Գյումրու շուկայում ՍԱՏՄ-ն առանց փորձաքննության մսեղիք է հայտնաբերել (լուսանկարներ)

Սննդամթերքի անվտանգության տեսչական մարմնի պատասխանատուներն այսօր կրկին Գյումրիում էին: Հուլիսի 9-ի այցի նման եկել էին առանց զգուշացման: Դիտարկման կենտրոնում շուկայում գործող ինչպես բացօթյա, այնպես էլ փակ մսի վաճառքի կետերն ու մսավաճառներին ներկայացվող պահանջներն էին:

Նախորդ այցի ժամանակ հստակ հանձնարարականներ էր տրվել: Դրանց կատարման համար էլ հստակ ժամկետ է նշվել՝ հուլիսի 25-ը: Հիմնական պահանջը սառնարանի, տաք եւ սառը հոսող ջրի, վաճառվող ապրանքի փորձաքննության մասին վկայող փաստաթղթի եւ մսավաճառի սանիտարական գրքույկի առկայութունն է:

Մսավաճառներից շատերն արդեն որոշ քայլեր կատարել, սառնարանները տեղադրել, կոճղերը ներկել, կարգի են բերել, սակայն դեռ շատ անելիք կա: Բայց ասել, որ մեծ ուրախությամբ են ընդառաջ գնում պատասխանատուներին, սխալ կլինի: Նոր պահանջները նոր ֆինանսական ծախս են ենթադրում:«Տղերքը պետք է հասկանան, որ հուլիսի 25-ը մեր վերջնական ժամկետը չի, մենք ունենք ամենօրյա աշխատանք, միշտ էլ անակնկալ գալու ենք: Ամեն ինչ պետք է անել սպառողի անվտանգությունն ապահովելու համար»,- լրագրողների հետ զրույցում ասաց Սննդամթերքի անվտանգության տեսչական մարմնի Շիրակի մարզային կենտրոնի պետի ժամանակավոր պաշտոնակատար Ալեքսան Մկրտչյանը:

Իսկ տղերքը լավ են հասկացել, որ մինչեւ վերջնաժամկետը եթե հանձնարարականները չկատարվեն, հնարավոր է եւ կասեցվի իրենց գործունեությունը: «Հանձնարարել են, որ սառնարան տեղադրենք, մենք էլ ժամանակ ենք վերցրել մինչեւ 25-ը, ամեն ինչը պատրաստ կեղնի: Ջուր ունինք կողքը, կմիացնենք, կբերենք, պրոբլեմ չունինք: Եթե ըդիկ է ճիշտ մոտեցումն ու օրենքը կթելադրե, կանենք: Սառնարանը կտեղադրենք, ըդիգ չէ հարցը, բայց ես միսը 3 ժամվա կծախեմ, ես պաղ միս չեմ ծախե, սաղն էլ գիտեն ստեղ: Ընձի առհասարակ պետք չէ էդ խալադիլնիկը, բայց որ կպահանջեն, կբերեմ, կտեղադրեմ: Ես առավոտ կանուխ կծախեմ սաղ միսը: 8 անց կես որ եկա, մինչեւ 12-ը կծախեմ, տուն կերտամ: Թող գան, կայնին կողքս, տեսնին, ես կապացուցեմ»,- սրտնեղեց մսավաճառներից մեկը:Ալեքսան Մկրտչյանն ասաց բոլորը պետք է օրենքի առաջ հավասար լինեն, հուլիսի 25-ին տրված բոլոր հանձնարարականները պետք է կատարված լինեն: «Եթե 25-ին այս կամ այն տնտեսվարողը, մսի իրացման կետը մեր հանձնարարականը չի կատարում, այդ կետի գործունեությունը կասեցվելու է ընդհանրապես: Այսօրվա աշխատանքը 25-ով չի սահմանափակվի, սա շարունակական է լինելու, որպեսզի տնտեսվարողները չմտածեն, որ ասեցինք, գնացինք, շարունակություն չենք տա: Պետք է միշտ զգոն լինեն: Մենք դիտարկում ենք իրացնելու մսի վաճառքի բոլոր կետերում, դա կլինի սուպերմարկետ, մսի վաճառքի իրաման կետ, քաղաքի որ ծայրում ուզում է լինի: Ուղղակի շուկայի տարածքից ենք սկսել, քանի որ խնդիրներն այստեղ շատ են»,- ասաց Ալեքսան Մկրտչյանը:

Այսօրվա շրջայցի ժամանակ տաղավարներում հայտնաբերվեց առանց փորձաքննության խոզի եւ գառի մսեղիք: Դրանք վաճառքից հանել, փորձաքննության ուղարկելու հանձնարարական տրվեց:«Մենք եկել ենք ոչ թե ընենց անենք, որ տվյալ մսի իրացման կետում միսը չվաճառվի, այլ եկել ենք, որ անենք այնպես, որ միսը եթե վաճառվում է, ուրմեն պահպանվի էն բոլոր պահանջները, որը պետք է: Եթե կային խախտումներ, տվել ենք հանձնարարականներ, որ մինչեւ 25-ը վերցվի, բայց էսօրվա դրությամբ պիտակի պահանջը պարտադիր է, տարբեր տեսակի կենդանիների մսեղիք եք վաճառում, ուրեմն յուրաքանչյուրի համար պարտադիր պետք է փորձաքննություն նշված լինի, եթե չկա այդ պիտակն, ուրեմն չպետք է վաճառվի»,- մսավաճառներին բացատրեց պատասխանատուն:

Մսի վաճառքի կետերից հետո Տեսչական մարմինը նաեւ փորձաքննություն անցկացնող ընկերությունների աշխատանքն է դիտարկելու: Շիրակի մարզում նման 2 ընկերություն կա: Եթե նրանց պայմանները, սարքավորումներն ու մասնագիտական հմտությունները չբավարարեն օրենքի պահանջներին, նրանց գործունեությունը եւս կկասեցվի:

Տպել
1131 դիտում

Աննա Հակոբյանը մասնակցել է Ararat challange փառատոնի բացման արարողությանը

Բաքվում չարտոնված ցույցի պատճառով փակել են մետրոյի երեք կայարան

Աննա Հակոբյանը մասնակցել է «Առողջ ապրելակերպը՝ բոլորի համար» խորագրով սպորտային տոնին

Ուկրաինայի խորհրդարանում Հայաստանի հետ միջխորհրդարանական կապերի պատգամավորական խումբ է ստեղծվել

Հյուսիսային մաքսատունը Գյումրիում կբացվի այս տարի. հստակ ժամկետ, սակայն, չկա

«Էրեբունի-Երեւան» միջոցառումների շրջանակներում սպասվում է անակնկալ. Հայկ Մարության

Ապօրինի գույքի «քաղհալածյալ» սեփականատերերը․ նախկին իշխանություններին խիստ մտահոգել է օրենքի նախագիծը

Վարչապետը ծանոթացել է Արտաքին տնտեսական գործունեության սպասարկման կենտրոնի շինաշխատանքներին

Այս տարվա առաջին 9 ամիսներին արձանագրվել է 3444 ճանապարհատրանսպորտային պատահար

Ոստիկանությունում տեղի ունեցած նիստից հետո մարզային պետեր են ազատվել

Հայկ Մարությանը Երվանդ Մանարյանին հանձնեց Երեւանի պատվավոր քաղաքացու կոչումը

Երկիր մոլորակին կմոտենա մեկ կիլոմետր տրամագծով երկնաքար

Արմեն Կարապետյանն ազատվել է էկոնոմիկայի նախարարության գլխավոր քարտուղարի պաշտոնից

Հերքվել է Սամվել Ֆարմանյանի հայտնած այն տեղեկությունը, թե շոգեբաղնիքում իրեն ՀՔԾ քննիչ է մոտեցել․ ոստիկանություն

Դատախազները քննարկումներ են անցկացրել հանրակրթական եւ հատուկ դպրոցների աշակերտների հետ

Մեր տարածաշրջանը վառոդի տակառ է, մեր անվտանգության երաշխիքները՝ երկուսը

Նիկոլ Փաշինյանի ելույթը՝ Պետական եկամուտների կոմիտեի Գյումրիում կազմակերպած ռազմավարական պլանավորման աշխատաժողովին

Գեղարքունիքի մարզում մեքենան բախվել է բետոնե պատնեշին․ 18-ամյա վարորդն ու նույն տարիքի ուղեւորը մահացել են

Երեւանցին նա է, ով սիրում է Երեւանը, սիրում է՝ հոգատար ծնողի ու պատասխանատու ընկերոջ նման․ Հայկ Մարության

Նիկոլ Փաշինյանն այցելել է Գյումրի՝ ծանոթանալու ավտոմաքսատան շինաշխատանքների ընթացքին (տեսանյութ, լուսանկարներ)