Եթե համամիտ չեն, թող դիմեն դատարան. Ռոստոմյանը՝ կրթության նախարարությանը

Հայաստանի ազգային օլիմպիական կոմիտեի գլխավոր քարտուղար Հրաչյա ռոստոմյանը վստահ է, որ իրենք բռնցքամարտի վերաբերյալ ճիշտ որոշում են կայացրել: Այսօր՝ հուլիսի 24-ին, ՀԱՕԿ արտահերթ ասամբլեայի ժամանակ ՀՀ Բռնցքամարտի ֆեդերացիան, որը գործում է երկար տարիներ եւ ճանաչված է Բռնցքամարտի միջազգային միության կողմից (ԱԻԲԱ) հեռացվեց, եւ որպես ՀԱՕԿ ժամանակավոր անդամ ընդունվեց նորաստեղծ Բռնցքամարտի հայկական ազգային ֆեդերացիան, որը միջազգային կառույցի կողմից ճանաչում չունի: Մինչեւ ասամբելայի մեկնարկը ՀՀ Կրթության, գիտության, մշակույթի եւ սպորտի նախարարությունը հայտարարություն էր տարածել: Ասամբլեայից հետո ՀԱՕԿ գլխավոր քարտուղար Հրաչյա Ռոստոմյանը այդ եւ այլ հարցերի շուրջ խոսեց լրագրողների հետ:

- ՀՀ Կրթության, գիտության, մշակույթի եւ սպորտի նախարարությունն արձագանքել է: Հաղոդագրությունում մասնավորապես ասված է. «ՀՀ կրթության, գիտության, մշակույթի եւ սպորտի նախարարությունը կոչ է անում «Հայաստանի ազգային օլիմպիական կոմիտե» ՀԿ-ին հարգել «Հասարակական կազմակերպությունների մասին» ՀՀ օրենքի պահանջները, զերծ մնալ խնդրահարույց նախաձեռնություններից ու չփորձել արհեստականորեն մի ֆեդերացիան փոխարինել մյուսով»: Համամի՞տ եք այս ձեւակերպման հետ եւ ի՞նչ եք պատրաստվում խոսել նախարարության հետ որպես այս հայտարարության արձագանք:

- Եթե իրավական առումով նայենք, խնդիր չկա: Եթե իրենք համամիտ չեն կարող են դիմել դատարան: Դատարանն էլ միայն Լոզանի արբիտրաժանին դատարասնն է: Խնդրեմ, պատրաս ենք: Վստահ եմ, որ մենք որեւէ բան չենք խախտել, քանի որ այս ամենը քննարկել ենք: Եթե խնդրահարույց լիներ, 1 տարի չէր տեւի այս ամենը: Քննարկել ենք, մենք բոլոր պատասխաններն ունենք: Ինչ վերաբերում է այդ երկար նախարարության ասածին, կասեմ հետեւյալը. այնտեղ նաեւ կետ կա, որ կոչ են անում քննարկելք համագործակցել, ի սեր Աստծո, 1 տարի է՝ տեւում է: Եթե չեմ սխալվում, հունիսի 1-ից նախարարը նշանակվել է: Դե յուրե է հունիսի 1-ից նշանակվել, բայց դե ֆակտո, որքան գիտեմ, ավելի շուտ: Խնդիր չկա, այս 4 ամիսների ընթացքում չ եղել 1 անգամ, որ ասեն՝ եկեք խոսանք մենք... հակառակը, միշտ մենք ենք ասել՝ ժողովո՛ւրդ ջան, եկեք նստենք հասկանանք՝ ոնց է լինելու, ի՞նչ է կատարվում, ինչո՞ւ են այս օրի հասել: Մենք որեւէ արձագանք չենք ստացել: Եվ գլխավոր ասամբլեայից ընդամենը 1 ժամ առաջ հայտարարություն տարածել... ուղղակի իմաստը չեմ հասկանում, մանավանդ պարոն Հարությունյանի հետ իմ հարաբերությունները միշտ ջերմ են եղել եւ շատ նորմալ, չեմ կարծում, որ դժվար էր... Նախարարը քաղաքական պաշտոն է, ուղղակի ով, որ պատասխանատու է այդ նախարարությունում, նրանք պետք է ժամանակին զեկուցած լինեին: Իմ կարծիքով՝ դա ավելի ճիշտ է: Եթե ժամանակին զեկուցած լինեին, այսօր իրենք ոչ այդ հայտարարությունը կանեին... ավելի ասեմ, այսօր նրանք լրիվ տեղեկացված կլինեին խնդրի իրական էությանը: Եթե մենք սխալ ենք, պատրաստ ենք պատասխանատվություն կրել, բայց մենքս սխալ ենք:

-  Նախարարության մեջ նաեւ ասված է, որ պատեւատ են համագործակցել օլիմպիական կոմիտեի հետ: Դուք պատրա՞ստ եք:

- Մենք միշտ ենք պատրաստ: Որեւէ խնդիր չկա, մենք քաղաքական ինչ-որ բաներով չենք զբաղվում: Մեզ մոտ հստակ է. եկեք աշխատենք, մեզ օգնեք-չօգնեք, մենք մեկ է մեր գործն անելու ենք: Այսօր, օրինա, այս ամբողջի մեջ մեզ անհասկանալի է այդ ֆինանսավորումը, մեզ փողով պետք չէ վախեցնել, փողով վախեցնում են, մթոմ ի՞նչ: Ամեն ինչ հասկանալի է, եկեք համագործակցենք, բայց ոչ թե նիստից կես ժամ կամ 40 րոպե առաջ... այս հարցը 1 տարի է՝ արծարծվում է:

- Բազմաթիվ փաստարկներ առաջ բերեցիք, բայց որքան Դուք եք փաստարկներ բերում, այնքան էլ մյուս կողմը հակափաստարկներ է բերում: Կարծո՞ւմ եք, Ձեր փաստարկներն ավելի հիմնավոր են, քան նրանցը:

- Ես չեմ կարծում, ես վստահ եմ: Երբեք այնպիսի քայլ չեմ անում, որ վնասեմ առաջինը իմ երկրի պատիվը, իմ երկրի հեղինակությունը: Չեք կարող գտնել 1 անգամ որեւէ քայլ:

- Քանի որ նշեցիք, որ թող դիմեն դատարան, ինչո՞ւ դուք կամ մյուս ֆեդերացիան (նորաստեղծը) չի դիմել դատարան ՀՀ Բռնցքամարտի ֆեդերացիայի ընտրությունների հետ կապված:

- Մենք չէինք կարող դիմել, կանոնադրությամբ՝ մենք այդ իրավունքը չունեինք:

- Իսկ մյուսը ֆեդերացիան ինչո՞ւ դատարան չի դիմել:

- Գնացեք մյուս ֆեդերացիային հարցրեք:

Այլ հարցե կա՞ն (խմբ. ասաց դիմելով լրագրողներին):

- Ըստ Ձեզ՝ ՀՀ Բռնցքամարտի ֆեդերացիան Եվրոպական խաղերում այդ 4 մեդալակիր բռնցքամարտիկներին պատրաստելու գործում ի՞նչ ավանդ է ունեցել:

- Մենք որեւէ մեկի ավանդը չենք թերագնահատում, մարզիչների աշխատանքը՝ բարձր, ֆեդերացիայի աշխատանքը... իսկ դուք գիտե՞ք՝ վերջին ամիսներին ով է ֆինանսավորել նրանց, տեղյա՞կ եք միջազգային ֆեդերացիայի հետ ով է աշխատել: Մարզիչներից շատ գոհ ենք, ֆեդերացիայից՝ միանշանակ ո՛չ:

- Ձեր խոսքում նշեցիք, որ երբ Գագիկ Ծառուկյանը ստանձնել է ՀԱՕԿ նախագահի պաշտոնը, որեւէ բան չի եղել, եւ շատերը ժամանակավոր ամնեզիա ունեն: Խնդրում եմ՝ ասեք՝ ում է վերաբերում:

- Ով հասկացել է, թող հասկանա, ով չի հասկացել, իր խնդիրն է: Ում համար էր, ինքը, վստահ եմ, հասակցել է:

- Մի քանի ամիս առաջ այն ժամանակ սպորտի նախարարի տեղակալ Գեւորգ Լոռեցյանը հրապարակել էր ԱԻԲԱ-ի գրությունը, որում ԱԻԲԱ-ն պահանջեց, որ 3 ամսվա ընթացքում ՀԲՖ-ն նախագահի նոր ընտրություններ անցկացնի: 3 ամիսներն անցել են, ընտրություն չի եղել, ինչո՞ւ այդ դեպքում չկա ԱԻԲԱ-ի որեւէ արձագանք:

- ԱԻԲԱ-ն մեզ խնդրեց Արթուրը (խմբ. նկատի ունի ՀԲՖ նախագահ Արթուր Գեւորգյանին) նամակ էր գրելմ ինձ ուղարկեցին այդ նամակը, գրել էր իբր քվեարկության հարցը դիտարկվում է դատարանում, բայց դատարանում ոչ թե քվեարկության հարցն էր, այլ այն, որ նախարարությունը դադարեցրել է ֆինանսավորումը: ԱԻԲԱ-ն խնդրեց մինրեւ հունիսի 10 բան չանեքն: Ինչու ձգվեց, որովհետեւ Եվրոպական խաղեր եւ այլն: Ինչ վերաբերում է ԱԻԲԱ-ին, ԱԻԲԱ-ն իր խնդիրների մեջ է: Նույնը, ինչ այստեղ է կատարվում, գումարած, փառք Աստծո, այստեղ խնդիրը չկա, բայց այնտեղ մեծ կոռուպցիոն, խայտառակ կոռուպցիոն բաներ են հայտնաբերվել, դրա համար ՄՕԿ-ը որոշել է «քոքից կտրել»: ԱԻԲԱ-ի գլուխը խառն է, ասածը դա էր:

- Ի բերջո ԱԻԲԱ-ի տեսակետն է լինելու վճռական: Երբ իրենց ներքին հարցերը կարգավորեն, ա՞յդ ժամանակ կլինի կողմնորոշումը՝ Ձեր կարծիքով:

- Չեմ կարծում, որ ԱԻԲԱ-ն իր ներքին հարցերը կկարգավորի, խիստ կասկածում եմ: Իմ անձնական կարծիքն է, որ կստեղծվի միջազգային նոր ֆեդերացիա:

- Ի՞նչ է լինելու, ի՞նչ գործողություններ են Սպասվում:

-  Շատ լավ է լինելու: Որեւէ խնդիր լինելու: Նշեցի, որ ժամանակավորապես ենք ընդունե այս ֆեդերացիան (խմբ. նորաստեծ ֆեդերացիան): Հին ֆեդերաիցնա հիմա հետ ենք կանչում ԱԻԲԱ-ից: Նաեւ նոր ֆեդերացիայի թղթերը կուղարկենք ե՛ւ ԱԻԲԱ, ե՛ւ ՄՕԿ: Այնտեղից պատասխան ստանալուց արդեն կդառնա լիիրավ անդամ, եթե դա է ձեզ հետաքրքրում: Եթե հետաքրքրում է Տոկիո 2020-ը, ապա ֆեդերացիան հանձնաժողովի հետ համատեղ կղեկավարեն թիմը մինչեւ 2020 թ. օլիմպիական խաղերը ներառյալ: Դրանից հետո ըստ արդյունքների. արդյունքներ ցույց կտան, ֆեդերացիան կմնա, մարզիչները կմնան, ցույց չեն տա, կքննարկենք բոլորս միասին:

- Ուրիշ ֆեդերացիաների նախագահների ընտրությունները արդյո՞ք օրենքով են եղել:

- Եղել է ջրագնդակը, էլի մի ֆեդերացիա տասնըքանի թվականին, նույն ընթացակարգով արել ենք: Եթե չկա բողոք, որտեղ՞ից պետք է իմանանք: Եթե կա տվյալ ֆեդերացիայի ժողովրդի բողոք եւ եթե իրական են բողոքները, ապա կստանա այս նույն գործընթացի հայելային պատկերը:

- Թաեքվոնդոյում...

- Թաեքվոնդոյի հետ կապված մինչեւ այսօր ՀԱՕԿ բողոք չի եղել:

- Մինսկում բռնցքամարտի կազմը ընտրելու մասին. ՀԱՕԿ կանոնադրությունն ասում է, որ ՀԱՕԿ-ը պետք է հաստատի ՄՕԿ-ի կողմից ճանաչված ֆեդերացիայի (տվյալ դեպքում ԱԻԲԱ-ի) ներկայացրած կազմը: ՀԱՕԿ կանոնադրության միակ դրույթը, որ թույլ է տալիս չհաստատել այն է, որ մարզիկները չեն համապատասխանում օլիմպիական խարտիային: Ֆեդերացիայի կազմը փոխելուց առաջ նման հիմք ունեցե՞լ եք:

- Չգիտեմ՝ ինչ եք կարդացել, բայց բոլոր... ճիշտ եք աում, բայց, եթե ֆեդերացիան մեր կողմից կասեցված է, մենք որեւէ հարաբերություն ֆեդերացիայի հետ չենք ունեցել: Ստացել ենք 2 ֆեդերացիայի թիմերի կազմեր, Գեւորգյան Արթուրի ֆեդերացայից 10-ից 8 քաշ է ներկայացված եղել՝ 81-ն ու 52-ը ընդհանրապես ներկայացված չեն եղել:

Տպել
786 դիտում

Գորիս-Կապան հատվածի 8-14-րդ կմ-երը ամեն օր ժամը 09:00-18:00-ն շարունակում է փակ մնալ բեռնատարների համար

Երեւանի բնակարաններից մեկում հայտնեբերվել է դի

Երեւանում հրազենի գործադրմամբ ոստիկան է սպանվել. 1 ոստիկան էլ վիրավոր է

Թուրքական «Խաղաղության աղբյուրը». բոլորը կողմ են՝ դեմ խոսելով

ԿԲ նախագահ Արթուր Ջավադյանը հանդիպել է China Union Pay կազմակերպության խորհրդի նախագահի հետ

Զոհրաբ Մնացականյանը հանդիպել է Վրաստանի ԱԳ նախարար Դավիթ Զալկալիանիի հետ

Շվեդիան չեղարկել է Թուրքիային զինտեխնիկա մատակարարելու բոլոր թույլտվությունները

Բեթհովենի 250-ամյակին և բեռլինյան պատի 30-ամյակին նվիրված միջոցառումներ կանցկացվեն. հանդիպում Գերմանիայի դեսպանի հետ

Տավուշի մարզում Porsche-ն մի քանի պտույտ գլորվելով ընկել է ձորակը. կա 1 զոհ, 1 վիրավոր

ՀՀ ֆուտբոլի հավաքականը պարտվեց ու գործնականում կորցրեց Եվրո 2020-ում հայտնվելու հնարավորությունը

ՀՀ պաշտպանության նախարարն ընդունել է Լիտվայի դեսպանին

Ադրբեջանը բողոքի նոտա է հղել Ռուսաստանին՝ պատգամավոր Զատուլինի՝ Արցախ կատարած այցի պատճառով

ՀՀ ֆուտբոլի հավաքականը 2-րդ գոլը բաց թողեց Ֆինլանդիայից. արդեն պարտվում է 0:2

Ինչ եկամուտներ են հայտարարագրել ԱԱԾ ՊՊԾ արդեն նախկին պետ Գրիգորի Հայրապետովը, նրա կինն ու դուստրը

Խաղաղություն ու բարօրություն վրաց ժողովրդին. Ամենայն Հայոց Կաթողիկոսն ընդունեց Վրաստանի վարչապետին

Ոստիկանության Հրազդանի բաժնում մեծ քանակությամբ տարբեր տեսակի զինամթերք է հանձնվել (տեսանյութ)

ՀՀ ֆուտբոլի հավաքականը գոլ բաց թողեց Ֆինլանդիայի դեմ խաղում. պարտվում է 0:1

Հակատուբերկուլոզային դիսպանսերը դեռ չի փակվի, սակայն քննարկվում է կառույցին տրվող ֆինանսական միջոցների կրճատման հարցը

ՀՀ Ազգային ժողովի նախագահը ելույթ է ունեցել Միջխորհրդարանական միության 141-րդ նստաշրջանում

Վարչապետ Փաշինյանի անունից ի պատիվ Գեորգի Գախարիայի տրվել է պաշտոնական ընթրիք