Կարծում եմ՝ շոկից են 27 հազար վերցրել, երեւի սեյֆը բացել, տեսել են՝ 4 միլիարդ չի, 27 հազար է. Ռոբերտ Քոչարյան

Վերաքննիչ քրեկան դատարանում, դատավոր Արսեն Նիկողոսյանի նախագահությամբ, շարունակվում է Ռոբերտ Քոչարյանի գույքի վրա դրված կալանքի հարցով ՀՀ դատախազության կողմից ներկայացրած բողոքի քննությունը:

Նիստին մասնակցում է նաեւ Ռոբերտ Քոչարյանը:

Վերջինս բողոքի վերաբերյալ դիրքորոշում հայտնելիս նշեց, որ մեկ տարի է՝ ոտնահարվում են իր իրավունքները. «Ոտնահարվում են լկտի ձեւով»,- ասաց Քոչարյանը: Նա ասաց, որ այն փաստաթղթերը, որոնք առգրավվել են, վկայում էին իր գույքի եւ միջոցների օրինականության մասին: «Իմ տպավորությամբ՝ սա մի պրակտիկա է, որը Հայաստանում գոյություն ունի, քանի որ այնքան սովորական է, այս ամենն արվում է երեւի խեղճացելու նպատակով։ Զարմանալի էր, կենսաթոշակի հարցով ասում էի՝ լավ, ես պետք է թե՛ կոմունալ եւ թե՛ փաստաբանական ծախսերը հոգամ: Ինչի՞ եք այնպես անում, որ ես, ունենալով հնարավորություն, օգտվեմ իմ բարեկամների, հարազատների աջակացությունից, դա ինձ պատիվ չի բերում: Ձեր հարցը հետաքրքիր էր, թե 27 հազարը ինչի են վերցրել, ես կարծում եմ՝ շոկից, երեւի թե սեյֆը բացեց, տեսավ՝ 4 միլիարդ չի, 27 հազար է»,- հայտարարեց Քոչարյանը, ինչից հետո դահլիճում ներկա գտնվողները սկսեցին ծափահարել: Դատավոր Արսեն Նիկողոսյանը Քոչարյանից խնդրեց հեգնական տոնով չխոսել՝ հավելելով, որ մարդիկ իրենց աշխատանքն են կատարում: Ի պատասխան Քոչարյանն ասաց, որ իր կարծիքով՝ օրենքով պետք է իրենց աշխատանքը կատարեն:

Խոսելով առանձնատնից հայտնաբերված եւ առգրավված զենքերի մասին՝ Քոչարյանն ասաց, որ դրանք որեւէ առնչություն չունեն Մարտի 1-ի գործի հետ: «Այդ զենքերը բոլորը ստուգված են եղել, այդ բոլոր զենքերի կրակած պարկուճն ամբողջը ոստիկանությունում կա, օրինական զենքեր էին եւ այստեղ չկար որեւէ զենք, որն օգտագործված է եղել Մարտի 1-ի ժամանակ, կամ ինչ-որ տեսակի զենք, որը կարող էին ենթադրել, որ Մարտի 1-ի հետ կապ ունենար»,- հայտարարեց Քոչարյանը։ Նա ասաց, որ առգրավվածները եղել են ատրճանակներ եւ որսորդական հրազեն. «Ուղղակի ատրճանակներ էին, որոնք նվիրատվություն էր նաեւ այլ երկրների ղեկավարների, պաշտոնյաների կողմից եւ որսորդական զենք, այդ զենքերն ընդհանրապես առնչություն չունեն այս քրեական գործի հետ»,- հավելեց Քոչարյանը։

Քոչարյանի առանձնատունը խուզարկվել էր նրան մեղադրանք առաջադրելուց հետո:

Առաջին ատյանի դատարանի դատավոր Աննա Դանիբեկյանը, քննելով Ռոբերտ Քոչարյանի գույքի վրա կալանք դնելու որոշման դեմ նրա պաշտպանի բողոքը, հունիսի 7-ին որոշում էր կայացրել այն մասին, որ Հատուկ քննչական ծառայության այդ որոշմամբ խախտվել են Ռոբերտ Քոչարյանի իրավունքները, սակայն դատարանը չէր պարտավորեցրել վերացնել խախտումը։ Դատախազությունը համարում է, որ Ռոբերտ Քոչարյանի գույքի վերաբերյալ որոշումն օրինական է եւ բողոքարկել է այս որոշումը։

Լսելով կողմերին՝ դատարանը հեռացավ խորհրդակցական սենյակ. որոշումը կհրապարակվի ժամը 16:30-ին:

Տպել
3592 դիտում

Արարատի մարզի Նորամարգ գյուղում այրվել է մոտ 200 հակ անասնակեր

ՀՀ կառավարությունը որդեգրել է նորարարական և ներառական տնտեսություն կառուցելու ուղին. Տիգրան Ավինյան

Հանրայինն ունի իր հայեցողությամբ վերահեռարձակող ընտրելու իրավունք. Արա Շիրինյանի պատասխանը՝ Օղլաղչյանին

Իջեւանում՝ մարզպետարանին հարող կամրջից մինչև հիվանդանոցին հարող կամուրջ կտեղադրվեն լեդ լուսատուներ

Գյումրու դրամատիկականը «Թռիչք»-ով բացեց 154-րդ թատերաշրջանը

Աննա Հակոբյանը տեսակցել է շենքի 6-րդ հարկից ընկած 2․5 տարեկան Արվին Վիքսոմին (լուսանկարներ)

Արցախի Հադրութի շրջանի եւ Ֆրանսիայի Իզեր նահանգի միջեւ ստորագրվել է բարեկամության հռչակագիր. Արցախի ԱԳՆ

Միքայել Մինասյանի ընկերությունը «Առաջին ալիքին» վճարում է մի սերիալի չափ գումար. կոռուպցիոն սխեմայի վտանգ

ԱԳ նախարար Զոհրաբ Մնացականյանը հանդիպել է Ավստրալիայի խորհրդարանական պատվիրակության հետ

Յուրի Ջորկաեֆը հոկտեմբերի 6-ից 9-ը որպես ՖԻՖԱ-ի հիմնադրամի տնօրեն կայցելի Հայաստան. վարչապետ

Արցախի նախագահը շնորհավորել է ՀՀ նախագահին՝ Անկախության օրվա կապակցությամբ

Առաջին ազատումը՝ Վալերի Օսիպյանի հրաժարականից հետո. 7-րդ վարչության պետն ազատվել է աշխատանքից

Վայոց ձորի մարզի որոշ դպրոցներում իրավիճակի թեժացման փորձերը մտահոգիչ ենք համարում. ԿԳՄՍՆ

Ամուլսարի պաշտպանության համար Երեւանում մեկնարկել է հանրահավաք

Նիկոլ Փաշինյանն ու Լիբանանի ազգային պաշտպանության նախարարը քննարկել են պաշտպանության ոլորտի փոխգործակցության հարցեր

Ադրբեջանցիները թող պատրաստվեն ջախջախվելու՝ սա իսկական առիթ է. Լեւոն Շիրինյան

Ես ոչ մի ծանր բան չեմ արել, զինվորական եմ եղել, նշված հրամաններն էլ ես չեմ գրել․ Սեյրան Օհանյան

ԵՄ-ն շարունակելու է լայն աջակցության ցուցաբերել Հայաստանին. Եվրոպական հանձնաժողովի ներկայացուցիչը՝ Տ. Ավինյանին

Հայ ծանրորդները վաղվանից սկսում են պայքարն աշխարհի առաջնությունում

Երրորդմասցի Լյովիկի եւ նրա ընկերների սպանության գործով Գաստիկի, Ծըգլի եւ Տլեի պատիժը խստացվեց. 18-ից դարձավ 21