Կես քայլ, ու «Արարատ-Արմենիան» խոշորագույն հաջողություն կապահովի հայկական ֆուտբոլում

Նորաստեղծ «Արարատ-Արմենիային» կես քայլ է բաժանում հայկական ֆուտբոլում նոր էջ բացելուց: Հայ ֆուտբոլասերները շունչները պահած սպասում են վաղը՝ օգոստոսի 29-ին, Լյուքսեմբուրգում կայանալիք Եվրոպա լիգայի 2019-20 մրցաշրջանի փլեյ-օֆ փուլի «Դյուդելանժի» դեմ պատասխան խաղին: Այսօր թիմն արդեն մրցավայր է մեկնել ու պատրաստվում է ավարտին հասցնել առաջին խաղում Վազգեն Սարգսյանի անվան «Հանրապետական» մարզադաշտում սկսած գործը:

ՀՀ չեմպիոնն առաջին խաղում՝ օգոստոի 22-ին, Երեւանում հաղթել էր 2:1 հաշվով: «Արարատ-Արմենիան», կարծես, տրամաբանություն է փոխում հայկական ֆուտբոլում. այս անգամ հայկական թիմը ոչ թե վերջին վայրկյանններին ձեռքից բաց թողեց ձեռնտու հաշիվը, այլ հակառակը՝ այն բանից հետո, ինչ մրցակցին թույլ էր տվել պատասխան գնդակ խփել, վերջին վայկյաններին՝ 93-րդ րոպեին, կարողացավ հաղթանակ կորզել:

«Արարատ-Արմենիան» մեկնել է Լյուքսեմբուրգ: Լուսանկարը Երեւանի «Զվարթնոց» օդանավակայանից:

Իսկ հաջողությունը, որին վաղը կարող է հասնել «Արարատ-Արմենիան», Հայաստանում չի եղել ավելի քան 40 տարի: Հայկական ֆուտբոլը եվրոպական խոշոր մրցաշարերում ներկայացված է եղել Երեւանի «Արարատի» լավագույն տարիներին՝ 70-ականներին: Մինչեւ հիմա ֆուտբոլասերները հիշում են 1974-75 մրցաշրջանի Չեմպիոնների գավաթի «Բավարիայի» դեմ քառորդ եզրափակչի խաղերը եւ դրանցից մեկում «Արարատի» հաղթանակը (1:0):

«Արարատ-Արմենիան» արդեն իսկ մեծ ոգեւորություն է առաջացրել հայ ֆուտբոլասերների շրջանում: Այնպես է արել, որ մարդիկ չափսոսան ու գումար տան եվրագավաթային խաղերի տոմս ձեռք բերելու համար, այնպես լցնեն «Հանրապետականը», որ նույնիսկ հավաքականի խաղերին հազվադեպ կարելի է տեսնել: Հիմա էլ կարող է այնպես անել, որ հայ ֆուտբոլասերները ստիպված չլինեն ապրել անցյալով, չէ՞ որ Եվրոպա լիգայի խմբային փուլում նույնպես հնարավոր է մրցել եվրոպական ֆուտբոլի ուժեղագույնների դեմ, ու ո՞վ գիտի, գուցե նաեւ դրական արդյունք գրանցել:

«Արարատ-Արմենիան» կարողացել է լեփ-լեցուն «Հանրապետական» ապահովել:

«Դյուդելանժն» այնքան էլ հեշտ մցրակից չէ, ինչպես շատերին կարող է թվալ: Այս թիմն անցած մրցաշրջանում հանդես է եկել Եվրոպա լիգայի խմբային փուլում: Ամեն դեպքում առաջին խաղում «Արարատ-Արմենիան» ապացուցել է, որ մինչեւ վերջ պայքարելով կարող է հասնել նպատակին: Եթե ստացվի խմբային փուլ սողոսկել, ապա առնվազն մինչեւ 2019 թ. դեկտեմբեր՝ խմբային փուլի ավարտը, հայ ֆուտբոլասերը եվրոպական խոշոր մրցաշարերից մեկին կհետեւի ոչ միայն Հենրիխ Մխիթարյանին աջակցելու, գեղեցիկ ֆուտբոլ դիտելում կամ պարզապես տեղեկացված լինելու համար, այլեւ անմիջական շահագրգռվածություն կունենա: Իսկ մրցակիցների կազմում հավանական է՝ լինեն այնպիսի թիմեր, ինչպիսիք են «Մանչեստեր Յունայթեդը», «Արսենալը», «Ռոման», «Սեւիլիան», որոնք այս տարի հանդես են գալու Եվրոպա լիգայում:

«Դյուդելանժ»-«Արարատ-Արմենիա» հանդիպումը վաղը սկսվելու է, Երեւանի ժամանակով, 22:00-ին: Ցուցադրվելու է Հանրային հեռուստաընկերության եթերում: Երեւանում ֆուտբոլասերների համար նաեւ կազմակերպվելու է համատեղ դիտում: Երկրպագուներն «Արարատ-Արմենիայի» խաղին միասին կարող են հետեւել «Նոր Երեւան» այգում (Սարյան-Մաշտոց հատված), ինչպես նաեւ Կարապի լճի մոտ:

Տպել
1425 դիտում

Մխիթարյանը գոլ է խփում «Ռոմայում» նորամուտի խաղում (տեսանյութ)

Սլավիկ Գալստյանը դարձավ ըմբշամարտի աշխարհի առաջնության բրոնզե մեդալակիր

Հենրիխ Մխիթարյանը «Ռոմա»-ի մեկնարկային կազմում է

Վանաձորում 32-ամյա տղամադրու վրա կրակոցներ արձակած, նրան վիրավորած կասկածյալը հայտնաբերվել է

ՀՀ զբոսաշրջության կոմիտեն հորդորում է խուսափել մոտ օրերս դեպի Արագած վերելքներ իրականացնելուց

Արթուր Ալեքսանյանն ապահովեց Տոկիո-2020-ի ուղեգիրը. ըմբշամարտի աշխարհի առաջնություն

Շուշիում մկրտվել են Ապրիլյան պատերազմում զոհված հերոսների հարազատները

Նիկոլ Փաշինյանը ցավակցական հեռագիր է հղել Մեծի Տանն Կիլիկիո Կաթողիկոս Արամ Ա-ին՝ մոր մահվան կապակցությամբ

Մեկնարկեց մարդու իրավունքների երկրորդ փառատոնը․ միջոցառումներ կանցկացվեն նաև Վանաձորում․ լուսանկարներ

Վրաերթ Կոտայքի մարզում. տուժածը հիվանդանոցում մահացել է

Զինված հարձակում՝ Կյոկուշին ֆեդերացիայի նախագահի նկատմամբ. Արման Բաբաջանյանն ահազանգում է

Երևանում տեղադրվել են պլաստիկ շշերի համար նախատեսված 4 սորտավորման ամաններ

Երևանի Արցախի պողոտայի տներից մեկում հրդեհ է բռնկվել, տուժածներ չկան

ԱՀ պետնախարարը հանդիպել է «Հայոց պետականության անցյալը, ներկան ու ապագան» միջազգային գիտաժողովի մասնակիցներին

1 մլն արժողությամբ 1,5 մետրանոց հեռուստացույցը կարող է ազդեցություն ունենալ. որ դեպքերում են զրկվում նպաստից

Հայաստան է ժամանել Քուվեյթի շեյխուհի Հուսա Սաբահ Ալ-Սալեմ Ալ-Սաբահը

Արցախի հիվանդանոցը կդառնա համալսարանական հիվանդանոց

Ապօրինի ծառահատում և զենք-զինամթերքի հայտնաբերում․ Իջևանի ոստիկանների բացահայտումը

Երևանում տեղի ունեցած խոշոր վթարից տուժած 2 երեխաները ստացել են առաջին բուժօգնություն եւ տուն են գնացել

30-ն անց աղջիկներին տանջող հարցերից է՝ «Տանը մնացի՞». Թամարա Պետրոսյանը նոր մոնո ներկայացմամբ հանդես կա