Ընտրվելուց մեկ տարի հետո երդմնակալության արարողություն կազմակերպելը զարմանալի է․ ԱԺ պատգամավորը՝ Տավարացյանի մասին

Բարձրագույն դատական խորհուրդը, որն իրականացնելու է դատավորների վեթինգը, առաջին հերթին ինքը պետք է անցնի այդ գործընթացով՝ անկախ նրանից՝ թե ԲԴԽ անդամներն ում կողմից եւ երբ են առաջադրվել։ Սակայն երեկ տեղի ունեցած ընտրությունների վերաբերյալ մասնագիտական շրջանակների տարակուսանքը մտահոգիչ է։ Այս մասին այսօր ԱԺ-ում լրագրողների հետ հանդիպմանը ասաց «Իմ քայլը» խմբակցության ղեկավար Լիլիթ Մակունցը՝ անդրադառնալով երեկ տեղի ունեցած Դատավորների ընդհանուր ժողովին, որտեղ ընտրվեցին ԲԴԽ երեք անդամներ՝ Նախշուն Տավարացյան (նա 9 ամիս առաջ էր ընտրվել, բայց երեկ որոշեց երդվել,-հեղ.), Մեսրոպ Մակյան եւ Ռուբեն Վարդազարյան։

Հիշեցնենք, որ մինչ ընտրությունը ժողովը թեժ էր անցել. պատճառը՝ 9 ամիս առաջ գրավոր դիմումով Բարձրագույն դատական խորհրդի անդամ դառնալուց հրաժարված Վճռաբեկ դատարանի դատավոր Նախշուն Տավարացյանի երդումն էր: Բանն այն է, որ վերջինս 9 ամիս առաջ ԲԴԽ անդամ էր ընտրվել, ապա հրաժարական տվել: Թեեւ Տավարացյանի լիազորությունները դադարեցված չէին, բայց եւ նա չէր իրականացնում ԲԴԽ անդամի պարտականությունները, քանի որ չէր երդվել: Նրա ԲԴԽ անդամ լինելու,  երդվելու հարցը պետք է քննարկվեր դատավորների ընդհանուր ժողովի երեկվա նիստի ընթացքում:  Թե ինչ քննարկումներ են եղել դռնփակ նիստում, հայտնի չէր, բայց փաստն այն է, որ Տավարացյանը երդվել էր, որի ընթացքում մի քանի դատավորներ դուրս էին եկել դահլիճից:

Ազգային ժողովում լրագրողները պատգամավորներից հետաքրքրվեցին՝ նման ընտրությունից հետո ինչպես են պատրաստվում համագործակցել ԲԴԽ-ի հետ, եւ ի վերջո ով պետք է իրականացնի հենց այս կառույցի անդամների վեթինգը։

ԱԺ պետաիրավական հարցերի հանձնաժողովի նախագահ Վլադիմիր Վարդանյանը պատասխանեց, որ դատավորի բարեվարքության ստուգումը պերմանենտ պրոցես է, որը պետք է իրականացվի պետական ծառայության մեջ գտնվող բոլոր պաշտոնատար անձնաց նկատմամբ․

«Կա հնարավորություն, որ բարեվարքության ստուգման գործըթնացում հենց այդ մարմինը նախատեսի գործընթաց եւ շարունակի ընթանալ իքնամաքրման ճանապարհով։ ԻՆչ վերաբերում է ԲԴԽ-ի ձեւավորմանը, ընտրություններին՝ ԲԴԽ-ն այն եզակի մարմինն է, որը ձեւավորվում է երկու կառույցների կողմից։ Մենք կարծես թե ԱԺ-ում փորձել ենք այնպիսի թեկնածուներ ներկայանցել, որոնք վայելում են խորհրդարանական բոլոր խմբակցությունների աջակցությունը՝ դրանով բարձրացնելով ԲԴԽ-ի նկատմամբ վստահությունը»,- ասաց Վարդանյանը՝ նշելով, որ օրենսդիրն իրավունք չունի ներխուժել Դատավորների ընդհանուր ժողովի հարցերի մեջ։ Նա չանդրադարձավ ընտրված դատավորներին, բայց զարմանալի համարեց Տավարացյանի՝ ընտրվելուց հետո մեկ տարի անց երդմնակալության արարողությունը կազմակերպելուն․

«Ընտրվելուց մեկ տարի հետո երդմնակալության արարողություն կազմակերպելը զարմանալի է՝ այն պարագայում, երբ հրաժարականի դիմում էր ներկայացրել։ Սա չի բարձրացնում ԲԴԽ-ի հեղինակությունը, եւ կառույցը պետք է հաշվի առնի, որ գործ ունենք իրավիճակի հետ, երբ բոլորը փորձում են հնարավորինս բարձրացնել դատական համակարգի հանդեպ վստահելիության շեմը»։

