Վրաստանում վթարից տուժածներից չորսի մոտ դրական տեղաշարժ կա, մեկը ծայրահեղ ծանր վիճակում է

Թբիլիսի-Սենակ-Լեսելիձե ավտոճանապարհին տեղի ունեցած ավտովթարից տուժած եւ երեկ գիշերը Հայաստան տեղափոխած 14-ամյա տղան շարունակում է մնալ կոմայի մեջ, միացված է արհեստական շնչառություն:

Այս մասին «Հայկական ժամանակ»-ի հետ զրույցում հայտնեց «Սուրբ Աստվածամայր» ԲԿ-ի մամուլի խոսնակ Գեւորգ Դերձյանը՝ նշելով, որ 14-ամյա Մ. Մ.-ն Վրաստանում մնացած վերջին տուժածն է: Տղայի վիճակը ծայրահեղ ծանր է, գտնվում է բժիշկների խիստ հսկողության տակ: Նրա մոտ առկա են գլխուղեղային փակ վնասվածքներ, գլխուղեղի սալջարդ՝ արյունազեղման օջախներով, կրծքավանդակի սալջարդ, վերջույթների վնասվածքներ:

«Սուրբ Աստվածամայր» ԲԿ տեղափոխված մեկ այլ տուժածի՝ 12-ամյա տղայի մոտ դրական տեղաշարժ կա: Նա վերակենդանացման բաժանմունքից տեղափոխվել է նյարդավիրաբուժական բաժանմունք: Գեւորգ Դերձյանը նշեց, որ տղայի վիճակն արդեն կայուն է, գնահատվում է միջին ծանրության:

«Սուրբ Աստվածամայր» ԲԿ-ում գտնվող 16-ամյա աղջիկը, որի մոտ ախտորոշվել էր գանգաթաղի գծային կոտրվածք, անրակի կոտրվածք, կրծքավանդակի սալջարդ՝ ձախ թոքի սալջարդ, երկու կողերի եւ չորս ողերի կոտրվածքներ, շարունակում է մնալ վերակենդանացման բաժանմունքում: Վիճակը կայուն ծանր է:

«Էրեբունի» ԲԿ տեղափոխված տղամարդու մոտ դեռ դրական տեղաշարժ չկա:  Այս մասին «Հայկական ժամանակ»-ին հայտնեց «Էրեբունի» ԲԿ-ի մամուլի խոսնակ Շուշան Հունանյանը: Տղամարդը բազմաթիվ վնասվածքներով գտնվում է վերակենդանացման բաժանմունքում: Շնչառական ապարատին է միացված, բժիկները պայքարում են կյանքի համար, վիճակը գնահատվում է ծանր:

Ավելի վաղ Հունանյանը հայտել էր, որ տղամարդը ինքնուրույն է շնչում, եւ գիտակցությունը տեղն է, սակայն հիմա վիճակը վատացել է:

Վրաստանի վթարից տուժածներից մեկն էլ գտնվում է «Սուրբ Գրիգոր Լուսավորիչ» ԲԿ-ում: ԲԿ-ի տնօրեն Արման Հովակիմյանը մեր զրույցում հայտնեց, որ 31-ամյա կնոջն այսօր պլանավորվում է վերակենդանացման բաժանմունքից տեղափոխել հիվանդասենյակ: 31-ամյա կնոջ մոտ կոնքի եւ թիակոսկրի կոտրվածքներ են:

Հիշեցնենք, որ հուլիսի 7-ին, ժամը 08:10-ին Վրաստանի ՆԳՆ ԱԻ դեպարտամենտից տեղեկություն էր ստացվել, որ ժամը 06:00-ի սահմաններում Թբիլիսի-Սենակ-Լեսելիձե ավտոճանապարհի 100-րդ կմ-ին «Mercedes» մակնիշի ավտոմեքենան (վարորդ՝ Ա.Մ., 1977 թ.) բախվել է արգելապատնեշին եւ բռնկվել:

Ավտոմեքենայից դուրս հայտնաբերվել են Ռ.Հ.-ի (1979 թ.), Ա.Մ.-ի (2008 թ.) եւ Է.Մ.-ի (2003 թ.) դիերը: ՃՏՊ-ի հետեւանքով տուժածներ Ա.Մ.-ն (1977 թ.), Ռ.Մ.-ն (2006 թ.), Մ.Մ.-ն (1988 թ.), Լ.Մ.-ն (2002 թ.) եւ Մ.Մ.-ն (2005 թ.) հոսպիտալացվել էին Վրաստանի Քարելիի եւ Գորիի բժշկական կենտրոններում: Ավելի ուշ վերջիններս տեղափոխվել են Հայաստան:

Դեպքը տեղի է ունեցել Գորիի մոտակայքում: Տեղի ունեցած ողբերգական ավտովթարի հետեւանքով 3 մարդ զոհվել էր, 5-ը տարբեր աստիճանի վնասվածքներով տեղափոխվել հիվանդանոց:

Տպել
4752 դիտում

Թուրքիան խախտում է հրադադարի պայմանավորվածությունը. Սիրիան հայտարարել է 13 զոհի, 70 տուժածի մասին

«Ռեալ»-ն ու «Բարսա»-ն ուզում են խաղալ դեկտեմբերի 18-ին, առաջնության ղեկավարները համաձայն չեն

ՍԴ-ն մերժել է Ռոբերտ Քոչարյանի դիմումի հիման վրա գործի քննությունը

Եթե փոփոխություններն ուշացրել ենք, չի նշանակում՝ պետք է հաշված շաբաթների ընթացքում հապճեպ լուծել հարցը․ Սուրեն Սահակյան

Սուրեն Պապիկյանը Լիտվայի նորանշանակ դեսպանին ներկայացրել է ենթակառուցվածքների ոլորտի զարգացման առաջնահերթությունները

ՀՀ հավաքականից Եվրո 2020-ի եզրափակիչ փուլի ուղեգի՞ր էինք սպասում. օբյեկտիվորեն դա հնարավո՞ր էր

Բերդ համայնքում այրվել են մոտ 4 հա անտառամիջյան տերևներ և 20 ծառ

Երեւանում վթարի է ենթարկվել 67 համարի ավտոբուսը. տուժածներ չկան, վնասը նյութական է

Երևանում կանցկացվի Հնդկաստան-Հայաստան դեղագործական գործարար համաժողով- ցուցահանդեսը

Նկարչուհին ուզում է մանկատան երեխաներին արվեստի տարբեր ճյուղեր սովորեցնել, միայն թե պետությունն օգնի նյութերը ձեռք բերել

ԱՀ նախագահը մասնակցել է Դիլիջանի միջազգային դպրոցի հիմնադրման 5-ամյակին նվիրված տոնակատարությանը

Հարկեր հավաքելն այլեւս չի իրականացվում բիզնեսի «կաշին քերթելու» միջոցով. Արտակ Մանուկյան

Ոստիկանի սպանության գործով անչափահաս եղբորը մեղադրանք առաջադրվեց 4 հոդվածներով, մյուսին՝ 2. ՔԿ

Քաղաքապետարանը պարզաբանել է, թե ինչու են մանկապարտեզում երեխաներին կապել աթոռներից

Արմեն Սարգսյանին հավատարմագրերն է հանձնել Հայաստանում Զամբիայի նորանշանակ դեսպանը

Հաստատված 19 դրվագ խարդախության դեպքով մեղադրանք է առաջադրվել 23-ամյա կնոջ

Սարհատ Պետրոսյանը դիմել է վարչապետին՝ Կադաստրի կոմիտեի ղեկավարի պաշտոնից ազատվելու խնդրանքով

Մենք ընտրություն պիտի կատարենք՝ ժողովրդավարական տեխնոլոգիաներ ներկրող, թե՞ արտահանող հանրություն պիտի լինենք․ Նահապետյան

Միխայիլ Խաչատուրյանի հարազատները կվիճարկեն կրտսեր դստեր անմեղսունակության մասին եզրակացությունը

Երեւանի թիվ 92 մանկապարտեզում երեխաներին կապում են աթոռներից. հնչել է ահազանգ եւ տրվում են մեկնաբանություններ