Նախքան «Դվին» հասնելը՝ հարսանքավորները նաեւ գառի մսով խաշլամա եւ խաշած ձու են կերել. ռեստորանի տնօրեն

Օգոստոսի 30-ի երեկոյան Գյումրու «Դվին» ռեստորանում տեղի ունեցած մասսայական թունավորման դեպքն ինչի հետեւանք է՝ պարզ կդառնա առաջիկա օրերին՝ փորձաքննությունների ավարտից հետո: ՀԺ-ի հետ զրույցում ռեստորանի տնօրեն Սարգիս Սարգսյանն ասաց, ինքն առաջին շահագրգիռ անձն է, որը սպասում է, որ խիստ հրատապ կարգով պարզվեն դեպքի հանգամանքները:

«Պատճառն ինձ ավելի շատ է հետաքրքիր եւ ուզում եմ իմանամ, թե ինչի հետեւանք էր կատարվածը: Ամենաառաջինը ես եմ կանգնել էդ համապատասխան մարմինների կողքը, սանէպիդ, ոստիկանություն, քննչական, սննդի տեսչություն եւ այլն, ասել եմ, որ ինձ պետք է որ ամեն ինչից նմուշ վերցնեք: Ամեն մանրուքից, դանակ, պատառաքաղ, տախտակ, հաց, որ եթե կա շեղում մեր սննդի մեջ, հասկանանք՝ որտեղի՞ց  է: Ես պետք է հասկանամ, թե մեր ռեստորանում ինչ է կատարվել: Վստահ ասում եմ, մենք օգտագործում ենք բացարձակ բարձր որակի սնունդ: Դա կարող են փաստել մեր բոլոր փաստաթղթերը, որոնցով որ ես տարբեր ընկերությունների հետ աշխատում եմ: Ես 6-րդ տարին է՝ տնօրեն եմ, ոչ մի անգամ էս ռեստորանում շեղում չի եղել»,-վստահեցրեց ռեստորանի տնօրենը:

Ըստ Սարգիս Սարգսյանի՝ հարսանքավորների ինքնազգացողությունը սկսել է վատանալ իրենց մոտ հասնելուց կարճ ժամանակ անց՝ 2.5-ից 3 ժամվա ընթացքում: Սարգիսն ասում է՝ խոսել է հանրապետության լավագույն մասնագետների հետ, ներկայացրել իրավիճակը: Ասել են՝ սննդային թունավորման նշանները 6 ժամում են ի հայտ գալիս․

«Հայաստանի մասշտաբով բարձր կարգի մասնագետների հետ եմ խոսել, մեզ բացատրել են, որ եթե մարդը կթունավորվի, 6 ժամ ի հայտ չի գալիս այդ թունավորումը: Բայց մեր մոտ իրենք 2.5-3 ժամ նստելուց հետո սկսեցին կամաց-կամաց վատանալ: Չեք պատկերացնե՝ ստեղ ինչ կկատարվեր: Հետո իրենք տեղափոխվեցին հիվանդանոց: Բուժօգնություն ստացել, գիշերն էլ տներն են գնացել, մի քանի հոգի է մնացել»:

«Դվին»-ի տնօրենն ասում է՝ նույն օրը նույն ժամին հանդիսությունների սրահի մյուս 2 սրահներում էլ է հավաքույթ եղել: 3 սրահներին էլ նույն սնունդն է տրամադրվել, նույն աղցանները, նույն խորավածը: Թունավորվել են միայն հարսանքավորները: «255 հոգի մարդ են եղել էդ զալի մեջ, եւ ես ունեցել եմ երկու ուրիշ հավաքույթ, էն երկու դահլիճներն էլ են միջոցառումներ եղել, 80 եւ 60 հոգանոց: Բոլորը նույն սնունդն են կերել, 3 դահլիճներին էլ բացարձակ նույն սնունդն է մատուցվել: Էն 2 դահլիճից ոչ մի բան, ոչ մի պատահար, նույն աղցանն ու խորովածն են կերել, իսկ էս մեկից էսպիսի բան: Հենց սա է տարօրինակ: Հիմա ես էսպես հարցական նշանի պես ման գուկամ: Տեսնեմ, թե որտեղից ինչ է դուրս գալիս: Ես մասնագետներին հարցրել եմ, օրինակ, եթե պատասխանը գա, որ ասենք աղցանից է, ասենք հավով սալաթից է, կկարողանա՞ն ասել, թե աղցանի մեջի հատկապես որ մթերքից է: Հավի մսից է, սմետանից է, մայոնեզից է, թե ինչ-որ այլ բանից է: Ասել են, այո, հնարավոր է: Հիմա եթե ասեն, թե ենթադրենք սալաթի մեջի մայոնեզից է, ի դեպ, բոլորը դրա վրա են կասկածում, ես էլ կկանչեմ էն ֆիրմային, որից ստանում եմ մայոնեզը, իսկ ես դա վերցնում եմ միայն հայտնի Calve-ից, կասեմ, ախպեր ջան, արի, քու ապրանքից էսպես պատմություն է բացվել»,-ասաց տնօրենը:

Հնարավո՞ր է, որ հարսանքավորները նախքան «Դվին» հասնելն են ինչ-որ բան կերել, որը կարող էր թունավորման պատճառ դառնալ: Տնօրենն այս հարցին պատասխանեց, որ ոչ միայն հնարավոր է, այլ կա նման բան: Պարզվում է՝ հարսանքավորները նախքան հարսանյաց սրահ հասնելը գառի խաշլամա ու խաշած ձու են կերել․

«Իրենք տանը կերել, եկել են, նկարահանումներ կան, փաստեր կան: Մեր նկարահանման խումբը, որը եղել է իրենց հետ առավոտից մինչեւ իրիկուն, դրանք ամբողջը կան: Մի հետաքրքրիր էսպիսի նրբություն կա: Իրենք առավոտյան 11:30-ին իրանց տանը 100 հոգանոց սեղան են գցել, որի վրա դրված է եղել գառի մսից պատրաստված խաշլամա ու խաշած ձու: Ինձ թվում է՝ ուտելիքները խառնել են իրար, վերջում էլ էսպես ստացվեց: Իրանք 11:30 Փոքր Արթիկում են կերել դա, Թալինի շրջանի գյուղ է: Էդ խաշլաման ու ձուն կերել են, հետո մեքենաներով շարասյունը էդքան ճանապարհը եկել է, սիգնալներ, պատուհանները բաց, մեքենաներից կախ ընկնել եւ այլ, եւ այլն: Հիմա սա էլ  կարող է պատճառ հանդիսանալ: Միգուցե գառի միսը կերել են, վրայից էլ հավով սալաթ են կերել, ու խնդիր է եղել: Բայց թե մեր ռեստորանում է դեպքը եղել, բնական է, գտնում ենք, որ մենք ենք պատասխանատու»,-ՀԺ-ին ասաց ռեստորանի տնօրենը:

Այն, որ հարսանքավորները ձու են կերել, ըստ տնօրենի, ակնհայտ է եղել: «Իրանց փսխումների հետեւանքը մենք տեսանք մեր ռեստորանում, հիվանդանոցում էլ է եղել, դրանց մեջից ձու է հայտնաբերվել: Իսկ մեր մոտ ձու գոյություն չունի: «Դվին»-ն ընդհանրապես ձու չի օգտագործում, հանված է սննդակարգից՝ նման դեպքերից խուսափելու համար»:

Հիմա ռեստորանի տնօրենը սպասում է փորձաքննությունների պատասխաններին: Նշենք, որ «Դվին» հանդիսությունների սրահի գործունեությունը ժամանակավորապես կասեցված է:

Հարուցվել է քրեական գործ՝ ՀՀ ՔՕ 279 հոդվածի հատկանիշներով:

Ավելի վաղ հայտնել էինք, որ մասսայական թունավորման դեպքը գրանցվել էր օգոստոսի 31-ին։ Հոսպիտալացվել էր 46 մարդ, որոնցից 9-ը երեխաներ էին:

Տպել
14284 դիտում

Սիրիայի հակամարտությունից մինչեւ ռազմական համագործակցություն. ինչի՞ մասին են խոսել Պուտինը, Ռոհանին ու Էրդողանը

Մենք չենք միանում այդպիսի նախաձեռնություններին․ պետք է կոնկրետ հիմք լինի․ Պետրոսյանը՝ «Իմ քայլի» որոշման մասին

ՀՊՏՀ Գյումրու մասնաճյուղն Ալեքսանյանին ու Չալյանին անվճար կրթություն է առաջարկում

Սխալ տողադարձումներով պաստառներ Գյումրիում. Անկախության տոնակատարությունները համակարգում է ՀՀ վարչապետի աշխատակազմը

Թրամփը որոնում է երկրի տնտեսական աճը բարձր պահելու միջոցներ

Համացանցում տարածվել են Ջիգարխանյանի ու նախկին կնոջ լուսանկարները. նորից միասին են

Հայաստանի լրագրողները Լիտվայի ֆուտբոլային մրցաշարում գրավել են 2-րդ տեղը

Հույս ունեմ՝ պարոն Վանեցյանն առիթ կունենա ասել՝ ինչ էր ակնարկում իր հրաժարականի տեքստում․ Իվետա Տոնոյան

Հայաստանին ու Լիտվային միավորում է ապագայի նույն տեսլականը. նախարարները համակարծիք են

«Հայփոստ»-ի աշխատակիցները Լոռիում նպաստառուներից և կենսաթոշակառուներից կանոնավոր գումարներ են ստացել. դատախազություն

Նոր հոդվածներ հայալեզու Վիքիպեդիայում՝ «Հոդված 3» մարդու իրավունքների փառատոնի շրջանակներում

«UPSHIFT Հայաստան» դեռահասների զարգացման ու զորակցման ծրագրի առաջին փուլն ավարտված է

Ելույթ՝ ՄԱԿ-ում, հանդիպումներ Քալիֆորնիայում. Վարչապետն աշխատանքային այց կկատարի ԱՄՆ

Անհրաժեշտ է մշակել և կյանքի կոչել ծնելիության խրախուսման, երեխաներ ունեցող ընտանիքների աջակցության նոր ծրագրեր. Ավինյան

2022 թվականին ակնկալվում է, որ մեր կառավարության արտաքին պարտքը կդառնա 3.1 տրիլիոն դրամ. Մարության

Թմրանյութ պահելու կասկածանքով Սևան քաղաքի հանրային լողափից 60-ամյա տղամարդ է բերման ենթարկվել

Գրանցվել է խոտածածկ տարածքներում բռնկված 19 հրդեհ՝ ընդգրկելով մոտ 9.5հա տարածք

Մխիթարյանի՝ «Ռոմա» տեղափոխության շնորհիվ անհետ կորած 13-ամյա տղան գտնվել է

Մխիթարյանը՝ «Սասուոլո»-ի դեմ խաղի լավագույն ֆուտբոլիստ

Էլեկտրաէներգիայի անջատումներ են սպասվում Երևանում և ևս 7 մարզում