Էն նոր քրեակատարողական հիմնարկը երեւի ավելի շուտ կկառուցենք. վարչապետը կատակեց

ՀՀ կառավարության այսօր կայացած նիստում որոշվեց քրեակատարողական հիմնարկների կապիտալ վերանորոգման աշխատանքների իրականացման նպատակով` կառավարության պահուստային ֆոնդի հաշվին Արդարադատության նախարարության քրեակատարողական ծառայությանը ինն ամսում հատկացնել 176 մլն դրամ:

Հարցը ներկայացրեց արդարադատության նախարար Ռուստամ Բադասյանը, ով նշեց, որ որոշման ընդունումը պայմանավորված է քրեակատարողական հիմնարկներում պահվող դատապարտյալների եւ կալանավորված անձանց բնակության կոմունալ-կենցաղային պայմանների բարելավմամբ, մասնավորապես՝ «Նուբարաշեն» ՔԿ հիմնարկի արտաքին եւ ներքին ջրահեռացման ցանցերի,  «Դատապարտյալների հիվանդանոց», «Աբովյան», «Կոշ», «Հրազդան» ՔԿ հիմնարկներում արտաքին եւ ներքին ջրամատակարարման եւ ջրահեռացման ցանցերի կառուցման եւ կապիտալ վերանորոգման անհրաժեշտությամբ:

Մասնավորապես, «Նուբարաշեն» քրեակատարողական հիմնարկի արտաքին եւ ներքին ջրահեռացման ցանցի վերակառուցման համար հատկացվել է 39,618.7 հազ. դրամ գումար, գնումների մրցույթը կյացել է 33,000.0 հազ. դրամ գնային առաջարկով, որից 2018 թվականի ընթացքում կատարված աշխատանքների դիմաց վճարվել է  19,785.5 հազ. դրամ, մնացած 19,833.2 հազ. դրամը վերադարձվել է պետբյուջե:

Նախահաշվով նախատեսված  շինարարական աշխատանքները ավարտելու համար 2019 թվականին անհրաժեշտ է ՀՀ կառավարության պահուստային ֆոնդից հատկացնել 12,580.9 հազար դրամ:

ՀՀ պետական բյուջեից քրեակատարողական համակարգի պահպանման համար վերջին 10 տարիների ընթացքում կառուցման եւ կապիտալ վերանորոգման նպատակով հատկացվող միջոցների բացակայության պատճառով` նշված ՔԿ հիմնարկներում ջրամատակարարման եւ ջրահեռացման ցանցերում վերանորոգման աշխատանքներ չեն իրականացվել, կոյուղագծերը գտնվում են վթարային վիճակում եւ ամռան ամիսներին վթարվելու դեպքում կարող են հակասանիտարական եւ համաճարակային իրադրություններ առաջացնել:

Նշված ծրագրերի իրականացման համար անհրաժեշտ ընդհանուր գումարը` 176,706.2 հազ. դրամ, ըստ ներկայացված ՀՀ կառավարության որոշման նախագծի` նախատեսվում է հատկացնել ՀՀ կառավարության պահուստային ֆոնդից:    

Նախարարը հայտարարեց, որ մրցույթ պետք է հայտարարեն այդ հիմնարկների նորոգման համար։

«Էն նոր քրեակատարողական հիմնարկը երեւի ավելի շուտ կկառուցենք»,- կատակեց վարչապետ Նիկոլ Փաշինյանը՝ ակնարկելով այդ մրցույթների դանդաղկոտությունը։

Ապա ուղղվեց դեպի ֆինանսների նախարարն ու հարցրեց, թե ե՞րբ է փոխվելու պետական գնումների գործընթացը. «Ես հիմա սենց եմ հասկանում՝ կամ պիտի աշխատանքներ չանենք, կամ պիտի աշխատանքներն անենք լուրջ չարաշահումներով։ Չէ՞, տենց չի՞»,- նորից ժպիտով ասաց Փաշինյանը։

Ֆինանսների նախարար Ատոմ Ջանջուղազյանը պատասխանեց, որ գնումների գործընթացը խնդիր չէ, ուղղակի պետք է նախապես պլանավորել գնումները, եւ խնդիրներ կլինեն միայն արտակարգ իրավիճակների դեպքում։

Տպել
786 դիտում

Աննա Հակոբյանը մասնակցել է Ararat challange փառատոնի բացման արարողությանը

Բաքվում չարտոնված ցույցի պատճառով փակել են մետրոյի երեք կայարան

Աննա Հակոբյանը մասնակցել է «Առողջ ապրելակերպը՝ բոլորի համար» խորագրով սպորտային տոնին

Ուկրաինայի խորհրդարանում Հայաստանի հետ միջխորհրդարանական կապերի պատգամավորական խումբ է ստեղծվել

Հյուսիսային մաքսատունը Գյումրիում կբացվի այս տարի. հստակ ժամկետ, սակայն, չկա

«Էրեբունի-Երեւան» միջոցառումների շրջանակներում սպասվում է անակնկալ. Հայկ Մարության

Ապօրինի գույքի «քաղհալածյալ» սեփականատերերը․ նախկին իշխանություններին խիստ մտահոգել է օրենքի նախագիծը

Վարչապետը ծանոթացել է Արտաքին տնտեսական գործունեության սպասարկման կենտրոնի շինաշխատանքներին

Այս տարվա առաջին 9 ամիսներին արձանագրվել է 3444 ճանապարհատրանսպորտային պատահար

Ոստիկանությունում տեղի ունեցած նիստից հետո մարզային պետեր են ազատվել

Հայկ Մարությանը Երվանդ Մանարյանին հանձնեց Երեւանի պատվավոր քաղաքացու կոչումը

Երկիր մոլորակին կմոտենա մեկ կիլոմետր տրամագծով երկնաքար

Արմեն Կարապետյանն ազատվել է էկոնոմիկայի նախարարության գլխավոր քարտուղարի պաշտոնից

Հերքվել է Սամվել Ֆարմանյանի հայտնած այն տեղեկությունը, թե շոգեբաղնիքում իրեն ՀՔԾ քննիչ է մոտեցել․ ոստիկանություն

Դատախազները քննարկումներ են անցկացրել հանրակրթական եւ հատուկ դպրոցների աշակերտների հետ

Մեր տարածաշրջանը վառոդի տակառ է, մեր անվտանգության երաշխիքները՝ երկուսը

Նիկոլ Փաշինյանի ելույթը՝ Պետական եկամուտների կոմիտեի Գյումրիում կազմակերպած ռազմավարական պլանավորման աշխատաժողովին

Գեղարքունիքի մարզում մեքենան բախվել է բետոնե պատնեշին․ 18-ամյա վարորդն ու նույն տարիքի ուղեւորը մահացել են

Երեւանցին նա է, ով սիրում է Երեւանը, սիրում է՝ հոգատար ծնողի ու պատասխանատու ընկերոջ նման․ Հայկ Մարության

Նիկոլ Փաշինյանն այցելել է Գյումրի՝ ծանոթանալու ավտոմաքսատան շինաշխատանքների ընթացքին (տեսանյութ, լուսանկարներ)