Ոմանք գուցե համարում են, որ մինչեւ 19 տարեկանների ֆուտբոլը ձանձրալի է ու անհետաքրքիր, բայց համաշխարհային գրանդ ակումբերի սկաուտներն այլ համոզման են: Իհարկե մինչեւ 19 տարեկանների Եվրոպայի 2019 թ. առաջնությունը դիտարժանությամբ զիջում է խոշոր մրցաշարերին, իսկ ֆուտբոլն այն չէ, ինչ կարելի է տեսնել մեծ առաջնություններում, բայց Երեւանում ընթացող Եվրոյի խաղերին ներկա են գտնվում եվրոպական գրանդերից սկսած մինչեւ, եվրոպական չափանիշներով, համեստ ակումբների սկաուտները, որպեսզի ֆուտբոլն ապագայում եւս աստղեր ունենա:

Այնպես չէ, որ թիմերը Եվրո 2019-ին իրենց հիմնական կազմի բոլոր խաղացողներին բերել են Հայաստան: Նրանց երկրներում այս տարիքի մի շարք ֆուտբոլիստներ արդեն ազգային հավաքականների կամ իրենց ակումբների առաջին թիմերի անդամներ են ու այս մրցաշարին չեն մասնակցում: Սակայն ամեն դեպքում սկաուտները վստահ են, որ այստեղ էլ հնարավոր է աստղերի բացահայտել:

Միայն երեկ՝ հուլիսի 17-ին, «Բանանց» մարզադաշտում տասնյակ ակումբների տասնյակ սկաուտներ հետեւում էին մրցաշարի գործող չեմպիոն Պորտուգալիայի ու ռեկորդային 7-ակի չեմպիոն Իսպանիայի հանդիպմանը (1:1): Տրիբունաներից մեկի 1-2-րդ շարքերում գրեթե բոլորը սկաուտներ էին: Նրանց թվում, բնականաբար, կար հոլանդական «Այաքսի» ներկայացուցիչը: Այս ակումբը, որը հայտնի է նրանով, որ ֆուտբոլիստներ է մատակարարում աշխարհի բոլոր ակումբներին, սուր աչքով սկաուտներ է ունենում բոլոր կարգի մրցաշարերում՝ խոշորներից մինչեւ աննշան թվացող:

Բացի այդ՝ երեկ  3 սկաուտ կար միայն «Մանչեստեր Յունայթեդից»: Ներկայացված էին նաեւ «Լիվերպուլը», «Էվերթոնը», «Վուլվերհեմթոնը», «Թոթենհեմը», «Լիդզը»: «Նորվիչի» համար էլ ֆուտբոլիստ էր փնտրում կին սկաուտ: Նրա կոլեգաներից մեկը «Հայկական ժամանակ»-ի հետ զրույցում ընդգծեց, որ աշխարհում այնքան էլ շատ չեն կին սկաուտները: Եւ նրանցից մեկը հիմա Հայաստանում է: Կային նաեւ իսպանական, իտալական, գերմանական թիմերի մասնագետներ:

Միայն երեկ՝ հուլիսի 17-ին, «Բանանց» մարզադաշտում տասնյակ ակումբների տասնյակ սկաուտներ հետեւում էին մրցաշարի գործող չեմպիոն Պորտուգալիայի ու ռեկորդային 7-ակի չեմպիոն Իսպանիայի հանդիպմանը (1:1):

Գաղտնապահ, ուշադիր, շրջահայաց. թուղթուգրիչները, հեռախոսները, պլանշետները ձեռքներին նրանք նշումներ էին կատարում, ըստ դիրքերի ուսումնասիրում, վերլուծում խաղացողներին: Բոլորը միմյանց ճանաչում էին, հետեւում, թե մյուսներն ինչ են անում: Նաեւ շփվում էին, բայց միաժամանակ ամեն ինչ անում էին, որպեսզի ոչ մի հուշում չտան այն մասին, թե ինչ են նկատել այս կամ այն խաղացողի մոտ: Հարցազրույցներից նրանք կտրականապես հրաժարվեցին. ակուբմները թույլ չեն տալիս: Պարզաբանեցին, որ արգելքի պատճառն այն է, որ, անգամ եթե աշխարհի որեւէ ծայրում պարզապես տեսնեն իրենց հարցազրույցը, գլխի կընկնեն, որ այդ երկրում՝ տվյալ դեպքում Հայաստանում, տաղանդավոր ինչ-որ մեկը կա:

Ամեն դեպքում հասկանալի դարձավ, որ թոփ ակումբների ուշադրությունը գրավելու համար այս տարիքի խաղացողներն արդեն կայացած խաղացողներ պետք է լինեն: Միակ բացը, որ նրանց այս տարիքում կարելի է ունենալ, խաղային պրակտիկայի բացակայությունն է, որը լրացնելը բարդ չէ: Կարելի էր նկատել, որ սկաուտներն ուշադրություն են դարձնում նաեւ տարբեր իրավիճակներում ֆուտբոլիստների՝ որոշումներ կայացնելու ունակությանը:

Հայ ֆուտբոլիստները, ինչպես երեւում է ու դժվար թե որեւէ մեկի համար անակնկալ է՝ Եվրո 2019-ի մյուս թիմերի խաղացողների համեմատությամբ եվրոպական ակումբներում հայտնվելու ավելի քիչ շանսեր ունեն: Ինչպես կարելի է եզրակացնել սկաուտների կարծիքներից, նրանք բավական երկար են մնում հայկական առաջնությունում, որը, մեղմ ասած, չի փայլում բարձր մակարդակով ու որակով, եւ դա բացասաբար է ազդում նրանց աճի վրա: Սակայն մյուս կողմից որեւէ եվրոպական որեւէ թիմի դիտակետում հայտնվելն էլ անհնար չէ: Վառ օրինակ է այն, որ տարիներ առաջ՝ 2005 թ., «Այաքսի» ամենատես սկաուտները ֆուտբոլային առումով Եվրոպայի համար անհայտ Հայաստանից տարան 18-ամյա Էդգար Մանուչարյանին:

Մինչեւ 19 տարեկանների Եվրոպայի 2019 թ. առաջնությունը Երեւանում մեկնարկել է հուլիսի 14-ին: Եզրափակիչը 27-ին է: Մասնակցում են Պորտուգալիան, Իսպանիան, Իտալիան, Ֆրանսիան, Իռլանդիան, Նորվեգիան, Չեխիան եւ Հայաստանը՝ որպես մրցաշարը հյուրընկալող երկիր: Ավելի վաղ հայտնել էինք, որ մարզադաշտեր են հաճախում «Ռեալ Մադրիդի», «Ատլետիկո Մադրիդի», Դորտմունդի «Բորուսիայի», «Յուվենտուսի», ՊՍՎ-ի, Լեւերկուզենի «Բայերի», Բրեմենի «Վերդերի», «Զալզբուրգի» եւ այլ ակումբների սկաուտներ:

Տպել
634 դիտում

Գյումրու Վարդանանց հրապարակի եղեւնիները կհանվեն

Կոմպոզիտորների՝ Դիլիջանի ստեղծագործական տունը կարճ ժամանակում պետք է դարձնենք ծաղկուն ու խնամված վայր. Աննա Հակոբյան

Հրաժարվեք Հայաստանում օտարերկրյա ներդրողների գործունեության մեջ քաղաքական ենթատեքստ փնտրել. «ԳեոՊրոՄայնինգ»-ը՝ ԶԼՄ-ներին

Վարչապետ Նիկոլ Փաշինյանի մոտ կայացել է խորհրդակցություն երեխաների որդեգրումների թեմայի վերաբերյալ

«Սիթի օֆ Սմայլ/Ժպիտների քաղաք»-ը անհրաժեշտության դեպքում կաջակցի 21-ամյա Արամի բուժմանը

Կեղծված են և՛ ԱԺ պատգամավորի բլանկի ձևը, և՛ իմ ստորագրությունը. Հրաչյա Հակոբյանը մեկնաբանել է ռուսական կայքի հոդվածը

Նիկոլ Փաշինյանի վերջին այցից հետո զբոսաշրջիկների թիվը Գյումրիում կրկնապատկվել է. Սամվել Բալասանյան

Գերմանիայի պաշտպանության նախարարը հրաժարական է տվել Scorpions-ի «Փոփոխությունների քամի» երգի հնչյունների ներքո

Գտնվում ենք այն քոթեջում, որտեղ ապրել և ստեղծագործել է Առնո Բաբաջանյանը, մթնոլորտը հիասքանչ է. Աննա Հակոբյան

Երեւանի ավագանու նախկին անդամ Սոնա Աղեկյանը ազատ է արձակվել

ԿԳՄՍ նախարար Արայիկ Հարությունյանն ընդունել է Ճապոնիայի դեսպան Ջուն Յամադային

Երևանի թիվ 17 հիմնական դպրոցի կառավարման խորհուրդը հայտարարում է տնօրենի թափուր պաշտոնի մրցույթ

Ձերբակալվել է «Սևան ազգային պարկ» ՊՈԱԿ-ի «Արևիկ» մասնաճյուղի անտառագետը

Արցախում 2 տարեկան երեխան թունավորվել է մոր տված սխալ դեղահաբից

Քննարկվել է «Զվարթնոց» օդանավակայանի ընդլայնման հարցը

«Պոբեդա»-ն այսօր կվերականգնի Գյումրիում ձմեռային չվացուցակով թռիչքների ավիատոմսերի վաճառքը

Սոնա Աղեկյանը քաղաքապետարան է ներկայացել կոյաջրերի տարայով. նրան բերման են ենթարկել

Հայաստանում անշարժ գույքի գործարքները աճել են, եւ աճը մարզերի ու ոչ Երեւանի հաշվին է. Նիկոլ Փաշինյան

Մալաթիայի շուկայի տարածքում հրդեհը բռնկվել է արագ սննդի կետում. մանրամասներ

Ծնելիության ցուցանիշի նվազման տեմպը դանդաղում է. Արսեն Թորոսյան