Զոլաքարում ամենամեծ խնդիրը բերքի մթերումն է. նախկինում անգամ Սիբիր էին տանում (լուսանկարներ)

Գեղարքունիքի մարզի Զոլաքար համայնքը բնակչության թվով 3-րդ խոշոր գյուղական համայնքն է՝ շուրջ 6900 բնակչով: Համայնքն ապահովված է կապույտ վառելիքով, խմելու ջրով ու անհրաժեշտ բոլոր կոմունիկացիաներով: Գյուղն ունի 2 միջնակարգ դպրոց, մշակույթի կենտրոն: Մանկապարտեզը տարիներ շարունակ գտնվել է վթարային վիճակում: Կառավարության սուբվենցիոն ծրագրով պատրաստվում են նոր մանկապարտեզ կառուցել՝ 380 մլն դրամ նախահաշվային արժեքով, որից 123 մլն դրամը պետք է համայնքը ներդնի, մյուս մասը՝ կառավարությունը:

Զոլաքարի համայնքապետարանի ծրագրերի պատասխանատու Հակոբ Բարոյանը ՀԺ-ի հետ զրույցում ասաց, որ մանկապարտեզի տարիքի 100 երեխա ունեն:

Զոլաքարում զբաղվում են հողագործությամբ ու անասնապահությամբ, մի մասն էլ մեկնում է սեզոնային արտագնա աշխատանքի. «Համայնքում կա կոոպերատիվ տնտեսություն, որն ակտիվ գործում է: Միակ խնդիրը թերեւս գյուղացու արտադրած բերքի սպառման հարցն է: Մշակման խնդիր չունենք, բայց ունենք իրացման խնդիր: Տարի է լինում, որ շատ լավ է սպառվում, տարի էլ լինում է, որ ողջ բերքը թափում են»,- ասաց Հակոբ Բարոյանը՝ նշելով, որ կազմակերպված մթերում չի իրականացվում, ամեն բնակիչ ինքն է իր գլխի ճարը տեսնում:

Զոլաքարի համայնքապետարանի աշխատակազմի քարտուղար Մնացական Առուշյանն ասում է, որ համայնքում չլուծվող խնդիր չկա. «Եթե շուկան լիներ ազատ ու լիներ մերը, մենք կկարողանայինք շնչել, եթե վերավաճառող ասվածը չլիներ, եթե պետությունը մեզ աջակցեր, որ մենք մեր ապրանքը կարողանայինք տանել երկրի սահմաններից դուրս, ամեն ինչ ավելի լավ կլիներ, բայց էսօր վերավաճառողը մեզ հետ հավասար փայ է մտնում, ու վերավաճառողն ավելի շատ օգուտ է ստանում»,-գործընկերոջ միտքը շարունակեց աշխատակազմի քարտուղարը՝ հավելելով, որ ոռոգման խնդիր գրեթե չկա համայնքում:

Խորհրդային միության տարիներին Զոլաքարը ճանաչված է եղել որպես ամենաուժեղ հողագործական կենտրոն: Զոլաքարում արտադրած կաղամբը բնակիչներն արտահանել են մինչեւ Սիբիր: Համայնքի բնակիչներից ասում են, որ գյուղի ամենամեծ տները ժամանակին կառուցվել են հենց մշակված ու արտահանված կաղամբով:

Այս տարի նախատեսում են ստանալ շուրջ 3000 տոննա կաղամբ ու 2500 տոննա կարտոֆիլ: Համայնքի ծրագրերի պատասխանատուն համայնքի զարգացման հեռանկարը իրացման շուկա ունենալու մեջ է տեսնում. «Զարգացումը կախված է միայն արտադրության սպառումից, եթե դա եղավ, մեր բնակիչները որեւէ խնդիր այլեւս չեն ունենա»,- ասաց նա ու նշեց, որ իրացման հետ կապված հարցերով դիմել են նաեւ մարզպետարան, սակայն դեռեւս սայլը տեղից չի շարժվել. «Պետք է դրսում շուկա գտնել»:

