Դարեր ես անցել. ձեզ ի՞նչ է արել Երեւանը

08/09/2019 schedule10:15

Տպագրվել է «Հայկական Ժամանակ» օրաթերթի՝ 2006 թվականի սեպտեմբերի 8-ի համարում

Դժվար է աշխարհում գտնել որեւէ քաղաք, որի զարգացմանը վերաբերող այնքան փաստաթուղթ լինի, որքան գոյություն ունի Երեւանի դեպքում: Առավել եւս դժվար է գտնել որեւէ քաղաք, որի զարգացմանը վերաբերող այդքան փաստաթղթերն ու նախագծերը այնպիսի հետեւողականությամբ խախտվեին, որքան Երեւանի պարագայում: Ու հաստատ հնարավոր չէ գտնել աշխարհում որեւէ քաղաք, որի զարգացման մասին պետական պաշտոնյաները այնքան գեղեցիկ խոսեին, որքան Երեւանի մասին, ու այնքան անխնա անճոռնիացնեին քաղաքը, որքան Երեւանի դեպքում:  Երեկ ծնվել է Երեւանին վերաբերող մի հերթական փաստաթուղթ. ՀՀ կառավարությունը  հաստատել է «Երեւան քաղաքի գլխավոր հատակագծի (2005-2020թթ.) իրականացման հիմնական միջոցառումների ծրագիրը»:

Այս ծրագիրը երեկ հրավիրած ասուլիսի ժամանակ ներկայացրեցին Երեւանի գլխավոր ճարտարապետ Սամվել Դանիելյանը եւ «Երեւաննախագիծ» ինստիտուտի տնօրեն Գուրգեն Մուշեղյանը: Եւ երեկ էլ այնքան գեղեցիկ բառեր ասացին ու հեքիաթային նախագծերի մասին խոսեցին, որ ներկաները մի պահ թունդ հուզվեցին ու քիչ էր մնում կորցնեին իրականության զգացումը: Ի՞նչ է նախատեսվում այդ «հիմնական միջոցառումների ծրագրով»: 

«2006թ. քաղաքի կենտրոնի, ինչպես նաեւ հետագա տարիներին մյուս թաղային համայնքների բնակավայրերի գոտիավորման նախագծերի մշակմամբ կսահմանվեն բարենպաստ  կենսագործուներության միջավայրերի ձեւավորման տարածքների փաստացի եւ հեռանկարային օգտագործման ու վերակառուցման իրավական հիմքերը, քաղաքաշինական չափորոշիչները, պարտադիր պահանջներն ու սահմանափակումները»,- ասում է մայրաքաղաքի գլխավոր ճարտարապետը, ով սա համարում է գլխավոր հատակագծից հետո 2-րդ կարեւորագույն փաստաթուղթը:

Գեղեցիկ է, չէ՞, հնչում: Լինելու է մի փաստաթուղթ, որով հստակ սահմանվելու են մասնավորապես քաղաքի կենտրոնում քաղաքաշինական չափորոշիչներ, սահմանափակումներ եւ այլն: Սա` խոսքերով: Հիմա դուրս գանք կենտրոնի փողոցներ, ու տեսնենք, թե ինչ է կատարվում: Թամանյանական ոճի` առավելագույնը  5-6 հարկանի շենքերին կիպ կպած կառուցվել են ու կառուցվում են շուշաթղթած, կազարմայատիպ «բոնբոներկա» շենքեր: Եւ այս փաստաթղթով նոր նախատեսվում են չափորոշիչներ ու սահմանափակումներ: Այլ կերպ ասած, ոչ թե կենտրոնում իրականացվող շինարարությունն է համապատասխանեցվելու այդ` առայժմ գոյություն չունեցող չափորոշիչներին ու սահմանափակումներին, այլ այդ չափորոշիչներն են այնպես կազմվելու, որ չհակասեն արդեն իրականացված ու իրականացվող շինարարությանը:

