Հայաստանի ֆուտբոլի ֆեդերացիան ամեն ինչ արել է, որպեսզի Եվրո 2019-ի բացման՝ Հայաստան-Իսպանիա, խաղում «Հանրապետական» մարզադաշտը լինի մարդաշատ: Հենց այդ պատճառով էլ ընդունել է կոլեկտիվ հայտեր, նաեւ անվճար տոմսեր է բաժանել տարբեր կազմակերպությունների: Այս մասին «Հայկական ժամանակ»-ի հարցմանն ի պատասխան՝ նշեցին ՀՖՖ մամուլի քարտուղարությունից:

Երեկ՝ հուլիսի 14-ին, բացման խաղից առաջ ինչպես սոցցանցերում, այնպես էլ դրանից դուրս մարդիկ բարձրաձայնում էին, որ չեն կարողացել ձեռք բերել «Հանրապետականի» արեւմտյան ու արեւելյան տրիբունաների տոմսեր: Ըստ նրանց՝ պատճառն այն է, որ ՀՖՖ-ն մեծ քանակությամբ անվճար տոմսեր է բաժանել:

ՀՖՖ-ից նշեցին, որ իրենք տոմսեր են տվել հայտ ներկայացրած կազմակերպություններին: Գումարած դրան անվճար տոմսեր են տրամադրել կարիքավոր խմբերին, ուսխորհուրդներին, երիտասարդներին, հաշմանդամների միույթյուններին: Բացի այդ՝ անվճար տոմսեր են նվիրել տարբեր ակցիաների, մրցույթների շրջանակներում:

Նշեցին, որ ամեն դեպքում, տրամադրվել է այնքան տոմս, որ այն մարդիկ, ովքեր կորոշեն տոմս գնել, կարողանան անել դա: Դիտարկմանը, որ մի շարք դեպքերում մարդկանց տոմսարկղերում ասել են, որ տոմսեր չկան, սակայն մարզադաշտի արեւելյան ու արեւմտյան տրիբունաներում բացման խաղի ժամանակ ազատ տեղեր կային, ֆեդերացիայից չբացառեցին, որ կարող է վերը նշված խմբերի մարդիկ չեն գնացել խաղին: Չբացառեցին նաեւ, որ գուցե տոմս գնածներն էլ չեն գնացել:

Ինչպես երեկ հայտնեց մարզադաշտի հաղորդավարը, խաղին ներկա է եղել 10200 հանդիսական: Ֆեդերացիայից նշեցին, որ իրենց համար շատ կարեւոր է եղել հաճախելիություն ապահովել հատկապես բացման խաղի ժամանակ, քանի որ դա մեծ աջակցություն կլիներ ՀՀ հավաքականին: Բացի այդ՝ ՈՒԵՖԱ-ին ներկայանալու խնդիր կար: Նշեցին, որ «Հանրապետականի» մյուս հանդիպումների համար արեւելյան ու արեւմտյան տրիբունաների տոմսեր հիմա հնարավոր է գնել: Նաեւ տեղեկացրին, որ մյուս խաղերի համար եւս կոլեկտիվ հայտերով կամ այլ ձեւաչաձերով բաժանված տոսմեր կան, սակայն ոչ այն քանակի, որքան բացման խաղի դեպքում: Մեկնաբանեցին, որ 3 մարզադաշտերից «Բանանցում», օրինակ, հաճախելիություն ապահովելու խնդիր չկա, քանի որ մոտակայքում ապրող մարդիկ սիրում են մարզադաշտ հաճախել, իսկ Երեւանի ֆուտբոլի ակադեմիայում էլ տեղերն են շատ քիչ, ու, եթե չվաճառեն, այլ տրամադրեն, դա գուցե ռիսկ լինի. գուցե մարդիկ չգան, ու մարզադաշտը դատարկ մնա:

Ավելի վաղ ՀՖՖ-ն ֆեյսբուքյան պաշտոնական էջում նույնպես անդրադարձել էր այս հարցին: Նշել էր, որ ՀՀ հավաքականների խաղերի տոմսերի տնօրինման բացառիկ իրավունքը պատկանում է ՀՖՖ-ին, ինչը թույլ է տալիս կազմակերպել դրանց վաճառքը, անվճար տրամադրումը եւ այլն: Նաեւ շեշտել էր, որ բացման խաղի տոմսերի վաճառքի վերաբերյալ տարբեր հարթակներով պարբերաբար հիշեցումներ են եղել:

Մինչեւ 19 տարեկանների Եվրո 2019 մեկնարկել է երեկ՝ հուլիսի 14-ին: Ավարտվում է 27-ին: Խաղերն անց են կացվում «Հանրապետականում», «Բանանցում» եւ Երեւանի ֆուտբոլի ակադեմիայում: Տոմսերն արժեն 200-500 դրամ: «Հանրապետականի» տոմսարկղերում կարելի է ձեռք բերել բոլոր 3 մարզադաշտերում նշանակված խաղերի տոմսերը, իսկ «Բանանցի» տարածքում եւ ակադեմիայում վաճառվում են միայն տվյալ մրցավայրի հանդիպումների տոմսերը:

Խաղացանկին կարելի է ծանոթանալ այստեղ:

Տպել
1209 դիտում

Արգելափակումից դուրս են բերվել ավտոմեքենաներ Գեղարքունիքում ու Կոտայքում

ՁԻԱՀ-ի կանխարգելման կենտրոնի աշխատակիցները բողոքի ցույց են անում կառավարության դիմաց. դեմ են միավորմանը

Վարչապետը հավաստիացրեց, որ եթե ինչ-որ անհանգստացնող տեղեկություն լինի կորոնավիրուսի վերաբերյալ, այն կհանրայնացվի

Կառավարությունը արտոնություն տվեց կրակայրիչներ արտադրող ընկերությանը. կստեղծվի 15 նոր աշխատատեղ

Մհեր Գրիգորյանը շնորհավորել է Կանադայի նորանշանակ դեսպանին պաշտոնն ստանձնելու կապակցությամբ

Վահագն Վերմիշյանն ազատվեց զբաղեցրած պաշտոնից

ՏՄՊՊՀ նախագահ Գեղամ Գևորգյանը մեկնել է Մոսկվա

2019-ի 4-րդ եռամսյակում 205 սիրիահայի անձնագիր է տրվել եւ տուրք չի գանձվել

Մայր Աթոռ Սուրբ Էջմիածինը հայտարարում է Մայր Տաճարի համար համահայկական հանգանակություն

Մեկնարկել է ՀՀ կառավարության հերթական նիստը. օրակարգում ներառված է 36 հարց

Կրակային պատրաստության գործնական պարապմունք է անցկացվել 4-րդ զորամիավորման զորամասերից մեկում

Դավիթ Սանասարյանի գործով դատարանն սկսեց ապացույցների հետազոտումը

Մինչեւ բոլոր ընկերություններին չես տուգանում, վարչական ակտ չես կիրառում, շատ քչերն են վերացնում խախտումները. Շախբազյան

Ալեսանդրո դել Պիեռոն Երեւանում է

Դեսպանությունը Ճապոնիայում և Կորեայում գտնվող ՀՀ քաղաքացիներին կոչ է անում կապ հաստատել իրենց հետ

Հայբիզնեսբանկ. քարտից քարտ արագ փոխանցման հնարավորություն

Զոհրաբ Մնացականյանը Ժնեւում հանդիպել է Պաղեստինի ԱԳ նախարար Ռիյադ ալ Մալիքիի հետ

Հրդեհ էլեկտրական ենթակայանի մոտակայքում. 4 էլեկտրական սյուն է այրվել

Մենք, իհարկե, տեղյակ ենք եղել պաստառի գոյությանը. «Garoon» գործակալությունը պարզաբանում է տարածել

Վրաստանում կորոնավիրուսով հիվանդ անձի հետ շփված 4 մարդկանց մոտ վարակը չի հայտնաբերվել. նախարար