Ինչո՞ւ չէ, եթե Իտալիայի հետ ոչ-ոքի խաղանք, լավ արդյունք կլինի. Արմեն Գյուլբուդաղյանց

Հայաստանի ֆուտբոլի ագային հավաքականի համար Իտալիայի հետ ոչ-ոքի խաղալը լավ արդյունք կլինի: Այս մասին այսօր՝ սեպտեմբերի 4-ին, Եվրո 2020-ի ընտրական փուլի Իտալիայի դեմ հանդիպումից առաջ նշեց ՀՀ հավաքականի գլխավոր մարզիչ Արմեն Գյուլբուդաղյանցը: Նա նշեց, որ, եթե իր խաղացողները կարողանան չեզոքացնել մրցակցի ուժղ կողմերը, լավ արդյունք կգրանցվի:

- Վերջին օրերի մարզումներից ի՞նչ տպավորություն եք ստացել: Կա՞ն ֆուտբոլիստներ, որոնք խնդիրներ ունեն: Նաեւ կխնդրեի խոսել մրցակցի ուժեղ կողմերի մասին:

- Մեր՝ արտերկրում հանդես եկող ֆուտբոլիստների՝ գրեթե բոլորի համար ուղեւորությունը մի քիչ երկար է եղել: 2 ինքնաթիռ են փոխել, հոգածություն կար, բայց հավատում եմ, որ այս 2 օրերի ընթացքում կկարողանան վերականգնվել: Արդեն վերականգնվել են: Իսկ ինչ վերաբերում է մրցակցին, բոլոր թիմերն էլ ունեն ուժեղ եւ թույլ կողմեր: Լավ ուումնասիրել ենք Իտալիայի հավաքականը: Հզոր թիմ է: Գիտենք, որ 2 կարեւոր ֆուտբոլիստները՝ Կյելինին եւ Ինսինյեն, վնասվածքներ ունեն, որոնց առողջություն եմ ցանկանում: Բայց Իտալիայի հավաքականն առանց իրենց հաղթել է այս 4 խաղերում: Միայն 3 ֆուտբոլիստ է, որ բոլոր 4 խաղերին մասնացել է, մնացածները փոխվել են:

- Վաղը խաղալու ենք մի թիմի դեմ, որտեղ ակտիվ սերնդափոխություն է ընթանում: Մեզ մոտ այդ գործընթացը ի՞նչ փուլում է:

- Իտալական ֆուտբոլի փիլիսոփայույունը փոխվել է հենց մանկապատանեկան ֆուտբոլից, եւ 17, 19, 21 տարեկանները մեծ արդյունքներ են գրանցում: Այո՛, Մանչինին սկսել է սերնդափոխությունը, բայց 3 ֆուտբոլիստ է, որ խաղում է Իտալիայի բարձրագույն խմբում հիմնական կազմում: Մեզ մոտ էլ սերնդափոխությունը կա: Տեսնում եք՝ 6-7 ֆուտբոլիստ մինչեւ 21-22 տարեկան արդեն մասնակցել են հավաքներին կամ խաղերին: Ունենք նաեւ երիտասարդական հավաքականից մի ֆուտբոլիստ, որ կարող էինք ընդգրկել, ուղղակի բարդ խաղեր ունեն Իռլանդիայի ու Իսլանդիայի դեմ, այնտեղ պետք է հիմնական կազմում լիներ, դա ավելի մեծ փորձ ու օգուտ կտար թիմին: Խոսքը 19 տարեկանների հավաքականի Երջանիկի Խուբասարյանի մասին է:

- Յուրա Մովսիսյանի նոր ակումբ տեղափոխվելու մասին տեղեկություններ չկան: Դուք որեւէ բան գիտե՞ք:

- Գիտեմ, որ փնտրուքների մեջ է: Դեռ ոչ մի վերջնական բան չկա: Վնասվածքից վերջանական ապաքինվել է:

- Ի՞նչ մարզավիճակում է Սարգիս Ադամյանը: «Հոֆենհայմի» կազմում ոչ մի խաղի չի մասնակցել: Միայն 2-րդ թիմի կազմում է հանդիպման մասնակցել:

-  Շատ լավ մարզավիճակում է: Այնտեղ շատ մեծ մրցակցություն է, 30 ֆուտբոլիստ պայքարում են հիմնական կազմի համար: Հավատում եմ, որ կստանա իր շանսը: Ճիշտ է՝ նա չի խաղացել հիմնական թիմի կազմում, բայց 2-րդում խաղացել է եւ գոլ է խփել:

- Երկրպագուները պահանջում են հաղթանակ: Արդյո՞ք Ձեզ համար որպես մարզչի կբավարարի նույնիսկ ոչ-ոքին:

- Չես կարող իմանալ հանդիպումն ինչ սցենարով կգնա, որ պատասխանես: Մենք կկենտրոնանք խաղի վրա: Եթե կարողանանք մեր խաղը խաղալ, չեզոքացնել Իտալիայի ուժեղ կողմերը, վստահ եմ, որ լավ արդյունք կգրանցվի: Ինչո՞ւ չէ, եթե ոչ-ոքի խաղանք, դա լավ արդյունք կլինի:

- Արդեն կողմնորոշվե՞լ եք՝ ով է խաղալու դարպասում եւ ի՞նչ վիճակում է Կառլեն Մկրտչյանը: Հայտարարվում էր, որ վնասվածք ունի:

- Կառլեն Մկրտչյանը վաղուց է ապաքինվել: Ինչ վերաբերում է դարպասապահներին, Արամ Հայրապետյանը Լիխենշտեյնի եւ Հունաստանի դեմ խաղերից առաջ էլ չէր խաղում, վնասվածք էր ստացել: Այնպես որ դեռ 1 օր ժամանակ ունենք, կմտածենք:

- Ինչո՞վ է պայմանավորված Գոռ Մալաքյանի եւ Արտյոմ Սիմոնյանի բացակայությունը՝ հաշվի առնելով, որ լավ մարզավիճաում են եւ եվրագավաթներում էլ բավականին շատ հանդիպումներ էին անցկացրել:

- Սիմոնյանը խաղում է ենթահարձակվողի դիրքում, այդտեղ հրավիրել ենք Հենրիխ Մխիթարյանին, Պետրոս Ավետիսյանի եւ Էրիկ Վարդանյանին: Մալաքյանը լավ մարզավիճակում է, նույնիսկ ուզում էինք հրավիրել: Գոռը մի խնդիր ունի, եթե լուծի այդ խնդիրը, դառնալու է հավաքականի ամենակարեւոր ֆուտբոլիստներից մեկը: Պետք է կարողանա իր էմոցիաները կարգավորել մանավանդ խաղի ժամանակ, որովհետեւ անընդհատ դեղին քարտ է ստանում:

- ՀՖՖ նախագահ Արթուր Վանեցյանը մոտ 2 ամիս առաջ հույս էր հայտնել, որ Հայաստանն անպայման հաղթելու է Իտալիային: Արդո՞ք դա լարվածություն ավելացնում է: Ընդհանրապես թիմի մոտ տրամադրվածությունն ուժեղ մրցակցի դեմ հանդիպումից առաջ ինչպիսի՞ն է:

- 2 ամիս առաջ մեր ֆուտզալի թիմը խաղալու էր Իտալիայի դեմ: Պարոն Վանեցյանն ասաց, որ ՀՀ ֆուտզալի թիմը հաղթելու է: Քչերս էինք հավատում, բայց տեսանք, որ ՀՀ-ն հաղթեց: Լարվածություն չի առաջացնում: Մեր տղաները՝ բոլորը, պրոֆեսիոնալներ են: Կենտրոնացած ենք խաղի վրա:

- Անցած ասուլիսի ժամանակ խոսել էիք Անդրե Կալիզիրի եւ Նորբերտո Բրիասկո Բալեկյանի մասին: Նրանց վերաբերմունքը հավաքականի նկատմամբ գնահատել էիք որպես ոչ ճիշտ: Կալիզիրը ներողություն խնդրեց եւ հիմա հավաքականում է: Զրույց եղե՞լ է Բալեկյանի հետ եւ ի՞նչ կարծիք ունեք նրա հետ կապված հեռանկարի մասին:

- Չեմ ասել վատ է: Կալիզիրը 1 տարի առաջ էր հարսանիքը կազմակերպել, չէր կարող հետաձգել: Իսկ այն ժամանակ մեր օրացույցը չկար: Նա ներողություն խնդրեց եւ շատ նվիրված է մեր հավաքականին: Չնայած հայերեն չգիտի, բայց շատ նվիրված է: Բալեկյանին տեսնում էինք կենտրոնական հարձակվողի դերում: Մի քիչ չստացվեց: Նա եզրային հարձակվող է: Իր թիմում էլ վերջին 4 խաղում խաղացել է որպես եզրային հարձակվող:

- Ի՞նչ կասեք Մարկոս Պիզելիի մասին: Կրկին չի կարող օգնել թիմին վնասվածքի պատճառով:

- Մեր այն ֆուտբոլիստներից է, որոնք օրինակ են երիտասարդդների համար: Նա, Օզբիլիսը Մխիթարյանը, Գեւորգ Ղազարյանը: Դրա համար շատ կուզենայի, որ լիներ հավաքականում: Վերջին խաղում ուռել է ոտքը, պետք է 2 շաբաթով գնա բուժումների: Նրան առողջություն եմ ցանկանում:

- Էրիկ Վարդանյանը պատրաստվում էր տեղափոխվել «Լոկոմոտիվ» չստացվեց: Ինչպիսի՞ հոգեբանական վիճակում է:

- Իրոք շատ դժվար է. գնում ես այնեղ ու արդեն պայմանագիրը պետք է կնքես, ու չի ստացվում: Բայց նման բաների միջով պետք է անցնես, որ կոփվես, ուժեղ ֆուտբոլիստ դառնաս: Հավատում եմ, որ ճիշտ կարձագանքի այս փորձություններին: Պինդ տղա է:

Տպել
363 դիտում

Բակո Սահակյանն ընդունել է ֆիզիկական կուլտուրայի և սպորտի ոլորտի մի խումբ ներկայացուցիչների

ԶՈՒ զորամասերից մեկում հակաօդային պաշտպանության մարզումներ են անցկացվել

ՀՀ ոստիկանությունը մեկ օրում բացահայտել է հանցագործության 64 դեպք

Երևանում բեռնատարը վրաերթի է ենթարկել փողոցը չթույլատրելի հատվածով անցնող հետիոտնին. վերջինը տեղում մահացել է

ԱԻՆ-ն ահազանգ է ստացել Կոտայքի մարզի Բջնի գյուղի ամառանոցներում 2 տան այրվելու մասին

Արմեն Սարգսյանին հավատարմագրերն է հանձնել Հայաստանում ԵՄ պատվիրակության նորանշանակ ղեկավարը

էկոնոմիկայի փոխնախարարն ընդունել է միջազգային փորձագետներ և վենչուրային ներդրողներ Լուիջի Ամատիին և Բրիջիթ Բոումենին

Օձուն-Այգեհատ ավտճանապարհին ընթացող Opel-ի հետևի դռնից ուղևորը վայր է ընկել. նա հոսպիտալացվել է

Ոստիկանները բացահայտել են Արմավիրի Տալվորիկ համայնքի ղեկավարի ապօրինությունները (տեսանյութ)

Գրավն ունակ չէ չեզոքացնելու այն ռիսկերը, որոնք սպառնում են Քոչարյանի ազատության մեջ գտնվելու պարագայում․ Տիգրան Եգորյան

Ում է ձեռնտու թիրախավորել սաուդյան նավթը. ԱՄՆ-ը մեղադրում է Իրանին

Արմեն Սարգսյանն ու Նունե Սարգսյանը հյուրընկալել են Հովհաննես Թումանյանի ժառանգներին

«Բարեփոխելով աշխարհը». Երեւանում առաջին անգամ կկայանա կինոյի և հեռուստահաղորդումների փառատոն

Չարբախի ոստիկանները բերման են ենթարկել Տիմիրյազևի փողոցում կրակոցներ արձակած անձին (տեսանյութ)

Շիրակի մարզի կարկտահարված 6 համայնք ԿԽՀԸ-ի կողմից ստացավ 150.040.450 դրամի աջակցություն

Ռանչպար գյուղում այրվել է մոտ 10 հա խոտածածկ տարածք. հրդեհը մարվել է

Շաբաթ օրը երգչախումբը փողոցում է փորձ արել, քար լռություն եւ անտարբերություն է տիրում. Հեքեքյան

Անթույլատրելի է երեխայի նկատմամբ ցանկացած տեսակի բռնություն․ Պաշտպանի արձագանքը՝ տարածված տեսանյութին

Աշտարակի մոտ բախվել են Mercedes-ն ու Волга-ն. կա 1 զոհ, 3 տուժած.

Ստեփանակերտի քաղաքային համայնքի ավագանին որոշել է Ավստրալիայի Ռայդ քաղաքը հռչակել քույր քաղաք