Սկանդալից հետո Արսեն Ջուլֆալակյանը չի մասնակցի ըմբշամարտի աշխարհի առաջնությանը

Օլիմպիական փոխչեմպիոն, աշխարհի, Եվրոպայի չեմպիոն Արսեն Ջուլֆալակյանը չի մասնակցի ըմբշամարտի աշխարհի 2019 թ. առաջնությանը։ Այսօր՝ սեպտեմբերի 3-ին, ՀՀ հունահռոմեական ոճի ըմբշամարտի հավաքականի գլխավոր մարզչի պաշտոնակատար Էդուարդ Սահակյանը հայտարարեց մարզիկների անունները, որոնք պայքարելու են սեպտեմբերի 14-22-ը Նուր-Սուլթանում կայանալիք մրցաշարում։

Հայաստանը ներկայացված կլինի 9 քաշային կարգում։ Կմասնակցեն Նորայր Հախոյանը (55 կգ), Գեւորգ Ղարիբյանը (60 կգ), Սլավիկ Գալստյանը (63 կգ), Կարեն Ասլանյանը (66 կգ), Մալխաս Ամոյանը (72 կգ), Կարապետ Չալյանը (77 կգ), Մաքսիմ Մանուկյանը (82 կգ), Աթուր Շահինյանը (87 կգ), Արթուր Ալեքսանյանը (97 կգ): Սահակյանը, որը գլխավոր մարզչի պատրականությունները ստանձնել է այն բանից հետո, ինչ Լեւոն Ջուլֆալակյանը հրաժարական է տվել, նորմալ գնահատեց թիմի մարզավիճակը:

«Կարող եմ ասել՝ նորմալ վիճակ է, մնացել է վերջին շաբաթը: Մնացած հարցերի պատասխանը կտան մրցումները»,- ասաց նա՝ խոստովանելով, որ առանց Ջուլֆալակյանի բարդ է:

Լեւոն Ջուլֆալակյանի աղմկահարույց հրաժարականից հետո հայտնի դարձավ, որ թիմում կան կարծիքներ, որ նա կողմնակալություն է արել որդու՝ Արսեն Ջուլֆալակյանի օգտին՝ որոշելով, որ նա պետք է մասնակցի աշխարհի առաջնությանը: Ինքը՝ մարզիչը, հեռանալուց հետո ընդգծել է, որ իր դեմ թիմում դավադրություն են կազմակերպել եւ որ հավաքականում կարգ է սահմանված եղել, որ աշխարհի առաջնության գնում է նա, ով մեդալ է նվաճել Եվրոպայի առաջնությունում, իսկ այս տարի Արսենը Եվրոպայից բրոնզով էր վերադարձել:

Անկախ այս ներքին կանոնակարգից՝ մարզչի որոշմանը դեմ կողմը հասել էր նրան, որ վերջին հավաքի ժամանակ ստուգողական գոտեմարտ անցկացվի Կարապետի ու Արսենի միջեւ աշխարհի առաջնության մասնակցի որոշելու համար: Հաղթել է Չալյանը: Այսօր, երբ հայտարարվում էին մրցաշարի մասնակիցների անունները, Չալյանի անունը հնչելուց հետո ընտրանու անդամները բուռն ծափահարեցին՝ շատ ավելի ոգեւորված, քան մյուսների անունները հնչելիս: Ամեն դեպքում Սահակյանն ընդգծում է, որ տպավորությունը, որ այս ամենը կազմակերպվել էր միայն նրա համար, որ աշխարհի առաջնությանը մասնակցի Չալյանը, սխալ է:

«Մենք այդպիսի վիճակ չէինք ստեղծել, եւ գոտեմարտի ժամանակ մեզ համար տարբերություն չկար, ով հաղթեր, նա էլ պետք է մասնակցեր»,- ասաց նա:

Ինչպես Լեւոն Ջուլֆալակյանը պատմել էր, խմորումների պատճառներից մեկն էլ այն է եղել, որ աշխարհի, Եվրոպայի չեմպիոն Մաքսիմ Մանուկյանը ցանկացել է Արթուր Շահինյանի փոխարեն ինքը մասնակցել 87 կգ քաշային կարգում, այնինչ Շահինյանն այդ քաշում աշխարհի առաջնության բրոնզեմեդալակիր է, իսկ իր նվաճումները 80/82 կգ քաշում են: Ի վերջո այսօր պարզ դարձավ, որ Շահինյանը կկարողանա մրցաշարին մասնակցել իր քաշային կարգում:

«Մրցումները որոշեցին, որ Մաքսիմը պատրաստ է 82 քաշի համար, Շահինյանն էլ՝ 87»,- ասաց Սահակյանը:

Աշխարհի 2019 թ. առաջնությունն օլիմպիական վարկանիշային է: Ուղեգրեր են տալիս 1-6-րդ տեղերը: Օլիմպիական են 60, 67, 77, 87, 97 կգ քաշային կարգերը:

Տպել
1207 դիտում

Մեր ընթացիկ խնդիրը հայեցկարգային եւ գաղափարական առումով Հայաստան-Սփյուռք սահմանները վերացնելն է․ վարչապետ

Թող 98թ․-ից առաջ միլիոններ կուտակեին, առյուծներ քշեին. Փաշինյանը՝ Քոչարյանի եւ Սարգսյանի շնորհավորական ուղերձների մասին

Լինելով ԱԱԾ տնօրեն՝ նա հայտարարություն է անում գերագույն հրամանատարի դեմ․ սպայի պատվին դրանից մեծ անարգանք չկա․ վարչապետ

Աղմկոտ միջադեպի գործով Վայոց Ձորի մարզպետի օգնականը կալանավորվել է

«Հյուսիս-Հարավ»-ի գործով մեղադրյալ, «Մուլտի Գրուպ» կոնցեռնի տնօրենը 20 մլն դրամ գրավի դիմաց ազատ է արձակվել

Կդադարեցվի Ծաղկաձորի մի շարք օբյեկտների եւ Արագածոտնի մի շարք գյուղերի գազամատակարարումը

Արարատի մարզում աղջկա համար վիճաբանությունն ավարտվել է դանակահարությամբ. 2 անձ տեղափոխվել է հիվանդանոց. Shamshyan.com

Կրակել են կարմիրգրքյան Սեւ արագիլի վրա, որից Հայաստանում ընդամենը վեց զույգ կա. Նաիրա Զոհրաբյան

Մանվել Գրիգորյանը պաշտոնը դադարեցնելիս 6 անշարժ գույք եւ 9 ավտոմեքենա ավելի է ներկայացրել, քան պաշտոնը ստանձնելիս

Վարչապետ Նիկոլ Փաշինյանն արդեն Լոս Անջելեսում է

Կապանում 3 կգ-անոց գազի բալոնից տեղի է ունեցել գազի արտահոսք՝ հրդեհի բռնկմամբ․ մի քաղաքացի այրվածքներ է ստացել

Այսօր ցրտել է, սակայն առաջիկա օրերին զգալի տաքանալու է․ Գագիկ Սուրենյան

Հրշեջ-փրկարարները մարել են մոտ 59.5 հա խոտածածկ տարածք ընդգրկող 47 հրդեհ

Մեղադրանք է առաջադրվել «Վերածնունդ» միջազգային մրցույթ-փառատոն» ՀԿ նախագահին

Մարտի մեկը պետք է քննություն անցնի, ես կարծեմ 2009-ին ցուցմունք չեմ տվել. Խաչատուր Սուքիասյան

«Ամուլսարի հանքի շահագործմանը փայլուն եմ վերաբերում». Խաչատուր Սուքիասյան

Պետք է զարգացնենք հայոց պետականության նվիրական արժեքը. Արման Թաթոյան

100 փաստերը չեն տալիս ելակետային տվյալներ, որպեսզի համեմատություններ անցկացվեն. Վարդանյան

Փոխվարչապետ Ավինյանն Ուրբասեր ընկերության պատվիրակության հետ քննարկել է բիզնես և ներդրումային միջավայրի հարցեր

ՀՀ պաշտպանության նախարարն ընդունել է Բելառուսի զինված ուժերի գլխավոր շտաբի պետին