Բոլոր մարդիկ պետք է ընկերներ լինեն. Ռոբերտ Բագրատյանը՝ «Դեպի մանկական եվրատեսիլին» մասնակցելու մասին

Ռոբերտ Բագրատյանը Հայաստանում «Դեպի մանկական եվրատեսիլ 2019» մրցույթին մասնակցել որոշել է սոցցանցերում իր հայ հետեւորդների հորդորներով: Ռուսաստանում մանկական «Ձայնը» նախագծին մասնակցելուց հետո նրան հաճախ են գրել, որ ցանկանում են տեսնել այստեղ: «Հայկական ժամանակ»-ի հետ զրույցում նա պատմեց, որ այդպես էլ որոշում է կայացրել, ասել է մայրիկին, ու հիմա իրենք այստեղ են: Հույս ունի, որ չի հիասթափեցնի իր լսարանին:

«Չգիտեմ՝ (խմբ. հաղթելու ինչ շանսեր ունեմ), բայց վստահ եմ իմ ուժերի վրա: Գիտեմ, որ կարող եմ լավ երգել ու պետք է արդարացնեմ հույսերը, որ մարդիկ ինձ հետ կապում են»,- ասաց նա:

13-ամյա Ռոբերտը խոստովանեց, որ իրեն կարողանում է պատկերացնել Լեհաստանում՝ «Մանկական եվրատեսիլ 2019»-ում: Իսկ այնտեղ Հայաստանը ներկայացնելու իրավունքը պետք է փորձի ձեռք բերել «Captain Friendship» երգով: Այն ընկերության մասին է: Տղան բացատրում է՝ ինչու է երգում ընկերության մասին:

«Որովհետեւ բոլոր մարդիկ ընկերներ են, Աստված բոլորին այնպես է ստեղծել, որ որտեղից էլ լինեն՝ Չինաստանից, Ամերիկայից, Աֆրիկայից.... բոլորս ընկերներ ենք: Եթե տեսնում եմ, որ մարդիկ կռիվ են անում, սրտումս կարծես մի քար լինի, որովհետեւ բոլոր մարդիկ պետք է ընկերներ լինեն, խոսեն իրար հետ, աջակցեն իրար: Դրա համար գրել եմ այդ երգը, որ այն մարդիկ, որոնք կռվել են, լսեն, երգը հասնի նրանց»,- ասաց նա:

«Դեպի մանկական եվրատեսիլ 2019»-ին բացի Ռոբերտից մասնակցում են նաեւ Անիշոկը, Անի Աթայանը, Անահիտ Առաքելյանը, Ռոզա Էլոյանը, Էմիլի Հովհաննիսյանը, Անժելա Ալբերտյանը, անցած տարի «Դեպի մանկական Եվրատեսիլո»-ում 2-րդ տեղը զբաղեցրած Վարդան Մարգարյանը, «Մանկական նոր ալիք 2019»-ի ՀՀ ներկայացուցիչ Կարինա Իգնատյանը եւ Նարեկ Մարկոսյանը։ Ռոբերտն ընդգծում է, որ իրենք հասցրել են լավ ընկերներ դառնալ:

«Մենք շատ լավ ընկերներ ենք, իրար հետ զբոսնում ենք, խոսում: Չէի սպասում, որ այդպես է լինելու: Շատ լավ երեխաներ են»,- ասաց նա:

Ռոբերտ Բագրատյանին հայկական լսարանը ճանաչում է Ռուսաստանի մանկական «Ձայնը» հաղորդումից, որտեղ նա հաղթողներից մեկը դարձավ: Եզրափակիչը բավական աղմկահարույց ստացվեց: Սկզբում հաղթել էր երգչուհի Ալսուի դուստրը, սակայն հետո հայտնի դարձավ, որ դա տեղի է ունեցել խախտումների գնով: Նոր գալա-համերգ տեղի ունեցավ, որտեղ բոլոր ֆինալիստները հաղթող ճանաչվեցին: Ռոբերտն այս նախագծին մասնակցությունը կարեւոր փորձ է համարում:

«Դու կարող է չհաղթես, բայց այնքան փորձ ստանաս, որ կարողանաս պրոֆեսիոնալ արտիստ դառնալ: Այդ նախագիծն ինձ մեծ փորձ տվեց,- ասաց նա՝ ընդգծելով, որ, անկախ ամեն ինչից, բոլոր մասնակիցները, այդ թվում Ալսուի դուստրը, շարունակում են ընկերություն անել, - մենք ընդհանուր չատ ունենք, շփվում ենք, գնում ենք համերգների»:

