Ի՞նչ է արել Սիփան Փաշինյանն ԱԺ-ում վեց ամսվա ընթացքում. մանրամասն հաշվետվություն

ՀՀ Ազգային ժողովը իր աշխատանքները սկսեց սույն թվականի հունվարի 14-ին։ Այսօր լրացավ Սիփան Փաշինյանի պատգամավորական գործունեության 6 ամիսը։ Այսպիսով, ամփոփենք այս մի քանի ամսիների աշխատանքը։ Այս մասին Facebook-յան իր էջում մանրամասն հաշվետվություն է հրապարակել Սիփան Փաշինյանի օգնականը:

▪️Սիփան Փաշինյանը «Վիճակախաղերի մասին» ՀՀ օրենքում լրացումներ կատարելու մասին օրենքի նախագծի համահեղիակն է։ Օրենքի նախագիծը քննարկվել և առաջին ընթերցմամբ ընդունվել է Ազգային ժողովի կողմից։ Օրենքի նախագծին կարող եք ծանոթանալ այս հղմամբ։
▪️Պատգամավորը, որպես ԱԺ պաշտպանության և անվտանգության մշտական հանձնաժողովի անդամ, հանդես է եկել որպես տարբեր օրենքի նախագծերի հարակից զեկուցող, թե՛ հանձնաժողովի նիստերի և թե՛ ԱԺ լիագումարի նիստերի ընթացքում։

▪️Պատգամավորը կազմակերպել է բազմամարդ քաղաքացիների ընդունելություն, հիմնականում՝ Տավուշի մարզում, որտեղից ռեյտինգային ընտրակարգով ընտրվել է ԱԺ պատգամավոր։ Ընդունելություններ իրականացվել են նաև Երևանի և այլ համայնքների բնակիչների համար։

* Սիփան Փաշինյանին քաղաքացիները հիմնականում դիմում են այնպիսի հարցերով, որոնք լուծելը դուրս է պատգամավորի պարտականություններից, սակայն պատգամավորը արել է հնարավորինս, որ քաղաքացիներին անհանգստացնող խնդիրերը լուծում ստանան։ Ներկայացնում եմ դրանցից որոշները․

▪️Սահմանամերձ Կոթին արդեն սեփական կոմբայնն ունի։ Սա հնարավոր դարձավ Զարեհ Սինանյանի և Արման Վահանյանի շնորհիվ, ում պատգամավորը ներկայացրել է խնդիրը և քննարկումներից հետո լուծում է տրվել խնդրին։

▪️ Լուծվել է Տավուշի մարզի Այգեհովիտ համայնքի Կայանավան բնակավայրի լուսավորության հարցը։ Պատգամավորը դիմել է ներդրողների, ովքեր համաձայնել են տրամադրել իրենց օգնությունը, որ բնակավայրը ապահովվի լուսավորությամբ։

▪️Ակնաղբյուր համայնքը ՄԱԿ-ի զարգացման հայաստանյան գրասենյակի հետ, ձեռք էր բերել պայմանավորվածություններ, համաձայն որոնց, Ակնաղբյուր համայնքի 17,1 հա գյուղատնտեսական նշանակության հողատարածքի ոռոգման համակարգի հիմնակառուցման համար կազմվել է նախագծա-նախահաշվարկային ծրագիր։ 

Ըստ այդմ՝ ծրագրի նախահաշվային արժեքը կազմել էր 51 517 100 ՀՀ դրամ։ ՄԱԶԾ-ի կողմից արդեն կատարվել էր ներդրում 80%-ի չափով, գումարային տեսքով՝ 41 213 680 ՀՀ դրամ։ Համաձայն ներդրումային ծրագրերի՝ համայնքը պարտավոր էր գումարի 20%-ի չափով, տվյալ դեպքում 10 303 420 դրամով, մասնակցություն ցուցաբերել նշյալ ծրագրին, որպեսզի այն իրականանար։ Սակայն, Ակնաղբյուրի համայնքապետարանը չուներ նման ֆինանսական միջոցներ: 

Արտերկրում բնակվող հայ գործարարը չի մերժել Սիփան Փաշինյանի կողմից փոխանցված բնակիչների խնդրանքը և տրամադրել է համայնքին այդ գումարը։

