Ամասիայում բացվեց բրդի գործարանը (լուսանկարներ)

Ամասիայի նախկին կինոյի տանն այսօր մեծ իրարանցում էր: Հյուրերի թվում, ի թիվս այլոց, նաեւ դեսպաններ ու նախարարներ կային: Բայց ֆիլմ նայելու համար չէին հասել նրանք Ամասիա: Հայաստանի հյուսիսում ԵՄ աջակցությամբ շահագործման հանձնվեց Բրդի գործարանը:Այստեղ բուրդն այլեւս ոտքերով չեն տրորի, որ լավ լվացվի, իլիկներն էլեկտրական են, մտրակել էլ պետք չէ: Գործարանի վերածված նախկին կինոյի տանը հաստոցներ, տարատեսակ գործիքներ եւ գերժամանակակից այլ սարքավորումներ են տեղադրված: Ներկա պահին գործարանը 16 աշխատակից ունի: Աստիճանաբար նրանց թիվը հասցվելու է 23-ի: Ծրագրում ընդգրկվել են նրանք, ովքեր գրանցված են եղել գործազրկության մարզային կենտրոնում: Բուրդ լվանալ միշտ են իմացել, հիմա, որ ամեն ինչ ավտոմատացված է, ավելի հեշտ ու արագ են այդ գործն անում:

 «Մարդը կարիքի մեջ» ծրագրրի հայաստանյան գործընկեր Ռուզաննա Տոռոզյանն ասաց՝ բուրդը հիմնականում մթերել են տեղի ֆերմերներից: Բայց նրանց հետ կապված որոշակի խնդիրներ կան: Ոչխարներին լավ չեն խնամում, լողացնել, լվանալու մասին խոսք չկա: «Ցավոք, Շիրակի մարզում ոչխարների լողարաններ չկան, եւ դա էլ է խնդիր: Սա էլ պետք է առաջիկայում լուծենք, որովհետեւ ֆերմերները կորցնում են ոչ միայն բրդի որակը, մեզ համար էլ որպես մթերող կազմակերպություն դժվար է էդ անխնամ բուրդը վերամշակել: Դրա համար մեր առաջնային խնդիրն է՝ կրթել ֆերմերին, որ հոգ տանի ոչխարների մասին, որ լավ որակով բուրդ մթերելու հնարավորություն ունենանք»,- ասաց Տոռոզյանը:

Ֆերմերներն արդեն դասընթացների մասնակցել են, գիտելիքից բացի նաեւ էլեկտրական խուզի սարքեր են ստացել, որ հրաժարվեն ավանդական դանակ-մկրատներից: Ոչխարներին խուզեն առանց սթրեսի ենթարկելու, երկար բուրդ հանձնելու հնարավորություն ունենան:

Ամասիայում արտադրվելու է Հայաստանի լավագույն թելը, գույնով էլ, որակով էլ: Այս տարածաշրջանի ոչխարների բրդից բնական 7 գույնի եւ 15 երանգի թել է ստացվում: «Սա հարստություն է, որը պետք է ճիշտ օգտագործել»,-ասացին ներկաները: Գործարանում կարտադրվեն գորգագործության, կարպետագործության թելեր: Ինչպես նաեւ կմշակվեն եւ շուկային կառաջարկեն բարակ թելեր, որոնք հիմնականում տեքստիլ արդյունաբերության մեջ են կիրառում: Շուկայի խնդիրներ, ասացին, չունեն: Վստահ են, որ կարճ ժամանակամիջոցում երկրում մրցունակ են դառնալու: Այդ ճանապարհին եւս մեկ կարեւոր քայլ են արել: Կորիդել տեսակի խոյեր են ձեռք բերել, Կոտայքի գյուղինստիտուտի բուծարանում բազմացրել են:

«Այս ցեղատեսակի բուրդը փափուկ է, եւ կենդանին հարմարված է Հայաստանի պայմաններին: Շուտով խաչասերում կլինի եւ մյուս տարի մենք կունենանք նոր տեսակի ոչխար: Այս պահին 25-ից ավել ֆերմերի հետ ենք աշխատում»,- ասաց Ռուզաննա Տոռոզյանը:

Ամասիայի եւ իր սկսած գործի հետագա հաջողությանը հավատում է նաեւ Պյոտր Սվիտալսկին: «Երբ մտածում էինք այս գործարանը բացելու մասին, մենք մի փոքր այլ գաղափար ունեինք: Բայց գործընկերեներս ասացին, որ այս ծրագիրը յուրահատուկ է, եւ լավ կլինի ուսումնասիրել: Համաձայնեցի, բայց պետք է նշեմ, որ ամենամեծ առավելությունն այն էր, որ ծրագիրը պետք է իրականացվեր Ամասիայում, որովհետեւ, երբ ես 2016 թվակիանին այցելեցի Ամասիա, ծանոթացա տարածաշրջանի հետ, հասկացա, որ կարիք կա խթանի: Ամասիայում հիանալի մարդիկ են ապրում, նրանք երբեմն մոռացված են, սակայն վստահ եմ, որ կարճ ժամանակ անց բոլորը խոսելու են նրանց մասին: Ես մեկնում եմ Հայաստանից, բայց իմ գործընկերները մնալու են եւ շարունակելու են իրենց աշխատանքն ու մեր ընդհանուր գործը, որովհետեւ Ամասիան կարիք ունի այնպիսի գործընկերների, ինչպիսիք են մեր հրաշալի դեսպանները: Վստահ եմ, որ այս ծրագիրը կդառնա Ամասիայի զարգացման շրջադարձային կետը»,-հրաժեշտից առաջ ասաց Պյոտր Սվիտալսկին:

Բայց Հայաստանը, պարզվում է, Սվիտալսկուն վերջնականապես չի ճանապարհում: Նրան նաեւ Շիրակի մարզում են մշտապես սպասելու: «Պարոն Սվիտալսկին փոխանցեց էստտաֆետը, բայց վստահ եմ, որ նա մեզանից շատ չի հեռանա, եւ որտեղ էլ լինի, Աշոցքն ու Ամասիան իր համար ակնհայտ սիրելի տարածքներ կմնան եւ կլինին հետաքրքրության ու ուշադրության կենտրոնում: Սա հավակնոտ ծրագիր է այն առումով, որ եթե մենք այստեղ հաջողենք բրդի վերամշակումն ու այդ արժեշղթան կարողանանք իրացնել, ապա մենք կունենանք այս խնդիրը լուծելու լավ հիմք այլ անասնապահական շրջաններում եւս»,- ելույթի իր խոսքում նշեց Տարածքային կառավարման և ենթակառուցվածքների նախարարի տեղակալ Վաչե Տերտերյանը:Շիրակի մարզպետ Տիգրան Պետրոսյանն էլ ընդգծեց՝ այսօրվա հաջողությունը հիմնականում հենց Պյոտր Սվիտալսկու քայլերով է պայմանավորված: «Պյոտր Սվիտալսկին առաջին միջազգային մակարդակի ներկայացուցիչն էր Հայաստանում, ով հավատաց Հայաստանին Երեւանից դուրս, ով հավատաց Ամասիայի ապագային, ով հավատաց Աշոցքի ապագային: Եվ դրա արդյունքում Աշոցքում եւ Ամասիայում այսօր արդեն ունենք գործող ծրագրեր, ունենք լուրջ ծառայություններ: Հենց այդ հավատի արդյունքում էլ վստահ եմ, որ այս տարածաշրջանը շատ լուրջ զարգանալու եւ փոխվելու է»,- ասաց մարզպետը:

Լուսանկաները «Հայկական ժամանակ»-ի

Տպել
1514 դիտում

ՀՀ տարածքում կան փակ և դժվարանցանելի ավտոճանապարհներ

Կասեցվել է «Ագրոպրոդ» ՍՊԸ կաթնամթերքի արտադրամասի գործունեությունը

Վարչապետ Նիկոլ Փաշինյանը ցավակցել է Յուրի Դավթյանի մահվան կապակցությամբ

Կապանի պղնձի հանքավայրի Կենտրոնական տեղամասի ռեկուլտիվացիոն աշխատանքների արժեքը կկազմի 3 մլրդ 277 մլն դրամ. ՇՄՆ

Փրկարարները բացել են բնակարանի դուռը եւ սանհանգույցում հայտնաբերել 1966 թ.-ին ծնված կնոջ դի. ԱԻՆ

Այսօր Կենտրոնական բանկը իրականացրել է 10 միլիոն դոլարի գնում. վարչապետ

20 խոշորացված համայնքի տրամադրվել են փոքր դրամաշնորհներ

Վերանորոգվել է Գուգարքի հրշեջ-փրկարարական ջոկատը, տեղադրվել է հուշաքար՝ նվիրված հրշեջ-փրկարար Սամվել Դևելյանի հիշատակին

Շնչառական վարակներով պայմանավորված բացակայությունների առումով կրթական հաստատություններում դրական շարժընթաց է դիտվում

Նորագավթի ՃՈ հենակետի մոտակայքում բախվել են «Opel Corsa»-ն եւ «Infinti FX35»-ը. տուժածները հոսպիտալացվել են

Արցախում դադարեցվել են հանրակրթական եւ նախադպրոցական ուսումնական հաստատությունների պարապմունքները

Ամբերդ ամրոց և Քարի լիճ տանող ավտոճանապարհները անորոշ ժամանակ փակ կլինեն. ԱԻՆ

Մասնավոր անձի հեռախոսային ձայնագրառումը կարող է որպես ապացույց համարվել. Վճռաբեկ դատարանը նախադեպային որոշում է ընդունել

Արարատ Միրզոյանի գլխավորած պատվիրակությունն այցելել է Դանիայի Արդյունաբերական կոնֆեդերացիա

ՀՀ վարչապետ Նիկոլ Փաշինյանն այսօր հարցազրույց կտա Հանրային հեռուստաընկերությանը

Երևանի կենդանաբանական այգում տուբերկուլյոզի հարուցիչներ չեն հայտնաբերվել. առաջիկա օրերին այգին կվերսկսի գործունեությունը

Ռուբինյանց փողոցի բնակարանում բռնկված բարդ հրդեհը մարվել է. ԱԻՆ (տեսանյութ)

Սուրեն Պապիկյանի անձնական կյանքի գաղտնիք համարվող տեղեկությունն ապօրինի հավաքելու, տարածելու համար քրգործ է հարուցվել

Ոստիկանները Դիլիջանի թիվ 2 դպրոցում խոշոր չափի գումարի յուրացման դեպք են բացահայտել (տեսանյութ)

Մայրության նպաստ կնշանակվի նաեւ ծննդօգնության պետական հավաստագիր չներկայացնելու դեպքում