«Եվրատեսիլ»-ից հետո Ռոբերտն այլ մրցույթների մասնակցել չի պատրաստվում: Այլ ծրագրեր ունի: Չգիտի՝ երբ կիրականացնի դրանք, սակայն արդեն իսկ աշխատում է:

««Եվրատեսիլ»-ն իմ վերջի մրցույթն է, որովհետեւ ալբոմ եմ գրում: Երբ վերջացնեմ, սկսելու եմ համերգներ տալ Երեւանում, Ռուսաստանում, տարբեր տեղերում»,- ասաց նա՝ ավելացնելով՝ ալբոմի մեջ ներառվելու է նաեւ «Դեպի մանկական եվրատեսիլ» երգը:

«Դեպի մանկական եվրատեսիլ 2019» տեղի է ունենալու սեպտեմբերի 15-ին: Ցուցադրվելու է Հանրային հեռուստաընկերության եթերում: Կսկսվի 22:00-ին: Հաղթողը Հայաստանը կներկայացնի «Մանկական եվրատեսիլ 2019»-ում, որը Լեհաստանում կկայանա նոյեմբերի 24-ին:

Տպել
699 դիտում

ԿՄՀԳ փոխնախագահն առաջարկել է հայ մասնագետներին մասնակցել Կորեայում իրականացվող առողջապահական դասընթացներին

Արարատ Միրզոյանի գլխավորած պատվիրակությունը հանդիպել է դանիացի խորհրդարանականների հետ

Ճգնաժամի մեջ գտնվող «Ռոման» պետք է փորձի չգլորվել անդունդը. վերսկսվում է Եվրոպա լիգան

Մուշտարին ի՞նչ է, քուրքն ի՞նչ է. նախարար Արայիկ Հարությունյանը երեխաների համար հեքիաթ կարդաց

ՀՀ ՌՈ պետն ու ԶՈՒ բարոյահոգեբանական ապահովման վարչության պետն ազատվեցին պաշտոններից. նախագահը ստորագրել է հրամանագրերը

Գուրգեն Մարգարյանի սպանության տարելիցն է. Ադրբեջանում պետական ծրագրով հայատյացություն է ներարկվում

Հալեպի օդանավակայանը 8 տարվա դադարից հետո ընդունել է առաջին ուղեւորատար ինքնաթիռը

Արցախի ԱԺ-ն պատրաստվում է գարնանային նստաշրջանին. Խորհրդարանի լիազորությունները կդադարեն մայիսի 21-ին

Արդարադատության փոխնախարարը Վրաստանում ծանոթացել է Justice House-ների գործունեությանը

ՀԱՅԲԻԶՆԵՍԲԱՆԿԸ հյուրընկալեց ապագա ֆինանսիստներին

Սերգո Կարապետյանը առաջադրված մեղադրանքը չի ընդունել. պաշտպան

Վիրաբույժը 10 հազար դոլարով կազմակերպել է տղայի՝ զինծառայությունից 3 տարով տարկետումը. ԱԱԾ

Հանրության շատ մեծ զանգված լսում է վարչապետի հորդորները, որի արդյունքում ՀԴՄ-ների տրամադրման քանակն ավելանում է. Անանյան

Ինչ պատճառներով է 311 մարդ զրկվել վարորդական իրավունքից. վարչապետը՝ բալային համակարգի մասին (տեսանյութ)

Փրկարարները արգելափակումից դուրս են բերել մեքենաներ Գեղարքունիքի եւ Շիրակի մարզերում

Արցախի ոստիկանների կողմից հետախուզվողը հայտնաբերվել է Երևանում

Ոստիկանի նկատմամբ բռնություն գործադրելու եւ գողության մեջ մեղադրվող երիտասարդը մեղադրանքը մասնակի է ընդունել. պաշտպան

Ձնահյուսի վտանգի պատճառով Ստեփանծմինդա-Լարս ավտոճանապարհը փակ է բոլոր մեքենաների համար

Ֆրեզնոյում գտնվող Սարոյանի տուն-թանգարանում թարմացված հոլոգրամի առաջին ցուցադրությունն է լինելու

ՀՀ նախագահը ստացել է ՀՀ ՌՈ պետին եւ ԶՈՒ բարձրաստիճան պաշտոնյային պաշտոններից ազատելու մասին միջնորդագրերը