Լիլիթ Մակունցն էլ, անդրադառնալով Սահմանդրական դատարանի շուրջ ստեղծված ճգնաժամին ու Վահե Գրիգորյանի նամակին, ասաց, որ ակնհայտ է, որ ստեղծված իրավիճակը խնդրահարույց է, եւ մասնագիտական տիրույթում միակարծիք վերաբերմունք չկա․

«Գործ ունենք խնդրի հետ, որին պետք է տրվի լուծում, լուծման տարբերակներ առաջարկել է պարոն Գրիգորյանը, բայց չեմ կարող պդնել, որ «Իմ քայլ»-ն  արդեն հանգուցալուծման հստակ դիրքորոշում ունի, հնարավոր է՝ հանդես գանք մեկ այլ առաջարկով։ Նաեւ այն հանգամանքը, որ սահմանադրական մարմինների կողմից կա լռություն, նշանակում է, որ բարդ իրավիճակում ենք»։

Վլադիմիր Վարդանյանն էլ հավելեց, որ Վահե Գրիգորյանի նամակը բոլորը ստացել են, սակայն, ինչպես հայտնի է, այն բավականին երկար է եւ ուսումնասիրման կարիք կա։ Դրանից հետո կանդրադառնան նամակին, բովանդակությանն ու հնարավոր ճգնաժամի լուծման ճանապարհին։

Տպել
4514 դիտում

Անցնող շաբաթ հակառակորդը Արցախի դիրքապահների ուղղությամբ արձակել է 900 կրակոց

Ոստիկանները Երեւանի Կոմիտասի պողոտայից բերման են ենթարկել 31-ամյա գրպանահատի

Շարունակվում է «Իմ քայլը հանուն Շիրակի» բիզնես համաժողովի շրջանակներում կազմակերպված էքսպո-ցուցահանդեսը․ (ֆոտոռեպորտաժ)

Հայ պատանի մաթեմատիկոսները նվաճել են երկու արծաթե, մեկ բրոնզե մեդալ. Արայիկ Հարությունյան

Աննա Հակոբյանն այցելել է կոմպոզիտոր Վլադիլեն Բալյանին

Կիպրոսն ավարտել է Հայաստան-ԵՄ համաձայնագրի վավերացման ներպետական ընթացակարգերը

Գյումրիում ջինսեր արտադրող «Զաքարյան եւ ընկերներ» ընկերությունը վարչապետին ջինսե տաբատ նվիրեց

Մեկնարկել է «Իմ քայլը հանուն Շիրակի մարզի» բիզնես-համաժողովը․ վարչապետ Նիկոլ Փաշինյանը Գյումրիում է (լուսանկարներ)

Աննա Հակոբյանն ու Նոր Հարավային Ուելս նահանգի վարչապետ Գլեդիս Բերեջիկլյանը քննարկել են համագործակցության ուղիները

Երեւանում եւ Ելփինում փրկարարները բռնել են 1 իժ եւ 1 շահմար

Օշականում արտադրամասի տանիքին հրդեհ է բռնվել

Չափազանց թանկ կվճարեն, եթե ռազմական «ավանտյուրաներ»-ի դիմեն. Թրամփը սպառնում է Իրանին

Վլադիմիր Զելենսկին 11 դեսպանների է ազատել աշխատանքից, այդ թվում՝ ՀՀ-ում Ուկրաինայի դեսպանին

Ոստիկանությունը բացահայտել է «Սևան» ազգային պարկի կապալառուի կողմից 24 միլիոն 630 դրամի յուրացում

2019-ի առաջին կիսամյակում գրանցված հանցագործությունների ընդհանուր թիվն աճել է 9 տոկոսով

Զորամասի հրամանատարի դրդմամբ մոտ 9 մլն դրամի հափշտակության մասին քրգործը 8 անձի մեղադրանքով դատարանում է

ՀՀ հավաքականի ֆուտբոլիստ Կարապետյանը պատմել է, որ գերմանական անձագրով խնդիրներ չի ունենում

Երեւանում եւ մարզերում միայն այսօր 43.63 հա խոտածածկ տարածք է հրդեհվել

ՀՀ ֆուտբոլի Բարձրագույն խմբի 2019-20 մրցաշրջանը կմեկնարկի օգոստոսի 1-ին

Նախորդ տարիների համեմատ աննախադեպ աճել են արտակարգ դեպքերը. կայացել է ԱԻՆ օպերատիվ խմբի առաջին նիստը