Դեղին մամուլի մակարդակը բարձրացրեք, ոչ թե իջեք նրա մակարդակին. Հայկ Մարությանը՝ իր հրաժարականի լուրերի մասին

««Սանիթեքը» փորձում է իր խնդիրները բարդել մեզ վրա». Երեւանի քաղաքապետ Հայկ Մարությանն այսօր լրագրողների հետ ճեպազրույցում այսպես արձագանքեց մասնավոր ընկերության աշխատակիցներին չվճարվող աշխատավարձի խնդրին:

Նրանք բողոքի ցույց են անցկացնում քաղաքապետարանի մուտքի մոտ՝ հայտարարելով, որ «Սանիթեքը» չի վճարել օգոստոսին կատարած աշխատանքի դիմաց, քանի որ քաղաքապետարանն էլ «Սանիթեքի» գումարը չի փոխանցել: Հայկ Մարությանն ասաց, որ աղբահանության մասնավոր օպերատորին քաղաքապետարանը տուգանել է նախատեսվող գումարի միայն 9 տոկոսի չափով: Այսինքն՝ մնացած 91 տոկոսը «Սանիթեքը» ստացել է: «Միայնակ չենք թողնի աշխատակիցներին, իրավական օգնություն կցուցաբերենք, ինչով կարող ենք կօգնենք»,- հավելեց Մարությանը:

Անդրադառնալով իր հրաժարականի մասին մամուլում տեղ գտած հրապարակումներին՝ քաղաքապետն առաջարկեց բարձրացնել դեղին մամուլի մակարդակը, ոչ թե ընդհակառակը, իջնել նրա մակարդակին: «Ինչի՞ մասին է խոսքը: Մենք նոր ենք սկսել: Մանկապարտեզներից օտարված 6 500 քմ տարածք ետ ենք բերել համայնքին, 2 միլիարդ դրամով մեծացրել ենք բյուջեն՝ հավաքագրումը, ետ ենք բերում այգիները, վերանայում ենք բոլոր անօրինական տենդերներն ու սեփականաշնորհումները, մեծ կառուցապատում ենք սկսում: Բացել ենք հիմնարկներ, որ երբեւիցե գոյություն չի ունեցել, տեխնիկայի մեծ պաշար ենք ձեռք բերել եւ այլն: Մենք մեծ ծրագրեր ունենք»,- մանրամասնեց քաղաքապետը:

Լրագրողներն ընդգծեցին աղբահանության խնդիրը: «Աղբահանության խնդիրը արդեն լուծված է: Ես չեմ ասում՝ արդեն աղբը հավաքված է, որովհետեւ հիմա կան քաղաքում «Սանիթեքի» կողմից չհավաքված աղբակույտեր: Մենք դա հավաքում ենք»,- պատասխանեց Հայկ Մարությանը՝ հիշեցնելով, որ կարճ ժամանակում ստեղծվել է աղբահանության եւ սանմաքրման համայնքային հիմնարկը, որն, ըստ նրա, շատ արագ տեմպերով կլրացնի բացը, եւ քաղաքը կվեդառնա կյանքի բնականոն հուն:

Մարությանը նաեւ համոզմունք հայտնեց, որ ստեղծում է այնպիսի մի համակարգ, որն անխափան կգործի երկար տարիներ՝ անկախ այն բանից, թե ով է քաղաքապետը: «Սա ամենաճիշտ տարբերակն էր, ես թույլ չեմ տա, որ այլեւս Երեւան քաղաքն առնչվի այնպիսի խնդրի»,- հայտարարեց նա:

Տպել
1051 դիտում

Սխալ տողադարձումներով պաստառներ Գյումրիում. Անկախության տոնակատարությունները համակարգում է ՀՀ վարչապետի աշխատակազմը

Թրամփը որոնում է երկրի տնտեսական աճը բարձր պահելու միջոցներ

Համացանցում տարածվել են Ջիգարխանյանի ու նախկին կնոջ լուսանկարները. նորից միասին են

Հայաստանի լրագրողները Լիտվայի ֆուտբոլային մրցաշարում գրավել են 2-րդ տեղը

Հույս ունեմ՝ պարոն Վանեցյանն առիթ կունենա ասել՝ ինչ էր ակնարկում իր հրաժարականի տեքստում․ Իվետա Տոնոյան

Հայաստանին ու Լիտվային միավորում է ապագայի նույն տեսլականը. նախարարները համակարծիք են

«Հայփոստ»-ի աշխատակիցները Լոռիում նպաստառուներից և կենսաթոշակառուներից կանոնավոր գումարներ են ստացել. դատախազություն

Նոր հոդվածներ հայալեզու Վիքիպեդիայում՝ «Հոդված 3» մարդու իրավունքների փառատոնի շրջանակներում

«UPSHIFT Հայաստան» դեռահասների զարգացման ու զորակցման ծրագրի առաջին փուլն ավարտված է

Ելույթ՝ ՄԱԿ-ում, հանդիպումներ Քալիֆորնիայում. Վարչապետն աշխատանքային այց կկատարի ԱՄՆ

Անհրաժեշտ է մշակել և կյանքի կոչել ծնելիության խրախուսման, երեխաներ ունեցող ընտանիքների աջակցության նոր ծրագրեր. Ավինյան

2022 թվականին ակնկալվում է, որ մեր կառավարության արտաքին պարտքը կդառնա 3.1 տրիլիոն դրամ. Մարության

Թմրանյութ պահելու կասկածանքով Սևան քաղաքի հանրային լողափից 60-ամյա տղամարդ է բերման ենթարկվել

Գրանցվել է խոտածածկ տարածքներում բռնկված 19 հրդեհ՝ ընդգրկելով մոտ 9.5հա տարածք

Մխիթարյանի՝ «Ռոմա» տեղափոխության շնորհիվ անհետ կորած 13-ամյա տղան գտնվել է

Մխիթարյանը՝ «Սասուոլո»-ի դեմ խաղի լավագույն ֆուտբոլիստ

Էլեկտրաէներգիայի անջատումներ են սպասվում Երևանում և ևս 7 մարզում

ԱԳ նախարար Զոհրաբ Մնացականյանը հանդիպել է Լիտվայի վարչապետ Սաուլիուս Սկվերնելիսի հետ

Աշխարհի գավաթ. Լևոն Արոնյանը եւ Մաքսիմ Մատլակովը չպարզեցին հաղթողին

Արման Դարչինյանը եւ Գուրգեն Հովհաննիսյանը հաղթեցին. ԱԱ