Հայաստանի ֆուտբոլի մինչեւ 19 տարեկանների հավաքականը թե ֆիզիկապես, եւ թե հոգեբանորեն պատրաստ է Եվրո 2019-ին: Այս մասին այսօր՝ հուլիսի 11-ին, լրագրողների հետ հանդիպման ժամանակ ասաց թիմի գլխավոր մարզիչ Արթուր Ոսկանյանը: Հուլիսի 14-27-ը Երեւանում կայանալիք ստուգատեսի A խմբում Հայաստանը պայքարելու է Իտալիայի, Իսպանիայի, ինչպես նաեւ գործող չեմպիոն Պորտուգալիայի դեմ: Ոսկանյանը գոհ է իր սաների ներկայիս վիճակից:

- Որքանո՞վ են տղաները հոգեբանորեն պատրաստ:

- Իհարկե պատրաստ ենք, որովհետեւ նրանք հունիսի 26-ից հավաքվել են, ու այդ հավաքների ընթացքում մենք տղաների մոտ անընդհատ շեշտել ենք, որ շատ պատասխանատու առաջնության են մասնակցում ու նրանց վրա մեծ պարտականություններ են դրված: Եվ այդ պատճառով մենք ընկերական 2 խաղեր անցկացրեցինք Հայաստանի Բարձրագույն խմբի ուժեղագույն թիմերի հետ՝ «Ալաշկերտի», որը, իմ կարծիքով, ամենափորձաու թիմն է, ամենալավ ֆուտբոլիստներն են հավաքված, մեծ թվով ազգային հավաքականի ֆուտբոլիստներ կան, 2-րդ խաղը «Լոռիի» հետ անցկացրեցինք, որտեղ անհատապես ուժեղ ֆուտբոլիստներ են խաղում: Տղաները հենց այդ խաղերում հոգեբանորեն պատրաստ էին: Ցույց տվեցին, որ կարող են հավասարը հավասարի պես պայքարել: 2 Խաղերն էլ ցույց տվեցին, որ նրանք հոգեբանորեն պատրաստ են եւ ամեն ինչ անելու են, որպեսզի այս խաղերում հասնեն հաղթանակի:

- Ֆուտբոլիստներից մեկը նշեց, որ բավարար արդյունքը հաղթանակն է: Դո՞ւք էլ եք այդպես մտածում:

- Այո՛, նախեւառաջ տղաներին ասել եմ, որ նրանք չլարվեն, ամեն ինչ անեն, ազատ լինեն, այս խաղերից հաճույք ստանան, որպեսզի լարվածություն չլինի, եւ ամենակարեւորը՝ իհարկե, մենք խաղում ենք հաղթանակի համար, եւ տղաներն ամեն ինչ պետք է անեն, որպեսզի հասնեն հաղթանակի:

- Նախորդ տարի ընկերական մրցաշար կայացավ այստեղ, ումեզ համարխաղերը  լավ չդասավորվեցին: Ի՞նչ եք արել այս ընթացքում, որպեսզի նույն սխալները չլինեն եւ արդյունքները բարելավվեն:

- Շատ մեծ աշխատանք ենք տարել պաշտպանության վրա: Հենց այդ խաղերն էլ ցույց տվեցին, որ պաշտպանությունում շատ բացթողումներ ունենք, ու աշխատեցինք ֆիզիկական պատրաստականության վրա, որը այսօր համարում եմ, որ բավարար է, ու արդեն խաղերը ցույց կտան, թե որքանով կարող ենք թե ֆիզիկապես, եւ թե պաշտպանությունում սխալներ չգործել:

- Նշել էիք, որ Ժիրայր Շաղոյանը կարգապահական պատճառներով է դուրս մնացել հավաքականից: Հավաքականում կա՞ն էլի նման խնդիրներ կամ որքանո՞վ է այդ միջադեպն ազդել ընդհանուր թիմի վրա:

-  Չէի ասել, որ ազդել է: Ուղղակի ասեմ, որ Ժիրայր Շաղոյանը իմ ամենասիրելի ֆուտբոլիստներից է, մեր հայկական ֆուտբոլի ամենալավ ֆուտբոլիստներից է, բայց թիմում կանոններ կան, որոնք մենք առաջին օրվանից նշել ենք, որ ովքեր խախտում են, ապա նրանք թիմում չեն լինելու, ու այդպիսի խախտում եղել է: Ժիրայր Շաղոյանը վերջերս ասեմ՝ ճիշտ է՝ այնքան էլ լավ մարզավիճակում չէր, բայց դա նշանակություն չուներ, կարգապահական հարցերի պատճառով է, որ այստեղ չէ, բայց նա էլի մեր լավագույն ֆուտբոլիստներից է: Իմ կարծիքով՝ սրանից հետո ավելի կհավաքվի ու կհասկանա, որ ֆուտբոլում առաջնայինը թիմայինն ու կարգապահությունն է, ու հուսով եմ՝ Ժիրայրը դաս կքաղի սրանից, որովհետեւ հետագայում նա իհարկե պետք է համարլրի մեր տարբեր հավաքականների կազմերը:

- Մրցաշարին հետեւելու են եվրոպական սկաուտներ: Ձեր կարծիքով՝ կա՞ն ֆուտբոլիստներ, որոնք կարող են նրանց ուշադրությունը գրավել:

-  Այո՛, կան, շատ ֆուտբոլիստներ: Ես տարիներ շարունակ ասել եմ, որ մենք ունենք տաղանդավոր ֆուտբոլիստներ, շատ լավ ֆուտբոլիստներ, որոնց ուղղակի պետք է ճիշտ ճանապարհ ցույց տանք, վստահություն ցույց տանք, որ իրեքն էլ հավատան, որ իրենք կարող են: Ես անուններ չեմ տա, բայց, այո՛, մեր հավաքականում շատ ֆուտբոլիստներ կան, որոնք շատ հանգիստ կարող են խաղալ արտասահմանյան լավ թիմերում:

- Մրցաշարում հավաքականի պլան մինիմումը ո՞րն է, որից ցածր լինելու դեպքում արդյունքը գոհացուցիչ չի  լինի:

- Հիմա ոչինչ չեմ կարող ասել: Նորից կրկնում եմ՝ ամեն խաղում խաղալու ենք հաղթանակի համար: Ցանկացած պարտություն արդեն գոհացուցիչ չի լինի:

- Դուք նշել էիք, որ փորձելու եք ձեր ֆուտբոլը խաղալ այս ուժեղ մրցակիցների դեմ խաղերում, վերահսկել խաղը: Արդյո՞ք դա ռիսկային չէ՝ հաշվի առնելով, որ օրինակ, Իսպանիան էլ սիրում է գնդակին տիրել:

- Ոչինչ չենք փոխելու մեր խաղաոճի մեջ, փորձելու ենք մեր խաղը թելադրել: Ճիշտ է՝ եթե զգանք, որ հակառակորդը, օրինակ, պրեսինգ է անում, մենք ունենք 2-րդ պլան, թե ինչպես կդասավորենք խաղի ընթացքում: Բայց ամեն դեպքում թիմն ունի իր խաղաոճը եւ փորձելու է իր խաղաոճը թելադրել: Պաշտպանությունում նոր ֆուտբոլիստներ ունենք, որոնք փորձ ունեն, ինչն առավելություն կլինի այս խաղերում:

- Ձեր նշած խաղաոճում կարեւոր է նաեւ դարպասապահների գործոնը: Որքանո՞վ են լավ խաղում ոտքով: Ձեր կարծիքով՝ բավարա՞ր մակարդակի են այս մարցաշարի համար:

- Այո՛, իհարկե, երկար տարիներ արդեն աշխատում ենք հենց այս դարպասապահների հետ: Անգամ մարզումներ են լինում, որ դարպասապահներն ընդհանուր թիմի հետ են մարզվում, ֆուտբոլ են խաղում, տարբեր «կվադռատներ» են խաղում, այսինքն՝ դարպասապահներն այս գործընթացի մեջ են եղել ու ոտքով շատ լավ են խաղում:

Տպել
489 դիտում

Կարող ենք պատասխանել բոլոր զրպարտանքներին, բայց գործով կատարվում է նախաքննություն եւ կսպասենք. Հանրապետական ծննդատուն

Արսեն Թորոսյանին նորից դատի են տվել. պահանջում են հերքում, ներողություն եւ մինչեւ 3 մլն դրամ փոխհատուցում

Հայ-վրացական սահմանով ՀՀ մտնող մեքենաները մաքսազերծվելու են Հյուսիսային ավտոմաքսատանը՝ անկախ բերվող երկրից. ՊԵԿ

Ջրօգտագործման ոլորտում կոռուպցիոն չարաշահումների քրգործերով պետությանը պատճառվել է 5,7 միլիարդ դրամի վնաս

ՊՆ փոխգնդապետին ծեծի ենթարկելու կասկածանքով կալանավորված Վայոց ձորի նախկին մարզպետի օգնականն ազատվել է աշխատանքից

«Փոխանցիր հեշտ, ստացիր արագ». ակցիա ՀԱՅԲԻԶՆԵՍԲԱՆԿԻ կողմից

Վարչապետի գլխավորությամբ տեղի է ունենում Անվտանգության խորհրդի նիստ

Ի՞նչ կարող է տալ Հայաստանին Երեւանի՝ Booking.com-ի ամենաթրենդային քաղաքների 10-նյակում հայտնվելը

Հարուցվել է քրգործ՝ Ավանում տեղի ունեցած կրակոցների դեպքի առթիվ. հայտնաբերվել է 3 կրակված պարկուճ, 1 գնդակ

Պետք է փոխվեն հաստատված «խաղի կանոնները», երբ հաղթողը ստանում է ամեն ինչ․ մեկնարկել են խորհրդարանական լսումները

Արմեն Գյուլբուդաղյանցը հրաժարական է տվել. պաշտոնական

Տեղի է ունեցել խորհրդակցություն «Տեղական տնտեսության և ենթակառուցվածքների զարգացման» ծրագրի վերաբերյալ

ԿԲ նախագահը մեկնել է Վաշինգտոն՝ մասնակցելու Արժույթի միջազգային հիմնադրամի և ՀԲ աշնանային նստաշրջանին

Արագածոտնի մարզում ավտովթարից մահացել է ՀՀ ազգային հերոս Թաթուլ Կրպեյանի եղբայրը

Ատոմ Ջանջուղազյանն ընդունել է Ասիական զարգացման բանկի պատվիրակությանը

«Արմավիր» ՔԿՀ-ում գիշերը 54-ամյա կալանավոր է մահացել. նախապատրաստվում են նյութեր

GIF19-ը միավորել է աշխարհի գիտնականներին ու գործարարներին ապագայի մարտահրավերների շուրջ. օր 2-րդ

Մեղրաձոր գյուղում այրվել է մոտ 6 տոննա կուտակած անասնակեր

Սուպերկլասիկոն անժամկետ հետաձգվել է քաղաքական պատճառներով

Մարդիկ ճանաչել են հերոսի, իսկ հիմա տեսնում են մի մարդու, որը պառակտում է մտցնում Հայաստանի ու Արցախի միջեւ․ Փամբուխչյան