Առաջիկայում սպասվող խոշորացումից հետո շուրջ 7000 բնակիչ ունեցող Զոլաքարին կմիանա 5000 բնակիչ ունեցող Աստղաձոր համայնքը: Ծրագրերի պատասխանատուն անհամատեղելիություն է տեսնում այս ամենի մեջ: Համայնքների միացմանը դեմ է նաեւ բնակիչների մի մասը: Զոլաքարցի Վոլոդյա Սաֆարյանը 60 տարի այս գյուղում է ապրում, 10 տարի շարունակ դրսում է բնակվում, ասում է՝ ցավ է ապրում, որ աշխատանքի բացակայությունն է, որ ստիպեց իր ընտանիքին լքել հայրենի գյուղն ու բնակություն հաստատել օտար ափերում. «Աշխատատեղ որ լիներ, ոչ մեկս էլ չէինք գնա, բայց ապրել է պետք…»:

Տպել
2121 դիտում

Անելու եմ այնպես, որ հանդիսատեսը հարցերով դուրս գա դահլիճից. Սերժ Մելիք-Հովսեփյանը նոր ներկայացում է բեմադրել

ՄԱԿ-ի Անվտանգության խորհուրդը այսօր Սիրիայի վերաբերյալ երկու բանաձև կքվեարկի

Մանվել Գրիգորյանի ունեցվածքը ինչի՞ չեք վաճառում, օգնում մայրերին․ վարչապետը՝ Գրիգորյանի նախկին օգնականին

Ինչ-որ փուլում վարչապետ Նիկոլ Փաշինյանն էլ կարող է դիմել Վճռաբեկ դատարան՝ Մարտի 1-ի գործով արդարացման դատավճռի համար

Ծառայում ենք ուշադիր, զգոն և ոչ ենք ասում անտարբերությանը. ոստիկանության պետի ժամանակավոր պաշտոնակատար (տեսանյութ)

Հայաստանն ու Չինաստանը քննարկել են էկոտուրիզմի ոլորտում համագործակցության հարցեր

Ջոն Բոլթոնը դռնփակ հանդպմանը քննադատության է ենթարկել Թրամփի արտաքին քաղաքականությունը. Politico

ԵԱՏՄ-ն կայացել է որպես ինտեգրացիոն միավորում. նրա անդամ բոլոր երկրները դրական արդյունք են արձանագրել. Մատվիենկո

ՀՀ ֆուտբոլի հավաքականն առաջադիմել է ՖԻՖԱ-ի աղյուսակում

ԱԺ-ն հրապարակեց Հրայր Թովմասյանի լիազորությունները դադարեցնելու հարցով ՍԴ դիմելու որոշման նախագիծը

Թուրք հայտնի դերասանը խոշոր գումար է վճարել հայ նկարչի կտավները ձեռք բերելու համար

ԱՄՆ-ը մտադիր է Իրանի դեմ լայն կոալիցիա ստեղծել ՄԱԿ-ի միջոցով. The Wall Street Journal

Մինչև 2024 թ.-ը 5-6 տարեկանների 90%-ը և 3-6 տարեկանների 70%-ն ընդգրկված կլինի նախադպրոցական հաստատություններում

Վանեցյանը հաստատեց, որ մենակ չի գրել, այլ իրեն օգնել են. խնդիրը դա՞ է, թե ով է գրել. Կարապետյան

Այլ նախարարների հրաժարականների մասին քննարկում կառավարությունում չի եղել. Հակոբ Արշակյան

Եվրոպայի չեմպիոն Հարությունյանը ձեռքից բաց թողեց հաղթանակն ըմբշամարտի աշխարհի առաջնությունում

Կառավարությունը 9.4 մլն դրամ հատկացրեց՝ Թալիշում վիրավորված Հայկ Սեխլիյանի բուժումը Գերմանիայում իրականացնելու համար

Հայաստանն ու Վրաստանը կարեւորել են երկու խորհրդարանների միջև ակտիվ շփումն ու համագործակցությունը

2 մեդալով. Հունահռոմեական ոճի ըմբիշները վերադարձան Հայաստան

Հափշտակվել է շուրջ 9.3 մլն դրամ. ՔԿ-ն պաշտոնապես հաստատել է Հրայր Թովմասյանի սանիկի ձերբակալությունը