Ինչպիսին կլինեն տոնական միջոցառումները Գյումրիում ու Երեւանում. ժամանակացույց

21/09/2019 schedule10:25

Այս տարի սեպտեմբերի 21-ին՝ Հայաստանի անկախության օրը, Երեւանն, ինչպես հայտնի է, պակաս տոնական է լինելու: Փոխարենը մեր հանրապետության 28-ամյակին նվիրված միջոցառումների հիմնական մասը կանցկացվի Գյումրիում՝ «Գուկաս Գյումրի» կարգախոսով:

Միջոցառումների շարքը, որը ներկայացնում ենք ստորեւ, բավական մեծ է ու բազմազան՝ տարբեր համերգներ, ցուցադրություններ, ֆիլմի դիտում եւ այլն:

Գյումրի

Ժ. 12:00 - 17:00 - Շահումյան (Վարպետաց) փողոցում տեղադրված տաղավարներում Գյումրու վարպետները կներկայացնեն իրենց աշխատանքները, կանցկացնեն վարպետաց դասեր, ինչպես նաեւ տեղի կունենա ցուցահանդես-վաճառք:

Ժ. 12:00-23:00 - Գյումրու հայտնի ռեստորաններն ու սննդի կետերն առանձին տաղավարներով ներկայացված կլինեն Աբովյան փողոցում եւ բաց կլինեն մինչեւ միջոցառումների ավարտը: 

Վարդանանց հրապարակը կվերածվի մանկական ավանի: Նախատեսված են ճանաչողական եւ ուսուցողական խաղ-մրցույթներ, հայկական ավանդական մանկական խաղեր եւ այլն:
ժ. 12:00-13:00 - կավճանկարչություն
ժ. 13:00-14:00 - սպորտային խաղեր եւ առողջ ապրելակերպի քարոզչություն
ժ. 14:00-15:00 - ուսուցողական ճանաչողական խաղեր
ժ. 15:00-16:30 - փողային նվագախմբերի շքերթ եւ շարանցում (դեֆիլյե)
ժ. 16:30-18:00 - համերգային ծրագիր

Ժ. 11:00-23:00 - Կենտրոնական զբոսայգում առանձին տաղավարներով կներկայանան Երեւանում հայտնի բարերն ու սրճարանները, այդ թվում՝ Epicure, Second Floor, Paparazzi, Yar, Kond House: 

Ժ. 12:00-17:00 - Ռուսթավելի փողոցում առանձին տաղավարներով կներկայացվի ՀՀ մարզերի կոլորիտը: 

Ժ. 14:00-ից Հովհ. Շիրազի տուն-թանգարանի բակում՝ քաղաքական, հասարակական, մշակութային գործիչների մասնակցությամբ, տեղի կունենա հանրային քննարկում «Համայնքների համաչափ զարգացման տեսլականը» թեմայով:

Ժ. 14:00-ին - «Հոկտեմբեր» կինոթատրոնում առաջին անգամ կցուցադրվի ռեժիսոր Սոնա Սիմոնյանի «Մեծ սպասելիքներ» վավերագրական ֆիլմը

Ժ. 12:00-17:00 - Աբովյան փողոցում առանձին տաղավարներով կներկայացվի Շիրակի մարզի կոլորիտը:

Ժ. 09:00-20:00 - Հովհ. Շիրազի տուն-թանգարանի մուտքը կլինի անվճար։ 

ժ. 16:00-ից- Մարիամ եւ Երանուհի Ասլամազյան քույրերի պատկերասրահում՝ «Անկախության գեղեցկությունը» ցուցահանդեսի բացում: Մասնակցելու են երկու տասնյակից ավելի արվեստագետներ մոտ հարյուր աշխատանքներով: Մուտքը կլինի անվճար։

