսքերով, հնարավոր էր քաշքշուկից ու բողոքի ալիքից խուսափել՝ ընդամենը հայտարարելով, որ արտահերթ գնացքներ են լինելու եւ մարդիկ առանց տոմսի չեն մնալու:

Տպել
1953 դիտում

«Մել». ծանրամարտիկ Մելինե Դալուզյանի մասին ֆիլմ է նկարվում. նա 5-6 տարեկանում ամեն երեկո աղոթում էր, որ տղա դառնա

Երեւանում երիտասարդը փորձել է վրեժխնդիր լինել ավտոմեքենայով կատարած վրաերթի միջոցով. նրան մեղադրանք է առաջադրվել

Առաջին անգամ Հայաստանում կատարվել է լյարդի փոխպատվաստում երեխային կենդանի դոնորից. Արսեն Թորոսյան (տեսանյութ)

ԱԺ-ն ընդունեց կենդանիների նկատմամբ դաժան վերաբերմունքը քրեականացնող նախագիծը

ՀՀ ՊՆ պատվիրակությունը մեկնել է Մոսկվա՝ բանակցելու ռազմարդյունաբերական ձեռնարկությունների ներկայացուցիչների հետ

Գեւորգ Պետրոսյանը «գիշերօթիկներ»-ի հարցը խեղաթյուրում է. նախարարի խորհրդականի արձագանքը

Խորհրդարանն առաջին ընթերցմամբ ընդունեց ընդերքօգտագործման ոլորտի իրական սեփականատերերի բացահայտման վերաբերյալ օրինագիծը

Գագիկ Բեգլարյանի օրոք 15 միլիոն դրամով ձեռք բերված մեքենան օտարվում է

Սիրիայում ռազմական գործողությունները վերսկսելու կարիք այս պահին չկա. Թուրքիայի ՊՆ

Նախագահ Արմեն Սարգսյանը Տոկիոյում հանդիպել է Վրաստանի նախագահ Սալոմե Զուրաբիշվիլիի հետ

Հայաստանն ու Հնդկաստանը կխորացնեն համագործակցությունը տեխնոլոգիական ոլորտում

Մետաքսի ճանապարհ, 1,5 մլրդ դոլար ծրագրերի փաթեթ. Տիգրան Ավինյանը հանդիպել է Ասիական զարգացման բանկի փոխնախագահին

Մեսսիի ռեկորդը գերազանցված է. նոր ցուցանիշի հեղինակը Մբապեն է

Կառավարության սուբվենցիոն ծրագրով հիմնանորոգվում է Վանաձորի Ռուբեն Սեւակի անվան զբոսայգին, նաեւ հատվել են ծառեր

Աշխատանքային իրավունքների իրազեկման համար ՄԻՊ-ն ու Բուլղարիայի դեսպանատունը մեկնարկում են ծրագիր

Քննարկել են համատեղ ծրագրեր. ԿԲ նախագահն ու ՀՀ փոխվարչապետը հանդիպել են ԱՄՀ գործադիր տնօրեն Կրիստալինա Գեորգիեւայի հետ

Տիգրան Ավինյանը հանդիպել է Վրաստանի խորհրդարանի նախագահի հետ եւ խոսել վիրահայ համայնքի դերակատարության մասին

Խորհրդարանն ընդունեց ճանապարհային երթեւեկության խախտումները նկարահանելու վերաբերյալ աղմկահարույց օրինագիծը

Խնջույքի ժամանակ որևէ վիրավորական արտահայտություն չի հնչել. ՔԿ

Թաթան, Իվետա Մուկուչյանը, Արման Հովհաննիսյանը, Արսեն Սաֆարյանը, Սիլվա Հակոբյանը հայտարարագրել են իրենց եկամուտները