Շիրակի մարզի 52 համայնք կարկտահարվել է, 4 համայնք՝ ցրտահարվել

2019 թ. հուլիսի 1-ի դրությամբ Շիրակի մարզի համայնքների բյուջեների սեփական եկամուտները կատարվել են 85.7%-ով: Նախորդ տարվա նույն ժամանակահատվածի համեմատ սեփական եկամուտների հավաքագրման 11.5%-ի աճ է արձանագրվել: Սակայն սա չի ենթադրում, որ համայքները լավ են աշխատել:

Մարզի 26 համայնքներ չեն ապահովել 2019թ. վեց ամիսներին արձանագրված սեփական եկամուտների կատարման մարզի միջին ցուցանիշը` 85.7%-ը:  Իսկ Հովտաշենը, Ղարիբջանյանն ու  Վարդաքարը սեփական եկամուտների հավաքագրումը չեն հասցրել նույնիսկ 50 տոկոսի սահմանագծին: Մարզի նախկին վարչական տարածաշրջաններից 2019թ. սեփական եկամուտների հավաքագրման ամենացածր ցուցանիշը գրանցվել է Ախուրյանի տարածաշրջանում` 71.8%:  Նման ցածր արդյունքը հենց համայնքի համար է  վտանգավոր, քանի որ, ըստ Շիրակի մարզպետ Տիգրան Պետրոսյանի, սեփական եկամուտների հավաքագրումն է համայնքին թույլ տալիս մասնակցել սուբվենցիոն ծրագրերի եւ առաջ շարժվել:

Կայացած մարզխորհրդի նիստում իհարկե ոչ բարձրաձայն, տեղերում նստած որոշ համայնքապետեր շշուկով, աչք-ունքով իրար հասկացան ու հասկացրեցին, մոտ կանգնածների համար էլ պարզ դարձավ, որ այս գյուղատնտեսական տարվա կարկուտը գյուղացուն բերք չի թողել, ուստի հարկերի նորմալ հավաքագրման մասին խոսք լինել չի կարող:

Սա միանշանակ ընդունել չի կարելի, քանի որ կարկտահարված, սակայն սեփական եկամուտները գերազանց հավաքագրած շատ համայնքներ կան՝ Ամասիան, Հառիճը, Նահապետավանը:  

Գյուղվարչության պետ Մովսես Մանուկյանը զեկուցեց, որ այս տարի 52 համայնք կարկտահարվել է, 4 համայնք ցրտահարվել: «Բա երա՞շտը»,-ավելացրեցին համայնքապետերը: Մովսես Մանուկյանն ասաց՝ որտեղ երաշտ է եղել, նաեւ կարկտահարվել է, դրա համար էլ կարկուտ է ասում: Բնական աղետներից այս տարի Շիրակի մարզում կարկուտ ու ցրտահարություն է արձանագրվել, այդ համայնքներում իրականացվում է ուսումնասիրություն:

Վերջին 20 տարում 2019-ի հուլիսը բացառիկ էր: Երբեք չի եղել որ այդ ամսին 8 անգամ կարկուտ տեղա: 8 կարկտահարության արդյունքում տուժել են մարզի գրեթե բոլոր համայնքները: Նախնական տվյալներով՝ մոտ 12.000 հա վնասված ցանքատարածության մասին է խոսքը: «Չնայած վնասի չափը մեծ է, կան համայնքներ, որ դեռեւս իրենց կրած վնասի չափի ցուցակները չեն ներկայացրել: Իրենց տվյալները չեն ներկայացրել Մարալիկը, Սառնաղբյուրը, Հայկավանը, Մեղրաշենը: 10 օր անցել է վերջին կարկուտից, տվյալներ չկան: Դրանք արագ են պետք, որ կարողանանք ներկայացնել ՀՀ կառավարություն՝ հետագայում առաջարկներ ներկայացնելու համար»,-ասաց Մովսես Մանուկյանը:

Այս տարի ընդհանուր ցանքային կառուցվածքով 4200 հա պակաս ցանքս է կատարվել Շիրակի մարզում: Հիմնական մասն աշնանացան ցորենի ծավալն է՝ 2500 հա:  Բայց նախորդ տարվանից 700 հա-ով ավել գարնանացան է կատարված: 50 հա ավել կարտոֆիլ է ցանվել, 70 հա ավել բանջարեղեն, 800 հա ավել կերային մշակաբույս կա Շիրակի մարզում:

Տպել
4495 դիտում

Արմեն Սարգսյանը ստորագրել է Ազգային ժողովի ընդունած 6 օրենքներ

«Յուվեի» սկաուտները Երեւանում բացահայտել են «Բարսայի» տաղանդին. ուզում են գնել

Երեւանի տրանսպորտային ցանցի վերջնական տարբերակը. գրաֆիկ, սակագին ու երթուղիներ (լուսանկարներ)

Դեբեդավանի փոքրիկները նոր ու գունեղ մանկապարտեզ կունենան. նորոգմանն աջակցել է «Իմ քայլը» հիմնադրամը

Ս. Խաչատրյանի հագուստի վրա առկա էին այնպիսի վնասվածքներ, որ առկա չեն իր մարմնի վրա. կրկնակի փորձաքննություն է նշանակվել

Դանակահարություն` Սևանում. կասկածյալը վրեժխնդիր է եղել եղբոր համար

Սիս գյուղի ճանապարհը նորոգվում է, Սամվելն էլ գոհ է. Սուրեն Պապիկյան

Տիգրան Ավինյանը հանդիպել է ՄԱԿ-ի գլխավոր քարտուղարի աղետների ռիսկի նվազեցման գծով հատուկ հանձնակատարին

Շատ վատ կլիներ, որ Նիկոլը լավամարդ լինելու համար թույլ տար ծառ կտրեին, իրեն էլ գովեին ու կենացը խմեին. Արամ Սարգսյան

Հայոց բանակը պետք է լինի ամենամարտունակը. վարչապետը ծանոթացել է զինծառայողների նոր սննդակարգին

Երգչուհի Աստղիկ Սաֆարյանն ընդլայնելու է բիզնեսն Իսպանիայում

Հայտարարություն մրցույթի մասին

ՊՆ-ում ֆիննական կազմակերպության ներկայացուցիչների հետ քննարկվել է հրադադարի մոնիտորինգի մեխանիզմները

ԲԴԽ նախագահ Ռուբեն Վարդազարյանի՝ դատավորի լիազորությունները կկասեցվեն

Հայաստանը մտադիր է մեծացնել երկրի դիմադրողականությունն աղետների ռիսկերի նկատմամբ․ Ավինայն

Դատավորը կասկածներ ունի, որ իր աշխատասենյակի խուզարկությունը կարող է կապ ունենալ Քոչարյանի գործի հետ. ԲԴԽ անդամ

Երթևեկության կազմակերպման փոփոխություն Թբիլիսյան խճուղի-Զ.Քանաքեռցու փողոց խաչմերուկում․ ոստիկանություն

ՊԵԿ-ը հայտնաբերել է ապօրինի եղանակով ձեռքբերված չդրոշմավորված դեղեր․ հարուցվել է քրեական գործ

ԲԴԽ դատավոր անդամ Նախշուն Տավարացյանը հրաժարականի դիմում է ներկայացրել

Հեռավար տարաբաշխված ուսուցում․ Հայաստան է այցելել ՆԱՏՕ֊ի փորձագետների խումբը․ ՊՆ