Հայաստանի ֆուտբոլի ազգային հավաքականի եւ «Արսենալի» կիսապաշտպան Հենրիխ Մխիթարյանը կարծում է, որ իր համար դեռ վաղ է խոսել, թե ինչով կարող է հպարտանալ: Այս ամսին նա նշել է ՈՒԵՖԱ-ի պաշտոնական կայքին տված հարցազրույցում: Ամեն դեպքում իր նվաճումներից մի քանիսը 30-ամյա խաղացողն առանձնացրել է:

«Երբեք ինքս ինձ չեմ գովում: Ինչ էլ անում եմ, հաճույքով եմ անում: Հետեւաբար կարիերայիս ավարտից հետո կսկսեմ մտածել՝ թե ինչով կարելի է հպարտանալ: Այն, թե ինչպես եմ ինքս ինձ ստեղծել, ինչի եմ հասել եւ որտեղ եմ հիմա, ահա թե ինչով եմ հպարտանում»,- ասել է նա:

Ֆուտբոլիստը հուլիսի 14-17-ը Երեւանում կայանալիք Եվրոպայի մինչեւ 19 տարեկանների 2019 թ. առաջնության դեսպանն է ու պատասխանել է նաեւ այդ մրցաշարին վերաբերող հարցերին: Նա խոսել է մինչեւ 19 տարեկանների հավաքականում խաղալու իր փորձի մասին: Ընդգծել է, որ դա մեծ հնարավորություն է:

«Դու խաղում ես ավելի ուժեղ մրցակիցների դեմ, քան կան տեղական առաջնությունում: Այդ մակարդակում ես հասկացա, որ ֆուտբոլն ավելի արագ է եւ դու պետք է ավելի արագ որոշումներ կայացնես, քանի որ քիչ ժամանակ ունես: Այլ ազգային հավաքականների դեմ խաղալը թույլ է տալիս հասկանալ քո իրական մակարդակը եւ այն, թե ինչը պետք է բարելավես»,- ասել է նա՝ ավելացնելով, որ պատանի տարիքում մեծ հպարտություն է զգացել ազգային ընտրանու մարզաշապիկը կրելիս:

Մխիթարյանը նաեւ նշել է, որ Հայաստանում ֆուտբոլ շատ են սիրում ու ուրախ են Եվրո 2019 հյուրընկալելու համար: Ընդգծել է, որ դա ապագա աստղերի խաղը դիտելու հիանալի առիթ է: Իսկ մասնակից հավաքականների ֆուտբոլիստների խորհուրդ է տվել վայելել հնարավորությունը:

«Իմ խորհուրդն է զվարճանալ ու հաճույք տանալ, քանի որ նման խաղերն ու մրցաշարերը կյանքում եզակի են լինում: Ես հաջողություն եմ մաղթում յուրաքանչյուր խաղացողին»,- ասել է նա:

Մրցաշարին մասնակցում են Չեխիան, Իռլանդիան, Նորվեգիան, Ֆրանսիան, Իտալիան, Իսպանիան, մրցաշարի գործող չեմպիոն Պորտուգալիան, ինչպես նաեւ Հայաստանը՝ որպես հյուրընկալող երկիր: Հայաստանն ընդգրկվել է մահվան խմբում՝ A խմբում, որտեղ մրցակիցներն են Իսպանիան, Իտալիան եւ Պորտուգալիան: Հուլիսի 14-ին Վազգեն Սարգսյանի անվան «Հանրապետական» մարզադաշտում կայանալիք բացման խաղում Հայաստանի մրցակիցը լինելու է Իսպանիան: Հանդիպումը սկսվելու է 18:45-ին:

Տպել
844 դիտում

Ջաջուռ գյուղում այրվել է մոտ 40 հա խոտածածկույթ, գյուղի 13 բնակիչ մասնակցել է հրդեհաշիջման աշխատանքներին

Անբարոյականությունը՝ քաղաքական պայքարի անվան տակ

Ֆրանսիան ու Գերմանիան առաջարկում են Թեհրանի միջուկային գործարքի շուրջ նոր բանակցություններ սկսել

Զորամասերից մեկի մարտավարական դաշտում անցկացվել է մարտական պատրաստության պարապմունք

«Airbus» ընկերության ներկայացուցիչները Հայաստանում կծանոթանան համագործակցության հնարավորություններին

Սպանված ոստիկան Տիգրան Առաքելյանի հոգեհանգիստը տեղի կունենա վաղը՝ Ոստիկանության ակադեմիայում

Դատական գործընթաց ենք սկսում՝ ատենախոսությանս շուրջ ստեղծված կեղծ աղմուկի եւ մեղադրանքների համար. Հայրապետյան

Շարունակվում են գերատեսչությունների բյուջետային հատկացումների հայտերի ուղղությամբ քննարկումները

Գնահատման կեղծ եզրակացությամբ պետական սեփականության գույքը մի քանի անգամ ցածր գնով օտարելու դեպքով քրգործ է հարուցվել

«Բարեփոխելով աշխարհը» կինոյի և հաղորդումների փառատոնի հատուկ մրցանակը շնորհվել է Արմեն Սարգսյանին

Վարչապետն ընդունել է Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցչին

ԱԳ նախարար Զոհրաբ Մնացականյանը հանդիպել է ԵՄ հատուկ ներկայացուցիչ Տոյվո Կլաարի հետ

Հայոց լեզու, գրականություն և պատմություն առարկաների դասավանդումը բուհերում այլևս պարտադիր չի՞ լինի. ԿԳՄՍ-ն պարզաբանում է

Թուրքիան խոստանում է պատասխանել Թրամփի պատժամիջոցներին, ԱՄՆ-ը նշում՝ չեն ցանկանում փչացնել հարաբերությունները

Արմեն Գրիգորյանը ընդունել է Արցախի արտաքին գործերի նախարար Մասիս Մայիլյանին

Հայաստանը Ռուսաստանում գրանցել է ապրանքների ներմուծման ռեկերդային՝ 22% ցուցանիշ

Շուտով Երեւանից Միլան հնարավոր կլինի մեկնել 28 եվրոյով, Երեւանից Բեռլին՝ 40 եվրո 99 ցենտով. տոմսերն արդեն վաճառքում են

ՀՀ ոստիկանապետի ժ/պ-ի հրամաններով զոհված ու վիրավորված ոստիկանները պարգևատրվեցին

Մխիթարյանը շարք կվերադառնա մոտ 1 շաբաթից

Ցեղասպանության թեմայով Թուրքիայի նախագահի հայտարարությունները մեկնաբանության արժանի չեն. ՀՀ ԱԳՆ