Արատավորող տեղեկություններ տարածելու սպառնալիքով՝ շորթմամբ պահանջել են 100.000 դոլար. մեկ անձի մեղադրանք է առաջադրվել

ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժնում քննվող քրեական գործով պարզվել են Երևանի բնակչից շորթում կատարելու դեպքի հանգամանքները: Մեկ անձ կալանավորվել է, ևս մեկի նկատմամբ` հայտարարվել հետախուզում: Այս մասին հայտնում են ՔԿ-ի մամուլի ծառայությունից:

Իրականացված քննչական գործողությունների արդյունքում պարզվել է, որ 43-ամյա տղամարդը, 28-ամյա երիտասարդի հետ առանձնապես խոշոր չափերով ուրիշի գույքը հափշտակելու դիտավորությամբ, Երևանի 42-ամյա բնակչից՝ վերջինիս նկատմամբ բռնություն գործադրելով, հետագայում բռնության գործադրումը շարունակելու և նրա մասին արատավորող տեղեկություններ հրապարակելու սպառնալիքով, պարբերաբար շորթմամբ պահանջել են առանձնապես խոշոր չափերի՝ 48.189.000 ՀՀ դրամին համարժեք՝ 100.000 ԱՄՆ դոլար գումար` տեղեկացված լինելով վերջինիս կողմից կայուն եկամուտ ունենալու հանգամանքի մասին:

Մասնավորապես` հանցավոր մտադրությունն իրականացնելու նպատակով 28-ամյա երիտասարդը և 43-ամյա տղամարդը 2018 թվականից Երևանի 42-ամյա բնակչին պարբերաբար հայտնել են նրա վերաբերյալ արատավորող տեղեկություններ տիրապետելու հանգամանքի մասին՝ պահանջելով 48.189.000 ՀՀ դրամին համարժեք՝ 100.000 ԱՄՆ դոլար գումար, ապա սպառնացել՝ պահանջը չկատարելու դեպքում հրապարակել նրա վերաբերյալ իրենց հայտնի արատավորող տեղեկությունները, ինչպես նաև` գործադրել բռնություն: Այդ ընթացքում, նախապես իմանալով Երևանի 42-ամյա բնակչին տրվելիք պարտքի մասին, 43-ամյա տղամարդը հանդիպել է պարտատիրոջը և նրա փոխարեն ստացել է պարտքի մի մասը:

Նախաքննության ընթացքում կատարվել են մի շարք քննչական և դատավարական գործողություններ՝ կատարվել է դեպքի վայրի զննություն, վերցվել են տեսանկարահանող սարքերի տեսագրությունները, հարցաքննվել են մի շարք անձինք, կատարվել առերեսումներ: Առերևույթ հանցագործություն կատարած անձանց բնակության վայրերում կատարվել են խուզարկություններ, որի արդյունքում 43-ամյա տղամարդու բնակության վայրից հայտնաբերվել են փամփուշտներ: Նշանակվել է դատաձգաբանական փորձաքննություն:

Ձեռք բերված բավարար ապացույցների համակցությամբ՝ 28-ամյա երիտասարդին մեղադրանք է առաջադրվել՝ ՀՀ քրեական օրենսգրքի 182-րդ հոդվածի 3-րդ մասի 2-րդ կետով: Նրա նկատմամբ խափանման միջոց է ընտրվել կալանավորումը: 43-ամյա տղամարդը ներգրավվել է որպես մեղադրյալ՝ ՀՀ քրեական օրենսգրքի 182-րդ հոդվածի 3-րդ մասի 2-րդ կետով, նրա նկատմամբ հայտարարվել է հետախուզում:

Նախաքննությունը շարունակվում է: Միջոցներ են ձեռնարկվում՝ դեպքի հանգամանքների բազմակողմանի, օբյեկտիվ և լրիվ հետազոտումն ապահովելու ուղղությամբ: Հանձնարարություններ են տրվել հետաքննության մարմնին:

Տպել
511 դիտում

Վրաերթ Կոտայքի մարզում. տուժածը հիվանդանոցում մահացել է

Զինված հարձակում՝ Կյոկուշին ֆեդերացիայի նախագահի նկատմամբ. Արման Բաբաջանյանն ահազանգում է

Երևանում տեղադրվել են պլաստիկ շշերի համար նախատեսված 4 սորտավորման ամաններ

Երևանի Արցախի պողոտայի տներից մեկում հրդեհ է բռնկվել, տուժածներ չկան

ԱՀ պետնախարարը հանդիպել է «Հայոց պետականության անցյալը, ներկան ու ապագան» միջազգային գիտաժողովի մասնակիցներին

1 մլն արժողությամբ 1,5 մետրանոց հեռուստացույցը կարող է ազդեցություն ունենալ. որ դեպքերում են զրկվում նպաստից

Հայաստան է ժամանել Քուվեյթի շեյխուհի Հուսա Սաբահ Ալ-Սալեմ Ալ-Սաբահը

Արցախի հիվանդանոցը կդառնա համալսարանական հիվանդանոց

Ապօրինի ծառահատում և զենք-զինամթերքի հայտնաբերում․ Իջևանի ոստիկանների բացահայտումը

Երևանում տեղի ունեցած խոշոր վթարից տուժած 2 երեխաները ստացել են առաջին բուժօգնություն եւ տուն են գնացել

30-ն անց աղջիկներին տանջող հարցերից է՝ «Տանը մնացի՞». Թամարա Պետրոսյանը նոր մոնո ներկայացմամբ հանդես կա

Ըմբշամարտի Աշխարհի առաջնություն. Արթուր Ալեքսանյանը հաղթեց թուրք ըմբիշին և դուրս եկավ 1/4

Հայ Առաքելական եկեղեցին այսօր նշում է Խաչվերացի տոնը

Ըմբշամարտի ԱԱ. Կարեն Ասլանյանը 10:1 հաշվով հաղթեց տաջիկ ըմբիշին ու դուրս եկավ 1/8

Երևանի Ծիծեռնակաբերդի խճուղում 4 մեքենա է բախվել. կա 7 տուժած, այդ թվում՝ երեխաներ

Երեւանում, Քասախ գյուղում և Կապան քաղաքում փրկարարները հայտնաբերել եւ տեղափոխել են օձերի

Բեզոարյան այծը հայտնվել է թակարդում եւ ոտքը կոտրել. Տեսչական մարմնի աշխատակիցները չեն կարողացել օգնել

Եթե զգամ, որ խորհրդականի կարիք կա՝ որոշում կկայացնեմ՝ դեռ չեմ կողմնորոշվում. ՀՌՀ խորհրդի նախագահ

Երեկ Շիրակի մարզի Բավրա գյուղից 12 կմ արևելք եւս մեկ երկրաշարժ է գրանցվել

Սեպտեմբերի 16-ին էլեկտրաէներգիայի մինչեւ 6-ժամյա անջատումներ կլինեն Երևանում և 8 մարզում