Սննդի մատակարարման նոր կարգի ներդրման համար էական ավելացումներ գումարային առումով չեն եղել. ՊՆ փոխնախարար

Արդեն մի քանի ամիս է՝ Պաշտպանության նախարարության զորամասերում գործում է սննդի մատակարարման նոր կարգ: Սրանով սննդի մատակարարումը նախարարությունից աստիճանաբար անցնում է մասնավորին: Ծրագիրն իրականացվում ե՛ւ ՀՀ ՊՆ, ե՛ւ Արցախի ՊԲ զորամասերում: Նշենք նաեւ, որ ծառայությունը իրականացվում է 6 տարբեր ընկերությունների կողմից:

Թեմայի վերաբերյալ երեկ ֆեյսբուքյան իր էջում գրառում է կատարել նաեւ վարչապետ Նիկոլ Փաշինյանը. «Ուրախ եմ տեղեկացնել, որ ժամկետային զինծառայողների սննդի կազմակերպումը նոր համակարգով իրականացնող զորամասերի թիվը հասավ 15-ի: Նոր համակարգով մատակարարվող բարձր որակի, օրական երեքանգամյա սնունդը հասանելի է արդեն հազարավոր զինվորների: Գործընթացը շարունակվելու է հետեւողականորեն եւ մինչեւ վերջ»:

Նշենք, որ մոտ 1 ամիս առաջ էլ Պաշտպանության նախարար Դավիթ Տոնոյանը վարչապետին լուսանկար էր ուղարկել: Լուսանկարում զինվորները շնորհակալություն էին հայտնել, ափսեի վրա «Մերսի» բառը գրելով: 

ՀՀ պաշտպանության նախարարի տեղակալ Գաբրիել Բալայանը «Հայկական ժամանակ»-ի հետ զրույցում ասաց, որ սննդի մատակարարման նոր կարգի ներդրման համար էական ավելացումներ՝ գումարային առումով, չեն եղել:

Բալայանի հետ զրույցը՝ ստորեւ.

- Պարոն Բալայան, վարչապետը գրել էր, որ ժամկետային զինծառայողների սննդի կազմակերպումը նոր համակարգով իրականացնող զորամասերի թիվը հասել է 15-ի: Ե՞րբ կհաջողվի համակարգն ամբողջությամբ ներդնել բոլոր զորամասերում:

- Մինչեւ 2020 թվականի վերջն է նախատեսված ավարտել:

- Մասնավոր ընկերությունների միջոցով սննդի կազմակերպումն իրականացնելը գնային առումով ավելի թա՞նկ է, քան, երբ այն ՊՆ-ն էր իրականացնում:

- Չեմ կարող ասել, որ ավելի թանկ է, որովհետեւ կային ծախսեր, որոնք հաշվարկվում էին, կային ծախսեր, որոնք հնարավոր չէր ճշգրիտ հաշվարկել, օրինակ՝ ամորտիզացիոն ծախսերը եւ այլն: Սնունդը պատրաստող աշխատակազմին պահելու վրա նույնպես մենք մեծ գումար էինք ծախսում, տրանսպորտային ծախսեր էինք իրականացնում եւ այլն: Դրանք ընդհանուր զորամասի ծախսերի մեջ էր մտնում: Հիմա կարող եմ ասել, որ այսօր ծախսվող գումարը համահունչ է այդ բոլոր ծախսերի հետ, որոնք նախկինում կատարվել են: Էական ավելացումներ, որպես այդպիսին, տեղի չեն ունեցել:

- ՊՆ-ում աշխատող ճաշարանի աշխատակիցներին որոշակի առավելություններ էր չէ՞ տրվում:

- Դե, եթե զինծառայող էին՝ այո, բայց հիմնականում նրանք զինծառայողներ չեն եղել: Մի քանի հաստիքներ են եղել համալրված զինծառայողներով: Իսկ մնացածը եղել են պարզապես քաղաքացիաիրավական պայմանագրերով ընդունված ծառայողներ, որոնք այդ արտոնություններից չեն օգտվել:

- Մարտական հերթապահություն իրականացնող զինծառայողների սննդակարգն է՞լ է փոխվել, քանի որ ինչպես գիտենք նրանց հիմնականում պահածոներ էր տրվում նախկինում:

- Այն զորամասները, որոնք անցնում են նոր սննդակարգի, այո, այնտեղ էլ է որոշակիորեն փոխվում: Առաջնագծում ճաշարաններ մենք չենք կարող տեղադրել, բայց որոշակի առումով նրանց սննդակարգում էլ է փոփոխություն իրականացվելու ժամանակի ընթացքում: Որոշներում արդեն իրականացվել է: Որտեղ դիրքերն այնքան մոտ են, որ հնարավոր է ճաշարանից հասցնել այդ տաք սնունդը՝ կառավարության որոշմամբ այդ կալորիականությունն ապահովել, ապա իրականացվում է: Մենք նախատեսում ենք ընդլայնել, ամբողջովին դա փոխել: «Сухой паёк»-ը որոշակի առումով հիմա տրվում է, բայց այդ սննդակարգը բավականին փոփոխություն է կրում՝ փորձ անելով նաեւ այդ թարմ սնունդը հասցնել:

- Պաշտպանության նախարարությո՞ւնն է վերահսկում մասնավորի իրականացրած գործունեությունը, թե զորամասերի թիկունքային ապահովումն իրականացնող սպաների վրա է դրված այդ աշխատանքը:

- Զորամասերի թիկունքային ապահովումը Պաշտպանության նախարարության մաս է կազմում: Մենք ունենք տարբեր ստորաբաժանումներ, որոնք ներգրավված են այդ գործընթացում: Այդ թվում նաեւ՝ Զինված ուժերի Գլխավոր շտաբի ենթակա ստորաբաժանումները եւ իհարկե՝ զորամիավորում, բրիգադ, գունդ, նույն կերպ՝ բոլորը ներգրավված են դրա մեջ:

- Պաշտպանության նախարարության ճաշարանների աշխատակիցներն ազատվե՞լ են աշխատանքից, թե արդեն անցել են մասնավորի մոտ աշխատելու:

- Գիտեք ինչ, պայմանավորվածությունը հետեւյալն է եղել, ովքեր ցանկություն են հայտնել, անցել են մասնավորի մոտ աշխատելու: Մեծ մասամբ կարող եմ ասել, որ այդպես էլ եղել է՝ բոլորը մնացել են:

- Տեղեկություն ունե՞ք՝ ՊՆ-ից մասնավորին անցնելով նրանց աշխատավարձերի չափերը փոփոխության ենթարկվե՞լ են:

- Դա, կարծում եմ, առեւտրային գաղտնիք է, բայց բարձրացում է տեղի ունեցել: Այն զորամասերը, որտեղ ես այցելել եմ, այնտեղ հարցրել եմ, ասել են՝ բարձրացում է եղել: Բայց քանի որ դա գործատու եւ աշխատող հարաբերություն է, չէի ցանկանա թվերի մասին խոսել: Դա կարող է առեւտրային գաղտնիք պարունակել:

- Զինվորների հետ խոսե՞լ եք: Ի՞նչ կարծիք ունեն այս նոր համակարգի մասին:

- Ես կարծում եմ վարչապետի մի քանի հրապարակումից արդեն պարզ է, թե ինչ կարծիք ունեն:

Տպել
632 դիտում

Թուրքիայից ԵՄ արտահանումը 2019-ի 7 ամսում կազմել է 47.2 մլրդ եվրո

Այսօր առանձին շրջաններում սպասվում են տեղումներ, առաջիկա օրերին՝ առանց տեղումների եղանակ

Հրշեջները մարել են Ներքին Չարբախի գերեզմանատանը բռնկված հրդեհը

Դատավոր Դավիթ Գրիգորյանը դատական հայց է ներկայացրել ԲԴԽ անդամ Լիպարիտ Մելիքջանյանի դեմ

Արմավիրի մարզադաշտը կարող է վերանվանվել Նիկիտա Սիմոնյանի անունով

Բակո Սահակյանն ընդունել է «Իմ քայլը» հիմնադրամի եւ «Վորլդ Վիժոն»-ի ներկայացուցիչներին

Չինացի ներդրողները դեռ պետք է որոշեն`գալիս են Հայաստան, թե ոչ․ վարչապետը՝ Ալավերդու պղնձաձուլարանը վերագործարկելու մասին

«ARMENIAN HELICOPTERS» ընկերության 4 ուղղաթիռները կարող են ծառայել ԱԻՆ-ին՝ հրդեհաշիջման կամ այլ աշխատանքների ժամանակ

20-ամյա տղային անազատության մեջ են պահել եւ գումար պահանջել ազատ արձակելու համար

Պանամայի քաղաքացի ներկայացած անձինք կեղծ թղթադրամների համար պահանջել են 1 միլիոն դոլար (տեսանյութ)

«Արարատ»-ի գլխավոր մարզիչը հրաժարական է տվել

Էլեկտրական գեներատորով բեռնված մեքենան թեքվել էր, առկա էր գեներատորի ընկնելու վտանգ

Աշխարհի 17 երկրներից նկարիչներ կգան Հայաստան, նրանք 10 օր կապրեն ու կստեղծագործեն Տավուշում

ԱԳ նախարար Զոհրաբ Մնացականյանը մի շարք հանդիպումներ է ունեցել Վիլնյուսում

Երեխային կարող է խփել միայն իսկական մանկավարժը. Արմինե Դավթյանի հայտարարությունը մտահոգել է ոլորտի պատասխանատուներին

ՔՊ նիստին որոշվել է ՍԴ նախագահ Հրայր Թովմասյանի լիազորությունները դադարեցնելու գործընթաց սկսել

Եթե Ադրբեջանը Ղարաբաղի հարցում կատեգորիկ եւ կոմպրոմիս չճանաչող է, մենք էլ կասենք` Արցախը Հայաստան է եւ վերջ. Փաշինյան

Վլադիմիր Կարապետյանը մեկնաբանել է Արթուր Վանեցյանի հայտարարությունը

Երեւանի բնակարաններից մեկի նկուղում հայտնաբերվել է 69-ամյա քաղաքացու դի

Փոխվարչապետ Ավինյանն ընդունել է Հայաստանում դիվանագիտական առաքելությունն ավարտող ՄԹ դեսպանին