Ամենակարեւոր վայրը, ուր պետք է այցելել, սա է. հայտնի ֆուտբոլիստ Նունու Գոմեշը Ծիծեռնակաբերդում էր (տեսանյութ)

Պորտուգալիայի ֆուտբոլի ազգային հավաքականի ճանաչված նախկին ֆուտբոլիստ Նունու Գոմեշը եղբոր՝ Տիագոյի հետ այցելեց Ծիծեռնակաբերդ: Այսօր՝ հուլիսի 17-ին,նա ցեղասպանության զոհերի հիշատակին ծաղիկներ խոնարհեց, այնուհետեւ այցելեց Հայոց ցեղասպանության թանգարան-ինստիտուտ: Եվրո 2020-ի եւ Պորտուգալիայի առաջնության դեսպանը Հայաստանում է՝ ֆուտբոլային գործակալ Խորեն Քալաշյանի հրավերով: Ժամանել է երեկ, մեկնելու է վաղը: Այս ընթացքում ունեցել է նաեւ գործնական հանդիպում: Պատրաստվում է գնալ մինչեւ 19 տարեկանների Եվրոպայի 2019 թ. առաջնության A խմբի Պորտուգալիա-Իսպանիա եւ Հայաստան-Իտալիա խաղերին:

- Ո՞րն է Հայաստան գալու նպատակը: Ի՞նչ եք անելու այստեղ:

- Նախեւառաջ շնորհակալ եմ ընդունելության համար: Ինձ համար մեծ հաճույք է ձեր երկիր այցելելն ու այստեղ՝ Երեւանում, լինելը: Հիմնական նպատակն էր ընկերոջս հանդիպելը (խմբ. ցույց է տալիս Խորեն Քալաշյանին), նաեւ հադիպել Feed Construct ընկերության մյուս ընկերներիս հետ: Հանդիպումներ ունենալ այդ եւ պորտուգալական կազմակերպությունների միջեւ հետագա հնարավոր համագործակցության համար: Իհարկե քանի որ մենք այստեղ ենք եւ մինչեւ 19 տարեկանների Եվրոպայի 2019 թ. առաջնությունն էլ ընթացքի մեջ է, նաեւ ինչ-որ խաղերի կգնամ՝ լավ ֆուտբոլ նայելու:

- Ի՞նչ գիտեիք Հայաստանի մասին մինչեւ այցելելը:

- Առաջին անգամը չէ, որ այստեղ եմ: Այստեղ եղել եմ նաեւ նախկինում պարզապես միայն ֆուտբոլ խաղալու նպատակով: Ազգային հավաքականի կազմում եմ եկել, եթե չեմ սխալվում 2007 թ.: Այդքան էլ շատ բան չգիտեմ Հայասատնի մասին, քանի որ աշխարհագրությունից թույլ եմ (խմբ. ծիծաղում է), բայց միշտ էլ հաճելի է այստեղ լինել, քանի որ մարդիկ շատ բարեհամբույր են, բարի եւ հյուրասեր: Եվ կարծում եմ, որ ինչ-որ առումով մեր մշակույթները նման են, մարդիկ էլ նման են: Ժամանմանս օրվանից տեսել եմ հյուրասիրությունը: Շատ ուրախ եմ, որ ամեն ինչ շատ լավ է ընթանում, եւ պետք է շնորհակալություն հայտնեմ բոլոր նրանց, ում միջոցով այստեղ եմ, քանի որ վայելում եմ այստեղ գտնվելը: Տեսնում եմ, որ երկիրն առաջ է գնում: Տեսնում եմ կառավարության աշխատանքը սպորտի ուղղությամբ, խոսում եմ սպորտի մասին, քանի որ դա ինձ համար ամենակարեւորն է: Ֆուտբոլն առաջ է գնում, դուք երիտասարդ տաղանդավոր խաղացողներ ունեք: Կարծում եմ՝ շատ կարեւոր է երիտասարդների աճի վրա աշխատելը, քանի որ այդպես հետագայում ավելի ուժեղ ազգային հավաքականներ կունենաք:

- Ուրիշ ի՞նչ տեսարժան վայրեր եք այցելելու:

- Կարծում եմ՝ ամենակարեւոր վայրը, ուր պետք է այցելել, սա է: Ամենախորհրդանշականն է: Եվ ես ուրախ եմ, որ այստեղ եմ եւ կարող եմ ողջ քաղաքը տեսնել այստեղից: Իհարկե ինձ համար շատ խորհրդանշական է այստեղ լինելը: Այսօր քաղաք կգնամ եւ ֆուտբոլային հանդիպումների կհաճախեմ, 2 խաղ կա, նախ Պորտուգալիան է խաղում, հետո Հայաստանը:

- Այցելել եք Ծիծեռնակաբերդ, արդյո՞ք ինչ-որ բան գիտեք հայերի ցեղասպանության մասին:

- Կարծում եմ՝ շատ կարեւոր է հարգել երկրների արժեքները: Եվ եթե կա այս հուշահամալիրը, կարծում եմ՝ շատ կարեւոր է, որ մարդիկ գան ու միշտ հիշեն, թե ինչ է կատարվել նախկինում: Անձամբ ինձ համար սա զոհերին ու երկրին իմ հարգանքը ցույց տալ է:

- Պորտուգալիայի հավաքականը մինչեւ 19 տարեկանների առաջնության գործող չեմպիոն է: Ի՞նչ եք կարծում, կպահպանի՞ տիտղոսը:

- Հույս ունեմ՝ այո՛: Իհարկե հեշտ չէ, բայց նրանք լավ թիմ ունեն, թեեւ բազմաթիվ խաղացողներ, որոնք սովորաբար խաղում էին մինչեւ 19 տարեկանների թիմում, այստեղ չեն, քանի որ ոմանք արդեն ազգային հավաքականի, կամ մինչեւ 21 տարեկանների հավաքականի անդամ են, ոմանք էլ արդեն իրենց ակումբների առաջին թիմում են ընդգրկված, եւ ակումբները թույլ չեն տվել գալ, որպեսզի նրանք մասնակցեն նոր մրցաշրջանի նախապատրաստական փուլին: Բայց ամեն դեպքում այստեղ նրանք շատ լավ թիմ ունեն եւ Իտալիայի դեմ առաջին խաղում դա ցույց տվեցին: Այսօր դեռ կտեսնենք, քանի որ այսօր նրանց համար ամենաբարդ խաղերից մեկն է: Բայց կարծում եմ՝ Պորտուգալիան կարող է շատ հեռուն գնալ այս մրցաշարում՝ կիսաեզրափակիչ, եզրափակիչ: Կտեսնենք:

- Ի՞նչ կարծիք ունեք հայկական ֆուտբոլի, ազգային համաքականի մասին:

- Իհարկե պետք է խոսեմ Հենրիխ Մխիթարյանի մասին (խմբ. ժպտում է): Նա Հայաստանի ամենալավ խաղացողներից է կամ հենց ամենալավը: Գիտեմ Գեւորգ Ղազարյանին, որը խաղացել է Պորտուգալիայում: Եվ գիտեմ այն տղային, որը եկել է Բրազիլիայից՝ Մարկոս Պիզզելիին: Վստահ եմ, որ Հայաստանի ֆուտբոլի ֆեդերացիան մանկապատանեկան ֆուտբոլի զարգացման քաղաքականություն ունի, քանի որ բազմաթիվ երիտասարդ տաղանդներ կան Հայաստանում, եւ պետք է զարգացնել ենթակառուցվածքները, քանի որ հատկապես երիտասարդ խաղացողները խաղալու լավ պայմանների կարիք ունեն. միայն այդպես նրանք կարող են ավելի լավ խաղացող դառնալ, համալրեր ազգային հավաքականի կազմը եւ ուժեղացնեն այն:

Տեսանյութը՝ «Հայկականժամանակ»-ի

Տպել
549 դիտում

Գյումրու Վարդանանց հրապարակի եղեւնիները կհանվեն

Կոմպոզիտորների՝ Դիլիջանի ստեղծագործական տունը կարճ ժամանակում պետք է դարձնենք ծաղկուն ու խնամված վայր. Աննա Հակոբյան

Հրաժարվեք Հայաստանում օտարերկրյա ներդրողների գործունեության մեջ քաղաքական ենթատեքստ փնտրել. «ԳեոՊրոՄայնինգ»-ը՝ ԶԼՄ-ներին

Վարչապետ Նիկոլ Փաշինյանի մոտ կայացել է խորհրդակցություն երեխաների որդեգրումների թեմայի վերաբերյալ

«Սիթի օֆ Սմայլ/Ժպիտների քաղաք»-ը անհրաժեշտության դեպքում կաջակցի 21-ամյա Արամի բուժմանը

Կեղծված են և՛ ԱԺ պատգամավորի բլանկի ձևը, և՛ իմ ստորագրությունը. Հրաչյա Հակոբյանը մեկնաբանել է ռուսական կայքի հոդվածը

Նիկոլ Փաշինյանի վերջին այցից հետո զբոսաշրջիկների թիվը Գյումրիում կրկնապատկվել է. Սամվել Բալասանյան

Գերմանիայի պաշտպանության նախարարը հրաժարական է տվել Scorpions-ի «Փոփոխությունների քամի» երգի հնչյունների ներքո

Գտնվում ենք այն քոթեջում, որտեղ ապրել և ստեղծագործել է Առնո Բաբաջանյանը, մթնոլորտը հիասքանչ է. Աննա Հակոբյան

Երեւանի ավագանու նախկին անդամ Սոնա Աղեկյանը ազատ է արձակվել

ԿԳՄՍ նախարար Արայիկ Հարությունյանն ընդունել է Ճապոնիայի դեսպան Ջուն Յամադային

Երևանի թիվ 17 հիմնական դպրոցի կառավարման խորհուրդը հայտարարում է տնօրենի թափուր պաշտոնի մրցույթ

Ձերբակալվել է «Սևան ազգային պարկ» ՊՈԱԿ-ի «Արևիկ» մասնաճյուղի անտառագետը

Արցախում 2 տարեկան երեխան թունավորվել է մոր տված սխալ դեղահաբից

Քննարկվել է «Զվարթնոց» օդանավակայանի ընդլայնման հարցը

«Պոբեդա»-ն այսօր կվերականգնի Գյումրիում ձմեռային չվացուցակով թռիչքների ավիատոմսերի վաճառքը

Սոնա Աղեկյանը քաղաքապետարան է ներկայացել կոյաջրերի տարայով. նրան բերման են ենթարկել

Հայաստանում անշարժ գույքի գործարքները աճել են, եւ աճը մարզերի ու ոչ Երեւանի հաշվին է. Նիկոլ Փաշինյան

Մալաթիայի շուկայի տարածքում հրդեհը բռնկվել է արագ սննդի կետում. մանրամասներ

Ծնելիության ցուցանիշի նվազման տեմպը դանդաղում է. Արսեն Թորոսյան