Մարդիկ, որոնք 30 տարի շարունակ արել են այդ սեւ գործը, շարունակում են մնալ աղքատ. Փաշինյան

Այսօր կառավարության նիստում ՀՀ վարչապետ Նիկոլ Փաշինյանը Շրջակա միջավայրի նախարար Էրիկ Գրիգորյանից հետաքրքրվեց, թե ի վերջո, ո՞րն էր Իջեւանում բողոքի ակցիա իրականացնողների պահանջների օրինականությունը:

«Վճռականորեն պետք է կասեցնենք այդ գործընթացը, բայց ստացվում է, որ էկրանների առաջ հայտարարություն ենք անում, ինչ-որ մարդիկ քմծիծաղ են տալիս եւ մի քանի օր դադարից հետո գործողությունները շարունակում են»,- նշեց վարչապետը:

Գրիգորյանը հայտարարեց, որ մի շարք փոփոխություններ են մշակվել եւ մինչ այժմ օրենսդրական սողանքներ կային, որոնք փոփոխությունները փակում են:

Նրա խոսքով՝ ակցիայի ժամանակ մասնակիցները նշել են, որ իրենց բարձրացրած հարցերը վերաբերում են հիմնականում փաստաթուղթ ունենալուն, որ վառելափայտը կարողանան տեղափոխել եւ ոստիկանության պահակակետերը խոչընդոտ են հանդիսանում:

Արձագանքելով՝ վարչապետն ասաց, որ այստեղ լավ լուր էլ կա. նշանակում է՝ չեն կարողանում փող տալ ու անցնել:

Գրիգորյանը տեղեկացրեց, որ այս պահին տասնյակ քրեական գործեր կան հարուցված տարբեր անտառտնտեսություններում:

«Վերջերս կադրային փոփոխություններ են եղել, այս ամենը փոխում է իրավիճակը: Սա Հայաստանի ընդհանուր կենսական նշանակության հարց է եւ ոչ միայն անտառի, քանի որ անտառի այս լայնածավալ հատումները, որ երկար տարիների ընթացքում եղել է, եւ պատժի մեխանիզմները բավարար չեն եղել, բերում են այլ խնդիրներ՝ ջրերի, ոռոգման հետ կապված հարցերի»,- ասաց Գրիգորյանը:

Նախարարը նշեց, որ ամենայն խստությամբ հնարավորինս ուժեղ պատիժ պետք է նախատեսվի, քանի որ այստեղ խոսքը գյուղացիների կարիքների համար անտառները կտրելու մասին չէ, ինչպես տարիներ շարունակ ներկայացվում է:

Գրիգորյանը նշեց, որ օրենսդրական փաթեթը ուժեղ կանխարգելիչ ազդեցություն կարող է լինել:

Նիկոլ Փաշինյանն ասաց, որ երբեմն այնպիսի տպավորություն կարող է լինել, թե բոլորը զբաղված են փայտ կտրելով և վաճառելով, բայց իրականում այդպես չէ եւ մարդկանց որոշակի շրջանակ է դրանով զբաղվում, ու երկար տարիների կոռուպցիոն մեխանիզմներով ստեղծվել է ցանց. «Այսօր գործ ունենք հենց այդ ցանցի հետ»:

Վարչապետը չբացառեց, որ այս գործողությունները թիկունքից, ետնաբեմերից կառավարվում են պոտենցիալ այն մարդկանց կողմից, որոնք անպայման կրելու են պատասխանատվություն: «Ես ուզում եմ հստակ լինել՝ ոչ մի ապօրինի կոմպրոմիս չի լինելու եւ խնդիրը դնում եմ իրավապահ համակարգերի առաջ, այստեղ իրավապահ համակարգի գործունակության խնդիրն է: Ապօրինի գործողության հետ ոչ մի կոմպրոմիս չի լինելու, որեւէ մեկը շանտաժով չի կարող խոսել կառավարության հետ եւ սա կյանքի կոչելը իրավական համակարգի խնդիրն է»,- նշեց վարչապետը:

Նիկոլ Փաշինյանը ասաց, որ մարդիկ պետք է հասկանան՝ անտառը չկտրելով՝ նրանք ավելի կարող են հարստանալ, քան կտրելով:

«Մարդիկ, որոնք 30 տարի շարունակ արել են այդ սեւ գործը՝ կտրելով ծառերը, շարունակում են մնալ աղքատ: Ոնց եղել են խեղճ ու կրակ, այնպես էլ մնացել են»,- ասաց վարչապետը:

Տպել
1367 դիտում

Գյումրու Վարդանանց հրապարակի եղեւնիները կհանվեն

Կոմպոզիտորների՝ Դիլիջանի ստեղծագործական տունը կարճ ժամանակում պետք է դարձնենք ծաղկուն ու խնամված վայր. Աննա Հակոբյան

Հրաժարվեք Հայաստանում օտարերկրյա ներդրողների գործունեության մեջ քաղաքական ենթատեքստ փնտրել. «ԳեոՊրոՄայնինգ»-ը՝ ԶԼՄ-ներին

Վարչապետ Նիկոլ Փաշինյանի մոտ կայացել է խորհրդակցություն երեխաների որդեգրումների թեմայի վերաբերյալ

«Սիթի օֆ Սմայլ/Ժպիտների քաղաք»-ը անհրաժեշտության դեպքում կաջակցի 21-ամյա Արամի բուժմանը

Կեղծված են և՛ ԱԺ պատգամավորի բլանկի ձևը, և՛ իմ ստորագրությունը. Հրաչյա Հակոբյանը մեկնաբանել է ռուսական կայքի հոդվածը

Նիկոլ Փաշինյանի վերջին այցից հետո զբոսաշրջիկների թիվը Գյումրիում կրկնապատկվել է. Սամվել Բալասանյան

Գերմանիայի պաշտպանության նախարարը հրաժարական է տվել Scorpions-ի «Փոփոխությունների քամի» երգի հնչյունների ներքո

Գտնվում ենք այն քոթեջում, որտեղ ապրել և ստեղծագործել է Առնո Բաբաջանյանը, մթնոլորտը հիասքանչ է. Աննա Հակոբյան

Երեւանի ավագանու նախկին անդամ Սոնա Աղեկյանը ազատ է արձակվել

ԿԳՄՍ նախարար Արայիկ Հարությունյանն ընդունել է Ճապոնիայի դեսպան Ջուն Յամադային

Երևանի թիվ 17 հիմնական դպրոցի կառավարման խորհուրդը հայտարարում է տնօրենի թափուր պաշտոնի մրցույթ

Ձերբակալվել է «Սևան ազգային պարկ» ՊՈԱԿ-ի «Արևիկ» մասնաճյուղի անտառագետը

Արցախում 2 տարեկան երեխան թունավորվել է մոր տված սխալ դեղահաբից

Քննարկվել է «Զվարթնոց» օդանավակայանի ընդլայնման հարցը

«Պոբեդա»-ն այսօր կվերականգնի Գյումրիում ձմեռային չվացուցակով թռիչքների ավիատոմսերի վաճառքը

Սոնա Աղեկյանը քաղաքապետարան է ներկայացել կոյաջրերի տարայով. նրան բերման են ենթարկել

Հայաստանում անշարժ գույքի գործարքները աճել են, եւ աճը մարզերի ու ոչ Երեւանի հաշվին է. Նիկոլ Փաշինյան

Մալաթիայի շուկայի տարածքում հրդեհը բռնկվել է արագ սննդի կետում. մանրամասներ

Ծնելիության ցուցանիշի նվազման տեմպը դանդաղում է. Արսեն Թորոսյան