«UPSHIFT Հայաստան» դեռահասների զարգացման ու զորակցման ծրագրի առաջին փուլն ավարտված է

17/09/2019 schedule11:00

Հայաստանում ՅՈՒՆԻՍԵՖ-ի կողմից իրականացվող UPSHIFT դեռահասների զարգացման և զորակցման ծրագրի առաջին փուլը, որն իրականացվել է Գյումրիում, ավարտվել է հստակ արդյունքով:  Հայաստանում այս ծրագիրը կյանքի է կոչել Գյումրու Երիտասարդական նախաձեռնությունների կենտրոն ՀԿ-ն: UPSHIFT-ն այս տարվա մայիսին կայացած «BootCamp» համայնքային երիտասարդական ծրագրերի մրցույթում հաղթող ճանաչված 5 խմբերի 12-ից 18 տարեկան դեռահասներին գաղափարները գործի վերածելու իրական  հնարավորություն է տվել:  UPSHIFT-ի շրջանակներում 150.000 դրամ որպես դրամաշնորհ ստացած  «Smart map», «Ծառատունկ, թռչունների համար բներ եւ կերակրի ամաններ», «Էկոլոգիապես մաքուր տոպրակներ», «Gyumririver», «Համայնքը մեր ձեռքերով» թիմերի աշխատանքից ծրագրի ղեկավարները գոհ են մնացել:ԵՆԿ ՀԿ նախագահ Արթուր Նաջարյանը ՀԺ-ի հետ զրույցում ընդգծեց. առաջին մեծ ու կարեւոր ձեռքբերումը երիտասարդների մոտ ինքնավստահության ձեւավորումն է: «Մարդիկ, որոնք ծրագրի առաջին քայլերի ժամանակ ամաչում էին եւ անգամ իրենց անուն-ազգանունն էին շշուկով ասում, այսօր անկաշկանդ եւ հավասարակշիռ ելույթներ կարող են ունենալ հանրային հարթակներում, դարձել են նախաձեռնող, ավելի ուշադիր ե՛ւ իրենց անձի, ե՛ւ համայնքային խնդիրների նկատմամբ: Այսինքն՝ այն կարեւոր նպատակը, որն ուներ ծրագիրը՝ երիտասարդի մոտ ձեւավորել համայնքային պատկանելիության եւ նախաձեռնողականության զարգացում, իրականացվել է: Այսօր արդեն նրանք հանդես են գալիս նորարական գաղափարներով, համագործակցում են տարբեր կառույցների եւ կազմակերպությունների հետ, բարձրաձայնում են խնդիրներն ու գտնում դրանց լուծման եւ ֆինանսական հնարավորությունները եւ մարդկային ռեսուրսը: Սա մեզ համար կարեւոր հաջողություն է»,-ասաց Արթուր Նաջարյանը:Արդեն ձեւավորված խմբերը ծրագրի առաջին փուլի ավարտից հետո շարունակելու են իրենց աշխատանքը: Արթուր Նաջարյանն ասաց՝ նրանց հաջողվել է կայուն կապեր հաստատել տարբեր կազմակերպությունների հետ, որոնք դեռահասներին ընդունում են որպես գործընկերներ եւ խոստացել են աջակցել նրանց:Յունիսեֆի հայաստանյան գրասենյակի ներկայացուցչի տեղակալ Լիվ Էլին Ինդրեյտընը եթե ծրագրի սկզբում մի փոքր մտավախություն ուներ իրականացման ընթացքի եւ վերջնարդյունքի առումով, այսօր ուրախությամբ է փաստում. Ձեռնարկը հաջողված էր: Աշխարհի տարբեր երկրներում ՅՈՒՆԻՍԵՖ-ի կողմից իրականացվող UPSHIFT դեռահասների զարգացման և զորակցման ծրագիրը հաջող ընթացք է ունեցել նաեւ  Հայաստանում՝ շնոհիվ գործընկերների՝ ԵՆԿ-ի, ՄԱԿ-ի Մանկական հիմնադրամի, Գյումրու տեխնոլոգիական կենտրոնի:«Մենք շատ բան սովորեցինք այս ծրագրի ընթացքում: Սա փորձնական ծրագիր էր եւ որոշեցինք Հայաստանում 12-ից 18 տարեկան տղաների եւ աղջիկների հետ աշխատել, որոնք կարողանալու էին օգնել համայնքային որոշակի խնդիրների կարգավորման առումով: Մոտ 600 երիտասարդ ընդգրկվեց տարբեր դպրոցներից եւ կազմակերպություններից, որոնցից 50-ն ընտրվեցին ու մասնակցեցին «BootCamp»-ին: Արդյուքնում շատ նոր գաղափարներ ծնվեցին: Կարծում եմ՝ կշարունակենք ծրագիրը»,-ասաց Յունիսեֆի հայաստանյան գրասենյակի ներկայացուցչի տեղակալ Լիվ Էլին Ինդրեյտընը:UPSHIFT-ի հաջորդ փուլերում նպատակ կա ծրագրերում ներգարվել նաեւ հաշմանդամություն ունեոցղ դեռահասներին եւս: Եթե մարդն ունի հենաշարժողական խնդիրներ, անվասայլակով է տեղաշարժվում կամ թույլ տեսողություն ունի, նույնիսկ եթե ընդհանրապես չի տեսնում, պետք է այս ծրագրին մասնակցի: Դա UPSHIFT-ի ապագայի նպատակներից է: Նոր ծրագիրն իրականացվելու է ՀՀ-ի տարբեր մարզերում: Աշխատանքը կրկին լինելու է դեռահասների հետ:  «Մենք հավատում ենք, որ Հայաստանի երիտասարդներն ունեն պայծառ գաղափարներ, եւ մի փոքր օգնությամբ նրանք կկարողանան դրանք կյանքի կոչել: Շատ ենք ուզում հատկապես աղջիկների համար շատ հնարավորություններ ստեղծել: Տղաները եւս մեր ուշադրության կենտրոնում են»,-ասաց ծրագրի պատասխանատուն:

UPSHIFT-ի հաջորդ փուլերը թե Հայաստանի որ մարզերում են իրականացնելու, դեռ հստակ չէ: Ըստ Լիվի՝ համայնքների հետ խորհրդակցելու են, որ պարզ պատկերացումներ ունենան, թե ովքեր են համագործակցության պատրաստ: Հաջորդ տարվա սկզբում կկարողանան առավել առարկայական խոսել նոր անելիքների մասին: Դրանից զատ՝ պատրաստվում են ստեղծել մի այնպիսի հարթակ, որտեղ UPSHIFT-ին մասնակցածները կարողանան գաղափարներ տարածել, դրանց իրականացման համար աջակցություններ ստանալ տարբեր կազմակերպություններից, ՏԻՄ-երից: Դա լուրջ օժանդակություն կլինի նրանց համար: Նաեւ պետք է կարողանան անել այնպես, որ ծրագրի շրջանավարտները կարողանան վերապատրաստել իրենց այն հասակակիցներին, որոնք նոր կընդգրկվեն UPSHIFT-ում:

Տպել
229 դիտում

Կապանում 18-ամյա աղջիկը, հյուրընկալվելով 36-ամյա տղամարդուն, գողացել է մուրճ, հոսանքի ստուգման սարք, պտուտակահան

Հայաստանի ֆուտբոլի առաջնության անհաջողակը 11 խաղում 11 պարտություն է կրել. չունի ոչ մի միավոր

ԱՄՆ Ներկայացուցիչների պալատում քվեարկության կդրվի Հայոց ցեղասպանությունը ճանաչող օրինագիծը

Պատգամավորն առաջարկում է սահմանափակել Սեւանա լճից ավել ջրառի իրականացումը

Ալավերդու բժշկական կենտրոնի տնօրենը հերքում է Գեւորգ Ազարյանի պնդումը, թե կենտրոնը թաթախված է կոռուպցիայի մեջ

«Մել». ծանրամարտիկ Մելինե Դալուզյանի մասին ֆիլմ է նկարվում. նա 5-6 տարեկանում ամեն երեկո աղոթում էր, որ տղա դառնա

Երեւանում երիտասարդը փորձել է վրեժխնդիր լինել ավտոմեքենայով կատարած վրաերթի միջոցով. նրան մեղադրանք է առաջադրվել

Առաջին անգամ Հայաստանում կատարվել է լյարդի փոխպատվաստում երեխային կենդանի դոնորից. Արսեն Թորոսյան (տեսանյութ)

ԱԺ-ն ընդունեց կենդանիների նկատմամբ դաժան վերաբերմունքը քրեականացնող նախագիծը

ՀՀ ՊՆ պատվիրակությունը մեկնել է Մոսկվա՝ բանակցելու ռազմարդյունաբերական ձեռնարկությունների ներկայացուցիչների հետ

Գեւորգ Պետրոսյանը «գիշերօթիկներ»-ի հարցը խեղաթյուրում է. նախարարի խորհրդականի արձագանքը

Խորհրդարանն առաջին ընթերցմամբ ընդունեց ընդերքօգտագործման ոլորտի իրական սեփականատերերի բացահայտման վերաբերյալ օրինագիծը

Գագիկ Բեգլարյանի օրոք 15 միլիոն դրամով ձեռք բերված մեքենան օտարվում է

Սիրիայում ռազմական գործողությունները վերսկսելու կարիք այս պահին չկա. Թուրքիայի ՊՆ

Նախագահ Արմեն Սարգսյանը Տոկիոյում հանդիպել է Վրաստանի նախագահ Սալոմե Զուրաբիշվիլիի հետ

Հայաստանն ու Հնդկաստանը կխորացնեն համագործակցությունը տեխնոլոգիական ոլորտում

Մետաքսի ճանապարհ, 1,5 մլրդ դոլար ծրագրերի փաթեթ. Տիգրան Ավինյանը հանդիպել է Ասիական զարգացման բանկի փոխնախագահին

Մեսսիի ռեկորդը գերազանցված է. նոր ցուցանիշի հեղինակը Մբապեն է

Կառավարության սուբվենցիոն ծրագրով հիմնանորոգվում է Վանաձորի Ռուբեն Սեւակի անվան զբոսայգին, նաեւ հատվել են ծառեր

Աշխատանքային իրավունքների իրազեկման համար ՄԻՊ-ն ու Բուլղարիայի դեսպանատունը մեկնարկում են ծրագիր