Մարզում դեռ կան մարդիկ, որոնք չեն հասկացել, որ իրավիճակ է փոխվել. Գեղարքունիքի փոխմարզպետ

Գեղարքունիքի մարզում գյուղատնտեսության բնագավառում դեռեւս բազմաթիվ խնդիրներ կան: Սրան գումարվել է նաեւ Սեւանա լճի կանաչելը, որն անհամամեմատ մեծ վնասներ է հասցնում տուրիզմին ու ենթակառուցվածքների շահագործմանը: Այս եւ մի շարք հարցերի շուրջ «Հայկական Ժամանակ»-ը զրուցել է Գեղարքունիքի մարզպետի տեղակալ Նարեկ Գրիգորյանի հետ:

- Պարոն Գրիգորյան, կասեք Գեղարքունիքի մարզում ի՞նչ աշխատանքներ են տարվում:

- Մարզում այս պահին հաստատված է 103 սուբվենցիոն ծրագիր՝ շուրջ 4,5 մլրդ դրամի չափով, որն այս տարիների ընթացքում եզակի դեպք է: Ծրագրերը հիմնականում ուղղված են համայնքային ճանապարհների բարեկարգմանը, ջրագծերի անցկացմանն ու ենթակառուցվածքների զարգացմանը: Վերջին 1 տարվա ընթացքում մարզում կատարվող աշխատանքների ընթացքից գոհ եմ: Մարզում շատ ուժեղ աշխատում է ԱԱԾ-ն ու ոստիկանությունը, ու եթե դուք երեկոյան շրջեք, կտեսնեք, որ գիշերով անգամ մարզում շրջելը անվտանգ է:

-Ինչու, առաջ այդպես չէ՞ր, առաջ վտանգավոր է՞ր:

- Իհարկե այդպես չէր, առաջ ոստիկանության որոշ աշխատակիցները ոչ թե ծառայում էին ժողովրդին, այլ խանգարում էին ժողովրդին: Շատ են եղել դեպքերը, երբ ոստիկանը պաշտպանել է ոչ թե քաղաքացու շահը, այլ ինչ-որ չինովնիկի: Ամեն մեկը մեր մարզում իր գործով է զբաղված, մեր կողմից միջամտություն չկա, իսկ եթե այլ բան տեսնենք, անմիջապես դրա դեմը կառնենք: Քայլեր ենք տանում կրթական ոլորտում, ինչ վերաբերվում է բուժհիմնարկներին, չեմ բացառում, որ ամեն ինչ իդեալական է, մենք ամեն ահազանգի հետեւից գնում ենք, ու իմ նպատակն է օգնել ոստիկանությանն ու ԱԱԾ-ին, հատկապես կաշառակերության դեպքերի բացահայտման մասով, որ իսպառ վերանա:

- Մեկ ու կես տարի է անցել հեղափոխությունից, բայց դեռեւս կան մարդիկ, ովքեր դեռեւս շարունակում են  հին ոճով աշխատել թեկուզ ձեր մարզում: Այս մասին վկայում են իրավապահ մարմինների՝ կոռուպցիոն բնույթի հանցագործությունների մասին հաղորդագրությունները:

- Ձեր ասածի հետ լիովին համաձայն եմ: Մեր մարզում էլ կան մարդիկ, ովքեր չեն հասկացել, որ նոր իրավիճակ է: Մենք սկսեցինք քաղաքական հեղափոխությունից, հիմա անցել ենք տնտեսական հեղափոխությանը: Կան մարդիկ, ովքեր լիովին չեն հասկացել, սակայն դրա համար հերթով պատասխան են տալիս ԱԱԾ-ին: Այն մարդիկ, ովքեր փորձում են չաշխատելով կամ մեզ խանգարելով հասնել ինչ-որ բանի, հանգիստ կգնան իրենց տները, փոխարենը կգան մարդիկ, ովքեր կաշխատեն:

- Առաջիկայում օպտիմալացում է սպասվում մարզպետարաններում: Ի՞նչ պատկեր կլինի Ձեզ մոտ:

Ես շատ ուրախ եմ սպասվող օպտիմալացումից: Ոնց նայում ես՝ սա սրա բարեկամն է, նա նրա քեեռու տղեն կամ մորքուրի հարսը: Այդ օպտիմալացումը մեզ կօգնի ազատվել չաշխատող մարդկանցից, որպեսզի նաեւ մեր գործունեությունը չտուժի: Օպտիմալացման ժամանակ մենք չենք դիտարկելու, թե ով ում բարեկամն է, այլ թե ով ինչպես է աշխատում: Ամեն ինչ հիմա կարգավորվում է մրցույթով:

- Պարոն փոխմարզպետ, մարզում դեռեւս բազմաթիվ չլուծված խնդիրներ կան հատկապես գյուղատնտեսության ոլորտում: Սրան զուգահեռ ամռան սկզբին առաջացավ նաեւ Սեւանա լճի վիճակը, որը մեծ հարված հացրեց մարզի տուրիզմին:

- Ես համաձայն եմ, գյուղատնտեսության մեջ բազմաթիվ խնդիրներ դեռ ունենք: Մեր կլիման շատ բաներ թույլ չի տալիս, այստեղ կարտոֆիլ ու հացահատկին է հիմնականը, ու հենց այդ հակակարկտային կայանքների բացակայության պատճառով ստեղծված վնասները տարեսկզբին բոլորս տեսանք: Նախկինում կար, բայց ամբողջը քանդեցին տարան: Մեր խնդիրը միայն հակակարկտային կայանների բացակայությունը չէ, մեր խնդիրը հազարավոր հեկտարներով չմշակվող անջրդի հողերն են նաեւ: Մարզում ոռոգելի հողերը կազմում են 11264 հա, որից 3121-ը՝ վարելահողերն են, 8143-ը՝ տնամերերը, մինչդեռ մենք ունենք 81500 հա վարելահող, այսինքն  սա նագմ կես թիվը չէ:

-Ստացվում է՝ նախկին իշխանությունների օրոք Գեղարքունիքի մարզում գյուղատնտեսության ոլորտում ոչինչ չի՞ արվել:

- Ռոբերտ Քոչարյանը Գեղարքունիքի մարզը բնութագրել էր որպես Հայաստանի կույրաղիք: Գրեթե ոչինչ չի արվել այս մարզի համար: Էն հողակտորները, որ խոպան են մնացել, դա ցավալի վիճակագրություն է: Խնդիրներ կան նաեւ մթերման ու իրացման հետ կապված: Դա, ըստ ինձ, պետք է լուծվի արտահանման միջոցով միայն:

- Կա՞ որոշակի վիճակագրություն, թե որքան վնաս հացրեց Սեւանա լճի կանաչելը մարզի զբոսաշրջության ու տնտեսության վրա:

- Այս պահին դեռ նման վիճակագրություն չկա, ստեղծված են հանձնաժողովներ մարզպետարանում ու հենց համայնքապետարաններում: Իրականացվում են ամենօրյա աշխատանքներ: Արդյունքների մասին եւրեի ավելի ուշ կհայտարարվի:

Տպել
64 դիտում

Անելու եմ այնպես, որ հանդիսատեսը հարցերով դուրս գա դահլիճից. Սերժ Մելիք-Հովսեփյանը նոր ներկայացում է բեմադրել

ՄԱԿ-ի Անվտանգության խորհուրդը այսօր Սիրիայի վերաբերյալ երկու բանաձև կքվեարկի

Մանվել Գրիգորյանի ունեցվածքը ինչի՞ չեք վաճառում, օգնում մայրերին․ վարչապետը՝ Գրիգորյանի նախկին օգնականին

Ինչ-որ փուլում վարչապետ Նիկոլ Փաշինյանն էլ կարող է դիմել Վճռաբեկ դատարան՝ Մարտի 1-ի գործով արդարացման դատավճռի համար

Ծառայում ենք ուշադիր, զգոն և ոչ ենք ասում անտարբերությանը. ոստիկանության պետի ժամանակավոր պաշտոնակատար (տեսանյութ)

Հայաստանն ու Չինաստանը քննարկել են էկոտուրիզմի ոլորտում համագործակցության հարցեր

Ջոն Բոլթոնը դռնփակ հանդպմանը քննադատության է ենթարկել Թրամփի արտաքին քաղաքականությունը. Politico

ԵԱՏՄ-ն կայացել է որպես ինտեգրացիոն միավորում. նրա անդամ բոլոր երկրները դրական արդյունք են արձանագրել. Մատվիենկո

ՀՀ ֆուտբոլի հավաքականն առաջադիմել է ՖԻՖԱ-ի աղյուսակում

ԱԺ-ն հրապարակեց Հրայր Թովմասյանի լիազորությունները դադարեցնելու հարցով ՍԴ դիմելու որոշման նախագիծը

Թուրք հայտնի դերասանը խոշոր գումար է վճարել հայ նկարչի կտավները ձեռք բերելու համար

ԱՄՆ-ը մտադիր է Իրանի դեմ լայն կոալիցիա ստեղծել ՄԱԿ-ի միջոցով. The Wall Street Journal

Մինչև 2024 թ.-ը 5-6 տարեկանների 90%-ը և 3-6 տարեկանների 70%-ն ընդգրկված կլինի նախադպրոցական հաստատություններում

Վանեցյանը հաստատեց, որ մենակ չի գրել, այլ իրեն օգնել են. խնդիրը դա՞ է, թե ով է գրել. Կարապետյան

Այլ նախարարների հրաժարականների մասին քննարկում կառավարությունում չի եղել. Հակոբ Արշակյան

Եվրոպայի չեմպիոն Հարությունյանը ձեռքից բաց թողեց հաղթանակն ըմբշամարտի աշխարհի առաջնությունում

Կառավարությունը 9.4 մլն դրամ հատկացրեց՝ Թալիշում վիրավորված Հայկ Սեխլիյանի բուժումը Գերմանիայում իրականացնելու համար

Հայաստանն ու Վրաստանը կարեւորել են երկու խորհրդարանների միջև ակտիվ շփումն ու համագործակցությունը

2 մեդալով. Հունահռոմեական ոճի ըմբիշները վերադարձան Հայաստան

Հափշտակվել է շուրջ 9.3 մլն դրամ. ՔԿ-ն պաշտոնապես հաստատել է Հրայր Թովմասյանի սանիկի ձերբակալությունը