Աղմկահարույց սպանության հետքերով. իրավապահները լռում են, որ շատ բան իմանան

15/09/2019 schedule10:10

Տպագրվել է «Հայկական Ժամանակ» օրաթերթի՝ 2006 թվականի սեպտեմբերի 15-ի համարում

Հարկային պետական ծառայության օպերատիվ-հետախուզական վարչության պետ Շահեն Հովասափյանի սպանությունը կազմակերպելու կասկածանքով ձերբակալվածները եղբայրներ են: Մեր թերթի նախորդ համարում տեղեկացրել էինք, որ ձերբակալվածներից մեկը Շահեն Հովասափյանի ղեկավարած վարչության «7-րդ» բաժնի ղեկավար Արմեն Վիրաբյանն է: Իսկ երկրորդ ձերբակալվածը նրա հարազատ եղբայրն է` Վիրաբյաններին պատկանող «Սեմուր&Co» ընկերության տնօրեն Գուրգեն Վիրաբյանը: Երեկվա դրությամբ ՀՀ գլխավոր դատախազությունը շարունակում էր լռություն պահպանել` հաստատելով միայն երկու կասկածյալների ձերբակալության փաստը` պաշտոնապես չհստակեցնելով ձերբակալվածների անունները:

Մեզ հաջողվեց Հովասափյանի սպանության քննության ընթացքի մասին որոշ մանրամասներ պարզել, որոնք արդեն իսկ լույս են սփռում տեղի ունեցածի վրա: Դատախազության մեր աղբյուրները փաստում են, որ Հովասափյանի սպանությունը Վիրաբյանների կողմից կազմակերպելու կասկածները հիմնավորող առավել քան հիմնավոր ապացույցներ են ձեռք բերվել, ինչի արդյունքում էլ որոշվել է նրանց ձերբակալել: Դեռեւս այս շաբաթվա սկզբին Երեւանում լուրեր տարածվեցին այն մասին, որ իբր Հովասափյանի սպանության գործով կալանավորվել է նրա վարորդը` Անդրանիկ Չարչյանը: Լուրն ինքնին մի տեսակ անհեթեթ էր թվում. ինչպե՞ս կարող էր վարորդը մասնակից լինել այդ ամենին, ի՞նչ երաշխիք, որ պայթյունը նաեւ իրեն չէր սպանի: Ավելին, եթե վարորդը իմացել է նախապատրաստվող սպանության մասին, ապա այդ դեպքում մարդասպանները առավել եւս կնախընտրեին նրան եւս սպանել` ավելորդ վկաներ չթողնելու համար:

Այսօր արդեն, երբ մի քանի օր առաջ տարածված լուրերը համադրում ենք տեղի ունեցած իրադարձությունների հետ, ամեն ինչ հասկանալի է դառնում: Իրավապահները լուրջ կասկածներ են ունեցել, որ վարորդը կարող է տեսած լինել կամ նույնիսկ անգամ ակամա շփված լինել Հովասափյանի մարդասպանի հետ: Դեպքի օրը վարորդը պարզապես պայթյունի պահին կարող էր նկատած լինել մոտակայքում գտնող ինչ-որ ծանոթ մարդկանց: Չէր կարելի բացառել, որ վարորդը հնարավոր մարդասպանների հետ նաեւ դեպքից առաջ է շփված եղել` չկասկածելով սպասվող իրադարձությունների մասին. ասենք, Հովասափյանի ետեւից գալիս, նա կարող էր հանդիպած լինել Արմեն Վիրաբյանին, եւ նրան տեսնելով` կանգնած բարեւած լինել: Հենց այս վարկածն էլ, կարելի է ասել, հաստատվել է:

Հիշեցնենք, որ իրավապահները դեպքից անմիջապես հետո պայթուցիկի տեսակի եւ ձեւի մասին խոսելիս ենթադրում էին, որ այն մագնիսով ամրացված է եղել Հովասափյանի ծառայողական «Գազ 31»-ի տակ: Ավտոմեքենայի պայթյունից հետո կատարված լուսանկարները կրկին անգամ ուսումնասիրելով` մի շատ կարեւոր փաստ կարելի է հայտնաբերել, որը նախկինում մեր աչքից եւս վրիպել էր: Հովասափյանի նստատեղի աջ կողմը պայթյունից բզկտվել է, իսկ ավտոմեքենայի այդ մասի հատակը տակից այնպես է պատռված, կարծես ներսից այն հարված ստացած լինի եւ ոչ թե հակառակը: Ընդհանուր պատկերն այնպիսին է, որ Հովասափյանի նստատեղի տակ տեղադրված պայթուցիկը ամրացված է եղել ոչ թե դրսից, այլ հենց ներսում:

Ավտոմեքենայի մեջ աննկատ պայթուցիկ տեղադրելը այդքան հեշտ չէ, որքան մագնիսով այն ամրացնելը, ուստի մարդասպաններին ժամանակ եւ հնարավորություն էր հարկավոր` իրենց գործն անելու համար:  Կոնկրետ Արմեն Վիրաբյանն իրավապահների ուշադրությունը գրավել է, երբ նրանք պարզել են, որ դեպքից երկու օր առաջ նա Հովասափյանի վարորդին, այսպես ասած, տարել է «ուտել-խմելու», եւ երկար ժամանակ նրանք միասին են եղել: Համաձայնեք` մի փոքր տարօրինակ է, երբ բավական բարձր պաշտոն զբաղեցնող եւ ազդեցիկ մարդը հանկարծ որոշում է իր վերադասի վարորդին տանել ուտել-խմելու: Թերեւս սա է եղել Վիրաբյանների հիմնական «սխալը»: Ամեն դեպքում, այդ փաստը իրավապահների մոտ լուրջ կասկածների տեղիք է տվել:

Վարորդը հայտնվել է իրավապահների հատուկ հսկողության տակ` նրա անվտանգության նկատառումներից ելնելով: Իսկ երբ վարորդը այսպես ասած «անհետացել» է, չգիտես որտեղից լրագրողների շրջանում լուր է սկսել շրջանառվել, իբր վարորդը ձերբակալվել է: Այդ լուրի ի հայտ գալուց հետո դատախազությունը չէր շտապում ո՛չ հերքել այն եւ ո՛չ էլ հաստատել: Այսօր արդեն հասկանալի է տեղի ունեցածը: Վարորդի ձերբակալության լուրը մարդասպանների կողմից հատուկ շրջանառության մեջ է դրվել, որպեսզի լրագրողները փորձեին պարզել դրա իսկությունը` դատախազությունից պահանջելով պաշտոնական պատասխան: Այդպիսով, հնարավոր կլիներ մամուլի միջոցով պարզել վարորդի գտնվելու վայրը:

Դատախազությունն իր հերթին լրագրողների հարցերին որեւէ պատասխան չտալով` ցանկացել է նյարդայնացնել վարորդին փնտրողներին, որպեսզի նրանք սայթաքեին եւ այնպիսի սխալ թույլ տային, որը իրավապահներին հնարավորություն կտար հաստատապես համոզվել իրենց կասկածների հիմնավոր լինելու մեջ: Դժվար է ասել, թե Վիրաբյանների պահվածքում հատկապես ինչն է իրավապահների կասկածները դարձրել առավել հիմնավոր: Մեր տեղեկություններով` նրանց ձերբակալության օրը քննիչները հարցաքննության են հրավիրել Հարկային ծառայության գրեթե բոլոր պատասխանատու աշխատողներին` վարչությունների եւ բաժինների պետերին: Սա արվել է նրա համար, որպեսզի Արմեն Վիրաբյանը չկռահի իր նկատմամբ առկա հատուկ հետաքրքրության մասին եւ մտածի, թե իրեն հարցաքննության են կանչում, ինչպես մյուսներին:

ՀՊԾ-ի բոլոր հրավիրված աշխատակիցները ներկայացել են իրավապահներին, բայց այնտեղից բոլորը չէ, որ դուրս են եկել: Ինչ վերաբերում է իրավապահների խորհրդավոր լռությանը. ենթադրվում է, որ Հովասափյանի սպանության գործը քննող քննիչներն այժմ փորձում են հասկանալ` արդյո՞ք տեղի ունեցածը զուտ Հովասափյանի եւ Վիրաբյանի միջեւ ծագած ինչ-ինչ հակասություններով է պայմանավորված, թե՞ այդ ամենն ավելի խորքային արմատներ ունի: Այլ կերպ ասած, իրավապահների խնդիրն է պարզել` կասկածյալները ինքնուրո՞ւյն են գործել, թե՞ նրանք ընդամենը կատարողներ են եւ նրանց թիկունքում ուրիշ` առավել ազդեցիկ մարդիկ են կանգնած: Այս տեսանկյունից առավել հետաքրքիր են այն լուրերը, ըստ որոնց` Արմեն Վիրաբյանը եւ Մաքսային պետական կոմիտեի նախագահ Արմեն Ավետիսյանը շատ ջերմ հարաբերությունների մեջ են:

Որոշ տեղեկությունների համաձայն, հենց այս հարաբերությունների շնորհիվ է, որ Վիրաբյանի քենակալը («բաջանաղը») մոտ մեկ տարի առաջ ՀՊԾ-ից տեղափոխվել է ՄՊԿ եւ բարձր պաշտոնի նշանակվել: Ավելին, երեկ կրկին անգամ հաստատվեց մեր թերթի նախորդ համարում տպագրված այն լուրը, ըստ որի, վերջին շրջանում իշխանական կուլիսներում քննարկվել է ՄՊԿ նախագահ Արմեն Ավետիսյանի պաշտոնանկության հարցը, իսկ որպես նրա հիմնական փոխարինող նշվել է հենց Հովասափյանի թեկնածությունը:

Ավելին, որոշ լուրերի համաձայն, Արմեն Ավետիսյանի հնարավոր պաշտոնանկության շուրջ ծավալված խմորումների համար առիթ դարձած ինչ-ինչ տվյալներ դուրս են եկել հենց Հովասափյանի ղեկավարած վարչությունից: Եւ այս տեսանկյունից իրավապահների լռության հանգամանքը առավել հետաքրքիր է դառնում: Ի վերջո, ո՞վ գիտի, թե ինչ ցուցմունքներ է տալիս Վիրաբյանը: Այդ ամենը միայն մեկ մարդու կարող է հայտնի լինել` նրա փաստաբանին: Սակայն կարծում ենք, որ իրավապահներին ավելի շատ այժմ հետաքրքրում է, թե ովքեր կցանկանան փաստաբանից պարզել, թե Վիրաբյաններն ի՞նչ ցուցմունքներ են տվել: Մի խոսքով, կարելի է ասել` լռում են` ավելի շատ բան իմանալու համար: 

Հ.Գ. Երեկոյան տեղեկացանք, որ դատախազությունը խուզարկություններ է անցկացրել Վիրաբյանների բնակարաններում, Եղվարդում գտնվող ամառանոցում, ինչպես նաեւ «Սեմուր&Co» ընկերության գրասենյակներում, որոնք արդյունքում նաեւ կնքվել են: Մեր տեղեկություններով, Վիրաբյանների` Եղվարդում գտնվող ամառանոցում իրավապահները հայտնաբերել են պայթուցիկ սարք եւ նյութեր: Ենթադրվում է, որ սեպտեմբերի 6-ին հենց նման պայթուցիկ է օգտագործվել Հովասափյանին սպանելու համար:

Վահագն Հովակիմյան

Տպել
1242 դիտում

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել

Ինդոնեզական բանակը համալրվել է թուրքական տանկերով

Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին

Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան