Չեմ կարծում, թե Ամուլսարի շահագործման հարցով հանրաքվեի դեպքում մեր թիմը պարտություն կրի․ Հովիկ Աղազարյան

Եթե մեր դիրքորոշումը հանրության լայն շրջանակների համար լինի անընդունելի, եւ դա հանգեցնի հանրաքվեի, որի արդյունքում անվստահություն կարձանագրվի իշխանությունների նկատմամբ, ապա, իմ կարծիքով, մենք կարող ենք կազմակերպել ԱԺ արտահերթ ընտրություններ, որի ժամանակ քաղաքական ուժերը կներկայացնեն իրենց հստակ տեսակետը՝ Ամուլսարի ճակատագրի հետ կապված, եւ ժողովուրդը կկատարի իր որոշումը։ Այսօր ԱԺ-ում լրագրողների հետ զրույցում նման տեսակետ հայտնեց խորհրդարանական «Իմ քայլը» խմբակցության պատգամավոր Հովիկ Աղազարյանը՝ անդրադառնալով Ամուլսարի հանքի շահագործման շուրջ ծավալվող քննարկումներին։

Հարցին՝ եթե հանրաքվեն լինի, կնշանակի՝ հանրության մի մասը շարունակո՞ւմ է վստահել իշխանությանը, թե՞ ինչ-որ բան է փոխվել, Աղազարյանը պատասխանեց, որ, իր տպավորությամբ, իշխանության նկատմամբ վստահության մակարդակը բավականին բարձր է, հանրությունը կարող է իր կամ որեւէ մարզպետի, նախարարի նկատմամբ անվստահությամբ լցվել, բայց վարչապետի վարկանիշը, պատգամավորի խոսքով, կմնա բարձր․

«Չեմ կարծում, թե հանրաքվեի դեպքում մեր թիմը պարտություն կրի։ Իշխանությունն ունի բավական բարձր վստահության աստիճան, եւ վստահ են, որ կառավարությունը կիրականացնի այն քաղաքական եւ տնտեսական կուրսը, որը որդեգրել է։ Եթե նույնիսկ սփյուռքից բերված գումարներով փակեն հանքի չշահագործման դեպքում հնարավոր ծախսերը, դա նաեւ պետության հեղինակության հարցն է»,- ասաց Աղազարյանը։

Ինչ վերաբերում է «Սասնա ծռեր» կուսակցության ղեկավար Ժիրայր Սեֆիլյանի այն պնդմանը, որ կա խորհրդարանական արտահերթ ընտրությունների անհրաժեշտություն եւ որ կառավարությունը ղեկավարվում է ինչ-որ արտաքին ուժերի կողմից, Հովիկ Աղազարյանը չհամաձայնեց այս տեսակետի հետ։ Նա վստահեցրեց, որ ոչ մի արտաքին ուժ չկա, եւ հեղափոխության հաղթանակը դրանով է պայմանավորված․ «Այդ անհանգստությունը չկա, ես չեմ կիսում Ժիրայր Սեֆիլյանի տեսակետը, որ հաջորդ տարի պետք է արտահերթ ընտրություններ լինեն»։

Իսկ թե ինչպես է գնահատում վարչապետի եւ «Սասնա ծռեր» կուսակցության ներկայացուցիչների հանդիպումը, Աղազարյանը պատասխանեց․

«Շատ խորքային գնահատական չեմ տա, որովհետեւ եթե հանդիպումը կայացել է, ուրեմն, վարչապետը դրա անհրաժեշտությունը գտել է»։

Տպել
1238 դիտում

Լիբիայի ազգային բանակը հայտարարել է՝ Թուրքիան նավահանգստով զենք է մատակարարում Լիբիային

Նովրուզին զբոսաշրջիկների թիվը գուցե մեծ չլինի, բայց դա միայն կորոնավիրուսով չէ պայմանավորված․ իրանագետ

Ալավերդու պարեկային ոստիկանները ապօրինի ծառահատման դեպք են բացահայտել (տեսանյութ)

Կորոնավիրուսը տարածվում է անհավատալի արագությամբ. հետեւանքները ծանր կլինեն Չինաստանի համար. Ծինփին

Ստեղծվել է Տավուշի զբոսաշրջության միասնական հարթակ

Շուկայի վերահսկողության տեսչական մարմինը 2019 թվականին 277 ստուգում է իրականացրել

Թրամփն առաջին պաշտոնական այցով Հնդկաստանում է. բուռն ընդունելություն եւ մեծ սպասումներ

ԿԸՀ-ի պաշտոնական www. elections.am կայքում այօր տեղադրվել են քվեարկությանը մասնակցող անձանց ցուցակները․ Բիչախչյան

Մեկնարկում է 2020 թվականի «Լավագույն մարզական ընտանիք» հանրապետական մրցույթը

Առողջապահության նախարարությունը 160 հազար բժշկական դիմակ է պահեստավորել

Բերման ենթարկվածների մոտ հայտնաբերվել է ծալովի դանակ, «G 231» և «Ակինետոն» գրառմամբ հաբեր, մարիխուանայի նմանվող զանգված

Երկշաբաթյա ժամկետով սահմանափակվել են Հայաստան-Իրան օդային փոխադրումները. ՀՀ Քաղաքացիական ավիացիայի կոմիտե

Իջևանի ոստիկանները բացահայտել են էլեկտրոնիկայի խանութից կատարված գողությունը․ 33-ամյա տղամարդը կալանավորվել է

Հրդեհ Բաղրամյան պողոտայում. դեպքի վայր է մեկնել հրշեջ-փրկարարական ջոկատից մեկ մարտական հաշվարկ

Քննարկվել է ճանապարհային քարտեզով 2020 թվականի համար նախատեսված միջոցառումների իրականացման ընթացքը

Եղանակը տաքանալուն զուգահեռ կորոնավիրուսը կնահանջի՞, ինչը հատուկ է գրիպին. ԱՆ պաշտոնյայի մեկնաբանությունը

Մարտի 1-ի գործով Հովհաննես Ղազարյանն արդարացվել է` հանցակազմի բացակայության հիմքով

Ոստիկանները գրպանահատներին բերման են ենթարկել ու հայտնաբերել գողացված դրամապանակները. (տեսանյութ)

Ընդդիմախոսներն ասում են՝ սուպերվարչապետություն պետք չէ, բայց թվում է՝ ենթագիտակցորեն դա են ցանկանում. ԿԳՄՍ նախարար

ԲՀԿ-ական նախկին պատգամավոր Արթուր Մանուկյանն առերեսվել է իր և Նարեկ Սարգսյանի դեմ հաղորդում տված Հակոբ Հովհաննիսյանի հետ