Մեր կրթաթոշակով սովորած ուսանողները պարտավորվում են վերադառնալ եւ աշխատել հայրենիքում. Աննա Հակոբյան

«Մենք պայմանագիր ենք ստորագրում ուսանողների հետ, որոնք պարտավորվում են վերադառնալ հայրենիք եւ այստեղ աշխատել, որովհետեւ մեզ համար կարեւոր է, որ այն միջոցները, որոնք մենք ներդնում ենք, որպեսզի նրանք կրթություն ստանան դրսում, այդ ամենը աշխատանքի տեսքով կվերադառնա հայրենիք»:

Այս մասին այսօր՝ Առաջին ալիքի «Լուրեր 60 րոպե» հաղորդման ժամանակ ասաց ՀՀ վարչապետի տիկին, «Իմ քայլը» եւ «Ժպիտների քաղաք» բարեգործական հիմնադրամների հոգաբարձունրի խորհրդի նախագահ Աննա Հակոբյանը՝ ներկայացնելով հիմնադրամների ֆինանսավորմամբ արված աշխատանքները:

Խոսելով սոցիալական ոլորտից՝ Աննա Հակոբյանը նշեց «Քայլ առ քայլ» ծրագիրը, որը հաղորդման տեսքով հեռարձակվում է հեռուստատեսությամբ: Հակոբյանն ասաց, որ հաղորդմանը արդեն իսկ մասնակցել են հայտնի մարդիկ ու պատգամավորներ, վերանորոգվել է սոցիալապես անապահով ընտանիքի 5 բնակարան, որոնցից յուրաքանչյուրի վրա 3 միլիոն դրամ է ծախսվել:

«Հիմա հաղորդումը հնարավոր է հեռարձակվի այլ ալիքով, բայց հաստատ չի դադարեցվի, որովհետեւ այս պահին 1300 դիմում կա: Նաեւ մի հետաքրքիր բան ասեմ, ես տեղեկացա, որ ընտանիքներից մեկը, ում բնակարանը մենք վերանորոգել ենք, ավարտից կարճ ժամանակ անց շատ արագ այն հանձնել են վարձակալության: Նշանակում է, կարեւոր է մանրամասն ընտրել ընտանիքները:

Կա նման ծրագիր եւս՝ մենք ընտրում ենք ընտանիքի անդամին, որը կարող է աշխատել՝ հորը կամ մորը, կամ այլ մարդու, գտնում ենք աշխատանք, եթե կան առողջական խնդիրներ, մենք օգնում ենք հաղթահարել դրանք՝ վիրահատվել կամ այլ խնդիր, օգնում ենք վերապատրաստվել աշխատանքի ու մասնագիտության մեջ, յուրաքանչյուր ընտանիքի համար կա սահմանված գումար, որի շրջանակներում մենք օգնում ենք այդ ընտանիքին՝ փոխարենը մարդուն ապահովելով մշտական կայունությամբ:

Մենք ունենք հաջողության պատմություններ, երբ, օրինակ, ընտանիքի մորն օգնել ենք ստանալ հաշվապահի մասնագիտություն, սովորել օտար լեզու, անգամ մի քանի ամսով դայակ ենք գտել իր երեխայի համար, որ նա կարողանա աշխատել: Կա ընտանիք, որի ամուսինը մեր օգնությամբ համակարգիչ վերանորոգել է սովորում, կինը կար ու ձեւ անել է սովորում, այսինքն, մենք ընտանիքին մասնագիտություն ձեռք բերելու եւ աշխատանք գտնելու հնարավորություն ենք տալիս: Կա ապրիլյան քառօրյայի մասնակից, որի առողջական խնդիրները մենք օգնել ենք լուծել եւ աշխատանքի հնարավորություն ենք ստեղծել, նմանատիպ շատ օրինակներ կան:

Մենք իրավունք չունենք նման ճոխություն մեզ թույլ տալ՝ ուղղակի մեկին հանել ու գումար տալ: Աղքատության փուլային հաղթահարման ծրագրով, ես հուսով եմ, շատերը կանցնեն, 16 ընտանիքների մենք բնակարանի վարձ ենք տալիս, հուսով եմ՝ տարիների ընթացքում մենք մեծ արդյունքներ կգրացնենք:

Եղել է նաեւ նման իրավիճակ, երբ ես ստիպված եմ եղել հանդիպել մեր բնակարանում բնակվող ընտանիքի հետ, նրանց բացատրել, որ մենք կարող ենք ձեզ բնակարանը տրամադրել, բայց չենք կարող այն նվիրել, աշխատել է պետք, նրանք հասուն դուստրեր ունեն, որոնք կարող են մասնակցել մեր ծրագրերին եւ արդեն աշխատել, սակայն չեն ցանկանում»:

Աննա Հակոբյանը ներկայացրեց նաեւ միջոցառումները, որոնք կայացել են իրենց ֆինանսավորմամբ եւ մեծ տուրիստական հոսքեր են ապահովել։ Նա նշեց, որ գումար է տրամադրվել Հայրենիքի պաշտպանի վերականգնողական կենտրոնին, ինչը չափազանց կարեւորում է, թվարկեց մանկապարտեզները, որոնք հիմնադրամների միջոցով ֆինանսավորվել են եւ վերանորոգվել, անհատական առողջապահական դիմումների մասին եւս խոսվեց:

Տպել
2219 դիտում

Գյումրու Վարդանանց հրապարակի եղեւնիները կհանվեն

Կոմպոզիտորների՝ Դիլիջանի ստեղծագործական տունը կարճ ժամանակում պետք է դարձնենք ծաղկուն ու խնամված վայր. Աննա Հակոբյան

Հրաժարվեք Հայաստանում օտարերկրյա ներդրողների գործունեության մեջ քաղաքական ենթատեքստ փնտրել. «ԳեոՊրոՄայնինգ»-ը՝ ԶԼՄ-ներին

Վարչապետ Նիկոլ Փաշինյանի մոտ կայացել է խորհրդակցություն երեխաների որդեգրումների թեմայի վերաբերյալ

«Սիթի օֆ Սմայլ/Ժպիտների քաղաք»-ը անհրաժեշտության դեպքում կաջակցի 21-ամյա Արամի բուժմանը

Կեղծված են և՛ ԱԺ պատգամավորի բլանկի ձևը, և՛ իմ ստորագրությունը. Հրաչյա Հակոբյանը մեկնաբանել է ռուսական կայքի հոդվածը

Նիկոլ Փաշինյանի վերջին այցից հետո զբոսաշրջիկների թիվը Գյումրիում կրկնապատկվել է. Սամվել Բալասանյան

Գերմանիայի պաշտպանության նախարարը հրաժարական է տվել Scorpions-ի «Փոփոխությունների քամի» երգի հնչյունների ներքո

Գտնվում ենք այն քոթեջում, որտեղ ապրել և ստեղծագործել է Առնո Բաբաջանյանը, մթնոլորտը հիասքանչ է. Աննա Հակոբյան

Երեւանի ավագանու նախկին անդամ Սոնա Աղեկյանը ազատ է արձակվել

ԿԳՄՍ նախարար Արայիկ Հարությունյանն ընդունել է Ճապոնիայի դեսպան Ջուն Յամադային

Երևանի թիվ 17 հիմնական դպրոցի կառավարման խորհուրդը հայտարարում է տնօրենի թափուր պաշտոնի մրցույթ

Ձերբակալվել է «Սևան ազգային պարկ» ՊՈԱԿ-ի «Արևիկ» մասնաճյուղի անտառագետը

Արցախում 2 տարեկան երեխան թունավորվել է մոր տված սխալ դեղահաբից

Քննարկվել է «Զվարթնոց» օդանավակայանի ընդլայնման հարցը

«Պոբեդա»-ն այսօր կվերականգնի Գյումրիում ձմեռային չվացուցակով թռիչքների ավիատոմսերի վաճառքը

Սոնա Աղեկյանը քաղաքապետարան է ներկայացել կոյաջրերի տարայով. նրան բերման են ենթարկել

Հայաստանում անշարժ գույքի գործարքները աճել են, եւ աճը մարզերի ու ոչ Երեւանի հաշվին է. Նիկոլ Փաշինյան

Մալաթիայի շուկայի տարածքում հրդեհը բռնկվել է արագ սննդի կետում. մանրամասներ

Ծնելիության ցուցանիշի նվազման տեմպը դանդաղում է. Արսեն Թորոսյան