Պոլիտեխնիկական համալսարանը հատը մինչեւ 122 հազար դրամով 7 մեդալ է նախատեսել ձեռք բերել

ՀՀ ֆինանսների նախարարության գնումների համակարգի 2019 թվականին իրականացվող գնումների պլաններում բավական ուշագրավ թվեր կան: Մասնավորապես, «Հայաստանի ազգային պոլիտեխնիկական» հիմնադրամը մեծ թվով մթերային ապրանքներ է գնել:

Ստորեւ ներկայացնում ենք դրանցից մի քանիսը.

Տավարի միս փափուկ - 815 կիլոգրամ - 3 մլն 178 հազար դրամ

Կարագ – 555 կգ – 1 մլն 868 հազար դրամ

Ընտանի թռչունների միս – 705 կիլոգրամ – 1 մլն 59 հազար դրամ

Հաց – 722 հազար դրամ

Մածուն – 656 հազար դրամ

Կաթ – 1560 լիտր – 624 հազար դրամ

Պանիր Լոռի – 232 կիլոգրամ – 539 հազար դրամ

Խնձոր – 1 տոննա 250 կիլոգրամ – 426 հազար դրամ

Կարտոֆիլ – 2 տոննա 260 կիլոգրամ – 336 հազար դրամ

Ձու – 6235 հատ – 319 հազար դրամ

Բանան – 485 կիլոգրամ – 312 հազար դրամ

Թթվասեր – 303 հազար դրամ

Թխվածքաբլիթներ – 190 կիլոգրամ – 239 հազար դրամ

Շաքարավազ – 675 կիլոգրամ – 209 հազար դրամ

Կոնֆետ կարամել – 155 կիլոգրամ – 186 հազար դրամ

Բարձր տեսակի ցորենի ալյուր – 718 կիլոգրամ – 173 հազար դրամ

Թխվածքաբլիթներ – 205 կիլոգրամ – 153 հազար դրամ

Խտացրած կաթ – 125 կիլոգրամ – 150 հազար դրամ

Բրինձ – 350 կիլոգրամ – 141 հազար դրամ

Մակարոն – 451 կիլոգրամ – 133 հազար դրամ

Մշակված ոլոռ – 139 կիլոգրամ – 125 հազար դրամ

Չիր – 62 կիլոգրամ – 124 հազար դրամ

Կաղամբ մաքրած – 820 կիլոգրամ – 123 հազար դրամ

Կաթնաշոռ դասական – 96 կիլոգրամ – 118 հազար դրամ

Բուսական ծագման յուղեր – 198 կիլոգրամ – 116 հազար դրամ

Մեղր բնական – 33 կիլոգրամ – 114 հազար դրամ

Սրանցից բացի կան եւս մի քանի տասնյակ մթերային ապրանքներ, որոնք նախատեսված է ձեռք բերել, սակայն ավելի նվազ գներով:

Այս ամենից զատ համալսարանի գնումներում մի քանի հետաքրքիր տվյալներ եւս կան: Մասնավորապես նախատեսված է ձեռք բերել 5 հազար լիտր պրեմիում տեսակի եւ նույնչափ էլ ռեգուլյար տեսակի բենզին, ընդհանուր մինչեւ 4 մլն 100 հազար դրամ արժեքով: Սրանից բացի 2444 լիտր բենզին էլ նախատեսված է ձեռք բերել համալսարանի Կապանի մասնաճյուղի համար՝ ռեգուլյար տեսակի, ընդհանուր 1 մլն 99 հազար դրամի: Նախատեսված է ձեռք բերել նաեւ տարբեր գների մեդալներ եւ շքանշաններ, որոնցից ամենաբարձրի արժեքը կարող է հասնել 122 հազար 500 դրամ՝ հատը: Դրանից նախատեսված է ձեռք բերել 7 հատ ընդհանուր մինչեւ 857 հազար դրամի չափով: Վերոնշյալ գները նշված են առավելագույն չափով եւ գնանշման հարցման դեպքում գուցե եւ որոշակի նվազում լինի:  

Թեմայի վերաբերյալ «Հայկական ժամանակ»-ը հարցում է ուղարկել ՀԱՊՀ՝ հետաքրքրվելով, թե համալսարանը մթերքներն ի՞նչ նպատակով է ձեռք բերել եւ որտե՞ղ ու ե՞րբ է այն օգտագործվել: Հետաքրքրվել ենք նաեւ, թե այդքան բենզինը քանի մեքենայի է սպասարկելու եւ ո՞ւմ մեքենաներն է սպասարկելու: Ի պատասխան ՀԱՊՀ-ի հասարակության հետ կապերի եւ լրատվության բաժնից հայտնեցին.

««Հայաստանի ազգային պոլիտեխնիկական համալսարան» հիմնադրամը իր կազմում ունի 1986 թ.-ից մինչ օրս անխափան գործող մանկապարտեզ: Երեխաների թիվն այս պահին կազմում է 110 եւ ավելանալու միտում ունի: Ձեր կողմից նշված սննդամթերքները նախատեսված են մանկապարտեզի երեխաների՝ ՀՀ առողջապահության նախարարության կողմից սահմանված անհրաժեշտ կալորիականության համապատասխան բազմատեսակ սննդով ապահովելու համար:

Սննդամթերքի մրցույթի արդյունքում հաղթած կազմակերպությունները մինչեւ տարեվերջ պետք է մատակարարեն սննդամթերքի նշված քանակները:

Համալսարանի մանկապարտեզի վերաբերյալ մանրամասնորեն կարող եք ծանոթանալ նաեւ ՀԱՊՀ հիմնադրամի պաշտոնական կայքից:

Գնումների պլանում ներառված մեդալները եւ կրծքանշանները նախատեսված են Ուսանողական խորհրդի կողմից կազմակերպվող «Պոլիտեխնիկական մրցանակաբաշխություն-2019»-ի անցկացման համար: Մրցանակաբաշխությունը տեղի է ունենում յուրաքանչյուր տարի՝ տարբեր անվանակարգերում: Մեդալները եւ կրծքանշանները պատրաստված են արծաթից, երեսապատված ոսկով:

ՀԱՊՀ հիմնադրամի կարիքները հոգալու համար պրեմիում եւ ռեգուլյար տեսակի բենզինի քանակները՝ ըստ նախնական միջինացված հաշվարկների, կբավարարեն մոտավորապես 15 ամիս, որը նախատեսված է հինգ ավտոմեքենաների համար՝ այդ թվում երկուսը «Գազել» մակնիշի, մյուսները՝ թեթեւ մարդատար: Նշված ավտոմեքենաները հանդիսանում են ընդհանուր օգտագործման հերթապահ տրանսպորտային միջոցներ եւ չեն սպասարկում կոնկրետ անձանց»:

Տպել
1013 դիտում

Հայ ժողովուրդը ոչ միայն դարձել է ավելի ուժեղ, այլ ավելի ամուր է կանգնել իր ոտքերի վրա. վարչապետ

Անցնող շաբաթ Ադրբեջանի հետ շփման գծում հայ դիրքապահների ուղղությամբ արձակել է շուրջ 1000 կրակոց

«Մեր ժամանակների հերոսը» մրցանակաբաշխության գլխավոր մրցանակակրի անունը կարդաց ՀՀ վարչապետը

Նիկոլ Փաշինյանը շարունակում է շնորհավորական ուղերձներ ստանալ Անկախության օրվա առթիվ

Google-ը Հայաստանից մուտք գործողներին այսօր եռագույն է ողջունում

Խոշոր հրդեհ Սյունիքի մարզի անտառներում (լուսանկարներ)

Երեւան-Գյումրի գնացքի տոմսերի համար 3-4 ժամ հերթ են կանգնում, տոմսեր վաճառում են միայն բողոքներից հետո. ահազանգ

Գյումրու Սև բերդում տեղի է ունենում «Մեր ժամանակների հերոսը» խորագրով մրցանակաբաշխությունը. ուղիղ

Բացահայտվել է 73 մլն դրամի էլեկտրաէներգիայի ապօրինի օգտագործմամբ կրիպտոարժույթի արտադրություն իրականացնելու դեպք

28 տարի առաջ այս օրը մենք ինքներս ենք որոշել ապրել անկախ Հայաստանի Հանրապետությունում. Արարատ Միրզոյան

Սեպտեմբերի 21-ը հայ ժողովրդի համար դարձավ նոր ճանապարհի սկիզբ. Բակո Սահակյանը շնորհավորել է Նիկոլ Փաշինյանին

Գյումրու Սեւ բերդ ամրոցում մեկնարկում է «Մեր ժամանակների հերոսը» մրցանակաբաշխությունը (լուսանկարներ)

«Արսենալ»-ը շնորհավորել է Հայաստանի անկախության տոնը

Վարչապետը հարգանքի տուրք է մատուցել Հայրենիքի անկախության համար իրենց կյանքը զոհաբերած հայորդիների հիշատակին

Ինչպիսին կլինեն տոնական միջոցառումները Գյումրիում ու Երեւանում. ժամանակացույց

Ինչո՞ւ են նախկինները գործում կամիկաձեների դեմ

Մամեդյարովի հետ հանդիպումից առաջ Զոհրաբ Մնացականյանը հանդիպել է Արցախի ԱԳ նախարարի հետ

ԵՄ-ի և ՎԶԵԲ-ի աջակցությամբ Հայաստանում բացվում է մասնավոր բաժնեմասնակցային ներդրումային ֆոնդ` 70 մլն եվրո ներգրավմամբ

Արման Սարգսյանը դիրքեր է ճանապարհել ոստիկանության զորքերի ծառայողներին (տեսանյութ)

Արարատի մարզի Նորամարգ գյուղում այրվել է մոտ 200 հակ անասնակեր