Տարիների ընթացքում ես ինձ ավելի ու ավելի ապահով զգացի, այդ ապահովության զգացումը երաժշտությունս տվեց

Սեպտեմբերի 1-ից 13-ը Հայաստանում տեղի կունենան Տիգրան Մանսուրյանի հոբելյանին նվիրված «Մաեստրո Մանսուրյան-80» տոնական միջոցառումները: Շատ հուզիչ է այս հրաշալի կազմով, մեր քաղաքապետ՝ Հայկ Մարությանի, պարոն նախարար՝ Արայիկ Հարությունյանի եւ իմ լավ բարեկամ Սերգեյ Սմբատյանի հետ գտնվել այսօր այստեղ, Կոմիտասի տան հյուրը լինել եւ սկսել զրույց մի նոր ձեռնարկի մասին, որտեղ պիտի ներկայանա իմ երաժշտությունը:

Այս մասին Կոմիտասի թանգարան ինստիտուտում մամուլի ասուլիսի ժամանակ հայտարարեց մաեստրո Տիգրան Մանսուրյանը: Չնայած մեծ ուրախությանը, մաեստրոն անկեղծացավ, որ չի սիրում լսել իր երաժշտությունները, քանի որ համարում է դրանք ապրած ու ավարտված.«Ըստ երեւույթին կա մի պարզ բան, որ երբ լսում ես քո անցյալը, դու չես ուզում նրան հադիպել, որովհետեւ թերություններ ես նկատում, հաճելի չէ ինքդ քեզնով հայելու մեջ հիանալ, տխուր բան է դա»։ 

Մանսուրյանական համերգաշարը սեպտեմբերի 1-ին կմեկնարկի Արցախում՝ Ստեփանակերտի Վերածննդի հրապարակում: Այնտեղ կհնչի մաեստրոյի կինոերաժշտությունը՝ սիմֆոնիկ նվագախմբի համար նոր գործիքավորմամբ: Եվս երեք համերգ՝ սեպտեմբերի 4-ին, 5-ին եւ 6-ին, կկայանա Երեւանում՝ ընդգրկելով Մանսուրյանի կամերային, սիմֆոնիկ ստեղծագործությունները, կոնցերտներն ու կինոերաժշտությունը:

«Տարիների ընթացքում ես ինձ ավելի ու ավելի ապահով զգացի: Իմ երաժշտությունն ինձ այդ ապահովության զգացումը տվեց, ինչը քանի գնաց այնքան շատացավ: Եվ հիմա՝ ճիշտ այդ ապահովության տարածքում եմ: Շնորհակալ եմ, որ այս ամենի միջով եւս մեկ անգամ էլ պիտի անցնենք»,- նկատեց մաեստրոն:

«Մաեստրո Մանսուրյան-80» համերգաշարը կազմակերպում է Երեւանի քաղաքապետարանը՝ ՀՀ Կրթության, գիտության, մշակույթի եւ սպորտի նախարարության աջակցությամբ։

Ասուլիսի ընթացքում Երեւանի քաղաքապետ Հայկ Մարությանը ներկայացրեց Մանսուրյանի 80-ամյակին նվիրված մաեստրոյի դիմանկարով սահմանափակ քանակությամբ հուշամեդալներ, որոնք առաջինը շնորհվեցին Տիգրան Մանսուրյանին, Սերգեյ Սմբատյանին եւ Արայիկ Հարությունյանին:

Տիգրան Մանսուրյանը հուշամեդալը տեսնելով՝ հայտարարեց. «Աննման է, նման լինելով աննման հուշամեդալ է»:

Հայկ Մարությանը անչափ կարեւորեց Մանսուրյանին նվիրված միջոցառումը. «Ուզում եմ ասել, որ ուղղակի երջանիկ եմ, որ կարողանում եմ ապրել նույն քաղաքում, նույն երկրում, որտեղ ապրում է մաեստրո Մանսուրյանը»,-ասաց Մարությանը:

Դիրիժոր Սերգեյ Սմբատյանն էլ նկատեց, որ խոսելով մաեստրո Մանսուրյանի մասին պետք է հասկանալ, որ աշխարհը ունի երկու Մանսուրյան՝ Մանսուրյան, որին գիտենք Հայաստանում եւ Մանսուրյան, որին գիտեն ամբողջ աշխարհում: «Տիգրան Մանսուրյանն այն կոմպոզիտորներից է, որին հետեւում է աշխարհը: Մաեստորն այն եզակի մարդկանցից է, որը աշխարհին օգնում է դժվարին գործում՝ ստեղծում է երաժշտություն»,- ասաց Սերգեյ Սմբատյանը:

Համերգաշարը կամփոփվի սեպտեմբերի 13-ին Գյումրիում՝ կրկին կինոերաժշտության կատարումներով:

Տպել
316 դիտում

Հայ ժողովուրդը ոչ միայն դարձել է ավելի ուժեղ, այլ ավելի ամուր է կանգնել իր ոտքերի վրա. վարչապետ

Անցնող շաբաթ Ադրբեջանի հետ շփման գծում հայ դիրքապահների ուղղությամբ արձակել է շուրջ 1000 կրակոց

«Մեր ժամանակների հերոսը» մրցանակաբաշխության գլխավոր մրցանակակրի անունը կարդաց ՀՀ վարչապետը

Նիկոլ Փաշինյանը շարունակում է շնորհավորական ուղերձներ ստանալ Անկախության օրվա առթիվ

Google-ը Հայաստանից մուտք գործողներին այսօր եռագույն է ողջունում

Խոշոր հրդեհ Սյունիքի մարզի անտառներում (լուսանկարներ)

Երեւան-Գյումրի գնացքի տոմսերի համար 3-4 ժամ հերթ են կանգնում, տոմսեր վաճառում են միայն բողոքներից հետո. ահազանգ

Գյումրու Սև բերդում տեղի է ունենում «Մեր ժամանակների հերոսը» խորագրով մրցանակաբաշխությունը. ուղիղ

Բացահայտվել է 73 մլն դրամի էլեկտրաէներգիայի ապօրինի օգտագործմամբ կրիպտոարժույթի արտադրություն իրականացնելու դեպք

28 տարի առաջ այս օրը մենք ինքներս ենք որոշել ապրել անկախ Հայաստանի Հանրապետությունում. Արարատ Միրզոյան

Սեպտեմբերի 21-ը հայ ժողովրդի համար դարձավ նոր ճանապարհի սկիզբ. Բակո Սահակյանը շնորհավորել է Նիկոլ Փաշինյանին

Գյումրու Սեւ բերդ ամրոցում մեկնարկում է «Մեր ժամանակների հերոսը» մրցանակաբաշխությունը (լուսանկարներ)

«Արսենալ»-ը շնորհավորել է Հայաստանի անկախության տոնը

Վարչապետը հարգանքի տուրք է մատուցել Հայրենիքի անկախության համար իրենց կյանքը զոհաբերած հայորդիների հիշատակին

Ինչպիսին կլինեն տոնական միջոցառումները Գյումրիում ու Երեւանում. ժամանակացույց

Ինչո՞ւ են նախկինները գործում կամիկաձեների դեմ

Մամեդյարովի հետ հանդիպումից առաջ Զոհրաբ Մնացականյանը հանդիպել է Արցախի ԱԳ նախարարի հետ

ԵՄ-ի և ՎԶԵԲ-ի աջակցությամբ Հայաստանում բացվում է մասնավոր բաժնեմասնակցային ներդրումային ֆոնդ` 70 մլն եվրո ներգրավմամբ

Արման Սարգսյանը դիրքեր է ճանապարհել ոստիկանության զորքերի ծառայողներին (տեսանյութ)

Արարատի մարզի Նորամարգ գյուղում այրվել է մոտ 200 հակ անասնակեր