Ժ. 09:00-20:00 - Ավետիք Իսահակյանի տուն-թանգարան մուտքը կլինի անվճար։

Ժ. 09:00-20:00 - Մհեր Մկրտչյանի տուն-թանգարան մուտքը կլինի անվճար։

Ժ. 11:00-23:00 – Կենտրոնական զբոսայգում Էլեկտրոնային երաժշտություն

Ժ. 11:30-18:30 - Ռիժկովի փողոց, ջազ համերգ:

Ժ. 13:00-18:45 - Գորկու եւ Աբովյան փողոցների խաչմերուկում փոփ համերգ

Ժ. 11:00 - 23:00 - Կենտրոնական այգի, Վինիլ բեմ

Ժ. 19:00 - 23:00 – Վարդանանց հրապարակ, գալա համերգ: Ելույթ կունենան հայկական եւ արտասահմանյան խմբեր՝ Supacooks (Հայաստան), Dole & Kom (Գերմանիա), Capital Cities (ԱՄՆ)

ԵՐԵՎԱՆ

Երեւանի որոշ վարչական շրջաններում Անկախության օրվան նվիրված միջոցառումներ չեն լինելու: Այս մասին «Հայկական ժամանակ»-ը տեղեկացավ՝ զրուցելով գրեթե բոլոր վարչական շրջանների համապատասխան բաժինների աշխատակիցների հետ:

Էրեբունի վարչական շրջանի կայարանամերձ հրապարակում համերգային ծրագիր է նախատեսված ժ. 18:30-ին:

Շենգավիթ վարչական շրջանի Գարեգին Նժդեհի անվան հրապարակում նախատեսված է համերգային ծրագիր՝ ժամը 19:00-ին: Վարչական շրջանի աշխատակազմից մեզ փոխանցեցին, որ լինելու են նաեւ հայտնի երգիչ երգչուհիներ, սակայն անուններ չտվեցին՝ նշելով, որ դեռեւս քննարկման փուլում է:

Նոր Նորք վարչական շրջանում նույնպես համերգային ծրագիր է նախատեսված: Այն տեղի է ունենալու Թաթուլ Կրպեյանի անվան զբոսայգում, ժամը 19:00-ին:

Ավան վարչական շրջանում Անկախության օրվա կապակցությամբ միջոցառումներ նախատեսված չեն:

Աջափնյակ վարչական շրջանում նախատեսված է համերգ, որի ժամանակ ելույթ կունենան Ելենա Երեւանցին, Արամ Մովսիսյանը, Լայանան, Հասմիկ Բալասանյանը, Լուսինե Մկրտչյանը, Արման Առաքելյանը եւ «Անի-Արմ», «Վանք», «Զարթոնք», «Վարք հայոց» պարային համույթները: Համերգը կմեկնարկի ժամը 19:00-ին՝ Հալաբյան 53 շենքի հարակից պուրակում:

Արաբկիր վարչական շրջանում ժամը 12:00-ին տեղի կունենա տոնական միջոցառում: Միջոցառումը տեղի կունենա Արաբկիրի եկեղեցու բակում: 

Նորք-Մարաշ վարչական շրջանում միջոցառումներ չեն լինելու:

Քանաքեռ-Զեյթուն վարչական շրջանում ժամը 13:00-ին՝ ռուսական եկեղեցու հարեւանությամբ նախատեսված է տոնական միջոցառում:

Մալաթիա-Սեբաստիա վարչական շրջանում նախատեսված է համերգ: Այն տեղի կունենա Երիտասարդական զբոսայգու բեմահարթակում՝ ժամը 19:00-ին: Վարչական շրջանի աշխատակազմի փոխանցմամբ միջոցառմանը հայտնի երգիչ երգչուհիներ են լինելու, սակայն անուններ չնշեցին, թե ովքեր:

Կենտրոն վարչական շրջանում՝ Կարապի լճի հարակից տարածքում նախատեսվում է ցուցահանդես-վաճառք: Տարբեր հեղինակներ ներկայացնելու են իրենց ձեռքի աշխատանքը: Համերգային ծրագիր նախատեսված չէ: Իսկ ցուցահանդես-վաճառքը սկսվելու է ժամը 11:00-ից եւ տեւելու է մինչեւ ժամը 20:00-ն:

Դավթաշեն վարչական շրջանում՝ ժամը 18:00-ին տեղի է ունենալու տոնախմբություն: Միջոցառումը տեղի կունենա Դավթաշենի Կենտրոնական այգում: 

Նուբարաշեն վարչական շրջանում նախատեսված է համերգ: Այն կմեկնարկի ժամը 17:30-ին Նուբարաշենի կենտրոնական զբոսայգու հարակից տարածքում: 

ՀՀ անկախության 28-րդ տարեդարձի միջոցառումների կազմակերպման նպատակով պետական բյուջեից ծախսվել է 220 մլն դրամ: Գյումրու համայնքային բյուջեից որեւէ լումա չի ծախսվել: Համեմատության համար նշենք, որ, օրինակ, 2018-ին Սարդարապատի միջոցառման համար նախատեսված միջոցներից միայն հրապարակում գալա համերգի համար ծախսված գումարը կազմել էր 425 մլն դրամ:

Տպել
1142 դիտում

Երևանի բոլոր վարչական շրջաններում գիշերը տոնական միաժամանակյա հրավառություն է եղել

Հրդեհ է բռնկվել Արագածոտնի մարզի Աղձք գյուղի մշակույթի նախկին տանը

Տեղեկությունները, թե «Գյումրու տուն-ինտերնատ»ի տարեց խնամյալները դուրս են հանվելու, կեղտոտ մանիպուլյացիա են. նախարար

Սյունիքի մարզում ՈւԱԶ-ը դուրս է եկել երթևեկելի գոտուց և հայտնվել ձորում. վարորդը հոսպիտալացվել է

Լիբանանում ՀՀ դեսպանությունը հորդորում է Բեյրութ այցելած ՀՀ քաղաքացիներին հեռու մնալ մարդաշատ վայրերից

Բանջարաբոստանային կրքեր. նախընտրական կմախքներ ՀՀԿ-ից

Երևանի տոնին նվիրված հրավառությունից հետո հրդեհ է բռնկվել Մատենադարանի հետնամասում. այրվել է մոտ 4000 քմ խոտածածկույթ

Ձայներ առնեմ ցորենով. իրավախախտ «բարեգործները»

Բենդերը, բայց ոչ՝ օստապ. ո՞ւր են կորել դպրոցի փողերը

Հրդեհ՝ Երևանի Բատիկյան փողոցում. տանը հայտնաբերվել է բնակչի դին

Նիկոլ Փաշինյանը՝ մեծ կտավի մեկ մասնիկի առաջին գնորդն ու կտավն ամբողջացնող վերջին այցելուն Գյումրիում

Աննա Հակոբյանը մասնակցել է Ararat challange փառատոնի բացման արարողությանը

Բաքվում չարտոնված ցույցի պատճառով փակել են մետրոյի երեք կայարան

Աննա Հակոբյանը մասնակցել է «Առողջ ապրելակերպը՝ բոլորի համար» խորագրով սպորտային տոնին

Ուկրաինայի խորհրդարանում Հայաստանի հետ միջխորհրդարանական կապերի պատգամավորական խումբ է ստեղծվել

Հյուսիսային մաքսատունը Գյումրիում կբացվի այս տարի. հստակ ժամկետ, սակայն, չկա

«Էրեբունի-Երեւան» միջոցառումների շրջանակներում սպասվում է անակնկալ. Հայկ Մարության

Ապօրինի գույքի «քաղհալածյալ» սեփականատերերը․ նախկին իշխանություններին խիստ մտահոգել է օրենքի նախագիծը

Վարչապետը ծանոթացել է Արտաքին տնտեսական գործունեության սպասարկման կենտրոնի շինաշխատանքներին

Այս տարվա առաջին 9 ամիսներին արձանագրվել է 3444 ճանապարհատրանսպորտային պատահար