Լուծարման ենթակա 4 գիշերօթիկ հաստատություններին 2019 թվականին հատկացվել է շուրջ կես միլիարդ դրամ

Երեխաների խնամքի եւ պաշտպանության չորս գիշերօթիկ հաստատությունների 260 երեխաներից միայն 20-ի դեպքում է, որ մասնագետները նպատակահարմար չեն համարում երեխաների գտնվելը կենսաբանական ընտանիքներում: Այս մասին «Հայկական ժամանակ»-ին հայտնեցին ՀՀ աշխատանքի եւ սոցիալական հարցերի նախարարությունից:

Ընդհանուր առմամբ՝ մյուս բոլոր դեպքերում, աջակցության պարագայում երեխաները կարող են ապրել իրենց ընտանիքներում, սկսած փոքր եւ զուտ նյութական աջակցությունից մինչեւ ավելի երկարաժամկետ ու համալիր աջակցություն։

«Մենք փորձելու ենք հնարավոր աջակցությունը ցուցաբերել, որպեսզի այդ երեխաները մեծանան իրենց ընտանիքներում: Ինչ վերաբերում է այն 20 երեխաներին, որոնց կենսաբանական ընտանիք վերադառնալը նպատակահարմար չէ, նրանց կառաջարկվի այլընտարանքային տարբերակ՝ հնարավորինս մոտ ընտանիքի մոդելին. դա կլինի խնամատար ընտանիքների ինստիտուտը, որտեղ երեխան եւս կունենա այդ ընտանիքում մեծանալու հնարավորություն»,-ասաց ՀՀ աշխատանքի եւ սոցիալական հարցերի նախարարության մամուլի քարտուղար Սոնա Մարտիրոսյանը:

ՀՀ աշխատանքի եւ սոցիալական հարցերի նախարարության առաջարկած լուծարման ենթակա չորս ՊՈԱԿ-ներն են՝ «Դիլիջանի երեխաների խնամքի եւ պաշտպանության գիշերօթիկ հաստատություն»-ը, «Բյուրեղավանի երեխաների խնամքի եւ պաշտպանության գիշերօթիկ հաստատություն»-ը, «Գյումրու Ֆրիտյոֆ Նանսենի անվան երեխաների խնամքի եւ պաշտպանության N 2 գիշերօթիկ հաստատություն»-ն ու «Գյումրու երեխաների խնամքի եւ պաշտպանության N 1 գիշերօթիկ հաստատություն»-ը: Այս հաստատությունների աշխատակիցները լսելով լուծարման լուրը խիստ անհանգստացած են, որոշ տեղերում անգամ բողոքի ցույցեր արեցին, չնայած, կառավարության որոշում դեռ չկա:

Չորս գիշերօթիկ հաստատություններում 260 երեխաների խնամքի համար պետությունը 2019 թվականի բյուջեով հատկացրել է շուրջ կես միլիարդ ՀՀ դրամ։

Կա հաստատություն, երբ 78 երեխայի խնամքն իրականացնում են 71 աշխատակիցներ։ Անդրադառնալով այս հարցին ՀՀ աշխատանքի եւ սոցիալական հարցերի նախարարի տեղակալ Ժաննա Անդրեասյանը, նշել է, որ երկրում մանկական աղքատությունը 30 տոկոսից ավելի է, այսինքն՝ ամեն երրորդ երեխան աղքատ է: Նրա խոսքով՝ կես միլիարդ ՀՀ դրամը կբավականացնի հասարակական կազմակերպությունների եւ համայնքների հետ համագործակցությամբ ցերեկային անհրաժեշտ ծառայություններ տրամադրել ՀՀ բոլոր մարզերում շուրջ 4000 երեխաների եւ նրանց ընտանիքներին:

Նախարարի տեղակալի համոզմամբ՝ երեխաների շուրջ 92 %-ը հաստատությունում է գտնվել ընտանիքի սոցիալ-տնտեսական վատ դրության եւ դրանից բխող հետեւանքների արդյունքում, ինչը վերջինս անթույլատրելի է համարում։

Ըստ Ժաննա Անդրեասյանի՝ պետության կողմից երեխային աջակցության տրամադրումը չպիտի պայմանավորված լինի նրա՝ որեւէ հաստատությունում գտնվելու հանգամանքով։ Եթե երեխան ունի շոր ու կոշիկի, գրենական պիտույքների, այլ աջակցության կարիք, ապա պետք չէ նրան հանել ընտանիքից։ Աջակցությունը եւ ծառայությունները երեխան պետք է ստանա իր ընտանիքում գտնվելով, եւ պետությունը շարունակելու է աջակցությունը տրամադրել երեխաներին՝ առանց նրանց կտրելու իրենց ընտանիքներից։

Սա նախեւառաջ երեխաների պաշտպանությանն ուղղված քայլ է, որում զիջելը նշանակում է զիջել սեփական երկրիդ հեռանկարը:

Նախարարությունից ՀԺ-ին հայտնեցին, որ պակաս կարեւոր չեն համարում նաեւ գիշերօթիկ հաստատությունների աշխատակիցների հարցը, կարգավորում է նախատեսվում նաեւ դրա վերաբերյալ: Նրանց կառաջարկվի խնամակալության կենտրոններում իրականացվող ծրագրերում ներգրավվել, մեկ այլ տարբերակով էլ՝ այն նեղ մասնագետները, որոնք կուզենան աշխատել ճգնաժամային կենտրոններում կամ ցերեկային խնամքի մյուս հաստատություններում՝ կաշխատեն, բայց կունենան վերապատրաստման կարիք, կգնան վերապատրաստման դասընթացների, որպեսզի համապատասխանեն նոր պահանջներին:

«Քանի որ գիշերօթիկ հաստատությունների մասնագետները երեխաների հետ աշխատելու լավագույն փորձն ունեն, առաջարկվել է անցնել խնամատար ծնողների համար նախատեսված դասընթացներն ու համալրել խնամատար ծնողների բանկը, իրենց խնամքի տակ վերցնելով՝ երեխաների, որոնք որդեգրման ենթակա չեն, բայց կարող են խնամատար ընտանիքներում ապրել: Առաջարկվող այս բոլոր տարբերակներում նրանք բնականաբար կվճարվեն եւ կվճարվեն իրենց այսօրվա աշխատավարձից շատ»,- հայտնեց Սոնա Մարտիրոսյանը:

Աշխատանքի եւ սոցիալական հարցերի նախարարությունից նաեւ փոխանցեցին, որ մանկավարժները դեռեւս աշխատանքի են գնալու: Գիշերօթիկ հաստատությունների աշխատակիցները կառավարության համապատասխան որոշումից հետո ծանուցում կստանան, եւ ամեն ինչ կարվի պատշաճ տեսքով: Քանի դեռ կառավարության որոշումը չկա, նրանք շարունակելու են աշխատել եւ աշխատավարձ ստանալ:

Տպել
2360 դիտում

Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է

Ալեքսեյ Սանդիկովը կգործուղվի Մոսկվա

Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը

ԱԺ պատգամավորները կգործուղվեն Բեռլին

5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին

Հայաստանում տեղումների դադար է, ջերմաստիճանը կբարձրանա 8-10 աստիճանով

«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել

200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը