Դատավորների ընդհանուր ժողովը ստացել է ՍԴ դատավոր Վահե Գրիգորյանի նամակը. Մխիթար Պապոյանը դեռեւս կարծիք չունի

ՀՀ դատավորների ընդհանուր ժողովը ստացել է ՍԴ դատավոր Վահե Գրիգորյանի նամակը: Երեւան քաղաքի ընդհանուր իրավասության դատարանի Աջափնյակի նստավայրում լրագրողների հետ զրույցում այս մասին ասաց Վերաքննիչ քրեական դատարանի դատավոր Մխիթար Պապոյանը:

Հիշեցնենք, որ շաբաթներ առաջ ՍԴ դատավոր Վահե Գրիգորյանը նամակ էր ուղարկել Հայաստանի նախագահին, Ազգային ժողովին, Կառավարությանը, Դատավորների ընդհանուր ժողովին, Սահմանադրական դատարանի անդամներին ու դատավորին: Գրիգորյանը նամակում ելքեր էր առաջարկել ՍԴ-ում ստեղծված ճգնաժամից դուրս գալու վերաբերյալ. համատեղ որոշմամբ պահպանվում է ներկա իրավիճակը, կամ 7 թափուր հաստիքների համար Նախագահը, Դատավորների ընդհանուր ժողովն ու Կառավարությունը Ազգային ժողով թեկնածուներ են ներկայացնում: Իսկ երրորդ տարբերակում Գրիգորյանն ակնարկել էր Սահմանադրական դատարանի դատավորների հրաժարականի մասին՝ առաջարկելով, որ այդ դեպքում վաղ կենսաթոշակային սխեմա գործի:

Դատավորներն այսօր Աջափնյակի նստավայրում դատավորների ընդհանուր ժողով են անում`դռնփակ կարգով։ Հայաստանում գործող 234 դատավորներից ժողովին մասնակցում են 190–ը։ Ժողովի ընթացքում բացի ԲԴԽ դատավոր անդամների ընտրության հարցից քննարկվելու է նաեւ Գրիգորյանի նամակը:

Լրագրողների հարցին՝ ի՞նչ կարծիք ունեք Գրիգորյանի նամակի վերաբերյալ, Մխիթար Պապոյանն ասաց, որ դեռեւս կարծիք չի ձեւավորել: Լրագրողների մյուս հարցին՝ սահմանադրական ճգնաժամ կա՞ Հայաստանում, թե՝ ոչ Պապոյանը պատասխանեց. «Ես նոր պատասխանեցի այդ հարցին, դա փոխկապակցված հարց էր»: Դատավորն ասաց, որ  իր 10 տարին դեռեւս չի լրացել այդ պատճառով ինքը ԲԴԽ անդամի թեկնածուների շարքում չկա. «Նախ դեռեւս 10 տարին չի լրացել, որը օրենքի պահանջ է,  եւ երկրորդ՝ Վերաքննիչ դատարանների հաստիքը ազատված չէ»,- պարզաբանեց Պապոյանը:

Դիտարկմանը, որ երեկ Սահմանադրական դատարանը մասամբ վարույթ է ընդունել Ռոբերտ Քոչարյանի եւ մյուսների գործով Երեւան քաղաքի ընդհանուր իրավասության դատարանի դիմումը, այնինչ Վերաքննիչ դատարանը այն բեկանել էր, դատավորն ասաց. «ինքը շատ բարդ իրավաբանական խնդիր է, որի մասին խոսել ես այս պահին պատրաստ չեմ, անկեղծ ասած»: Անդրադառնալով ՍԴ անդամ եւ ՍԴ դատավոր եզրույթներին, Մխիթար Պապոյանն ասաց, որ այսօր Հայաստանի բոլոր իրավաբաններն այդ հարցն են քննարկում եւ դեռեւս վերջնական որոշում կայացված չէ: «Որքանով ես տեղյակ եմ, այսօր ընդհանուր ժոովում նաեւ այդ նամակն ենք քննարկելու»,- նշեց Մխիթար Պապոյանը:

Հիշեցնենք, որ մամուլում տեղեկություններ էին տարածվել, որ դատավոր Դավիթ Գրիգորյանի` Ռոբերտ Քոչարյանի խափանման միջոցի վերաբերյալ որոշումը գրվել է դատավորներ Մխիթար Պապոյանի, Վազգեն Ռշտունու եւ Արշակ Վարդանյանի կողմից, ինչից հետո Պապոյանը հանցագործության մասին հաղորդում էր ներկայացրել ԱԱԾ: Այսօր լրագրողների հետ զրույցում Պապոյանն ասաց, որ ինքը հարուցված քրեական գործի շրջանակում չի հարցաքննվել եւ տեղեկություն չունի ընթացքից:

Տպել
2205 դիտում

Հրաչյա Պապինյանը թողնում է Ալավերդու քաղաքային թատրոնի գեղարվեստական ղեկավարի պաշտոնը

Թթուջուր և Չքնաղ գյուղերի դաշտամիջյան հատվածում տեղի է ունեցել վթար. կան վիրավորներ

Երևանի թիվ 200 դպրոցը կկրի Լեոնիդ Ազգալդյանի անունը

Շիրակի մարզպետարանի սոցիալական ապահովության բաժնի տեսուչը բռնվել է կաշառք ստանալու պահին

26-ամյա աղջիկը «խիստ հուզմունքի մեջ» ինքնասպանություն գործելու նպատակով քացախաթթու է խմել

Իջեւանի բախումների գործով կալանավորված մեղադրյալի դեմ ցուցմունք տված ոստիկանը վրեժխնդի՞ր է եղել. հին հաշիվներ ունեն

Հուլիսի 30-ին ու օգոստոսի 2-ին դատարանը վճիռ կհրապարակի. փաստաբանը՝ «ՍԵՔՅՈՒՐԻԹԻ ԴՐԻՄ»-ից ազատված աշխատակիցների մասին

Երևանի մետրոպոլիտենում կլինեն նաև կայարանների անվանումներով անգլերեն ցուցանակներ

Կան մարդիկ, որոնք ցանկացած պատճառաբանություն բերում են, միայն թե օրինական դաշտ չմտնեն. Վահագ Ռաշ

Գյումրիում աղբատարի վարորդի՝ նռնակի պայթյունից վնասվածք ստանալու դեպքով քննություն է կատարվում

Արարատ գյուղում մասամբ այրվել են մեքենաներ եւ 50 քմ խոտածածկույթ

Էջմիածնում 57-ամյա տղամարդը թափառող շների սպանդն իրականացրել է սեփական հրացանով

Կառավարությունը կփոխհատուցի «խելացի» անասնաշենքերի կառուցման ծախսերի մի մասը (տեսանյութ)

Ucom-ի աջակցությամբ կայացած «Արմաթ» տեխնոճամբարին մասնակցել է ավելի քան  400 դպրոցական

Արցախում է Պարի համաշխարհային խորհրդի փոխնախագահ Ստանիսլավ Պոպովը

Զարեհ Սինանյանը հանդիպել է Ռուսաստանի ազգությունների գործերի դաշնային գործակալության ղեկավարի տեղակալի հետ

Իջեւանյան սադրանք․ նախկինների բացառիկ լկտիությունն ու երեսպաշտությունն ամենաապշեցուցիչն է

Երևանում թիվ 9 երթուղին սպասարկող տրոլեյբուսը վրաերթի է ենթարկել 27-ամյա քաղաքացու

Զարեհ Սինանյանը հանդիպել է Ռուսաստանի փոխարտգործնախարար Գրիգորի Կարասինի հետ

Նիկոլ Փաշինյանը ցավակցական հեռագիր է հղել Յուկիյա Ամանոյի մահվան կապակցությամբ