Եթե լավ լիներ՝ տուն կունենայինք, այսքան տարի վարձով ենք ապրել. Սիլվա Հակոբյանն էլ կհայտարարագրի իր եկամուտները

Երգչուհի Սիլվա Հակոբյանը հայտարարագրելու է իր եկամուտները: Նա եւս պատրաստվում է ՊԵԿ-ում գրանցվել, որպեսզի սկսի հարկեր վճարել: Այս մասին «Հայկական ժամանակ»-ի հետ զրույցում ասաց երգչուհու հայրը՝ Հակոբ Հակոբյանը, որը նաեւ երգչուհու պրոդյուսերն է:

«Մենք միշտ էլ ասել ենք` սա օրիանական երկիր է, եւ մենք էլ պետք է օրենքի դաշտ մտնենք: Եթե բոլորը հայտարարգրելու են եւ կա պահանջ, մենք ինչպե՞ս կարող ենք տարբերվել կամ չանել: Երբ ամեն ինչ կմտնի օրենքի ուժի մեջ, մենք հստակ կիմանանք մեր անելիքն ու այդ ժամանակ էլ քայլեր կանենք: Եթե այս երկրում ենք ապրում, պետք է այս երկրի օրենքներին ենթարկվենք, որ այս պետությունը պետություն դառնա՝ ավելի հարուստ, ավելի հզոր ու ավելի լավ»,-ասաց Սիլվա Հակոբյանի հայրը:

Օրեր առաջ հրավիրված մամուլի ասուլիսի ժամանակ ՊԵԿ նախագահ Դավիթ Անանյանը հայտարարել էր, որ շոու բիզնեսի ներկայացուցիչների հետ կապված կոշտ գործողություններ են սկսել: Եվ որպեսզի կոշտ գործողությունները լինեն շատ ավելի հասցեական՝ յուրաքանչյուրի վարքագիծը գնահատվելու է առանձին եւ յուրաքանչյուրն անձնական նամակով հրավիրվելու է ՊԵԿ՝ քննարկումների: Հակոբյանից հետաքրքրվեցինք, թե Սիլվային արդեն տեղեկացրե՞լ են, նշեց, որ ոչնչից դեռ տեղյակ չեն:

Վերջինս նշեց, որ երգչուհին ժամանակավոր դադար է վերցրել քանի որ պատրաստվում է մայրանալ. «Արդեն 6 ամիս է՝ Սիլվան տանն է, հանգիստ վիճակում, սպասում ենք նրա բալիկի լույս աշխարհ գալուն»։

Հակոբ Հակոբյանը նշեց, որ ծննդաբերությունից հետո Սիլվան կսկսի ակտիվ գործունեություն ծավալել երգարվեստում:

Երգչուհու հորից հետաքրքրվեցինք, թե վերջին շրջանում Սիլվան գո՞հ է իր եկամուտներից, եւ արդյո՞ք հնարավորություն ունի հարկեր վճարելու. «Եթե մենք ստանում ենք մեկ, շատ դեպքերում ծախսում ենք տասնմեկ: Երգ է, տեսահոլովակ է, օրանժիրովկա եւ այլն, հսկայական ծախսերի հետ գործ ունենք: Պատկերացրեք՝ 2011 թվականին համերգ էինք դրել Մարզահամերգային համալիրում մոտ 90 հազար դոլար ծախսեցինք՝ հազիվ մի 30-ից 40 հազար դոլար հետ բերելով: Ծախսերը շատ մեծ են: Նախքան ՊԵԿ-ի այս հայարարությունն էլ մենք մեր հարկերը միշտ էլ վճարել ենք, խոսքը համերգների մասին է»:

Խոսելով վերջին մի քանի տարիներին Սիլվա Հակոբյանի եկամուտների դրական տեղաշարժի մասին՝ Հակոբյանը նշեց, որ այնքան էլ գոհ չեն: «Սիլվան շոու բիզնեսի մեջ է 10 տարուց ավելի, չհաշված, որ 4 տարեկանից երգում է: Ինչպես է լավ, որ մեկ տարի առաջ Երեւանում վարկով տուն ենք վերցրել եւ չենք կարողանում բանկի տոկոսները վճարել: Մինչեւ հիմա էլ, եթե լավ լիներ, տուն էլ կունենայինք, ամեն ինչ էլ: Այսքան տարի վարձով ենք ապրել»,-ասաց Հակոբյանը: Նա հայտնեց, որ բնակարանը գնել են Սիլվայի անունով, սակայն ընտանիքի բոլոր անդամների համար է:

Մեր հարցին, թե հովանավորներ կամ աջակիցներ չունի՞ երգչուհին, հայրը նշեց. «Աջակիցները նրա ծափահարություններն են, ուրիշ աջակից մենք չունենք»:

Նա  հայտնեց, որ Սիլվան արձակուրդի մեջ է, մենք էլ չենք աշխատում, ու ամեն ինչ այնքան էլ հեշտ չէ: «Սիլվան ընդամենը երգում է, մնացած ոչ մի բանից տեղյակ չէ, մնացածը մենք ենք անում: Փորձում ենք նրան այդ քաշքշուկներից հեռու պահել, բայց այն, ինչ նա է անում, էլի ծանր ու տաժանակիր աշխատանքն ու ջանքերը հարկերի համեմատ ոչինչ են»,-ասաց նա:

Տպել
21754 դիտում

Էրդողանի հրամանագրով Սահակ եպիսկոպոս Մաշալյանը սքեմ կրելու արտոնություն է ստացել

Բալահովիտ գյուղի ակումբներից մեկի տնօրենը գարեջրի շշով հարվածել է 36-ամյա երեւանցուն

Թույլ տրված թերությունների պատճառով Երևանի և 3 մարզերի դադարեցված ջրամատակարարումը 4 ժամ ուշ կվերականգնվի

Էկոնոմիկայի նախարարությունը դեղձով բեռնված բեռնատարների հարցով կապի մեջ է Վերին Լարսի անցակետի հետ

Քննչական կոմիտեն արձագանքել է Ամուլսարի մասին 3D հոլովակի պատրաստման վերաբերյալ լուրերին

ԿԳՄՍ-ում քննարկվել է «Կումայրի» արգելոցը ՅՈՒՆԵՍԿՕ-ի հուշարձանների ցանկում ընդգրկելու հարցը

Վրաերթ Վանաձորում. Mersedes-ը վրաերթի է ենթարկել միջին տարիքի կնոջը (լուսանկարներ)

Հրդեհ Շաքի գյուղում. այրվել է կուտակած անասնակեր (տեսանյութ)

Երկրորդ բալիկին սպասող Աննա Թովմասյանը եւ Արամեն ջերմ լուսանկար են հրապարակել

Armtimes.com-ը փնտրում է վեբ կայքի և սոցիալական ցանցերի ղեկավարի

Հայկ Սեխլիյանի բուժման համար անհրաժեշտ գումարի գրեթե կեսը հանգանակվել է. պետությունը եւս փորձելու է աջակցել

Ամուլսար այցից հետեւություն արեցի, որ մարդիկ գիտեն՝ ես ոչ մի միլիմետր չեմ շեղվի ճշմարտությունից. վարչապետ

Պարգեւատրվել են Շիրակի մարզի զորացրված զինվորները, նրանց զինղեկներն ու համայնքապետերը

Գյումրու Բուլվարային փողոցից բերման է ենթարկվել 33-ամյա տղամարդ՝ գրպանում թմրանյութով ներարկիչներ

Պատարայի ջրամբարի կառուցումը Ստեփանակերտի խմելու ջրի ապահովման գլխավոր երաշխիքն է լինելու. Ա. Հարությունյան

Զոդի կամրջի ողբերգական ավտովթարի գործով կալանավորված վարորդը ցուցմունք է տվել եւ մանրամասներ հայտնել

Ռազմական ոստիկանության գնդապետը ստացել է մոտ 7 մլն ռուբլի կաշառք. նա կալանավորվել է (տեսանյութ)

Կոխակն գյուղում հրդեհվել են տներից մեկի եւ կից անասնագոմի տանիքները

200 տոննա հայկական դեղձը կարող է փչանալ. բեռնատարները մի քանի օր է՝ Լարսում սպասում են զննման

ՔԿ-ն ամփոփ տեղեկանք է ներկայացրել Ամուլսարի գործի շրջանակներում իրականացված ամբողջ գործընթացի մասին