2 ոստիկան աշխատանքից դուրս էին եկել եւ Հանրապետության հրապարակում բամբակ էին վաճառում. Մնացականյան

Երեւանի տարբեր հատվածներում փողոցային առեւտուրը դեռեւս շարունակվում է: Երեկ Կենտրոն վարչական շրջանի ղեկավար Վիկտոր Մնացականյանը քաղաքապետարանի աշխատակիցների հետ շրջայցի ժամանակ Մաշտոցի պողոտայում դարձյալ ականատես էր եղել փողոցային առեւտրի եւ հորդորել էր, որ հեռանան այնտեղից: Սակայն սա առաջին դեպքը չէ, երբ իրավասու պաշտոնյայի հորդորից հետո հեռանում են, բայց քիչ ժամանակ անց կրկին վերադառնում եւ շարունակում են փողոցային առեւտուր իրականացնել:

«Հայկական ժամանակ»-ը թեմայի վերաբերյալ զրուցեց Կենտրոն վարչական շրջանի ղեկավար Վիկտոր Մնացականյանի հետ:

- Պարոն Մնացականյան, ո՞րն է պատճառը, որ փողոցային առեւտրով զբաղվողները չեն ենթարկվում ձեր հորդորներին եւ շարունակում են իրենց գործունեությամբ զբաղվել:

- Ցածր իրավագիտակցությունը, կուլտուրայի բացակայությունը եւ հարգանքը Երեւան քաղաքացի ու երեւանցիների նկատմամբ, պատճառը դա է: Ես իրականում մի խելքը գլխին վաճառող չտեսա: Երեկ Երեւանի 2800-ամյակի առթիվ Վարդանյանների կողմից կառուցված այգում բամբակ սարքող 2 եղբայրներից մեկն ասում է՝ ես նոր եմ ազատվել բանտից․ պիտի մի բանով զբաղվեմ, մի եղբայրն էլ շուն է պահում կողքին: Մեկը բամբակ է սարքում, մյուսը շանն է սիրում, այդպիսի ցածր իրավագիտակցություն է, չգիտեմ՝ այդ մարդկանց մոտ ինչ վիճակ է: Ամենահեշտ փող աշխատելու ձեւն է: Մենք պարբերաբար ստուգայցեր անելու ենք: Նրանք պարզապես օգտվում են օրենքի բացից: Հիմա նախագիծը պատրաստ է, ուղարկել ենք կառավարություն, սպասում ենք, երբ Ազգային ժողովի նիստերը սկսեն, արդեն առգրավում կիրականացնենք: Մինչեւ առգրավում չլինի՝ փողոցային առեւտրի դեմ պայքարը շատ էֆեկտիվ չի լինի: Մենք հիմա բանակցելով պայքարում ենք:

- Ինչո՞ւ չեն ցանկանում գնալ եւ շուկաներում իրականացնել առեւտուրը:

- Հեշտն են ուզում, չեն ուզում շատ փող ծախսել: Իրենք հիմա օրական մաքուր մոտ 50 հազար դրամից ավելի եկամուտ ունեն՝ մինչեւ 100 հազար: Բայց, որ ասես հազար կամ 5 հազար դրամ տուր՝ շուկայում աշխատիր, կարող է չտան:

- Շուկայում առեւտուրն այդքան ակտի՞վ է, ինչպես փողոցում:

- Իհարկե, գյուղմթերքի առաջին շուկան՝ Սիլաչիում, ընտիր աշխատում է: Տեղ չկա հիմա: Տարբեր շրջաններից որոշներն օգտվում են: Ամեն մեկը մի բարեկամ ունի Մաշտոցի պողոտայի վրա, ասում է՝ արի իմ շենքի դիմաց առեւտուր արա, ինձ 2 հազար դրամ կտաս, ես հարեւանների բերանը կփակեմ: Տնավարի են լուծում այդ հարցը:

- Ո՞րն է պատճառը, որ քաղաքապետարանը ամենօրյա հսկողություն չի իրականացնում, քանի որ հորդորում եք փողոցային առեւտուր չիրականացնել, բայց դրանից քիչ հետո նույն գործընթացը շարունակում են:

- Դա գալիս է աշխատակիցների սակավությունից: Կենտրոն վարչական շրջանի առեւտրի բաժնի տեսուչներն ընդամենը 8 հոգի են: Մենք պետք է փակենք Փակ շուկայի շրջակայքը, Մաշտոց-Ամիրյան խաչմերուկը, Քաջազնունին՝ նախկին Կուզնեցովը, Ռոսիա կինոթատրոնի մոտ, Կինո Երեւանի մոտ ունենք խնդրահարույց տեղ, Շրջանայինի մոտ: Սա միայն գյուղմթերքի մասին է խոսքը: Դե հիմա դուք պատկերացրեք 8 աշխատող...: Գիշերը սկսում են Հրապարակում, Հյուսիսային պողոտայում, Օպերայում առեւտուր իրականացնել: Որոշ դեպքերում ոստիկանությունն աջակցում է մեզ: Մի 10 օր պետք է այսպես պահենք: Ստիպված որոշ բաներ պետք է առգրավենք: Օրինակ՝ բամբակ վաճառելու համար համապատասխան թույլտվություն պիտի ունենան: Դժվար է, բայց 1 օրվա լուծելու հարց չէ, պիտի պայքարենք: Ես անգամ պատրաստ եմ իրենց ինչ-որ տեղ տալ, օրինակ՝ խաղալիքների վաճառքի համար, բայց որ չլինի փողոցում, այգում, մայթերին կամ գոնե այնպիսի մեծ մայթերին լինի, որ չխանգարի, բայց ոչ թե բամբակը հանեն ու սկսեն փողոցում բամբակ պատրաստել: Դա հակասանիտարական է:

- Այս պահին օրենքով որեւէ իրավասություն չունե՞ք նրանց գործունեությունը կասեցնելու համար:

- Որոշ փրկություններ ունենք: ԱԻՆ-ն ու ՍԱՊԾ-ն որոշակի թույլտվություններ պետք է տան նրանց, որը չեն տվել ու այդ հիմքերով կարողանում ենք գործողություն իրականացնել:

- Տուգանելու հնարավորություն չունե՞ք նման դեպքերում:

- Որոշ դեպքերում ունենք: Բայց դե մարդիկ ասում են՝ սնանկ ենք, ուզում եք 100 անգամ տուգանեք: Իրականում գիտե՞ք վատը որն է. օրինակ՝ Հրապարակում մի հոգի էր բամբակ վաճառում, մեկ էլ տեսնում ես իր բարեկամներն են սկսում, հետո ընկերները: Լկտիանում են, չափը չկա: Մենք դեպքեր ունենք, որ Հրապարակում 2 նախկին ոստիկան են բամբակ վաճառում: Ոստիկանությունից դուրս են եկել, այն ժամանակ ամիսը ստանում էին 180 հազար դրամ, հիմա օրը 100 հազար դրամ են ստանում:

- Հյուսիսային պողոտայում էլ է չէ՞ նույն վիճակը՝ խաղալիքներ են վաճառում՝ ինքնարժեքից տասնյակ անգամներ թանկ:

- Հյուսիսային պողոտան համեմատաբար մի քիչ վերահսկողության տակ է: Մի 2 տեղ ենք թույլատրել բանավոր, որ գոնե ամբողջ մայթը չգրավեն:

70 դրամով Փեթակից գնում են 2 հազար դրամով վաճառում են երեկոյան, դե պատկերացրեք: Օրական 1 մարդը 150 հատ վաճառում է: Պատկերացնո՞ւմ եք ինչքան դժվար է մեզ այդ մարդուն տուն ուղարկել: Մենք պետք է հարկային մարմինների հետ էլ աշխատենք այս հարցով:

Բայց մի 2-3 ամիս պիտի դիմանանք, մինչեւ սեպտեմբերի վերջ, հուսով եմ, արդեն օրենքը կընդունենք: Փողոցային առեւտուրը վերացնելու ամենահեշտ տարբերակն առգրավումն է: Երեկ Ամիրյան-Մաշտոց խաչմերուկում 30 արկղով 10 տեսակի միրգ էին վաճառում: Հիմա, եթե մենք դրանք առգրավեինք, նա էլ կյանքում չէր գա այդտեղ:

Դեռեւս չունենք առգրավելու իրավունք, որոշ դեպքերում կարող ենք առգրավել, եթե հակասանիտարական խնդիրներ կան:

- Մոտավորապես ինչքա՞ն ժամանակից հետո Կենտրոն վարչական շրջանը կազատվի փողոցային առեւտրից:

- Եթե օրենսդրությունը լինի՝ 1 օրում, եթե չլինի, անընդհատ պիտի պայքարենք: Երեկ նախազգուշացրինք, այսօրվանից արդեն որոշներին կտանենք բաժին:

Տպել
19734 դիտում

Ջաջուռ գյուղում այրվել է մոտ 40 հա խոտածածկույթ, գյուղի 13 բնակիչ մասնակցել է հրդեհաշիջման աշխատանքներին

Անբարոյականությունը՝ քաղաքական պայքարի անվան տակ

Ֆրանսիան ու Գերմանիան առաջարկում են Թեհրանի միջուկային գործարքի շուրջ նոր բանակցություններ սկսել

Զորամասերից մեկի մարտավարական դաշտում անցկացվել է մարտական պատրաստության պարապմունք

«Airbus» ընկերության ներկայացուցիչները Հայաստանում կծանոթանան համագործակցության հնարավորություններին

Սպանված ոստիկան Տիգրան Առաքելյանի հոգեհանգիստը տեղի կունենա վաղը՝ Ոստիկանության ակադեմիայում

Դատական գործընթաց ենք սկսում՝ ատենախոսությանս շուրջ ստեղծված կեղծ աղմուկի եւ մեղադրանքների համար. Հայրապետյան

Շարունակվում են գերատեսչությունների բյուջետային հատկացումների հայտերի ուղղությամբ քննարկումները

Գնահատման կեղծ եզրակացությամբ պետական սեփականության գույքը մի քանի անգամ ցածր գնով օտարելու դեպքով քրգործ է հարուցվել

«Բարեփոխելով աշխարհը» կինոյի և հաղորդումների փառատոնի հատուկ մրցանակը շնորհվել է Արմեն Սարգսյանին

Վարչապետն ընդունել է Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցչին

ԱԳ նախարար Զոհրաբ Մնացականյանը հանդիպել է ԵՄ հատուկ ներկայացուցիչ Տոյվո Կլաարի հետ

Հայոց լեզու, գրականություն և պատմություն առարկաների դասավանդումը բուհերում այլևս պարտադիր չի՞ լինի. ԿԳՄՍ-ն պարզաբանում է

Թուրքիան խոստանում է պատասխանել Թրամփի պատժամիջոցներին, ԱՄՆ-ը նշում՝ չեն ցանկանում փչացնել հարաբերությունները

Արմեն Գրիգորյանը ընդունել է Արցախի արտաքին գործերի նախարար Մասիս Մայիլյանին

Հայաստանը Ռուսաստանում գրանցել է ապրանքների ներմուծման ռեկերդային՝ 22% ցուցանիշ

Շուտով Երեւանից Միլան հնարավոր կլինի մեկնել 28 եվրոյով, Երեւանից Բեռլին՝ 40 եվրո 99 ցենտով. տոմսերն արդեն վաճառքում են

ՀՀ ոստիկանապետի ժ/պ-ի հրամաններով զոհված ու վիրավորված ոստիկանները պարգևատրվեցին

Մխիթարյանը շարք կվերադառնա մոտ 1 շաբաթից

Ցեղասպանության թեմայով Թուրքիայի նախագահի հայտարարությունները մեկնաբանության արժանի չեն. ՀՀ ԱԳՆ