▪️Խաշթառակ համայնքը ՄԱԿ-ի զարգացման հայաստանյան գրասենյակի հետ ձեռք էր բերել պայմանավորվածություն, համաձայն որի Խաշթառակ համայնքի կենտրոնական փողոցներով պետք է անցկացվի էներգաարդյունավետ լուսավորություն, որի համար կազմվել է նախագծա-նախահաշվարկային ծրագիր։

Ըստ այդմ՝ ծրագրի նախահաշվային արժեքը կազմել էր 40 064 530 ՀՀ դրամ։ ՄԱԶԾ-ի կողմից արդեն կատարվել էր ներդրում 80%-ի չափով` 32 051 624 ՀՀ դրամ։ Համաձայն ներդրումային ծրագրերի՝ համայնքը պարտավոր էր գումարի 20%-ի չափով, տվյալ դեպքում` 8 012 906 ՀՀ դրամով, մասնակցություն ցուցաբերել նշյալ ծրագրին, որպեսզի այն կյանքի կոչվեր: Սակայն, ինչպես Ակնաղբյուրի դեպքում էր, Խաշթառակի համայնքապետարանը նույնպես չուներ նման ֆինանսական միջոցներ:

Ինչպես Ակնաղբյուրի, այնպես էլ Խաշթառակի դեպքում, արտերկրում բնակվող մեր տարբեր հայրենակից գործարարներ չեն մերժել Սիփան Փաշինյանի կողմից փոխանցված Խաշթառակի բնակիչների խնդրանքը և տրամադրել են համայնքին այդ գումարը։

▪️ Սարիգյուղ և Ծաղկավան համայնքերի բնակիչների համար ձեռք է բերվել կոմբայն, որը որոշակիորեն թեթևացրել է բնակիչների աշխատանքը և առիթ է հանդիսացել չմշակվող գյուղատնտեսական հողերի մշակման համար։ Այս ծրագիրը իրականություն դարձավ ՄԱԿ-ի աջակցությամբ, որը իր վրա վերցրեց ծախսերի 80%-ը, ինչպես նաև պատգամավորի կողմից ծրագրում ներգրավված հայ ներդրողների, ովքեր իրենց վրա վերցրեցին ծախսերի 20%-ը, որի հնարավորությունը համայնքը չուներ։

▪️ Անկախությունից հետո առաջին անգամ Իջևան քաղաքում կվերակառուցվի բարձրահարկ շենք: Խոսքը Իջևանի սիրտը համարվող հայտնի նախկին հյուրանոցի մասին է, որը կդառնա բնակելի շենք: Սիփան Փաշինյանի հետ երկար բանակցությունների արդյունքում, արտերկրում բնակվող հայտնի գործարար Անդրանիկ Ղազարյանը որոշեց վերակառուցել այն, առաջին հերթին հաշվի առնելով այդ շենքի կարևորությունը և նշանակությունը Իջևանի քաղաքի համար:

▪️ՀՀ Կառավարության կողմից «Հրատապ» ծրագրերի շրջանակներում նախատեսված է Զորական բնակավայրում կառուցել պոմպակայան, որի արդյունքում «Լոռի Բերդ» համակարգով Զորական բնակավայրին կմատակարարվի խմելու ջուր։ Այդ ծրագրի համար Կողբ համայնքը որպես նախագծի արժեք վճարել է 1 մլն ՀՀ դրամ, սակայն որպես ծրագրի ներդրում հարկավոր է ևս 1 մլն ՀՀ դրամ։ Անհրաժեշտ գումարի մյուս մասը՝ 1 մլն ՀՀ դրամ հայթայթելու համար ինձ էր դիմել համայնքի ղեկավարը։ խնդրանքը փոխանցել եմ արտերկրում բնակվող հայ գործարարներից մեկին, ինչի արդյունքում փոքր ներդրումով կիրականանա խոշոր ծրագիր, որի շնորհիվ մի քանի բնակավայրերի խմելու ջրի խնդիրը կլուծվի։

▪️Տավուշի մարզի Իջևան քաղաքի շենքերից մեկի տանիքը երկար տարիներ չէր վերանորոգվել, որն իր լրջագույն վնասն էր հասցնում ամբողջ շենքի սեսմակայունությանը։
Արտերկրյա գործարար Անդրանիկ Ղազարյանին խնդիրը ներկայացնելուց հետո վերանորոգումը չուշացավ։

▪️ Ձեռք են բերվել նախնական պայմանավորվածություններ այլ ներդրումային ծրագրերի իրականացման համար, որոնց մասին կտեղեկացնենք ավելի ուշ։