Վարդան Սրմաքեշը Գյումրիում ծննդատուն կկառուցի

«Առաջին անգամ, երբ Ժնևում հանդիպեցի Վարտան Սիրմակեսին, մի առողջապահական ծրագրի առաջարկ արեցի նրան՝ Գյումրի քաղաքի համար։ Այսօր արդեն ստորագրում ենք փոխըմբռնման հուշագիր` ըստ որի, պարոն Վարտան Սիրմակեսի ստեղծած հիմնադրամի միջոցներով 2019թ. կմեկնարկի Գյումրի քաղաքում «Նազարեթ և Սոնա Սիրմակես Հանլյան» ծննդատան հիմնման աշխատանքները: Նոր ծննդատունը կնպաստի Շիրակի մարզի առողջապահության ոլորտի զարգացմանը և կլուծի տարիներ ի վեր եղած խնդիրները այդ ոլորտում»։

Այսպես կարճ ու հակիրճ Առողջապահության նախարարը բոլորին տեղյակ է պահել Գյումրիում գործարար Վարդան Սրմաքեշի հերթական նախաձեռնության մասին, նաեւ ծննդատան էսքիզներն է ներկայացրել եւ նշել, որ դրանք նախնական են, հնարավոր է, որ փոխվեն:

Լուսանկարներն Արսեն Թորոսյանի ֆեյսբուքի էջիցՀիշեցնենք, որ բոլորովին վերջերս՝ ընթացիկ տարվա հունիսի 20-ին, Գյումրու ավագանին «Ֆրանկ Մյուլլեր» ընկերության նախագահ Վարդան Սրմաքեշից հետ էր վերցրել Գյումրու սեփականություն հանդիսացող Գործարանային 2/4 հասցեում գտնվող շինությունը, որը  մեկ տարի առաջ՝ 2018 թվականի հուլիսին էր տրամադրվել «Ֆրանկ Մյուլլեր»-ին` տարածքում արհեստագործական կենտրոն հիմնելու նպատակով:

Գյումրիում ներկա պահին գործում է «Գյումրու ծննդատուն»-ն ու Ավստրիական մանկական հիվանդանոցի վերջերս բացված եւ ժամանակակից  սարքավորումներով հագեցած ծննդաբերական բաժանմունքը: Վերջինն առանց խնդիրների, առաջինը լուրջ խնդիրներով է առաջ շարժվում՝ չունի շենքային բավարար պայմաններ, նաեւ գործիքասարքավորումների բաց կա եւ տարբեր պատճառներով կուտակված միլիոնավոր պարտքեր: Ժամանակ առ ժամանակ խոսվում էր այս ծննդատան փակման մասին: Վերջին շրջանում լռություն է:

Արսեն Թորոսյանի այսօրվա հրապարակումից, սակայն «Գյումրու ծննդատան» տնօրեն Էդգար Սուքիասյանն անհանգստացած չէ, այլ ուրախ է եւ ոգեւորված: ՀԺ-ի հետ զրույցում ասաց,  սխալ ընկալում է եղել: Ըստ Սուքիասյանի, ոչ թե երրորդ նոր ծննդատուն է կառուցվում Գյումրիում, այլ կառուցվում է նոր ծննդատուն, որտեղ պետք է կենտրոնացվեն «Գյումրու ծննդատուն»-ն ու Ավստրիական մանկական հիվանդանոցի ծննդաբերական բաժանմունքը: «Ոչ թե երրորդն է կառուցվում, այլ հակառակը, միավորում է տեղի ունենում, նորմալ պայմաններ են լինելու: Վերջապես Գյումրին կունենա ժամանակակից բոլոր պահանջներին համապատասխանող ծննդատուն: Ես վատ միտում չեմ տեսնում, հլը որ լավ բան եմ տեսնում: Կառուցվելու է լավը, նորը, հուսով եմ ամեն ինչ լավ կլինի»,-ասաց «Գյումրու ծննդատան» տնօրենը:

Արդյո՞ք պաշտոնապես այս մասին հայտարարվել է, եղե՞լ են հանդիպումներ, կամ քննարկումներ ՀԺ-ի հարցին, Սուքիասյանը պատասխանեց՝ ոչ: «Ոչ մի բան էլ ոչ նախնական, ոչ էլ վերջնական չի հայտարարվել: Բայց որ 3-րդ ծննդատուն չի լինելու ,դա էդպես է, դա քաղաքի, Գյումրու ծննդատունն է լինելու: Ես հաստատ գիտեմ, որ Գյումրու ծննդատունը տեղակայվելու է այդ նոր շենքում: Ավստրիականի մասով բան չեմ կարող ասել»,-ասաց Էդգար Սուքիասյանը:

Ոչինչ չասաց նաեւ Ավստրիական մանկական հիվանդանոցի տնօրեն Աշոտ Կուրղինյանը: Ըստ նրա, այս պահին պետք է բավարարվել այն տեղեկատվությամբ, ինչը հրապարակել է Առողջապահության նախարարը: «Դուք, ինչպես եւ ես, խնդրում եմ բավարարվեք նախարարի այս պահի ինֆորմացիայով, ինչ-որ նախարարը տեղադրել է կայքում: Ավել ուրիշ բան ասել չեմ կարող: Ինչ նախարարը տեղադրել է, սա է ինֆորմացիան»,-ասաց Աշոտ Կուրղինյանը:

Նոր ծննդատունը հնարավոր է, որ կառուցվի «Գյումրի» բժշկական կնետրոնի եւ Ավստրիական մանկական հիվանդանոցի միջնամասում:

Տպել
5207 դիտում

ԱԳ նախարարը հանդիպել է ՀՅԴ Հայ դատի հանձնախմբերի ներկայացուցիչներին. 6 ժամ է տեւել հանդիպումը

2020 թվականի հունվարին ՀՀ տնտեսական ակտիվության ցուցանիշն աճել է 8.9 տոկոսով

Երեկվա խոշոր վթարից տուժած 5 եւ 7 տարեկան երեխաներին տեղափոխել են Երեւան. 2-ի վիճակն էլ ծանր է

Աշխարհը պիտի պատրաստվի կորոնավիրուսի համաճարակի. Առողջապահության համաշխարհային կազմակերպություն

Արմեն Սարգսյանը շնորհավորական ուղերձներ է հղել Քուվեյթի Պետության Էմիրին ու թագաժառանգին

Պաշտպանի աջակցությամբ դատապարտյալը ենթարկվել է աչքի անվճար վիրահատության

Թալինցի 16-ամյա տղայի գործի, անելիքների եւ նպատակների մասին. պատմությանն անդրադարձել է ՀՀ վարչապետը

Քաղաքապետարանն այս գործով չի զբաղվում, չի ասում՝ բարձրացնենք, տեսնենք տակը ինչ կա. Երեւանի բնակիչը պայքարում է 20 տարի

Տեղի է ունեցել Սնանկության գործով կառավարչի որակավորման ստուգման երկրորդ՝ հարցազրույցի փուլը

Հենրիխ Մխիթարյանը՝ «Լեչեի» դեմ հանդիպման լավագույն ֆուտբոլիստ

Սահմանադրության փոփոխությունների հանրաքվեի շրջանակներում ՀՀ գլխավոր դատախազությունում աշխատանքային խումբ է ստեղծվել

Երևանին պետք են նոր զրուցարաններ, նստարաններ, տեսակավորված աղբի տարաներ, եզրաքարեր. հայտարարվել են մրցույթներ

Հրշեջ-փրկարարները մարել են խոտածածկ տարածքներում բռնկված հրդեհները՝ ընդհանուր ընդգրկելով մոտ 10.5 հա տարածք

Իտալիայում կորոնավիրուսի կտրուկ աճով պայմանավորված՝ ՀՀ դեսպանատունը կոչ է անում կապվել իրենց հետ

Վանաձորի թատրոնի սկանդալային «Թանկարժեք դիակ» ներկայացման ցուցադրությունը հետաձգվել է անորոշ ժամանակով

Հրդեհ Իսակովի պողոտայում. տուժածներ չկան

Աշոցքի տարածաշրջանի ավտոճանապարհներին բուք է, Վարդենյաց լեռնանցքը՝ փակ

Ապրիլին Երևանում կկայանա FINTECH360 միջազգային համաժողովը

Մարտի 8-ին կանայք են տղամարդկանց թատրոն ու կինոթատրոն հրավիրելու. Երեւանի քաղաքապետարանը գնել է բոլոր տոմսերը

Ծնողը աշակերտների ներկայությամբ ապտակել է ուսուցչուհուն․ ուսուցչական անձնակազմի հայտարարությունը