Նոր կառուցվող ՋԷԿ-ում այս տարի 1000-ից ավելի աշխատողների անհրաժեշտություն է լինելու. փոխնախարար

Նոր ջերմաէլեկտրակայանը, որը կառուցվում է Ռենկո ընկերության կողմից եւ որի շինարարության մեկնարկը տրվեց այսօր, ունենալու է 53 տոկոս օգտակար գործողության գործակից: 2010 թվականին շահագործման հանձնված Երեւանի Ջերմաէլետրակայանի օգտակար գործողության գործակիցը 49 տոկոսի է հասցվել անցյալ տարվա վերազինումներից հետո: Այս մասին այսօր լրագրողների հետ զրույցում ասաց Տարածքային կառավարման եւ ենթակառուցվածքների փոխնախարար Հակոբ Վարդանյանը:

«Սա պետական եւ մասնավորի գործարք է, որը հնարավորություն կտա հետագայում մեղմել սակագնային ճնշումները։ Կայանն ի զորու է լինելու տարեկան արտադրել 1.8-2 մլրդ կիլովատտ/ժամ էլեկտրաէներգիա, եւ դրա օգտակար գործողության գործակիցը 53 տոկոս է լինելու։ Այս տարի 1000-ից շատ է լինելու անհրաժեշտ աշխատողների թիվը` ինժեներներ, էլեկտրիկներ, եռակցողներ, իսկ հիմնական աշխատողների թիվը կհասնի 200-250-ի»,- ասաց Վարդանյանը:

Վարդանյանի խոսքով՝ կառավարության փոփոխությունից հետո նոր կառավարությունը նախաձեռնեց նոր ջերմաէլեկտրակայանի ներդրողի հետ բանակցություններ՝ գնի եւ պայմանների վերաբերյալ: «Եւ վերաբանակցման արդյունքում 6.06 դոլար մեկ կիլովատ ժամի համար գինը իջավ մինչեւ 5.7 դոլարային ցենտի, ինչն այս պահին գործող բոլոր ջերմաէլեկտրակայաններից ամենացածրն է: Որքանով ինքը կնպաստի գների իջեցմանը, դա պետք է պարզ լինի կառուցումից եւ այդ պահին գործող սակագնի իրավիճակից: Բայց որ ինքը զսպող գործոն կլինի սակագների, գնային ճնշումների համար, դա հստակ է»,- ասաց փոխնախարարը:

Վարդանյանի կարծիքով՝ այս կայանը եւս մեկ աստիճանով կբարձրացնի մեր էներգահամակարգի հուսալիության մակարդակը եւ կնպաստի նոր կառուցվող էլեկտրահաղորդման գծերի միջոցով արտահանումներն ապահովելուն: Նա նաեւ նշեց, որ Իրան-Հայաստան էլեկտրահաղորդման գիծն այս պահին ակտիվ շինարարական փուլում է գտնվում, իսկ Հայաստան-Վրաստանը՝ մեկնարկի փուլում է: «Մենք կունենանք անհրաժեշտ հոսանք այդ արտահանումները եւ միջասահմանային փոխհոսքեր կատարելու համար»,- ասաց նա:

Ըստ Վարդանյանի՝ նոր ջերմաէլեկտրակայանի կառուցումն ուղղված է մեր էներգետիկ համակարգի հուսալիության բարձրացմանը, որովհետեւ 2021 թվականից Հրազդան ՋԷԿ-ի վերջին երկու էներգաբլոկները դուրս են գալիս շահագործումից եւ փոխարինվելու են Ռենկոյի կառուցած էներգաբլոկով:

«Այն չի լինի ռեզերվային, քանի որ արդյունավետ է եւ հիմնականում կօգտագործվի ներքին սպառման համար: Բայց իր առկայությունը հնարավորություն կտա արտահանման պոտենցիալի ավելացում ապահովել: Իսկ Իրանի հետ գազ-էլեկտրաէներգիա գործարքը այս պահին չի ավելանում, որովհետեւ պատրաստ չէ երրորդ էլեկտրահաղորդման գիծը: Եթե լինի երրորդ էլեկտրահաղորդման գիծը, մենք այս պահին էլ ունենք հնարավորություններ այդ գիծը ծանրաբեռնելու»,- ասաց Վարդանյանը:

Անդրադառնալով հուլիսի 10-ին ամբողջ հանրապետությունում տեղի ունեցած հոսանքի տատանումների վերաբերյալ հարցին, թե դիտարկվո՞ւմ է արդյոք հաքերային հարձակման տարբերակը, Վարդանյանն ասաց, որ խոշոր վթարի հարցով բոլոր տարբերակները դիտարկվում են:

Նրա խոսքով՝ այս փուլում տվյալների վերլուծություն է կատարվում, մոտավորապես մեկ շաբաթվա ընթացքում կավարտվի Երեւանի ՋԷԿ-ի, Հրազդան ՋԷԿ-ի հինգերորդ էներգաբլոկի եւ բոլոր խոշոր ենթակայանների ֆազային լարումների վերլուծությունը:

