Վերցնենք Թումանյանի հեքիաթների ժողովածուն, մեր անունից տպագրենք ու ասենք՝ հղումը մոռացա. Գոգյանը՝ Հայրապետյանի մասին

18/09/2019 schedule13:15

Բարձրագույն որակավորման կոմիտեի (ԲՈԿ) նախագահ Սմբատ Գոգյանն այսօր անդրադարձել է Հայաստանի պետական տնտեսագիտական համալսարանի ռեկտորի նախկին ժամանակավոր պաշտոնակատար Ռուբեն Հայրապետյանի աղմկահարույց դոկտորական ատենախոսությանը՝ այնտեղ տեղ գտած արտագրությունները համեմատելով Թումանյանի հեքիաթների ժողովածուն սեփական անունից տպագրելու հետ ու հետո ասելու, թե տպարանում ֆոնտի փոփոխության պատճառով ընդամենը այդ մեկ նախադասությունը դուրս է մնացել:

«Բայց այդ արդարացումն ինձ թվում է՝ ընդունելի չէ: Ցանկացած արտագրած տեքստ կարելի է բացատրել՝ հղումը մոռանալով»,- լրագրողների հետ հանդիպման ժամանակ ասել է ԲՈԿ նախագահը: Նրա համար հասկանալի չէ նաեւ արտագրության փաստը հերքելու եւ հղումների բացակայությունը տեխնիկական խնդիրներով պայմանավորելու փորձերը:  

Գոգյանի տեղեկություններով՝ ռուսական մասնագիտացված կայքերից մեկը շուտով հրապարակելու է Ռուբեն Հայրապետյանի՝ դոկտորական ատենախոսության արտագրված հոդվածները: «Եվ հանրությունը կտեսնի, թե ինչ ծավալների արտագրության մասին է խոսքը: Այն շատ է»,- նկատեց Գոգյանը:

Ինչ վերաբերում է հարցին, թե այլ ռեկտորների գիտական աշխատանքները ե՞ւս կուսումնասիրվեն, ԲՈԿ նախագահը պատասխանեց, որ իր ղեկավարած կառույցի կանոնադրական գործառույթները միայն վերաբերում են գիտական աստիճան շնորհելուն եւ իրավասություն չկա անդրադառնալու ու գնահատելու անցյալում տեղի ունեցածը: Հայրապետյանի ատենախոսությանն էլ անդրադարձել եւ հանձնաժողով են ստեղծել վարչապետի հանձնարարականով:

Հիշեցնենք, որ տնտեսագիտական համալսարանի ռեկտորի պաշտոնում Ռուբեն Հայրապետյանին փոխարինող Դիանա Գալոյանի գիտական աշխատանքների շուրջ եւս որոշակի աղմուկ կա: Ուսանողները պնդում են, որ նա նույնպես արտագրություններ է արել ու պահանջում են բոլորի նկատմամբ միանման մոտեցում:

«Ցավոք մեդիայում ընդհանուր առմամբ կա ապատեղեկատվություն, թե ինչ է կատարվում այդ ուղղությամբ: Ես ինքս եւ ԲՈԿ-ի ոչ մի աշխատող անվանական ոչ մի որակում փորձել ենք չտալ: Տնտեսագիտական համալսարանի ռեկտորի ժամանակավոր պաշտոնակատար Ռուբեն Հայրապետյանի դեպքում ստացվեց անվանական, որովհետեւ այստեղ եղավ երկու կողմի բախում, ինչի առիթով խնդիրը դուրս եկավ ջրի երես, մեդիան այն վերցրեց, եւ սկսեց երկար ժամանակ այն շահարկվել: Եղել էր մրցույթ, մրցույթի արդյունքներ, որոշ դասախոսներ իրենց աշխատանքը կորցնելու վտանգի տակ էին: Այդ բանի արդյունքում թեման մեծ արձագանք ստացավ, եւ եղավ այն, ինչ եղավ: Վարչապետի անունից հանձնարարական եկավ մեր նախարարություն, նախարարը մակագրեց մեզ, հանձնաժողով ստեղծեցինք»,- ասաց Սմբատ Գոգյանը:

Վերջին մեկ տարվա ընթացքում, ըստ նրա, Հայրապետյանը միակ մարդը չէ, որի վերաբերյալ այդ խնդիրը եղել է: «Բայց անցյալ տարի ես հայտարարեցի, որ երկու ռեկտոր ունեն ատենախոսության հետ կապված խնդիր, եւ այդ երկուսը շատ արագ դիմում գրեցին, գնացին, ու առանձնապես հանրույթը չիմացավ, թե ում մասին է խոսքը: Ես ցանկանում եմ խնդիրները լուծել համակարգային եւ ոչ անձնական ու շոու սարքելու նպատակով»,- հավելեց ԲՈԿ նախագահը:

Տպել
1584 դիտում

«Մել». ծանրամարտիկ Մելինե Դալուզյանի մասին ֆիլմ է նկարվում. նա 5-6 տարեկանում ամեն երեկո աղոթում էր, որ տղա դառնա

Երեւանում երիտասարդը փորձել է վրեժխնդիր լինել ավտոմեքենայով կատարած վրաերթի միջոցով. նրան մեղադրանք է առաջադրվել

Առաջին անգամ Հայաստանում կատարվել է լյարդի փոխպատվաստում երեխային կենդանի դոնորից. Արսեն Թորոսյան (տեսանյութ)

ԱԺ-ն ընդունեց կենդանիների նկատմամբ դաժան վերաբերմունքը քրեականացնող նախագիծը

ՀՀ ՊՆ պատվիրակությունը մեկնել է Մոսկվա՝ բանակցելու ռազմարդյունաբերական ձեռնարկությունների ներկայացուցիչների հետ

Գեւորգ Պետրոսյանը «գիշերօթիկներ»-ի հարցը խեղաթյուրում է. նախարարի խորհրդականի արձագանքը

Խորհրդարանն առաջին ընթերցմամբ ընդունեց ընդերքօգտագործման ոլորտի իրական սեփականատերերի բացահայտման վերաբերյալ օրինագիծը

Գագիկ Բեգլարյանի օրոք 15 միլիոն դրամով ձեռք բերված մեքենան օտարվում է

Սիրիայում ռազմական գործողությունները վերսկսելու կարիք այս պահին չկա. Թուրքիայի ՊՆ

Նախագահ Արմեն Սարգսյանը Տոկիոյում հանդիպել է Վրաստանի նախագահ Սալոմե Զուրաբիշվիլիի հետ

Հայաստանն ու Հնդկաստանը կխորացնեն համագործակցությունը տեխնոլոգիական ոլորտում

Մետաքսի ճանապարհ, 1,5 մլրդ դոլար ծրագրերի փաթեթ. Տիգրան Ավինյանը հանդիպել է Ասիական զարգացման բանկի փոխնախագահին

Մեսսիի ռեկորդը գերազանցված է. նոր ցուցանիշի հեղինակը Մբապեն է

Կառավարության սուբվենցիոն ծրագրով հիմնանորոգվում է Վանաձորի Ռուբեն Սեւակի անվան զբոսայգին, նաեւ հատվել են ծառեր

Աշխատանքային իրավունքների իրազեկման համար ՄԻՊ-ն ու Բուլղարիայի դեսպանատունը մեկնարկում են ծրագիր

Քննարկել են համատեղ ծրագրեր. ԿԲ նախագահն ու ՀՀ փոխվարչապետը հանդիպել են ԱՄՀ գործադիր տնօրեն Կրիստալինա Գեորգիեւայի հետ

Տիգրան Ավինյանը հանդիպել է Վրաստանի խորհրդարանի նախագահի հետ եւ խոսել վիրահայ համայնքի դերակատարության մասին

Խորհրդարանն ընդունեց ճանապարհային երթեւեկության խախտումները նկարահանելու վերաբերյալ աղմկահարույց օրինագիծը

Խնջույքի ժամանակ որևէ վիրավորական արտահայտություն չի հնչել. ՔԿ

Թաթան, Իվետա Մուկուչյանը, Արման Հովհաննիսյանը, Արսեն Սաֆարյանը, Սիլվա Հակոբյանը հայտարարագրել են իրենց եկամուտները