Իսկ դա ուղղակի նշանակում է, որ ոչ մի սահմանափակում էլ, ըստ էության, չի լինելու: Ուզո՞ւմ ես կառուցել 30 հարկանի շենք Հանրապետության հրապարակի մոտ, խնդրեմ` «նալոգներդ» ու «մաղարիչներդ» մուծվի ու սկսի: Եթե շենքդ նախագծով անճոռնի է, ոչ մի կերպ չի ներդաշնակվում շրջակա շենքերի ճարտարապետական տեսքի հետ, փակում է այլ շենքերի լուսավորությունը եւ այլն, դա հոգ չէ: Կարեւորը, որ մուծվելիքդ մուծվես: Չե՞ք հավատում, որ հենց այդպես էլ լինելու է: Ընդամենը նայեք կենտրոնում արդեն կառուցված «էլիտար» շենքերին ու կհամոզվեք: Դրանք, օրինակ, չունեն կանաչապատման ենթակա բակեր: Այսինքն` սա նույնպես լինելու է չափորոշիչ` կանաչապատ բակ ունենալը պարտադիր չէ, եւ վերջ: Ի դեպ, բակերի մասին:

Դանիելյանն ասում է, որ կենտրոնում շենքերի բակերում կա «խարխուլ ֆոնդ», եւ այն պետք է իրացվի: Տրամաբանությունը հուշում է, որ այդ «խարխուլ ֆոնդը» ժամանակի ընթացքում պետք է վերանա, եւ շենքերն ունենան բակեր: Բայց իրականում, ինչպես ցույց է տալիս Երեւանի կենտրոնի փորձը, այդ «խարխուլ ֆոնդի» փոխարեն վեր են խոյանում հսկայական բնակելի զանգվածներ: Եւ սա էլ է, անկասկած, լինելու «չափորոշիչ»: Ս. Դանիելյանը, անդրադառնալով Կենտրոնում բարձրահարկ շինարարությանը, ասում է, թե դրանք կառուցվել են ոչ միայն վերջին տարիներին: Եւ դա գնահատում է որպես «անցանկալի պրոցես»: Բայց հիմա կենտրոնում իրականացվող բարձրահարկ շինարարության մասին` ոչ մի բացասական խոսք:

Երեկ պրն Դանիելյանից այդպես էլ չկարողացանք ստանալ մի պարզ հարցի պատասխան. ո՞ր շենքն է ավելի գեղեցիկ, ասենք` Աբովյան-Պուշկին խաչմերուկում վեր խոյացած նոր էլիտա՞րը, թե՞, ասենք, Օպերայի մոտ նախկին կտորի խանութի շենքը, կամ` Աբովյան-Թումանյան խաչմերուկում կառուցվող 18 հարկանի՞ն, թե՞, ասենք, «ձկան խանութի» շենքը: Ախր, ի՞նչ պատասխանի: Երեկ Դանիելյանը  գլխավոր հատակագծի իրականացման հիմնական միջոցառումների ծրագիրը ներկայացնելիս ձեռքի հետ անցավ նաեւ ավտոկայանատեղիների թեմայի վրայով: Ասաց, որ կայանատեղիներ պետք է լինեն: Իհարկե, պետք է լինեն: Բայց հայտարարեց նաեւ, թե Երեւանի կենտրոնում «ազատ տարածքներ այլեւս չկան»:

Բա այդ դեպքում, որտե՞ղ պետք է լինեն կայանատեղիները: Նա չասաց, բայց մենք կռահում ենք: Ընդամենը անցած տարի նույն Դանիելյանի թեթեւ ձեռքով եւ նույն Մուշեղյանի նախագծով Վերնիսաժի այգու երկու կողմերով այգու տարածքի հաշվին բացվեցին ճանապարհներ, որոնք ոչ մի հատակագծով երբեւէ նախատեսված չեն եղել: Այն ժամանակ ասվում էր, որ դա կթեթեւացնի Խանջյան եւ Նալբանդյան փողոցների երթեւեկությունը: Չթեթեւացրեց, փոխարենը այգին, ըստ էության, վերածվեց մի մեծ ավտոկայանատեղիի: Ուրեմն պետք է սպասել, որ այս «հիմնական միջոցառումների ծրագրով» մայրաքաղաքում մնացած այգիների ծվենները եւս կդառնան ավտոկայանատեղիներ: Ուրիշ տարբերակ այլեւս ֆիզիկապես չկա: Ընդհանրապես, ամենամեծ հարցը, որ ծագում է, հետեւյալն է. ինչո՞ւ են մեր ներկայիս իշխանությունները այդքան ատում Երեւանը: Գուցե ինչ-որ մանկական ծանր հիշողություննե՞ր կան` կապված Երեւանի հետ:

Հայկ Գեւորգյան

Տպել
985 դիտում

Ինչո՞ւ են նախկինները գործում կամիկաձեների դեմ

Մամեդյարովի հետ հանդիպումից առաջ Զոհրաբ Մնացականյանը հանդիպել է Արցախի ԱԳ նախարարի հետ

ԵՄ-ի և ՎԶԵԲ-ի աջակցությամբ Հայաստանում բացվում է մասնավոր բաժնեմասնակցային ներդրումային ֆոնդ` 70 մլն եվրո ներգրավմամբ

Արման Սարգսյանը դիրքեր է ճանապարհել ոստիկանության զորքերի ծառայողներին (տեսանյութ)

Արարատի մարզի Նորամարգ գյուղում այրվել է մոտ 200 հակ անասնակեր

ՀՀ կառավարությունը որդեգրել է նորարարական և ներառական տնտեսություն կառուցելու ուղին. Տիգրան Ավինյան

Հանրայինն ունի իր հայեցողությամբ վերահեռարձակող ընտրելու իրավունք. Արա Շիրինյանի պատասխանը՝ Օղլաղչյանին

Իջեւանում՝ մարզպետարանին հարող կամրջից մինչև հիվանդանոցին հարող կամուրջ կտեղադրվեն լեդ լուսատուներ

Գյումրու դրամատիկականը «Թռիչք»-ով բացեց 154-րդ թատերաշրջանը

Աննա Հակոբյանը տեսակցել է շենքի 6-րդ հարկից ընկած 2․5 տարեկան Արվին Վիքսոմին (լուսանկարներ)

Արցախի Հադրութի շրջանի եւ Ֆրանսիայի Իզեր նահանգի միջեւ ստորագրվել է բարեկամության հռչակագիր. Արցախի ԱԳՆ

Միքայել Մինասյանի ընկերությունը «Առաջին ալիքին» վճարում է մի սերիալի չափ գումար. կոռուպցիոն սխեմայի վտանգ

ԱԳ նախարար Զոհրաբ Մնացականյանը հանդիպել է Ավստրալիայի խորհրդարանական պատվիրակության հետ

Արցախի նախագահը շնորհավորել է ՀՀ նախագահին՝ Անկախության օրվա կապակցությամբ

Առաջին ազատումը՝ Վալերի Օսիպյանի հրաժարականից հետո. 7-րդ վարչության պետն ազատվել է աշխատանքից

Վայոց ձորի մարզի որոշ դպրոցներում իրավիճակի թեժացման փորձերը մտահոգիչ ենք համարում. ԿԳՄՍՆ

Ամուլսարի պաշտպանության համար Երեւանում մեկնարկել է հանրահավաք

Նիկոլ Փաշինյանն ու Լիբանանի ազգային պաշտպանության նախարարը քննարկել են պաշտպանության ոլորտի փոխգործակցության հարցեր

Ադրբեջանցիները թող պատրաստվեն ջախջախվելու՝ սա իսկական առիթ է. Լեւոն Շիրինյան

Ես ոչ մի ծանր բան չեմ արել, զինվորական եմ եղել, նշված հրամաններն էլ ես չեմ գրել․ Սեյրան Օհանյան