«Կրիչներից բոլոր տվյալները ստացված են, վերլուծական փուլում են գտնվում: Վերլուծությունից հետո, երբ պարզ դառնա՝ որ հատվածից է վթարը սկսվել, դրանից հետո արդեն վթարի պատճառների վերաբերյալ վերլուծություն կարվի»,- ասաց փոխնախարարը:

Հարցին, թե ի՞նչ նկատի ուներ վարչապետ Նիկոլ Փաշինյանը՝ հայտարարելով, թե վթարի երկու վարկած կա, երկուսն էլ արտաքին, Վարդանյանը պատասխանեց, որ այսօր առկա երկու վարկածը հետեւյալն են. մեկը՝ հնարավոր տատանում իրանական կողմից, մյուսը՝ մեր ներքին ռեսուրսների, այսինքն տեխնոլոգիական խնդիր կայաններից մեկում: Այսինքն՝ ներքին վարկած էլ կա:

«Վարչապետի հայտարարությունից հետո ուսումնասիրման դինամիկան փոխվել է, մենք հիմա չենք բացառում, որ դա եղել է տեխնոլոգիական խնդրի պատճառով, հավանական է Երեւանի ՋԵԿ-ում կամ Հրազդանի ՋԷԿ-ի հինգերորդ բլոկում»,- նշեց Վարդանյանը:

Նրա խոսքով՝ այս վթարի խոշորությունն այնքան մեծ էր, որ ըստ երեւույթին, հնարավոր էր, որ համակարգը զրոյի վրա նստեր, այսինքն՝ ամբողջությամբ ունենայինք էներգամատակարարման դադարեցում, որը վերականգնելը մի քանի օր կտեւեր: Բայց համակարգի պատրաստ լինելու շնորհիվ 40-45 տոկոս էներգամատակարարում կար, եւ հնարավոր եղավ վթարի հետեւանքներն արագ վերացնել:

Հիշեցնենք, որ ՀՀ վարչապետ Նիկոլ Փաշինյանը այսօր՝ հուլիսի 12-ին մասնակցել է Երեւան ՋԷԿ-ի հարեւանությամբ նոր 250 Մվտ հզորությամբ էլեկտրակայանի կառուցման շինարարական փուլի մեկնարկի արարողությանը:

Տպել
4015 դիտում

Ադրբեջանցիները ժամանակին սպառնացել են ՀՀ հավաքականի ֆուտբոլիստ Ալեքսանդր Կարապետյանին

Ռաֆիկ Գրիգորյանը նշանակվել է արդարադատության նախարարի առաջին տեղակալ

«Ես ճամփորդ դեսպան եմ». Պյոտր Սվիտալսկի

Հրդեհ` Հաղթանակ զբոսայգու մոտակայքում, հայտարարվել է հրդեհի բարդության «1-ԲԻՍ» կանչ

Արմեն Սարգսյանը ստորագրել է Ազգային ժողովի ընդունած 6 օրենքներ

«Յուվեի» սկաուտները Երեւանում բացահայտել են «Բարսայի» տաղանդին. ուզում են գնել

Երեւանի տրանսպորտային ցանցի վերջնական տարբերակը. գրաֆիկ, սակագին ու երթուղիներ (լուսանկարներ)

Դեբեդավանի փոքրիկները նոր ու գունեղ մանկապարտեզ կունենան. նորոգմանն աջակցել է «Իմ քայլը» հիմնադրամը

Ս. Խաչատրյանի հագուստի վրա առկա էին այնպիսի վնասվածքներ, որ առկա չեն իր մարմնի վրա. կրկնակի փորձաքննություն է նշանակվել

Դանակահարություն` Սևանում. կասկածյալը վրեժխնդիր է եղել եղբոր համար

Սիս գյուղի ճանապարհը նորոգվում է, Սամվելն էլ գոհ է. Սուրեն Պապիկյան

Տիգրան Ավինյանը հանդիպել է ՄԱԿ-ի գլխավոր քարտուղարի աղետների ռիսկի նվազեցման գծով հատուկ հանձնակատարին

Շատ վատ կլիներ, որ Նիկոլը լավամարդ լինելու համար թույլ տար ծառ կտրեին, իրեն էլ գովեին ու կենացը խմեին. Արամ Սարգսյան

Հայոց բանակը պետք է լինի ամենամարտունակը. վարչապետը ծանոթացել է զինծառայողների նոր սննդակարգին

Երգչուհի Աստղիկ Սաֆարյանն ընդլայնելու է բիզնեսն Իսպանիայում

Հայտարարություն մրցույթի մասին

ՊՆ-ում ֆիննական կազմակերպության ներկայացուցիչների հետ քննարկվել է հրադադարի մոնիտորինգի մեխանիզմները

ԲԴԽ նախագահ Ռուբեն Վարդազարյանի՝ դատավորի լիազորությունները կկասեցվեն

Հայաստանը մտադիր է մեծացնել երկրի դիմադրողականությունն աղետների ռիսկերի նկատմամբ․ Ավինայն

Դատավորը կասկածներ ունի, որ իր աշխատասենյակի խուզարկությունը կարող է կապ ունենալ Քոչարյանի գործի հետ. ԲԴԽ անդամ