«Այս ասֆալտին տնակը չի սազում, պետք է հանել». աշխատանքային այցով Գյումրիում էր Սուրեն Պապիկյանը

Շիրակի մարզում ընթացքի մեջ է Հայրենյաց-Հայկասար-Տուֆաշեն ճանապարհահատվածի հիմնանորոգումը: Շինարարությունն իրականացվում է Համաշխարհային բանկի «Կենսական նշանակության ճանապարհներ» ծրագրով: Մոտ 9 կմ երկարություն ունեցող միջհամայնքային ճանապարհի հիմնանորոգման համար հատկացվել է 1 միլիարդ 200 միլիոն դրամ:

Ընթացող աշխատանքներին տեղում ծանոթանալու նպատակով Շիրակի մարզ այցելած Տարածքային կառավարման եւ ենթակառուցվածքների նախարար Սուրեն Պապիկյանը լրագրողների հետ զրույցում ասաց՝ մեծ ուշադրությամբ եւ պատասխանատվությամբ են հետեւում աշխատանքին: Որակի կամ ժամկետի շեղում չի լինելու: Շինարարները հստակ տեղեկացված են՝ աչք փակել այլեւս չկա, բոլոր թերացողները կպատժվեն ըստ արժանվույն:

«Աչք փակելը ենթադրում է, որ դրա տակ կա որոշակի կոռուպցիոն ռիսկ, մենք աչք չենք փակելու, եւ հետեւողական ենք լինելու: Ես ամենամսյա ռեժիմով հանդիպելու եմ բոլոր շինարարների հետ, գործընկերային, բարի դրացիական միջավայր ենք ուզում ստեղծել, որ մարդիկ պարտաճանաչ աշխատեն, մենք էլ պարտաճանաչ վճարենք, որ բոլորը գոհ լինեն՝ ե՛ւ քաղաքացիները, ե՛ւ շինարարը, եւ մենք: Մենք շահագրգռված ենք, որ հայաստանյան ընկերությունները լինեն շատ ուժեղ՝ իրենց կարողություններով, ունակություններով, որ մենք կարիք չունենանք որեւէ տեղից շինարար հրավիրելու: Մենք պատրաստ ենք այդ հարցում բոլորին աջակցելու: Աջակցության ամենակարեւոր երաշխիքն այն է, որ կառավարությունն այս պահին արդեն մյուս տարվա համար մեծ միջոցներ է  հատկացնում ճանապարհաշինության համար, ինչը հնարավորություն է տալիս, որ պարտաճանաչ ընկերությունը կարողանա իր կարողությունները մեծացնի, ուժեղանա, հարստանա եւ մեզ որակով ճանապարհներ ապահովի: Դրան զուգահեռ մենք պահանջում ենք որակ եւ պահանջում ենք, որ դա լինի ժամկետի մեջ»:

Պատժի ձեւեր նախարարությունն ունի՝ սեւ ցուցակ, կատարված անորակ աշխատանքի դիմաց չվճարում: Ձեւից բացի, նախարարությունը պատժելու փորձն էլ ունի:

«Նախորդ տարվանից կատարողականներ կան, որոնք մենք չենք ընդունել. եթե որեւէ շինարար կա, որ մտածում է, թե կարող է պետբյուջեի գումարները փոշիացնել, մենք պետք է նրանց խնդրենք, որ այլեւս նման մոլորություններ չունենան, այդ երազնաքները հօդս են ցնդելու, որովհետեւ դա տանելու է նման ընկերության սնանկացմանը, քանի որ չենք վճարելու իրենց»,-ասաց նախարարը:

Նախարարը գյուղից հետո Գյումրիում էր: Ընթացող փողոցաշինական աշխատանքներին ծանոթացավ Տիգրան Մեծ փողոցում, որտեղ ասֆալտապատում է իրականացվում: Հիշեցնենք, սա այն փողոցն էր, որտեղ վարչապետ Նիկոլ Փաշինյանն ապրիլի 5-ի այցի ժամանակ նկատողություն արեց շինարարին սխալ աշխատանքի եւ հետիոտների ու վարորդների համար ստեղծած խնդիրների հետ կապված: «Եթե  շինարարություն ենք սկսում, կապ չունի՝ ինչ շինարարություն է, պետք է մտածենք միջավայրի մասին: Հիմա, ասենք էդ շինարարությունը մի տարի տեւեց, մենք գյումրեցիներին ասում ենք՝ գնացեք Գյումրիից, մի տարուց հետո կգա՞ք: Էդ մի տարվա ընթացքում պարտավոր եք իր միջավայրն ապահովեք: Հիմա մեր բոլոր շինհրապարակների 90 տոկոսն աղբանոց է: Բայց մենք նորմեր ունենք, չէ՞: Բերեք գնանք Եվրոպա, ցանկացած տեղ: Տեսնենք նման վիճակ որտե՞ղ կա, որ մայթը քանդեն, քաղաքացին քայլելու տեղ չունենա»,-զայրացել էր վարչապետը: Այդ այցից մի քանի օր անց հետիոտների անցումների համար որոշակի հարմարություններ ստեղծվեցին: Այսօր արդեն խնդիր չկա, գործն ասֆալտապատմանն է հասել:

Այս փողոցում միակ խնդիրը փողոցին կից գտնվող տնակի հետ էր կապված: «Այս ասֆալտին տնակը չի սազում, հանեք»,-ասաց նախարարը: Սամվել Բալասանյանն էլ տեղեկացրեց, որ անօթեւան ընտանիք է այդտեղ բնակվում: Որոշվեց խնդիրը քննարկել, արագ գտնել լուծումը: Ընդհանուր առմամբ Գյումրիում հիմնանորոգվող 3 փողոցից 70 տաղավար է հանվել: Գործընթացն ըստ քաղաքապետի, շարունակական է:  Սուրեն Պապիկյանը եղավ նաեւ Գարեգին Նժդեհ եւ Շառլ Ազնավուրի հրապարակներում, որոնցում եւս լայնածավալ աշխատանքներ են ընթանում: Ժամկետների ավարտները Գյումրիում ձգձգվում են՝ լրագրողների դիտարկմանը, նախարարն ասաց՝ օբյեկտիվ պատճառներ կան, եւ դրանք հաշվի են առնվում: «Եթե կա օբյեկտիվ պատճառ, մենք էլ կհասկանանք, հիմա էս մարդիկ հո մեր թշնամին չե՞ն: Բայց, եթե գործ կա անելու, եւ կանգնած իրար երեսի են նայում, դա է անընդունելի: Իսկ Գյումրիում իրոք կան օբյեկտիվ խնդիրներ, որոնց պատճառն անկախ նրանից՝ շինարարը դա ուզում է անել ժամկետի մեջ, կամ ավելի արագ, ֆիզիկապես չի կարող: Առաջանում են հարցեր, որը նախագծողը չէր կարող նախապես իմանալ: Հազար ու մի խնդիր է եղել, շատ դեպքերում մենք չուենինք այն պատկերը, որը կա գետնի տակ, ասֆալտից ներքեւ: Բնականաբար, այդ հարցերն օբյեկտիվորեն գնահատվում են եւ հնարավորություն է տրվում շինարարին, որ աշխատանքն ավարտին հասցնի որակով»,- ասաց Սուրեն Պապիկյանը:Տեղում փաստվեց՝ ֆինանսական խնդիրներ չկան, կատարողականները ներկայացնելուց հետո, եթե եզրակացությունը դրական է, վճարվում են: Նպատակ կա մինչեւ օգոստոսի 25-ն ավարտել փողոցաշինությունը:

Նախարար Պապիկյանն այնուհետեւ եղավ Ռուսթավելի եւ Շիրազի փողոցներում: Կանգառը երկար չէր: Պատմական միջուկից մեկնեց Երեւան:

Տպել
4358 դիտում

Աննա Հակոբյանը մասնակցել է Ararat challange փառատոնի բացման արարողությանը

Բաքվում չարտոնված ցույցի պատճառով փակել են մետրոյի երեք կայարան

Աննա Հակոբյանը մասնակցել է «Առողջ ապրելակերպը՝ բոլորի համար» խորագրով սպորտային տոնին

Ուկրաինայի խորհրդարանում Հայաստանի հետ միջխորհրդարանական կապերի պատգամավորական խումբ է ստեղծվել

Հյուսիսային մաքսատունը Գյումրիում կբացվի այս տարի. հստակ ժամկետ, սակայն, չկա

«Էրեբունի-Երեւան» միջոցառումների շրջանակներում սպասվում է անակնկալ. Հայկ Մարության

Ապօրինի գույքի «քաղհալածյալ» սեփականատերերը․ նախկին իշխանություններին խիստ մտահոգել է օրենքի նախագիծը

Վարչապետը ծանոթացել է Արտաքին տնտեսական գործունեության սպասարկման կենտրոնի շինաշխատանքներին

Այս տարվա առաջին 9 ամիսներին արձանագրվել է 3444 ճանապարհատրանսպորտային պատահար

Ոստիկանությունում տեղի ունեցած նիստից հետո մարզային պետեր են ազատվել

Հայկ Մարությանը Երվանդ Մանարյանին հանձնեց Երեւանի պատվավոր քաղաքացու կոչումը

Երկիր մոլորակին կմոտենա մեկ կիլոմետր տրամագծով երկնաքար

Արմեն Կարապետյանն ազատվել է էկոնոմիկայի նախարարության գլխավոր քարտուղարի պաշտոնից

Հերքվել է Սամվել Ֆարմանյանի հայտնած այն տեղեկությունը, թե շոգեբաղնիքում իրեն ՀՔԾ քննիչ է մոտեցել․ ոստիկանություն

Դատախազները քննարկումներ են անցկացրել հանրակրթական եւ հատուկ դպրոցների աշակերտների հետ

Մեր տարածաշրջանը վառոդի տակառ է, մեր անվտանգության երաշխիքները՝ երկուսը

Նիկոլ Փաշինյանի ելույթը՝ Պետական եկամուտների կոմիտեի Գյումրիում կազմակերպած ռազմավարական պլանավորման աշխատաժողովին

Գեղարքունիքի մարզում մեքենան բախվել է բետոնե պատնեշին․ 18-ամյա վարորդն ու նույն տարիքի ուղեւորը մահացել են

Երեւանցին նա է, ով սիրում է Երեւանը, սիրում է՝ հոգատար ծնողի ու պատասխանատու ընկերոջ նման․ Հայկ Մարության

Նիկոլ Փաշինյանն այցելել է Գյումրի՝ ծանոթանալու ավտոմաքսատան շինաշխատանքների ընթացքին (տեսանյութ, լուսանկարներ)