Մեր երեխաների ապագայի համար ո՞վ չի վճարի, ուղղակի որոշ պաշտոնյաներ շատ գռեհիկ են արտահայտվում. Արսեն Սաֆարյան

Երգիչ Արսեն Սաֆարյանը հայտարարագրել է իր եկամուտները: Այս մասին երգիչը հայտնեց «Հայկական ժամանակ»-ի հետ զրույցում՝ նշելով, որ գրանցված է որպես անհատ ձեռներց: «Եթե ինչ-որ կազմակերպություն հրավիրում է համերգի՝ ես անպայման իմ ԱՁ-ով ցույց եմ տալիս, որ գնացի, երգեցի եւ իքս գումարը աշխատեցի: Ես արդեն վճարում եմ եւ դա շատ նորմալ եմ համարում, յուրաքանչյուր ՀՀ քաղաքացի պետք է հարկ վճարի»,-ասաց երգիչը:

Օրեր առաջ հրավիրված մամուլի ասուլիսի ժամանակ ՊԵԿ նախագահ Դավիթ Անանյանը հայտարարել էր, որ շոու բիզնեսի ներկայացուցիչների հետ կապված կոշտ գործողություններ են սկսել: Եվ որպեսզի կոշտ գործողությունները լինեն շատ ավելի հասցեական՝ յուրաքանչյուրի վարքագիծը գնահատվելու է առանձին եւ յուրաքանչյուրն անձնական նամակով հրավիրվելու է ՊԵԿ՝ քննարկումների:

Արսեն Սաֆարյանը նկատեց, որ Անանյանի հայտարարությունը տեղին է եւ նորմալ է, սակայն դժգոհություն հայտնեց որոշ ժամանակ առաջ ԱԺ «Իմ քայլը» խմբակցության պատգամավոր Արեն Մկրտչյանի հայտարարության հետ կապված, որտեղ Մկրտչյանը նշել էր, որ շոու բիզնեսի յուրաքանչյուր ներկայացուցիչ պետք է «առանց ավելորդ թպրտալու հարկերը վճարի»։

«Երբեմն որոշ պաշտոնյաներ շատ գռեհիկ ձեւով են արտահայտվում այդ թեմայով, որը շատ վիրավորական է: Ո՞վ է նրանց նման իրավունք տվել, կամ ինչ ասել է՝ այսպես կոչված շոու բիզնեսի ներկայացուցիչները թպրտալով թող գնան վճարեն: Ի՞նչ էր դրա անունը, հա՝ Արեն Մկրտչյան. ես չգիտեմ, թե ինքը ով է, որտեղից է, ով է իրեն մեյդան բերել, բայց կուզենայի, որ ամեն մեկն իր չափը ճանաչեր՝ բոլոր իմաստներով եւ հասկանար իր դերն ու նշանակությունը, առավելեւս, որ համարվում է Ազգային ժողովի պատգամավոր»,-ասաց երգիչը:

Արսեն Սաֆարյանը նշեց, որ բազմիցս խոսել են կոլեգաների հետ եւ բոլորն էլ նորմալ են վերաբերվում, պարզապես պետք է սխեմատիկ քննարկումներ լինեն: «Քանի որ բնագավառը ներառում է շատ ուղղություններ եւ տարբեր մարդիկ տարբեր կերպ են աշխատում, ընդհանրացնելն այդքան էլ ճիշտ չէ: ՊԵԿ-ի ձեւակերպումը մոտավորապես այսպիսին է, որ բոլորը պարտավոր են հայտարարգրել իրենց եկամուտները: Հույս ուենենք՝ ժամանակի ընթացքում դա էլ կհղկվի եւ բոլորն էլ կլինեն հարկային դաշտում: Մեր երկիրն է, մեր երեխաների ապագայի համար ո՞վ չի վճարի»,-ասաց նա:

Արսեն Սաֆարյանի համոզմամբ՝ անպայման պետք հաշվի առնել ուղղությունները, քանի որ կան ակումբային երգիչներ, կան ռեստորանային, փաբային եւ այլն: «Նույն ստեղծագործողներն իրենց մեկ երգը որպես պրոդուկցիա ստանալու համար հսկայական գումար են ծախսում, եթե օրենքով շատ ճնշեն՝ այդ մարդիկ ուղղակի չեն կարողանալու գործունեություն ծավալել, նկարահանումներ իրականացնել եւ այլն»,- նկատեց երգիչը:

Այնուամենայինիվ, Արսեն Սաֆարյանն այն կարծիքին է, որ պարտավոր չէ գնալ եւ պետությանը հատ հատ ներակայացնել, թե ինչ ունի. «Ես պետական ստրուկտուրայի հետ չեմ առնչվում, պետբյուջեից չեմ սնվում՝ ի տարբերություն այնտեղ մեծ-մեծ խոսող դեպուտատների: Ես վարորդ չունեմ եւ ունեցած ինքնահայտարարգրման իմաստը չեմ հասկանում: Ես ունեմ մեկ առանձնատուն, մեկ ամառանոց եւ երկու ավտոմեքենա, դա իմ հալալ քրտինքով աշխատածն է»:

Երգիչը նաեւ հավելեց, որ առաջիկայում իր երկրպագուներին կուրախացնի նոր հեղինակային երգով: Մեծ համերգ այս պահին չի խոստանում, երբեմն ունենում է ակումբային ելույթներ:

Տպել
8030 դիտում

Գյումրու Վարդանանց հրապարակի եղեւնիները կհանվեն

Կոմպոզիտորների՝ Դիլիջանի ստեղծագործական տունը կարճ ժամանակում պետք է դարձնենք ծաղկուն ու խնամված վայր. Աննա Հակոբյան

Հրաժարվեք Հայաստանում օտարերկրյա ներդրողների գործունեության մեջ քաղաքական ենթատեքստ փնտրել. «ԳեոՊրոՄայնինգ»-ը՝ ԶԼՄ-ներին

Վարչապետ Նիկոլ Փաշինյանի մոտ կայացել է խորհրդակցություն երեխաների որդեգրումների թեմայի վերաբերյալ

«Սիթի օֆ Սմայլ/Ժպիտների քաղաք»-ը անհրաժեշտության դեպքում կաջակցի 21-ամյա Արամի բուժմանը

Կեղծված են և՛ ԱԺ պատգամավորի բլանկի ձևը, և՛ իմ ստորագրությունը. Հրաչյա Հակոբյանը մեկնաբանել է ռուսական կայքի հոդվածը

Նիկոլ Փաշինյանի վերջին այցից հետո զբոսաշրջիկների թիվը Գյումրիում կրկնապատկվել է. Սամվել Բալասանյան

Գերմանիայի պաշտպանության նախարարը հրաժարական է տվել Scorpions-ի «Փոփոխությունների քամի» երգի հնչյունների ներքո

Գտնվում ենք այն քոթեջում, որտեղ ապրել և ստեղծագործել է Առնո Բաբաջանյանը, մթնոլորտը հիասքանչ է. Աննա Հակոբյան

Երեւանի ավագանու նախկին անդամ Սոնա Աղեկյանը ազատ է արձակվել

ԿԳՄՍ նախարար Արայիկ Հարությունյանն ընդունել է Ճապոնիայի դեսպան Ջուն Յամադային

Երևանի թիվ 17 հիմնական դպրոցի կառավարման խորհուրդը հայտարարում է տնօրենի թափուր պաշտոնի մրցույթ

Ձերբակալվել է «Սևան ազգային պարկ» ՊՈԱԿ-ի «Արևիկ» մասնաճյուղի անտառագետը

Արցախում 2 տարեկան երեխան թունավորվել է մոր տված սխալ դեղահաբից

Քննարկվել է «Զվարթնոց» օդանավակայանի ընդլայնման հարցը

«Պոբեդա»-ն այսօր կվերականգնի Գյումրիում ձմեռային չվացուցակով թռիչքների ավիատոմսերի վաճառքը

Սոնա Աղեկյանը քաղաքապետարան է ներկայացել կոյաջրերի տարայով. նրան բերման են ենթարկել

Հայաստանում անշարժ գույքի գործարքները աճել են, եւ աճը մարզերի ու ոչ Երեւանի հաշվին է. Նիկոլ Փաշինյան

Մալաթիայի շուկայի տարածքում հրդեհը բռնկվել է արագ սննդի կետում. մանրամասներ

Ծնելիության ցուցանիշի նվազման տեմպը դանդաղում է. Արսեն Թորոսյան