Հայաստանցի երեխաներին համացանցում ամենաշատը հետաքրքրում է հաղորդակցումը

19/09/2019 schedule11:09

Անցած ամառային արձակուրդներին հայաստանցի երեխաներին առավել հետաքրքրել է հաղորդակցումը (51,96%), ծրագրային ապահովումը և երաժշտությունը սոցիալական ցանցերում, ինչպես նաև՝ YouTube-ի տեսանյութերը, նոր սերիալները և ֆիլմերը։ Այս մասին հայտնում են «Կասպերսկի» ընկերության Հայաստանի ներկայացուցչությունից։

«Նրանք բավական ժամանակ են ծախսել նաև՝ առցանց-խանութների տեսականին ուսումնասիրելու համար (9,22%)։ Թերևս, հայաստանցի երեխաների համեմատաբար տարածված միակ ակտիվությունը, որը կարող է նրանց ծնողների տագնապի պատճառ դառնալ, դարձել է «Զենք» թեմատիկայով վեբ-հարթակների այցելությունը (7,84%)։ Իսկ ահա այլ անհարիր՝ էրոտիկայի և պոռնկագրության, ալկոհոլի և թմրամիջոցների, բռնության և մոլախաղերի տիպի թեմաներով երեխաները շատ ավելի քիչ են հետաքրքրվել, քան դրանից ավանդաբար զգուշանում են ծնողները։

Վերլուծելով աշխարհով մեկ երեխաների անանուն դարձրած որոնողական հարցումները՝ «Կասպերսկի» ընկերության փորձագետները հանգել են այն եզրակացության, որ այս ամառ նրանք ամենից հաճախ փնտրել են ֆիլմեր և սերիալներ՝ որոնողական համակարգերում բոլոր հարցումների 22%-ը։ Դեպքերի մեծամասնությունում երեխաները հետաքրքվել են «Սարդ-մարդու» մասին ֆիլմով։ Նրանց ուշադրությունը նաև սևեռվել է «Ալլադին»-ի դիսնեյյան էկրանավորմանը և Ջոն Ուիքի մասին մարտաֆիլմի երրորդ մասին։

Ինչ վերաբերում է սերիալներին, ապա Հայաստանում, ինչպեսև, ընդհանուր առմամբ, ամբողջ աշխարհում, պատանի օգտատերերն ամենից հաճախ փնտրել են Netflix-ի «Շատ տարօրինակ գործերի» նոր խաղաշրջանը։ Ընդ որում, նրանց հետաքրքրել է ոչ միայն հենց սերիալը, այլև երիտասարդ դերասանների մասին տեղեկատվությունը, որոնցից շատերը նրանց հասակակիցներն են։ Երեխաների շրջանում ժողովրդականության առումով երկրորդ տեղում է HBO-ի «Չեռնոբիլ» սերիալը։ Հետաքրքրական է, որ այս սերիալի հաջողության ֆոնին երեխաներն սկսել են հետաքրքվել ճառագայթումով և դրա հետ կապված ամեն ինչով. որոնողական հարցումներում հայտնվել են «ռադիոակտիվ», «ռադոն» և այլ նման բառեր, որոնք նախկինում չէին հայտնվում նույնիսկ տասը հազար առավել տարածվածների թվում։

Ըստ ամենայնի՝ ամռանը երեխաներն ունենում են առցանց-խանութներ այցելելու ավելի շատ ժամանակ։ Ինչպես վկայում է «Կասպերսկի» ընկերության համաշխարհային վիճակագրությունը, տարվա ընթացքում «Էլեկտրոնային առևտուր» կատեգորիային միջին հաշվով բաժին է ընկել որոնողական հարցումների 9%-ը, իսկ ամռանն այդ ցուցանիշն աճել է մինչև գրեթե 13%։

Շոփինգի հետ կապված ամենատարածված հարցումներ են դարձել Amazon-ը, eBay-ը և AliExpress-ը։ Հագուստի և կոշիկի բրենդերից երեխաներին ամենաշատը հետաքրքրել են Vans-ը, Gucci-ն, Zara-ն, H&M-ը, Off-White-ը և Balenciaga-ն։ Տեխնիկայի պարագայում էլ նրանց հետաքրքրել է Apple-ի և Samsung-ի արտադրանքը: 

Այս տարվա արդյունքներով հետաքրքրական միտումներից մեկն է դարձել երեխաների մեծ ուշադրությունը ցանցում գաղտնիության և անանունության թեմային. նրանց ամենատարածված որոնողական հարցումների թվում են այնպիսի բառեր, ինչպիսիք են Proxy-ն և Tor-ը։ Փորձագետները նշում են, որ այդ թեմայի նկատմամբ պատանի օգտատերերի հետաքրքրությունը, ընդհանուր առմամբ, աճում է, թեև՝ բավական դանդաղ։

«Երեխաները շատ լավ տեղեկացված են այն մասին, թե ինչ է տեղի ունենում աշխարհում։ Այս ամռան աղմուկ հանած շատ համացանցային իրադարձություններ նրանց ուշադրությունից զերծ չեն մնացել։ Օրինակ՝ Roblox խաղի 100 միլիոն օգտատերերի մեծամասնությունը երեխաներն են։ Իսկ TikTok սոցիալական ցանցի արշալույսին դրա հիմնական օգտատերերն են եղել հենց դպրոցականները, և արդեն հետո նրանց են միացել մեծահասակաները- պատմում է «Կասպերսկի» ընկերության բովանդակության վերլուծության փորձագետ Աննա Լարկինան։- Ուսումնասիրելով մեր երեխաների հետաքրքրությունները՝ մենք կարող ենք ոչ միայն իմանալ, թե ինչն է մտահոգում հենց իրենց, այլև բացահայտել հետաքրքրիր շատ բաներ։ Այդպես ծնողները հնարավորություն են ստանում երեխայի հետ քննարկել այն թեմաները, որոնք հետաքրքրում են հենց իրեն։ Իսկ վստահելի հարաբերությունները և բաց խոսակցությունն այն բանի գրավականն են, որ երեխան մտերիմներին կպատմի ոչ միայն այն հրապուրիչ բաների մասին, որոնք նա գտել է ցանցում, այլև այն մասին, թե ինչն է հարուցում նրա կասկածները կամ մտավավախությունները»։

Երեխաներին անցանկալի բովանդակությունից և այլ համացանցային վտանգներից կարելի է պաշտպանել Kaspersky Safe Kids լուծման օգնությամբ։ «Կասպերսկի» ընկերության այդ լուծումը  հայտնաբերում և արգելափակում է բազմաթիվ արդիական կիբեռսպառնալիքներ, զտում անցանկալի բովանդակությունը և կանխում առցանց շփումները հնարավոր վտանգ ներկայացնող անծանոթների հետ։ Բացի այդ՝ նշված լուծման օգնությամբ, ծնողները կարող են տեղյակ լինել սոցիալական ցանցերում երեխայի հրապարակումներից և նրա ընկերների ցանկի փոփոխություններից, ինչպես նաև իմանալ նրա գտնվելու վայրն իրական ժամանակի ռեժիմում։ 

Այս ամառ երեխաների համացանցային հետաքրքրությունների մասին ավելի մանրամասն կարդացեք այստեղ՝ https://securelist.ru/parental-control-report-summer-results/94640/», - ասված է հաղորդագրության մեջ։

Տպել
378 դիտում

Մոսկվայում աճուրդի կհանվեն կալանավայրից Փարաջանովի գրած նամակները

Սլովակիայի նախկին նախագահը մեղադրվում է հարկային խարդախությունների մեջ

Հիմնանորոգվում է Մեծ Այրումի դպրոցի տանիքը, մի շարք դպրոցների տանիքներն ու լուսամուտները եւս կնորացվեն

ՄԱԿ-ը 2020 թվականը հայտարարել է բույսերի առողջության պահպանման միջազգային տարի

«Փյունիկ» ՖԱ-ն 5 ֆուտբոլիստի պայմանագիր է խզել

Մոսկվա-Երևան չվերթի ինքնաթիռը ուղևորի վատ ինքնազգացողության պատճառով հարկադրաբար վայրէջք է կատարել Դոնի Ռոստովում

Արմեն Սարգսյանը ներկա է գտնվել «Գյումրի, իմ սեր» խորագրով համերգին

Ղրղզստանի նախկին վարչապետ Սապար Իսակովը դատապարտվել է 15 տարվա ազատազրկման

Ֆրանսիայում ՀՀ դեսպանությունը խստորեն դատապարտում է հայկական խաչքարի պղծումը

Անհամաձայնություն հայկական եւ ադրբեջանական կողմերի միջեւ. Բաքվի միջոցառման մի մասը դուր չի եկել ՀՀ պատվիրակությանը

Վարչապետ Փաշինյանը և տիկին Աննա Հակոբյանը ներկա են գտնվել Հովհաննես Չեքիջյանի հոբելյանական համերգին

Արարատի մարզի կենսական նշանակության 3 ճանապարհահատված հանվել է երաշխիքային ժամկետից

Գյումրեցի կնոջը դանակահարած երիտասարդը ներկայացել է ոստիկանության բաժին

Քաղաքացին փորձել է ինքնասպանություն գործել՝ ցած նետվելով Դավթաշենի կամրջից:

Գյումրեցի տնակաբնակները թուրքերին երեխա չեն վաճառել. փաստական ապացույցներ ձեռք չեն բերվել

ԱՄՆ սենատում երրորդ անգամ է վետո դրվել Հայոց Ցեղասպանությունը ճանաչող բանաձեւին

Մարվել է ՏՏ ոլորտում համաշխարհային ներդրման համար ՀՀ պետական մրցանակին նվիրված Հատուկ ծրար Տակեո Կանադեի պատկերով

Կայացել է ՀՖՖ Գործադիր կոմիտեի հերթական նիստը. արտահերթ ժողովը կկայանա դեկտեմբերի 23-ին՝ ժամը 13:00-ին

Վիճաբանություն Գյումրու քաղաքապետարանի եւ գործարար Զարգարյան եղբայրների միջեւ.նոր մաքսատան տարածքում տնակներ են հայտնվել

91-ամյա Հովհաննես Չեքիջյանը դիրիժորական վահանակի մոտ. վարչապետը համերգից ուղիղ եթեր է միացրել