Վայոց Ձորի մարզում բրուցելոզով վարակվել է մանր եղջերավոր անասունների մինչեւ 1 տոկոսը (լուսանկարներ)

Վայոց Ձորի մարզի Եղեգիս խոշորացված համայնքի Քարագլուխ բնակավայրում ամիսներ առաջ բռնկված բրուցելոզ հիվանդությունը նահանջել է: Բրուցելոզով վարակված բոլոր կենդանիները հարկադիր սպանդի են ենթարկվել: Վերջին դեպքը գրանցվել է հունիս ամսին, որի ընթացքում հարկադիր սպանդի է ենթարկվել 16 կենդանի: Այս մասին ՀԺ-ի հետ զրույցում ասաց Եղեգիս Խոշորացված համայնքի ղեկավար Արթուր Ստեփանյանը. «Վիճակը հիմա շատ լավ է, առաջիկայում մի հատ էլ նոր ստուգում կանենք, գյուղում գտնվող մանր եւ խոշոր անասունները մաքուր են, վերջին անգամ 16 անասուն ենք սպանդի ենթարկել»,-ասաց նա՝ նշելով, որ նախատեսում են օգոստոսին բարձրանալ եւ սարում գտնվող անասուններից արյուն վերցնել:

Արթուր Ստեփանյան

Խոշորացված համայնքի ղեկավարի խոսքով՝ բրուցելոզով վարակված 3 բնակիչ ունեն, որոնք վարակվել են նախորդ տարիներին: Համայնքի ղեկավարը պաշտոնապես հերքեց, թե գյուղում 38 հոգի վարակված է բրուցելոզով:

Արթուր Ստեփանյանի խոսքով՝ բնակիչները, որոնց անասունները սպանդի են ենթարկվել, այսօր փաստի առաջ են կանգնած: Խոշորացված համայնքի ղեկավարը կառավարությունից փոխհատուցում է խնդրում, քանի որ ըստ նրա, ընտանիքներ կան, որոնց բոլոր անասուններն են վերացվել, ինչի հետեւանքով մեկ ընտանիքը մի քանի միլիոն դրամի վնաս է կրել. «Մի տանից 8 կով է մորթվել, եթե դա 500 հազարով բազմապատկենք, մեծ թիվ է կազմում: Եթե էդ հարցը կառավարությունում քննարկվի ու փոխհատուցում տան ընտանիքներին, մեծ օգնություն կլինի… կառավարությունը եթե պահուստային ֆոնդից որեւէ հատկացում անի, էս մարդկանց համար մեծ օգնություն կլինի: Մեր գյուղում ընդհանուր առմամբ 150 գլուխ մանր եւ 34 գլուխ խոշոր եղջերավոր անասուն ենք սպանդի ենթարկել»:

Վայոց Ձորի մարզպետարանի գյուղատնտեսության եւ բնապահպանության վարչության պետի ժամանակավոր պաշտնակատար Գեղամ Մարգարյանը ՀԺ-ի հետ զրույցում ասաց, որ բրուցելոզ հիվանդության հետ կապված խնդիրներ կան միայն Քարագլուխ եւ Գնիշիկ համայնքներում. «Մի տեղ 50, մի տեղ 140 գլուխ է անկվել, դա կազմում է մարզի անասնագլխաքանակի մինչեւ 1 տոկոսը, որը չի սպառնում անասնաբուծության հետագա զարգացմանը»:

Գեղամ Մարգարյան

Վարչության պետի ժամանակավոր պաշտոնակատարի փոխանցմամբ՝  մարզում կա 14200 գլուխ մանր եղջերավոր կենդանի, եւ այս դեպքում 150 անասունի անկումը որեւէ բան դեռ չի նշանակում. «Ամբողջ գործընթացը վերահսկվում է, եթե պետպատվերչով տարին 1 անգամ պետք է արյուն վերցվի, մենք 5 անգամ ենք արել, ու ամբողջը վերահսկվում է, վիճակն արդեն մաքուր է: Դա պարզապես արտագնա արոտների հետ էր կապված, որը եւս մենք վերցրել ենք մեր վերահսկողության տակ»:

Մարզպետարանի առողջապահության եւ սոցիալական ապահովության վարչության պետի ժամանակավոր պաշտոնակատար Վասիլ Ասլանյանն էլ «Հայկական Ժամանակ»-ին փոխանցեց, որ մարզի բուժհաստատություններ բրուցելոզով հիվանդ այս տարի 1-2 հոգի է դիմել:

ՍԱՏՄ տեղեկատվության եւ հասարակայնության հետ կապերի բաժնի պետ Անուշ Հարությունյանը ՀԺ-ի հետ զրույցում ասաց, որ սննդամթերքի անվտանգության տեսչական մարմնի մասնագետների իրականացված ուսումնասիրության արդյունքում պարզվել է, որ Վայոց ձորի մարզում բրուցելոզով հիվանդ կենդանիներ հայտնաբերվել են հիմնականում Քարագլուխ բնակավայրում և Գնիշիկ բնակավայրի միայն մեկ ընտանիքում: Քարագլուխ բնակավայրում կատարվել են մանր և խոշոր եղջրավոր կենդանիների ամբողջ գլխաքանակի բազմակի ստուգումներ՝ 5 անգամ ստուգվել են մանր եղջրավոր կենդանիները, 3 անգամ՝ խոշոր եղջրավոր կենդանիները, թեև պետպատվերով նախատեսված են ԽԵԿ-ի և ՄԵԿ-ի համապատասխանաբար տարեկան երկու և մեկ անգամյա ստուգումներ:

2019թ. առաջին կիսամյակի տվյալներով՝ Վայոց Ձորի մարզում մարզում ստուգվել է 11140 գլուխ մանր եղջրավոր և 9690 գլուխ խոշոր եղջրավոր կենդանի: Արդյունքում գրանցվել է բրուցելոզով հիվանդ՝ համապատասխանաբար 146 և 60 գլուխ կենդանի, որը կազմում է մարզի ընդհանուր անասնագլխաքանակի (14800 գլուխ) ընդամենը 1.3 տոկոսը (հիվանդ կենդանիները ենթարկվել են սպանդի):

Անուշ Հարությունյանը հայտնեց նաեւ, որ ընդհանուր առմամբ հանրապետությունում 2019թ. առաջին կիսամյակում ստուգված խոշոր եղջերավոր 281764 գլուխ կենդանիներից միայն 1813-ի, այսինքն՝ 0,64%-ի, մոտ է հայտնաբերվել բրուցելոզ, իսկ մանր եղջերավոր կենդանիներից՝ ընդամենը 1.04%-ի (222546-ը 2318-ը): Սա նշանակում է, որ 50% վարակվածության մասին խոսելն ապատեղեկատվություն է, հանրապետությունում այդ թիվը չի գերազանցել 3%-ը: Տարվա վերջին կներկայացվի առավել ամբողջական պատկեր:

Տպել
2190 դիտում

Անելու եմ այնպես, որ հանդիսատեսը հարցերով դուրս գա դահլիճից. Սերժ Մելիք-Հովսեփյանը նոր ներկայացում է բեմադրել

ՄԱԿ-ի Անվտանգության խորհուրդը այսօր Սիրիայի վերաբերյալ երկու բանաձև կքվեարկի

Մանվել Գրիգորյանի ունեցվածքը ինչի՞ չեք վաճառում, օգնում մայրերին․ վարչապետը՝ Գրիգորյանի նախկին օգնականին

Ինչ-որ փուլում վարչապետ Նիկոլ Փաշինյանն էլ կարող է դիմել Վճռաբեկ դատարան՝ Մարտի 1-ի գործով արդարացման դատավճռի համար

Ծառայում ենք ուշադիր, զգոն և ոչ ենք ասում անտարբերությանը. ոստիկանության պետի ժամանակավոր պաշտոնակատար (տեսանյութ)

Հայաստանն ու Չինաստանը քննարկել են էկոտուրիզմի ոլորտում համագործակցության հարցեր

Ջոն Բոլթոնը դռնփակ հանդպմանը քննադատության է ենթարկել Թրամփի արտաքին քաղաքականությունը. Politico

ԵԱՏՄ-ն կայացել է որպես ինտեգրացիոն միավորում. նրա անդամ բոլոր երկրները դրական արդյունք են արձանագրել. Մատվիենկո

ՀՀ ֆուտբոլի հավաքականն առաջադիմել է ՖԻՖԱ-ի աղյուսակում

ԱԺ-ն հրապարակեց Հրայր Թովմասյանի լիազորությունները դադարեցնելու հարցով ՍԴ դիմելու որոշման նախագիծը

Թուրք հայտնի դերասանը խոշոր գումար է վճարել հայ նկարչի կտավները ձեռք բերելու համար

ԱՄՆ-ը մտադիր է Իրանի դեմ լայն կոալիցիա ստեղծել ՄԱԿ-ի միջոցով. The Wall Street Journal

Մինչև 2024 թ.-ը 5-6 տարեկանների 90%-ը և 3-6 տարեկանների 70%-ն ընդգրկված կլինի նախադպրոցական հաստատություններում

Վանեցյանը հաստատեց, որ մենակ չի գրել, այլ իրեն օգնել են. խնդիրը դա՞ է, թե ով է գրել. Կարապետյան

Այլ նախարարների հրաժարականների մասին քննարկում կառավարությունում չի եղել. Հակոբ Արշակյան

Եվրոպայի չեմպիոն Հարությունյանը ձեռքից բաց թողեց հաղթանակն ըմբշամարտի աշխարհի առաջնությունում

Կառավարությունը 9.4 մլն դրամ հատկացրեց՝ Թալիշում վիրավորված Հայկ Սեխլիյանի բուժումը Գերմանիայում իրականացնելու համար

Հայաստանն ու Վրաստանը կարեւորել են երկու խորհրդարանների միջև ակտիվ շփումն ու համագործակցությունը

2 մեդալով. Հունահռոմեական ոճի ըմբիշները վերադարձան Հայաստան

Հափշտակվել է շուրջ 9.3 մլն դրամ. ՔԿ-ն պաշտոնապես հաստատել է Հրայր Թովմասյանի սանիկի ձերբակալությունը