Համաներման ակտից հետո շատ անձինք դուրս են գալիս եւ միշտ չէ, որ նրանք ուղղված վիճակում են լինում. Բաղդասարյան

Վերջին տարիներին Հայաստանում եւ հատկապես մայրաքաղաք Երեւանի հասարակական տրանսպորտում գրպանահատության դեպքերը շատացել են: Օրերս լրագրող Հռիփսիմե Ջեբեջյանն էլ հերթական գրպանահատության փորձ կատարողների լուսանկարներն էր հրապարակել, որից հետո սոցցանցերում ակտիվ քննարկում էր սկսել թեմայի շուրջ: Քաղաքացիները կարծում են, որ դեպքերն աճում են նաեւ այն պատճառով, քանի որ իրավապահները մեղմ են վարվում գրպանահատների հետ:

ՀՀ ԱԺ «Իմ քայլը» խմբակցության պատգամավոր Նիկոլայ Բաղդասարյանը ՀԺ-ին ասաց, որ նախորդ տարվանից օրինագիծ է մշակվել, որով ավելի ծանրացվում է այդ հանցակազմի պատիժը. «Չի կարելի կողոպուտն ու գրպանահատությունն իրար հետ հավասարեցնել: Այստեղ օրենքի խստության խնդիր չկա, իմ կարծիքով՝ այստեղ սոցիալական լուծման խնդիր է եւ պատասխանատվության անխուսափելիության խնդիր է: Եթե անձը կատարել է մի քանի գրպանահատություն, մեր գործող օրենսդրությունն այնպիսին է, որ յուրաքանչյուր գրպանահատության համար արարքը պետք է առաձին գնահատվի եւ պատժի գումարում լինի: Օրենքի ճիշտ կիրառման խնդիր կա: Արեց մարդը 3 անգամ գրպանահատություն, յուրաքանչյուրի համար, եթե 1 տարի տան, մարդը հանրագումարով 3 տարի պատասխանատվություն պետք է կրի: Այստեղ դատական ճիշտ պրակտիկա ձեւավորելու խնդիր ունենք, բայց ոչ օրենքը խստացնելու առումով»,- ասաց Բաղդասարյանը:

Բաղդասարյանի կարծիքով՝ գրպանահատության դեպքերի շատացումը պայմանավորված է սոցիալական խնդիրներով: «Նաեւ խնդիր կա, երբ համաներման ակտից հետո շատ անձինք դուրս են գալիս եւ միշտ չէ, որ նրանք ուղղված վիճակում են լինում: Պրակտիկան ցույց է տալիս, որ հենց լինում է համաներում, այն անձինք, ովքեր ընկնում են համաներման տակ, դուրս են գալիս, ինչ-որ մի ժամանակահատվածում համաներումից հետո գրպանահատությունների քանակը շատանում է»,- ասաց պատգամավորը:

Բաղդասարյանի խոսքով՝ հանցագործների տեսակ կա, որոնք մասնագիտացված են տրանսպորտում գողություն կատարելու գործում. «Հանցագործությունների տեսակներ կան, որոնք դեռեւս խորհրդային ժամանակաշրջանից են եկել, որոնցից է նաեւ տրանսպորտային գողությունը: Այդ մարդիկ հոգեբանորեն նախապատրաստված են այդ հանցագործության համար: Իրենք միշտ իրենց մատները խաղացնում են, երկարացնում են: Նրանց հետ պետք է հոգեբաններ աշխատեն: Տրանսպորտում պետք է իրավիճակ փոխվի, եթե շատ մեծ պրես արած տրանսպորտներ չլինեն՝ այդ հանցագործությունները կսկսեն վերանալ»:

Պատգամավորը կարծում է, որ գրպանահատներին բռնելը շատ դժվար է. «Ամեն մարդու կողքին ոստիկան կանգնեցնել հնարավոր չէ: Այստեղ պետք է ոստիկանությունն իրազեկման աշխատանքներ տանի բնակչության շրջանում եւ դրանով սահմանափակվի: Բայց էլի եմ ասում, դատարանների կողմից պատիժների նշանակման հետ կապված ճիշտ պրակտիկա է պետք ձեւավորել, իսկ քաղաքապետարանի կողմից ավելի որակյալ տրանսպորտային միջոցներ ապահովել է պետք: Եթե այս պայմաններն ապահովվեն, կարծում եմ, մենք կունենանք 100 տոկոսանոց արդյունավետություն եւ նման տեսակի հանցագործություններն իսպառ կվերանան»:

Բաղդասարյանի խոսքով՝ հիմնական խնդիրը դատարանի կողմից ավելի խիստ պատիժներ չկիրառելու հետ է կապված եւ օրենքի մեջ բաց չկա:

Տպել
834 դիտում

Թուրքիայում տեղի ունեցած երկրաշարժի հետեւանքով զոհերի թիվը հասել է 14-ի

Չեմ հավատում այն մարդկանց, որոնք գիրք են գրում, բայց որեւէ մրցանակ չեն ակնկալում. մրցանակբաշխություն ՀԳՄ-ում

4 մարդ է զոհվել Թուրքիայի արեւելքում տեղի ունեցած երկրաշարժի պատճառով

Դպրոցի տնօրենի մրցույթը կարող է լինել հարցազրույցով եւ ըստ զարգացման ծրագրի. օրենքում փոփոխություններ են առաջարկվում

Թուրքիայում ժամը 20:55-ին 6.8 բալ ուժգնությամբ երկրաշարժ է տեղի ունեցել

2019 թվականին Արմավիրում սեփական եկամուտների հավաքագրումների ցուցանիշն աճել է 12,0 %-ով կամ 577,1 մլն դրամով

Բուլղարիան 2 ռուս դիվանագետի է արտաքսում երկրից. պատճառը լրտեսության մեղադրանքն է

Գեղասահորդուհի Անաստասիա Գալուստյանը դուրս մնաց եվրոպայի առաջնությունից

Ժամը 22:00-ի դրությամբ Վարդենյաց լեռնանցքը բեռնատարների համար փակ է

Վանաձորում լուսացույցներից շատերը խափանվել են. քաղաքապետը միտում է տեսնում. կան նաեւ քանդված փողոցներ (լուսանկարներ)

Աշտարակի ոստիկանները թմրանյութ են հայտնաբերել. բերման է ենթարկվել Աղձքի 55-ամյա մի բնակիչ

Մարզպետ Դավիթ Գեւորգյանը ծանոթացել է Արագածոտնի սպանդանոցի տեխնիկական հագեցվածությանը

Ոստիկանության բարեփոխումների կարևորագույն նպատակը ոստիկանություն-քաղաքացի նոր հարաբերությունների հաստատումն է. վարչապետ

Թել Ավիվում՝ ձյուդոյի «Գրան պրի» օլիմպիական վարկանիշային մրցաշարում, Ֆերդինանդ Կարապետյանը բավարարվել է արծաթե մեդալով

Երեւանում մայթով երթեւեկած մեքենան ու վարորդը հայտնաբերվել են (տեսանյութ)

Եվրամիության ղեկավարությունը ստորագրել է Մեծ Բրիտանիայի՝ ԵՄ-ից դուրս գալու համաձայնագիրը

Օգտագործել միայն լավ եփված սնունդ, շշալցված ջուր, չայցելել կենդանաբանական այգիներ. ինչպես խուսափել չինաստանյան վիրուսից

Մխիթար Հայրապետյանը զորակցություն է հայտնել Ադրբեջանի կողմից հետախուզվող Էլենի Թեոխարուսին

Հանդիպել են Հայաստանի եւ Վրաստանի արտգործնախարարները

ՊԵԿ մաքսանենգության դեմ պայքարի վարչությունը 2019-ին կանխել է թմրամիջոցների տարանցիկ տեղափոխման 6 փորձ