ՀՀ և Վրաստանի ԱԳ նախարարները վերահաստատել են հակամարտությունները խաղաղ լուծելու հանձնառությունը

Հայաստանի ԱԳ նախարար Զոհրաբ Մնացականյանը և Վրաստանի ԱԳ նախարար Դավիթ Զալկալիանին հուլիսի 24-ին կայացած հանդիպմանը փոխանակել են իրենց մոտեցումները և տեսակետները տարբեր հարցերի շուրջ, որոնք վերաբերում են տարածաշրջանային անվտանգությանը և վերահաստատել հանձնառությունը տարածաշրջանում առկա հակամարտությունների լուծմանը բացառապես խաղաղ ճանապարհով, նաև այն ըմբռնումը, որ յուրաքանչյուր հակամարտություն ունի իր յուրահատկությունները և իր բանակցային շրջանակը, որի մեջ տեղի է ունենում խաղաղ կարգավորում: Ինչպես  տեղեկացրին ՀՀ արտաքին գործերի նախարարության լրատվության և հանրային դիվանագիտության վարչությունից, Զոհրաբ Մնացականյանն այս մասին նշել է իր վրացի գործընկերոջ հետ հանդիպումից հետո հանդես գալով մամուլի համար հայտարարությամբ։

« Ցավոք, մենք դեռևս տարածաշրջանում ունենք չկարգավորված հակամարտություններ: Մենք վերահաստատեցինք մեր հանձնառությունը հակամարտությունների լուծմանը բացառապես խաղաղ ճանապարհով, նաև այն ըմբռնումը, որ յուրաքանչյուր հակամարտություն ունի իր յուրահատկությունները և իր բանակցային շրջանակը, որի մեջ տեղի է ունենում խաղաղ կարգավորում: Վերահաստատեցինք մեր մտադրությունը՝ ձևավորված շրջանակներում և ձևավորված բանակցային հարթակներում աջակցելու խաղաղ կարգավորման գործընթացներին»,- ասել է Հայաստանի ԱԳ նախարարը։ 

Նա իր խորին շնորհակալությունն է հայտնել գործընկերոջը՝ Դավիթ Զալկալիանիին , և հայտնել, որ մեկ տարվա ընթացքում ունեցել են բազմաթիվ առիթներ միմյանց հետ շփվելու և քննարկելու մեր օրակարգի բազմաթիվ հարցեր: «Շփումների և անմիջապես միմյանց հասանելի լինելու խնդիր երբևէ չենք ունեցել, և շատ շնորհակալ եմ Դավիթին այս աշխատելաոճի համար: Եվ այժմ տեղի է ունենում իմ պաշտոնական այցը Վրաստան, որը շատ լավ առիթ է, որպեսզի մենք կարողանանք ամփոփ և համապարփակ ձևով անդրադառնալ մեր երկկողմ օրակարգին: 

Ցանկանում եմ ընդգծել մեր բավարարվածությունը այն բավականին բարձր դինամիկայի առնչությամբ, որն առկա է մեր հարաբերություններում, շփումներում, մեր համագործակցության մեջ: Մեր վարչապետները շատ ակտիվ երկխոսության մեջ են միմյանց հետ: Մի քանի փոխայցելություններ են տեղի ունեցել: Մեր նախագահները շատ ակտիվ շփվում են միմյանց հետ: Մի քանի շաբաթ առաջ տեղի ունեցավ Հայաստան-Վրաստան  միջկառավարական հանձնաժողովի նիստը, որը բավական բովանդակալից էր և ծավալուն: Անդրադարձ է կատարվել բազմաթիվ հարցերի և ծրագրվել են բոլոր ոլորտներում համագործակցության աշխատանքները: Որպես կառավարություններ՝ մենք նաև փորձում ենք խթանել բոլոր շփումները բիզնես ոլորտի, քաղհասարակության շրջանակներում»,-ընդգծել է ՀՀ արտաքին քաղաքական գերատեսչության ղեկավարը:   

Նա շատ էական է համարել համագործակցության միջխորհրդարանական հարթակը: «Մենք մեր կողմից փորձում ենք մեր ներդրումն ունենալ, արտաքին ոլորտի պատասխանատուների, արտաքին ոլորտի գերատեսչությունների մակարդակով ակտիվ պահել այդ երկխոսությունը և համագործակցությունը»,- ասել է նա՝ նշելով, որ սպասում է Դավիթ Զալկալիանիին Հայաստանում պատասխան այցով: 

«Այս ամենն իր ամբողջության մեջ  արտահայտում է մեր մտադրությունների լրջությունը և պատասխնատվությունը՝ որպես երկու հարևան պետություն, երկու ժողովուրդ, որոնք բազմադարյա պատմական արժեքային հիմքերի վրա կառուցած հարաբերություններ ունեն, առաջ տանելու այս հարաբերությունները՝ ի շահ մեր ժողովուրդների, մեր երկրների, բայց նաև ամենակարևորը՝ ի ամրապնդումը մեր տարածաշրջանային համագործակցության և անվտանգության, որը մեզ համար շատ կարևոր խնդիր է: 

Մենք նաև փոխանակեցինք մեր մոտեցումները և տեսակետները տարբեր հարցերի շուրջ, որոնք վերաբերում են տարածաշրջանային անվտանգությանը: Ցավոք, մենք դեռևս տարածաշրջանում ունենք չկարգավորված հակամարտություններ: Մենք վերահաստատեցինք մեր հանձնառությունը հակամարտությունների լուծմանը բացառապես խաղաղ ճանապարհով, նաև այն ըմբռնումը, որ յուրաքանչյուր հակամարտություն ունի իր յուրահատկությունները և իր բանակցային շրջանակը, որի մեջ տեղի է ունենում խաղաղ կարգավորում: Վերահաստատեցինք մեր մտադրությունը՝ ձևավորված շրջանակներում և ձևավորված բանակցային հարթակներում աջակցելու խաղաղ կարգավորման գործընթացներին։ 

Մենք ունենք շատ լավ համագործակցություն միջազգային բազմաթիվ հարթակներում և ևս մեկ անգամ վերահաստատեցինք մեր մտադրությունը համատեղ աշխատանքով էլ ավելի խորացնել նման համագործակցությունը։ 

Մենք բավական երկար խոսեցինք օրակարգային այլ հարցերի շուրջ և շարունակելու ենք քննարկումներն օրվա ընթացքում։ Արդեն տեսաք՝ որքան ժամանակ պահանջվեց արտահայտելու, թե ինչ ենք քննարկել, որը կրկին ցույց է տալիս, թե որքան լայն է հարցերի շրջանակը, որը միավորում է մեզ՝ Հայաստանին և Վրաստանին։ 

Եվս մեկ անգամ խորապես շնորհակալ եմ, Դավի՛թ, շատ ջերմ հյուրընկալության համար»,- ասել է ՀՀ ԱԳ նախարարը։

Տպել
513 դիտում

ԱՀԿ տվյակներով աշխարհում փետրվարի 20-ի դրությամբ արձանագրվել է կորոնավիրուսի 75748 լաբորատոր հաստատված դեպք

Կոտայքի մարզի ֆերմերներին ներկայացվել են գյուղաջակցության ծրագրերը

Նախկին փոխնախարար Արսեն Դավթյանի գործով հարցաքննվեց «Էրեբունի» բ/կ-ի գլխավոր տնօրենի էկոնոմիկայի գծով տեղակալը

Հրդեհ է բռնկվել Վանաձորի Բազում թաղամասում

Նիկոլ Փաշինյանը տիկնոջ հետ մասնակցել է Երվանդ Մանարյանի հոգեհանգստի արարողությանը

Արայիկ Հարությունյանը հավատում է, որ մինչեւ 2050թ. Հայաստանը 25 օլիմպիական ոսկի կունենա

Մահակով և հակագազով ցուցմունք կորզելու քրգործով մեղադրանք է առաջադրվել ոստիկանության Արաբկիրի բաժնի ՔՀԲ նախկին պետին

Տեղի է ունեցել կին զինծառայողների հանդիսավոր երդման արարողություն. ՊՆ

Հովհաննես Շահինյանը կբողոքարկի իր տան խուզարկության՝ դատարանի որոշումը

Վարչապետի որոշմամբ Արթուր Շատվորյանը նշանակվել է ՍԱՏՄ ղեկավարի տեղակալ

Սահմանադրական բարեփոխումների հանձնաժողովը առաջին նիստն է գումարել. ձեւավորվել են խմբեր

Մհեր Գրիգորյանը մասնակցում է ԵԱՏՀ խորհրդի նիստին

24 տարի սպասում էի այս պարգեւներին. Հայաստանից նեղացած հեռացած օլիմպիական չեմպիոնին մեծարեցին

Կրակոցներ Սայաթ-Նովա գյուղում. խուլիգանության փաստով հարուցվել է քրեական գործ

Պիտի հաստատենք մեր հեղափոխությունը. Օսլոյում բնակվող կինը որոշել է հետեւել Փաշինյանի կոչին եւ հանրաքվեի օրը լինել ՀՀ-ում

5-րդ զորամիավորման զորամասը բերվել է մարտական պատրաստականության բարձր աստիճանի. ՊՆ (լուսանկարներ)

Աննա Հակոբյանն այցելել է 12-րդ զավակն ունեցած Բեժանյանների ընտանիքին (լուսանկարներ)

1-ին զորամիավորումում իրականացվել են տեղազննման աշխատանքներ. ՊՆ

IDBank-ն առաջինը Հայաստանում ներկայացնում է Visa Signature պրեմիում դասի քարտը

Երևանն աճուրդով վաճառում է 11 հողատարածք. նախնական գները՝ 1.6-30 մլն դրամ