Մոտ օրերս կհայտարարվի ՀՀ հունահռոմեական ըմբշամարտի հավաքականի նոր մարզչի անունը

ՀՀ ըմբշամարտի ֆեդերացիան առաջիկա օրերին կհայտնի ՀՀ հունահռոմեական ոճի ըմբշամարտի հավաքականի նոր գլխավոր մարզչի անունը: Այս մասին «Հայկական ժամանակ»-ի հետ զրույցում ասաց ֆեդերացիայի գլխավոր քարտուղար Արայիկ Բաղդադյանը: Այսօր՝ օգոստոսի 27-ին, ֆեդերացիայում այդ հացրով ժողով են անցկացրել, սակայն Բաղդադյանը նշեց, որ նորություններ դեռ հայտնել չի կարող: Սպասվում են նոր խոհրդակցություններ, որոնցով փորձելու են ճիշտ որոշում կայացնել ընտրանու համար:

Հավաքականն առանց մարզչի է մնացել այն բանից հետո, ինչ ճանաչված, հավաքականին մեծ հաջողությունների հասցրած մասնագետ Լեւոն Ջուլֆալակյանը հրաժարական է տվել: Երեկ նա այդ մասին պաշտոնապես հայտնեց մամուլի ասուլիսի ժամանակ ու ասաց, որ որոշումը կայացրել է 1 ամիս առաջ:

Մարզիչը նշեց, որ պատճառը հավաքականում խմորումներն են: Նա ասաց, որ գուցե կան մարդիկ, որոնք ուզում են իր տեղը զբաղեցնել եւ կարծում են, որ իր ստեղծած հիմքի վրա կարող են դեռ որոշ ժամանակ հաջողություններ գրանցել: Նշեց նաեւ, որ որոշ մարզիկներ փորձել են իրենց կամքը թելադրել իրեն, ինչն ինքը չի կարող հանդուրժել: Պարզաբանեց՝ որ քաշային կարգերի հետ են կապված հիմնական տարաձայնությունները:

Հավաքականում առաջացած ինտրիգներից մեկն այն է, որ մարզիկների մեջ հարց է առաջացել, թե ով պետք է մրցումների մասնակցի օլիմպիական 87 կգ քաշային կարգում՝ ոչ օլիմպիական 80 եւ 82 կգ քաշային կարգերում համապատասխանաբար աշխարհի ու Եվրոպայի չեմպիոն Մաքսիմ մանուկյանը, թե 87 կգ քաշային կարգում աշխարհի առաջնության բրոնզեմեդալակիր Արթուր Շահինյանը: Մյուս ինտրիգը կապված է Լևոն Ջուլֆալակյանի որդու՝ օլիմպիական փոխչեմպիոն, աշխարհի, Եվրոպայի չեմպիոն Արսեն Ջուլֆալակյանի ու Եվրոպայի բրոնզեմեդալակիր Կարապետ Չալյանի հետ, որոնք հանդես են գալիս 77 կգ քաշային կարգում: Կան կարծիքներ, որ Լեւոն Ջուլֆալակյանը կողմնապահություն է անում որդու օգտին:

Ասուլիսի ժամանակ Լեւոն Ջուլֆալակյանը նշեց, որ ֆեդերացիան փորձել է խոսել մարզիկների հետ ու լուծել խնդիրը: Դա հաստատեց նաեւ Բաղդադյանը, սակայն մանրամասներ չներկայացրեց:

Ինչպես երեկ ասուլիսից հետո ասաց Արսեն Ջուլֆալակյանը, հոր հեռանալուց հետո հավաքականում է մնացել նրա մարզչական շտաբը: Դրանում ընդգրկված են Էդուարդ Սահակյանը, Սամվել Գեւորգյանը եւ Գեւորգ Ալեքսանյանը՝ օլիմպիական, աշխարհի, Եվրոպայի չեմպիոն Արթուր Ալեքսանյանի հայրը:

Օլիմպիական, աշխարհի ու Եվրոպայի չեմպիոն Լեւոն Ջուլֆալակյանը ՀՀ հունահռոմեական ոճի ըմբշամարտի հավաքականը գլխավոր է 1999 թվականից: 20 տարվա ընթացքում մեծ նվաճումների է հասցրել ընտրանու մարզիկներին: Նրա ղեկավարությամբ Հայաստանը 70 մեդալ է ձեռք բերել խոշոր մրցումներում՝ օլիմպիական խաղերում (6), աշխարհի (18), Եվրոպայի (41) առաջնություններում, աշխարհի գավաթի խաղարկություններում ու համաշխարհային ուսանողական խաղերում (5): Նրա գլխավորությամբ 20 տարի անց Հայաստանն օլիմպիական չեմպիոն ունեցավ. 2016 թ. Ռիոյի օլիմպիական խաղերում ոսկի նվաճեց Արթուր Ալեքսանյանը:

Տպել
473 դիտում

Բակո Սահակյանն ընդունել է ֆիզիկական կուլտուրայի և սպորտի ոլորտի մի խումբ ներկայացուցիչների

ԶՈՒ զորամասերից մեկում հակաօդային պաշտպանության մարզումներ են անցկացվել

ՀՀ ոստիկանությունը մեկ օրում բացահայտել է հանցագործության 64 դեպք

Երևանում բեռնատարը վրաերթի է ենթարկել փողոցը չթույլատրելի հատվածով անցնող հետիոտնին. վերջինը տեղում մահացել է

ԱԻՆ-ն ահազանգ է ստացել Կոտայքի մարզի Բջնի գյուղի ամառանոցներում 2 տան այրվելու մասին

Արմեն Սարգսյանին հավատարմագրերն է հանձնել Հայաստանում ԵՄ պատվիրակության նորանշանակ ղեկավարը

էկոնոմիկայի փոխնախարարն ընդունել է միջազգային փորձագետներ և վենչուրային ներդրողներ Լուիջի Ամատիին և Բրիջիթ Բոումենին

Օձուն-Այգեհատ ավտճանապարհին ընթացող Opel-ի հետևի դռնից ուղևորը վայր է ընկել. նա հոսպիտալացվել է

Ոստիկանները բացահայտել են Արմավիրի Տալվորիկ համայնքի ղեկավարի ապօրինությունները (տեսանյութ)

Գրավն ունակ չէ չեզոքացնելու այն ռիսկերը, որոնք սպառնում են Քոչարյանի ազատության մեջ գտնվելու պարագայում․ Տիգրան Եգորյան

Ում է ձեռնտու թիրախավորել սաուդյան նավթը. ԱՄՆ-ը մեղադրում է Իրանին

Արմեն Սարգսյանն ու Նունե Սարգսյանը հյուրընկալել են Հովհաննես Թումանյանի ժառանգներին

«Բարեփոխելով աշխարհը». Երեւանում առաջին անգամ կկայանա կինոյի և հեռուստահաղորդումների փառատոն

Չարբախի ոստիկանները բերման են ենթարկել Տիմիրյազևի փողոցում կրակոցներ արձակած անձին (տեսանյութ)

Շիրակի մարզի կարկտահարված 6 համայնք ԿԽՀԸ-ի կողմից ստացավ 150.040.450 դրամի աջակցություն

Ռանչպար գյուղում այրվել է մոտ 10 հա խոտածածկ տարածք. հրդեհը մարվել է

Շաբաթ օրը երգչախումբը փողոցում է փորձ արել, քար լռություն եւ անտարբերություն է տիրում. Հեքեքյան

Անթույլատրելի է երեխայի նկատմամբ ցանկացած տեսակի բռնություն․ Պաշտպանի արձագանքը՝ տարածված տեսանյութին

Աշտարակի մոտ բախվել են Mercedes-ն ու Волга-ն. կա 1 զոհ, 3 տուժած.

Ստեփանակերտի քաղաքային համայնքի ավագանին որոշել է Ավստրալիայի Ռայդ քաղաքը հռչակել քույր քաղաք